Автор: Самал Жолжаксын

Жамбыл облысы Сарысу аудандық полиция бөлімі бастығының бұрынғы орынбасары Қанат Нарбеков шетелдік жұмысшыларды тексеру кезінде пара алғаны үшін 3 жылға бас бостандығынан айырылды деп хабарлайды Ertenmedia.kz Orda.kz-ке сілтеп. Қанат Нарбековке алаяқтық жасауға оқталу және пара беруге итермелеу баптары бойынша айып тағылған еді. Сот істің барлық мән-жайын толық дәлелденген деп таныды. Тергеу материалдарына сәйкес, 2025 жылдың қаңтарында Нарбеков Сарысу аудандық полиция бөлімі бастығының орынбасары қызметіне тағайындалған. Ол қоғамдық қауіпсіздік, миграциялық бақылау, шетелдік жұмыс күшіне бақылау жүргізу және әкімшілік өндіріс салаларын қадағалаған. 2025 жылдың 14 мамырында Сарысу ауданында «Мигрант» атты профилактикалық шара ұйымдастырылып, миграциялық қызмет өкілдері China National Chemical Engineering Co., Ltd.…

Қазақстанда банкрот деп танылған 66,6 мың адамның 250 млрд теңге қарызы есептен шығарылуы мүмкін, деп хабарлайды Ertenmedia.kz. Мемлекеттік кірістер комитетінің дәрменсіз борышкерлермен жұмыс басқармасының басшысы Меруерт Сисембаева жеке тұлғалардың банкроттығы бойынша жаңа дерек айтты. Оның мәліметінше, соттан тыс банкроттық рәсімі арқылы шамамен 65 мың азамат банкрот деп танылған. Осы азаматтар бойынша есептен шығарылуға тиіс берешек көлемі 132 млрд теңгеге жуықтайды. «Соттан тыс банкроттық бойынша бүгінде 65 мыңға жуық азамат банкрот деп танылды. Олар бойынша шамамен 132 млрд теңге қарыз есептен шығарылуға жатады. Ал сот арқылы банкроттық рәсімі бойынша 632 адам банкрот деп танылды. Екі рәсімді қоса алғанда, жалпы 66 600…

Қазақстанда телефон алаяқтары енді салық органдарының қызметкері атынан қоңырау шалып, азаматтарды алдай бастады. Осыған байланысты Мемлекеттік кірістер комитеті тұрғындарға шұғыл ескерту жасады, деп хабарлайды Ertenmedia.kz. Комитеттің дерегінше, алаяқтар өзін салық органының маманы ретінде таныстырып, салық төлеушілерді адастыруда. Олар қазақстандықтарға хабарласып, қызмет түрін шұғыл растауды, тіркеу деректерін жаңартуды немесе мобильді қосымшалар арқылы «міндетті верификациядан» өтуді талап етеді екен. «Алаяқтар азаматтарды бөгде мобильді қосымшаларды орнатуға, күмәнді сілтемелерге өтіп, жеке деректерін енгізуге мәжбүрлейді. Тіпті, SMS-кодтарды, электронды цифрлық қолтаңба (ЭЦҚ) мәліметтерін, құпия сөз мен банк реквизиттерін де сұрайды», – дейді Мемкірістер мамандары. Одан да сорақысы… Алаяқтар азаматтарға e-Salyq немесе басқа қосымшаларды орнатпаса, «әрекеттеріңізді екі…

Төрт жыл АҚШ-та тұрған экономист, бизнес-стратег Рауан Ерұлан Астанадағы мектептердің ішкі мәдениетін көріп, қатты түңілгенін жасырмай айтты, деп хабарлайды Ertenmedia.kz. Сөзінше, шетелге көшіп бара жатқанда тамыр-таныстары оған Американың қоғамын «шіріген» деп сипаттап, ондағы жастардың тәрбиесіне күмән келтірген екен. Бірақ елге қайтып, тоғыз ай бойы Астана мектептерін бақылағаннан кейін ол қазақстандық оқушылардың тәрбиесі әлдеқайда ауыр халде деген түйін жасап отыр. «Астананың мектептерінде тіл тазалығы жоқ. 6-сыныптың балалары айтатын лас сөздерді тіпті ересектер де біле бермейді. Көшеде 2-3-сынып оқушыларының аузынан боқтық сөз естігенде, естімеген кейіп танытып, қаша жөнелгің келеді», – дейді экономист. Оның айтуынша, мектеп дәлізіндегі көріністер де адамның жағасын ұстатады. Бір-бірінің…

Электоралды науқан қарсаңында су жаңа партияның пайда болуы саяси күштердің ықпалына қатысты бірқатар сұрақтарды күн тәртібіне шығарды, деп хабарлайды Ertenmedia.kz. Саясаттанушы Данияр Әшімбаевтың пікірінше, осы уақытқа дейін партиялық алаң бірнеше рет өзгергенімен, саяси дәстүрден аса бір ауытқу болмаған. «2007 жылы Мәжілісте тек «Нұр Отан» ғана отырды. 2012, 2016 және 2021 жылдары үш партиядан құралған конструкция («Нұр Отан», «Ақ жол», ҚХП) тұрақты болып келді. 2023 жылғы сайлауда жаңа комбинация жасалды – «Аманат», «Ауыл», «Республика», «Ақ жол», Халық партиясы және ОСДП парламентке өтті. Тек «Байтақ» қана шет қалды», – дейді Әшімбаев. Сарапшының айтуынша, былтыр «Байтақ» 2022 жылдың қарашасында тіркелсе, «Республика» партиясы сайлаудан…

