Автор: Самал Жолжаксын

Танымал әнші әрі продюсер Қыдырәлі Болманов Алматыдағы Республика сарайында жоспарланған мерейтойлық концертін денсаулығына байланысты кейінге қалдыруға мәжбүр болды, деп хабарлайды Ertenmedia.kz. Бұл туралы әнші 19 мамыр күні аурухана палатасынан арнайы үндеу жариялап, көпшіліктен кешірім сұрады. Оның айтуынша, концертке 3,5 мыңға жуық билет сатылған. Ұйымдастырушылар шоуды мүлде тоқтатпай, сахнаға кресломен шығып, жеңіл форматта өткізуді ұсынғанымен, әнші одан бас тартқан. «Өмір бойы сахнада тік тұрып, белсенді қимылдап жүрген адам үшін сахнаға шығып креслода отырып өнер көрсету өте ыңғайсыз және ауыр дүние. Біз де ет пен сүйектен жаралған адамбыз ғой. Көбіне борыш пен намысты ойлап, денсаулығымызды кейінге қалдырып жатамыз. Концерттің кейінге қалдырылуының басты…

Абай облысының әкімі Берік Уәли Семейдеші маңызды инфрақұрылым нысандарын аралап, құрылыс қарқынымен танысты, деп хабарлайды Ertenmedia.kz. Алдымен әкім назарына қаланың жаңа көпірінің құрылысы ілікті. Ұзындығы 810 метр, ені 23 метрлік көпір құрылысы президент Тоқаевтың тікелей тапсырмасымен жүзеге асып жатыр. Қазіргі уақытта жобаның 65%-ы аяқталған. Жалпы құны 47,3 млрд теңге. Құрылыс басшысы Серік Тауданбеков көпірдің жоспарланған тоғыз тірегінің сегізі салынып біткенін, металл конструкцияларының 4,3 мың тоннасы орнатылғанын айтты. Нысанда 174 жұмысшы еңбек етуде. Берік Уәли көпірдің стратегиялық маңызын атап өтіп, құрылыс қарқынын төмендетпеуді шегелеп тапсырды. «Көпір Президент тапсырмасы бойынша салынып жатыр, сондықтан ешбір ақталу қабылданбайды. Құрылысты биыл аяқтап, қолданысқа беруіміз керек»,…

Алматыда «Etude-Ybyrai» құрылыс компаниясы мен журналист Вадим Борейко арасындағы дау бойынша сот процесі басталды. Компания журналисті беделіне нұқсан келтірді деп айыптап, тараған ақпаратты жоққа шығаруды және келтірілген зиянды өтеп беруді талап етуде, деп хабарлайды Ertenmedia.kz. Құрылыс компаниясының сотқа жүгінуіне YouTube-тегі «ГИПЕРБОРЕЙ» каналы мен Instagram желісінде тараған материалдар себеп болған. Компанияның мәлімдеуінше, Вадим Борейко әлеуметтік желілер мен видеоларда «PREMIER» тұрғын үй кешенінің құрылысы заңсыз жүріп жатқанын, қажетті құжаттардың жоқ екенін айтқан. Құрылысшылар мұны толықтай жоққа шығарып отыр. «Etude-Ybyrai» өкілдерінің айтуынша, тұрғын үй кешені заң аясында салынып жатыр. Құрылыс-монтаж жұмыстары басталғаны туралы ресми хабарлама, оң сараптама қорытындылары мен қажетті барлық рұқсат құжаттары…

Ақтауда алғаш рет өткен «Кітап керуен – Ақтау» жәрмеңкесі қала тұрғындары мен қонақтарының үлкен ықыласына бөленді. Рухани шара Ақтау әкімдігінің қолдауымен Қабиболла Сыдиықұлы атындағы Маңғыстау облыстық кітапханасында және Каспий жағалауында өтті, деп хабарлайды Ertenmedia.kz. Мәдени шара қазақ әдебиетінің көрнекті тұлғасы, мемлекет және қоғам қайраткері Әбіш Кекілбаев ескерткішіне гүл шоқтарын қоюдан басталды. Ашылу салтанатында қала әкімі Әбілқайыр Байпақов пен ҚР Мемлекеттік сыйлығының лауреаты, жазушы-драматург Роза Мұқанова жәрмеңкенің символикалық лентасын қиды. Қала әкімі Әбілқайыр Байпақов бұл шараның мәдени-рухани маңызына ерекше тоқталып, кітап оқитын ұлт қалыптастырудың қажеттілігі жайлы айтты. Жәрмеңкеге еліміздің әдебиет пен мәдениет саласының танымал тұлғалары арнайы келді. Олардың арасында ҚР Мемлекеттік…

Шымкентте 21 жастағы Нұрай Серікбайдың өліміне қатысты резонанс тудырған іс бойынша жаңа мәліметтер белгілі болды. Марқұмның отбасы жағындағы адвокат күдіктінің қазіргі қайда отырғанын және жәбірленуші тараптың қандай талап қойып отырғанын айтты, деп хабарлайды Ertenmedia.kz. Адвокат Аянхан Омаровтың сөзінше, күдікті психиатриялық сараптамадан өткеннен кейін мамыр айының басында қайтадан тергеу изоляторына жеткізілген. «Қазір ол Шымкенттегі Қылмыстық-атқару жүйесі комитетінің №69 мекемесінде отыр. Денсаулығы қалыпты, сараптама оны есі дұрыс деп таныды», – деді адвокат. Еске сала кетейік, сәуір айында 28 жастағы күдікті Алматы облысындағы Ақтас ауылындағы мамандандырылған психиатриялық ауруханаға ауыстырылған еді. Сол кезде марқұмның туыстары күдікті қылмыстық жауапкершіліктен құтылу үшін психикалық ауруды қолдан жасауы…

