Бүгін Ақтаудағы кемелер айлағында Жағалау күзетінің «Семей» атты жаңа кемесіне ту көтеру салтанаты өтті. Республика күні қарсаңындағы ел қауіпсіздігіне деген жаңа көзқарасты сезіндірді. Жиынға Маңғыстау облысы әкімі Нұрдәулет Қилыбай, Ұлттық қауіпсіздік комитеті мен Әскери-теңіз күштерінің өкілдері қатысып, кеменің сапқа қосылуы тек техникалық қуаныш емес, мемлекеттік маңызы бар оқиға екенін айтты, деп жазады Ertenmedia.kz.
«Семей» кемесіне мемлекеттік ту тапсырылып, теңіз дәстүріне сай ту көтеру рәсімі өтті. Бұл әскери рәсімнің астарында жауапкершіліктің ауыр жүгі жатыр. Ту көтерілгенде жай ғана темір кеме емес, елдік борышы бар тірі мінісше көрінеді. Өйткені мұндай кемелер суды ғана емес, сенімді де күзетеді.
Маңғыстау облысы әкімі Нұрдәулет Қилыбайдың айтуынша, бұл кеме Маңғыстаудың әскери-экономикалық әлеуетін арттыруға бағытталған нақты қадам. Елдің теңіз шекарасын мықтай түсу Президент тапсырған өзекті міндеттердің бірі. Қауіпсіздігі мықты аймақ қана даму жолына сенімді шыға алады.
Теңіз күзеті күрделі қызмет. Заңсыз кеме қатынасы, контрабанда, қарақшылық сияқты қауіптер тек фильмдердің сюжеті емес. Шекарашылар күніне жүз рет желмен күресіп, мың рет толқынға сенім артып жұмыс істейді.
Соған лайық болу үшін «Семей» кемесіне заманауи навигациялық жүйелер, жоғары дәлдіктегі бақылау құрылғылары қойылған. Қару-жарақ кешенінде 12,7 мм автоматтандырылған басқару жүйесі бар. Бұл техникалар ел шекарасын тек картада емес, шынайы өмірде қорғау үшін қажет.
Кеменің құрастыру жұмыстары Оралдағы «Зенит» зауытында жүргізілген. Отандық инженерлердің қолынан шыққан бұл жоба елімізде әскери-өнеркәсіптік мүмкіндіктің бар екенін дәлелдейді. Ал экипажы теңіздің тілін, аспанның мінезін, тосын қауіптің дауысын тани алатын мамандар. Су көлігі тәулігіне 7-10 күн тоқтаусыз жүзе алады. Бұл күзеттің үздіксіз болуы үшін маңызды көрсеткіш. Каспийге шыққан сәттен бастап, әр сарбаздың алдында бір ғана міндет тұрады: шекараның тыныш болуын қамтамасыз ету.
