Telegram-да кітаптың артында жасырынған қауіпті алаяқтық түрі пайда болды, деп хабарлайды Ertenmedia.kz. Бас прокуратураның мәліметінше, интернет-алаяқтар оқырманды тегін электронды кітаптардың бай қорымен қызықтырып, торына түсіріп отыр. Алдымен арнайы бот арқылы қалаған туындыңды таңдап, қысқаша мазмұнымен танысасың. Барлығы сауатты, сенімді, тіпті заңды сервистерден айнымайды. Дегенмен, қызығушылықпен басқан соңғы сілтеме кітап орнына вирус жұққан қосымшаны смартфоныңызға орнатады. Ал одан кейінгі сценарий көпке таныс: құпия сөздеріңіз ұрланады, банк шотыңызға қауіп төнеді, жеке хаттарыңыз бен суреттеріңіз бөтеннің қолында кетуі мүмкін. Қарапайым ғана кітап іздеп жүріп, бүкіл өміріңіз алаяқтардың алақанына түсу қаупі бар. «Мессенджерлер арқылы келген белгісіз сілтемелерді баспаңыз, күмәнді файлдарды жүктемеңіз, тек сенімді көздерден…
Автор: Самал Жолжақсынова
Шешенстан басшысы Рамзан Қадыровтың ұлы жол апатына түсіп, Грозныйдағы аурухананың жансақтау бөліміне жеткізілді деп хабарлайды Ertenmedia.kz. Оқиға бүгін қала көшелерінің бірінде болған. Адам Қадыров мінген кортеж жылдамдықты тым үдетіп, алдындағы кедергіге оңбай соқтығысқан. Соның салдарынан бірнеше көлік қатарынан бірінің артына бірі кіріп кеткен. Зардап шеккендердің қатары көп деседі куәгерлер. Ауруханаға апаратын көше толық жабылған. Куәгерлердің айтуынша, аурухана маңы әп-сәтте қарулы күзетке толып, маңайға бөгде адамның жақындауына тыйым салынған. Әлемжеліде апат туралы алыпқашпа әңгіме көбейіп тұр. «Адамның жағдайы ауыр, тіпті ес-түссіз жатыр» деген сыбыс тарап үлгерген. Шешенстандағы жағдайды жіті бақылап отыратын NIYSO қозғалысының дерегінше, апатқа Адамның өзі кінәлі. Қадыровтың кортежі жол…
Алматыны газға көшіру ісі баяу жүріп жатыр. Энергі министрі Ерлан Ақкенженов ТЭЦ-3 құрылысындағы олқылықтарға тоқталып, жұмысты жеделдетуді талап етті деп хабарлайды Ertenmedia.kz. Ақкенженов Алматыға арнайы сапармен келіп, қаладағы ТЭЦ-2 және ТЭЦ-3 құрылыс алаңдарындағы жағдайды өз көзімен көрді. ТЭЦ-2 нысанындағы жұмыстар кестеге сәйкес жүріп жатса, ТЭЦ-3 құрылысындағы баяулық министрдің көңілінен шыққан жоқ. «Құрылыс қарқынын бәсеңдетуге ешқандай негіз жоқ. Қажет болса, жұмысшылар санын көбейтіңдер, бірақ артта қалуға жол берілмесін. Жоспардың орындалмауы кешірілмейтін жағдай. Желтоқсанның 31-іне дейін станция толық қуатында газға көшіп бітуі тиіс», – деп нақты тапсырма қойды Ерлан Ақкенженов. Министр жұмыстың кешігуіне негізгі себеп бас мердігердің жауапсыздығы мен салғырттығы екенін ашық…
Қазақстанның солтүстігі мен шығысында аяздың екпіні қайтпай тұрса, оңтүстік пен батысты ақ қар мен көктайғақ әбігерге салып жатыр деп хабарлайды Ertenmedia.kz. «Қазгидрометтің» дерегінше, бүгін Түркістан, Жамбыл және Алматы облыстарының бірқатар ауданында жауын аралас қар тоқтаусыз жауып, жолдар көк мұзға айналмақ. Желдің екпіні күшейіп, бұрқасын көтеріліп, тұрғындардың қалыпты тіршілігіне кедергі келтірмек. Ал солтүстік пен шығыста қаңтардың қақаған аязы басылмай тұр. Түнгі уақытта Абай облысында сынап бағанасы 40 градусқа дейін түседі. Қарағанды өңірінде 35, 38 градус аяз болса, Шығыс Қазақстанда аяздың күші 45 градусқа жетеді деп күтілуде. Сонымен қатар, республика аумағында қалың тұман түсуі ықтимал. Бүгінгі ауа райының қысқаша сипаты: Астанада күндіз…
Ішкі істер Шымкентте 21 жастағы студент қыздың өліміне қатысты тергеу ісін өз бақылауына алды, деп хабарлайды Ertenmedia.kz. Министрліктің мәліметінше, қоғамда кең талқыланып жатқан оқиғаға байланысты полиция қызметкерлерінің әрекетіне қатысты қызметтік тексеру басталған. «Қазіргі уақытта күдікті сот санкциясымен қамауға алынды. Арнайы жедел-тергеу тобы құрылып, оған тәжірибелі мамандар тартылды. Барлық дәлелдер мұқият тексеріліп, бейнебақылау камераларынан алынған жазба жан-жақты сараланады. Күдіктінің барлық әрекетіне толық құқықтық баға беріледі», – делінген министрлік таратқан мәлімдемеде. Министрлік қатыгездікке байланысты кез келген қылмысқа принципті ұстанымда екенін және кінәлі адамның міндетті түрде заң алдында жауапқа тартылатынын мәлімдеді. Депутат неге наразы? Осы оқиғаға қатысты Мәжіліс депутаты Мұрат Әбенов те пікір…