Атырау облысында бүтін бір отбасыны қырып салды деп айыпталған Сұлтан Сәрсемәлиевтің Қазақстаннан қалай қашқаны белгілі болды, деп хабарлайды Ertenmedia.kz. Тергеу болжамынша, күдікті қолын қанға малғасын марқұмдардың мүлкін заңсыз иеленіп, шетелге кету үшін қаражат ретінде пайдаланған. Белгілі болғандай, 2025 жылдың 9 желтоқсанында Сәрсемәлиев әйелі Ақбаян Мұқанғалиевамен бірге Қазақстаннан Өзбекстан аумағындағы «Қапланбек» шекара бекеті арқылы өтіп кеткен. Сол жылдың 13 желтоқсанында олар Тәшкенттен Куала-Лұмпурға ұшып, одан әрі Индонезиядағы Бали аралына жеткен. Тергеу дерегінше, ерлі-зайыптылар екі айдан астам Бали және Ломбок аралында жасырынған. 2026 жылдың ақпанында Сәрсемәлиевтің интернет арқылы марқұм отбасының балалары туралы ақпарат іздегені белгілі болды. Сөйтіп әлгі цифрлық із пәлцейлерге күдіктінің…

Қазақстан мұсылмандары діни басқармасының (ҚМДБ) бекіткен күнтізбесіне сәйкес, 2026 жылы Құрбан айт мейрамы мамыр айының 27–29 аралығында аталып өтеді. Мерекенің алғашқы күні, яғни 27 мамыр, ел аумағында ресми демалыс күні болып жарияланды, деп хабарлайды Ertenmedia.kz. 2026 жылы Құрбан айт сәрсенбі күніне тұспа-тұс келіп, қазақстандықтарға апта ортасында бір күн қосымша демалыс беріледі. Бес күндік жұмыс аптасымен қызмет ететін қазақстандықтардың демалыс күндері мынадай ретпен өтеді: 25 және 26 мамыр (дүйсенбі, сейсенбі) – жұмыс күндері; 27 мамыр (сәрсенбі) – Құрбан айт мерекесіне байланысты демалыс; 28 және 29 мамыр (бейсенбі, жұма) – жұмыс күндері; 30 және 31 мамыр (сенбі, жексенбі) – әдеттегі демалыс күндері.…

Бірыңғай жинақтаушы зейнетақы қорындағы (БЖЗҚ) қаражатты мерзімінен бұрын алу үшін жеткіліктілік шегі айтарлықтай өседі. Бұл туралы Еңбек және халықты әлеуметтік қорғау министрі Асқарбек Ертаев мәлімдеді, деп хабарлайды Ertenmedia.kz. Айтуынша, жаңа шекті мөлшерлер мамыр айының соңына дейін ресми түрде жарияланады. «Зейнетақы жинағын шешуге мүмкіндік беретін жеткіліктілік шегін көтереміз. Бірақ бұл қаражатты алуға толық тыйым салынады деген сөз емес. Жинақтарды шешуге рұқсат беріледі, тек оның көлемі азаюы керек. Әр түрлі жас топтары бойынша, яғни 23-35 жас аралығы мен 35-63 жас аралығы үшін жеткіліктілік шегі 79%-ға дейін артуы мүмкін. Қазір БЖЗҚ-мен бірлесіп есептеу формуласы мен толық механизмді дайындап жатырмыз. Айдың соңына дейін ресми…

Алматы халықаралық әуежайының жаңаруы соңғы жылдағы ең ірі жобалардың бірі. Жақын бес жылда әуе айлағының ұшу-қону жолағы жаңарып, жаңа жүк алаңы, қонақүй және көпқабатты автотұрақ салынады. Бұл мақсатқа жалпы 360 миллион доллар қарастырылған, деп хабарлайды Ertenmedia.kz. Алматыға ат басын бұрған Премьер-министрдің бірінші орынбасары Нұрлыбек Нәлібаев әуежай басшылығымен кездесіп, құрылыс жұмысымен танысты. TAV Airports Holding-ның Алматы әуежайын дамытуға арналған бес жылдық бас жоспары бекітілгенін айтты. Жоба аясында терминалдар толықтай қайта салынып, әуе кемелерін мұз қатуға қарсы өңдейтін арнайы алаң да салынбақ. Бұған дейін әуежайға салынған инвестицияның жалпы көлемі 93 миллиард теңгеге жетіп, халықаралық терминалдың аумағы 56 мың шаршы метрге дейін ұлғайған-тын.…

Алматы облысы, Іле ауданында «Оқитын ұрпақ – ойлы қоғам» атты аудандық форум өтті. «Оқуға құштар» жобасы аясында өткен шараға оқушылар мен ұстаздар, кітапхана мамандары, зиялы қауым өкілдері және еліміздегі балалар басылымдарының бас редакторлары қатысты, деп хабарлайды Ertenmedia.kz. М.Түймебаев ауылындағы «Келешек» мектебінде өткен форумда оқушылардың кітап оқуға деген қызығушылығын арттыру, отбасылық кітап оқу дәстүрін дамыту және заманауи қоғамда кітаптың маңызын нығайту мәселелері талқыланды. Шара барысында Абай атындағы ҚазҰПУ, Оразалы Досбосынов атындағы шығармашылық орталығының директоры Айтуған Жетебаев бүгінгі жастардың кітаптан алшақтап, телефон мен әлеуметтік желіге тәуелді болып бара жатқанын ерекше атап өтті: «Қазір бала қолынан кітап емес, телефон көбірек көресіз. Бұл үлкен…