Алматы қаласының ның Алатау ауданында биыл қалалық ортаны жақсарту бағытында нақты жұмыстар атқаруда. Тұрғындардың ұсынысымен таңдалған жобалар «Халық қатысатын бюджет» бағдарламасы арқылы жүзеге асқан. Аудан әкімі Данияр Қырықбаевтың айтуынша, жыл ішінде 50 жоба мақұлданып, оның ішінде 16 аула жаңартылып, 31 қоғамдық кеңістік ретке келтірілген, деп жазады Ertenmedia.kz.
Ауданда кешкі уақытта қауіпсіздік үшін көше жарығын модернизациялауға арналған 3 жоба да іске асқан. Бұл өзгерістер бірқатар шағынаудандарды қамтып отыр.
Қарасу, Ақбұлаұ, Саялы және Зерделі сияқты тұрғындар көп орналасқан аумақтарда абаттандыру жұмыстары жүргізілді. Рысқұлов даңғылы мен Бауыржан Момышұлы көшесінің бойында да инфрақұрылым жақсара түскен.
Жергілікті халықтың қатысуы жобаларға нақты бағыт берді. Қандай аула немесе қай кеңістік жөндеуді қажет ететінін сол жердің тұрғындары анықтап, ұсыныстарын жеткізді. Бұл тәсіл қалалық шешімдерді кабинеттен емес, халықтың арасынан іздеуге мүмкіндік берген.
«Халық қатысатын бюджет» бағдарламасы соңғы жылдары ел ішінде кеңінен қолданыла бастады. Алатау ауданы осы тәсілдің тиімділігін көрсетіп отыр. Ауласы жарық, балалар ойнайтын алаңы бар, қауіпсіз қоғамдық кеңістігі қалыптасқан аймақ тұрғындардың күнделікті өміріне оң әсер ете бастады. Бұрын қараусыз аймақтар болса, қазір сол орындарда тынығу орындары мен шағын демалыс алаңдары пайда болған.
Бағдарламаның мәні адамдар өз ортасын қалыптастыруға үлес қосады. Әкімдік осы ұсыныстарға құлақ асып, жобаларды жүзеге асыруға мүмкіндік беріп келеді. Бұл тек абаттандыру емес, қоғам мен билік арасындағы қарым-қатынастың жаңа үлгісі. Аудан басшылығы да бұл үрдістің жалғасатынын айтты. Себебі қала өмірінің сапасы цифрмен емес, тұрғындардың көңілінен байқалады.
Қарапайым тұрғын үшін жақсы орта жолдың тегістігі мен жарық шамның жұмысынан басталады. Ал осы деңгейде жұмыс жүргізу жауапкершіліктің белгісі саналады. Алатау ауданында өзгеріс барын қазірдің өзінде көзбен көруге болады.
Алатау ауданы тәжірибесі қала инфрақұрылымын дамытуда халықтық ұсыныстың маңызын дәлелдеп берді. Бұл үлгі басқа аудандарда да таралуы мүмкін. Қала өміріне халық араласса, қоршаған орта да өзгере бастайды. Жоба қолдау тапса, келесі жылдарда алматылықтардың қатысуымен жаңа көшелер мен алаңдар бой көтеруі әбден мүмкін.