Қазақстанда банк жүйесіне қатысты жаңа заң қабылданып, ислам банкингі мен цифрлық қаржы нарығына ерекше назар аударылды. Заңда лицензия беру ережелері, салымшыларды қорғау, банк жүйесіне қадағалау мен реттеу механизмдері толығымен өзгертілген, деп хабарлайды Ertenmedia.kz. Жарты жыл бойы парламент қабырғасында қызу талқыланған құжатқа 140-тан аса өзгеріс енгізілді. Жаңа заң бойынша банктерді лицензиялау тәртібі екіге бөлінеді: базалық және әмбебап. Базалық лицензияны шағын қаржы ұйымдары алып, оларға қойылатын талап жеңілдейді. Бірақ мұндай банктер шетелдік азаматтар мен компанияларға несие бере алмайды. Осы деңгейден жоғары көтерілгісі келген ұйымдар міндетті түрде әмбебап лицензия алуға тиіс. Реформаның маңызды бөлігі ретінде ислам банкингі ерекше бөлінді. Енді әмбебап лицензиясы бар…
Түркістан облысында 70 жастағы әкесін көше ортасында ұрып-соғып, жерге сүйреген азамат бес жылға сотталды деп хабарлайды Ertenmedia.kz. Оқиғаға кінәлі деп танылған 41 жастағы Алмас Садақбаев ұзақ уақыт бойы өз әкесіне қол көтеріп келген. Ауру меңдеген қарт 2020 жылдан бері жүріп-тұрудан қалып, өзін қорғауға шамасы жетпеген. Сот сараптамасы марқұмның денесінен ауыр соққылардың ізін анықтап, жүйелі психикалық қысым көргенін де растаған. Көршілерінің айтуынша, әкені азаптаудың талай көрінісі олардың көз алдында болған. Тіпті бір сәтте қарияны ұлы жерге жығып, аяусыз ұрғанын көршілері бейнежазбаға түсіріп алған. Бейнежазбада ер адамның ауру әкесін жермен сүйреп, ұрып-соғып, үстінен айқайлап жатқаны көрінеді. Дәлел ауыл әкімдігіне тапсырылғанымен, дер кезінде…
Тәуелсіз Қазақстанның тұңғыш Бас мүфтиі Рәтбек қажы Нысанбайұлы 86 жасқа қараған шағында дүниеден өтті, деп хабарлайды Ertenmedia.kz. Қаралы хабарды қазіргі Бас мүфти Наурызбай қажы Тағанұлы жеткізіп, марқұмның отбасына, туған-туыстарына және күллі мұсылман жұртшылығына көңіл айтты. «Жақында ғана үйіне барып, жағдайын сұрап, батасын алған едік. Алайда қадірлі ақсақалымыздың ғұмыр керуені соңғы аялдамаға жетті. Алла ол кісінің мәңгі мекенін жәннат еткей», – деп жазды ол. Рәтбек қажы Нысанбайұлы тәуелсіздік алған жылдары Қазақстандағы діни өмірдің жаңғыруына ерекше еңбек сіңірген тұлға еді. 1990-жылдардың басында елімізде мешіттер қайта ашылып, халықтың діни дәстүрлері жанданып, мұсылман мемлекеттерімен байланыс нығайды. Рәтбек қажының тікелей бастамасымен ел аумағында 30-дан астам…
Астанада Tinder желісінде өзін қыз ретінде таныстырып, ер адамнан миллиондаған теңге жымқырған жігіт сотталды, деп хабарлайды Ertenmedia.kz. 20 жастағы жігіт Tinder-де «Нұрай» деген қыздың атынан тіркеліп, Telegram-да жалған аккаунт ашқан. Артынша бейтаныс қыздың фотосуреттерін пайдаланып, ер адаммен танысып, хат жазыса бастаған. Осылайша үш ай ішінде түрлі себептермен одан төрт миллион теңгеден астам қаражат алған. Әңгіме барысында ол жігітпен кездесуге уәде беріп отырған. «Ақшаны аударған адам басында ештеңеден күдіктенбеген. Кейін алаяқтың құрбаны болғанын түсініп, полицияға арызданды», – деп хабарлады Бас прокуратура өкілдері. Сот отырысында айыпталушы өз кінәсін толық мойындап, жәбірленушіге ақшаны қайтарып берген. Осы жағдайларды ескерген сот оны үш жылға бас…
Алдағы үш жылда теңге баяу, бірақ тұрақты түрде әлсіреп, 2028 жылға қарай доллар бағамы 580 теңгеге жетеді деп хабарлайды Ertenmedia.kz. Ұлттық банк жүргізген макроэкономикалық сауалнамаға қатысқан сарапшылар осындай болжам айтып отыр. Олар биыл доллар бағамы орташа есеппен 537 теңге шамасында болса, 2027 жылы 559,5 теңгеге дейін өседі дейді. Қазіргі болжам былтырғыдан әлдеқайда оптимистік деңгейде. Мәселен, 2025 жылдың қарашасында сарапшылар 2026 жылғы доллар бағамын 548,2 теңге деңгейінде бағалаған болатын. Жаңа болжамның жақсаруы Ұлттық банктің қатаң ақша-несие саясатына байланысты. Қаржы сарапшылары базалық мөлшерлеме биыл да 16 пайыз деңгейінде сақталады деп күтеді. Инфляция биыл 10,8 пайыз деңгейінде болжануда. Бұл бұрынғы бағалаудан (10 пайыз)…