Дүниежүзілік денсаулық сақтау ұйымының басшысы Тедрос Аданом Гебрейесус Тенерифеге барып, MV Hondius круиздік лайнеріндегі жолаушылар мен экипажды эвакуациялау барысын жеке бақыламақ, деп хабарлайды Ertenmedia.kz. Кеме Аргентинадан Канар аралдарына қарай шыққан. BILD дерегінше, лайнер 7 мамырдан бері Канар бағытына бет алып келеді және 10 мамырға қараған түні жетуі тиіс. Аралда порт қызметкерлері кеменің келуіне қарсы наразылық білдіре бастаған. Жергілікті билік әзірге MV Hondius кемесіне порт маңына якорь тастауға ғана рұқсат берді. Жолаушылар жағаға шағын қайықтармен жеткізіліп, кейін әуежайға апарылмақ. «Бұл ма, бұл COVID емес» Тедрос Аданом Гебрейесус Тенерифе тұрғындарына арнайы үндеу жасады. Ол адамдардың алаңдауын түсінетінін айтты. «Сіздердің уайымдап отырғандарыңызды білемін.…

Қазақстанда негізгі ҰБТ басталды. Алғашқы күні ел бойынша 926 талапкер тест тапсырып жатыр. Астанада сынаққа 359 абитуриент кірді, деп хабарлайды Ertenmedia.kz. Ғылым және жоғары білім министрлігінің мәліметінше, ҰБТ 10 шілдеге дейін жалғасады. Тестілеуге қатысу үшін шамамен 240 мың талапкер өтініш берген. Екі мүмкіндік ескерілгенде, қабылданған өтініш саны 446 мыңнан асады. Өтініш бергендердің 74 пайызы тестті қазақ тілінде тапсыруды таңдаған. 26 пайызға жуығы орыс тілін көрсеткен. Ағылшын тілінде ҰБТ тапсыратындар саны 851 адам. Талапкерлер өтініш беру кезінде тест күні, уақыты мен тапсыратын пунктін өздері таңдаған. Биыл ҰБТ 45 тестілеу пунктінде өтеді. Формат өзгерді ме? 2026 жылы ҰБТ форматы бұрынғы күйінде қалды.…

Қазақстанда халыққа берілетін несие бойынша орташа мөлшерлеме 20,9%-ға көтерілді, деп хабарлайды Ertenmedia.kz. Ақпанда көрсеткіш 19,8% болған. Тұтынушылық қарыз бойынша мөлшерлеме бір айда 20,4%-дан 22,1%-ға өсті. Қаржы нарығын реттеу және дамыту агенттігінің дерегінше, 2026 жылғы 1 сәуірдегі жағдай бойынша халықтың банк алдындағы несие портфелі 25,1 трлн теңгеге жетті. Тұтынушылық қарыз көлемі 16,9 трлн теңге болды. Ипотекалық қарыз 7,1 трлн теңгеге жетті. Наурызда банктер 3,2 трлн теңгеге жаңа несие берген. Былтырғы наурызбен салыстырғанда өсім 10,2%-ды құрады. Кешіккен кредиттердің көлемі қанша 2026 жылғы 1 сәуірде банк секторындағы 90 күннен аса кешіктірілген қарыз көлемі 1,7 трлн теңге болды. Оның жалпы несие портфеліндегі үлесі 3,9%. Халық…

Атырау облысында Жангелдин ауылындағы бір отбасының өліміне қатысты соталды тергеу ресми аяқталды. Істің басты фигуранты Сұлтан Сәрсемалиев тергеу материалдарымен танысып, аса ауыр қылмыс жасағанын толық мойындаған, деп хабарлайды Ertenmedia.kz. Оған жұбайының ата-енесін, сондай-ақ әйелінің бауырларын өлтірді деген айып тағылып отыр. Жангелдин ауылындағы отбасы 2025 жылдың соңында белгісіз жағдайда жоғалып кеткен еді. Сот процесі мамыр айында басталады. Сәрсемалиевке Қылмыстық кодекстің 99-бабы 2-бөлігі 1-тармағы, яғни екі және одан да көп адамды өлтіру бойынша айып тағылған. Тергеу барысында қосымша қылмыстық істер де тіркелген. Олар Қылмыстық кодекстің 188 және 190-баптары, ұрлық пен алаяқтық деректері бойынша қаралып жатыр. Әңгіме қаза тапқан отбасының малын сату, сондай-ақ…

Маңғыстау облысында Ыбықты Сай шатқалындағы тас жыныстарға жазу қалдырған жас жігіт анықталып жауапқа тартылды, деп хабарлайды Ertenmedia.kz. Тексеріске әлеуметтік желідегі жазба себеп болған. Ішкі істер министрлігінің мәліметінше, интернетке мониторинг жүргізу кезінде полиция қызметкерлері белгісіз адамның жартастарға өз аты мен көлігінің мемлекеттік нөмірін жазған фото-видеоны байқаған. Жедел-іздестіру шараларынан кейін тәртіп бұзған адамның кім екені анықталды. Ол 2005 жылы туған азамат болып шықты. Жас жігітке қатысты ұсақ бұзақылық бойынша материал толтырылып, процессуалдық шешім қабылдау үшін сотқа жолданды. Сонымен қатар оған өз әрекетінің салдарын жоюға тура келген. Құқық бұзушы тастағы жазуды өшіріп, Ыбықты Сай аумағын бастапқы қалпына келтірді. Полиция табиғи және тарихи нысандар…