Алматы облысында полицияның «Учаске» профилактикалық іс-шарасы жоспар бойынша ғана емес, басшылықтың тікелей бақылауымен жүріп жатыр. Алматы облыстық Полиция департаменті бастығының орынбасары Ақылбек Төлеуов осы операцияның қалай орындалып жатқанын өз көзімен көру үшін түнгі рейдке шықты. Осылайша басшылық учаскелік инспекторлар мен патрульдік құрамның нақты жұмысын бақылап, тәртіптің қалай сақталып жатқанын өз көзімен көрді, деп жазады Ertenmedia.kz.
Түнгі тексеріс тәтіп сақшылары кезінде көңіл көтеру орындары, ойын-сауық мекемелері және тәулік бойы жұмыс істейтін дүкендер араланды. Полиция қызметкерлері алдымен алкоголь өнімдерін сату тәртібіне назар аударды. Заңда белгіленген тыйым салынған уақыт бар, сол кезеңде спирттік ішімдік сатуға болмайды. Рейд барысында осындай заң бұзу дерегі тіркелмегені айтылды.
Сонымен қатар тәртіп сақшылары дүкен ішін ғана емес, маңайдағы көшелерді де мұқият аралап шықты. Келушілер мен қызметкерлердің құжаттарын тексеріп, қажет жерде түсіндіру жұмысын жүргізді.
Рейдтің тағы бір мақсаты полицияны тек жазалайтын орган ретінде емес, түсіндіретін, алдын алатын құрылым ретінде көрсету. Сондықтан әр жерде заң талаптарын тыныш түрде түсіндіріп, жауапкершілікті есіне салумен шектелген сәттер де аз болмаған.
«Учаске» операциясы жүзеге асыруда үш негізгі міндет тұр. Олар құқықбұзушылықтың алдын алу, қоғамдық қауіпсіздік деңгейін көтеру және халықпен өзара сенімді нығайту. Полиция үшін учаскелік жұмыс дегеніміз әр аумақта не болып жатқанын білу, жергілікті тұрғынмен танысу, мәселесін дер кезінде есту. Түнгі рейдтің өзі осы жұмыстың бір бөлігі ретінде қарастырылуда.
Ақылбек Төлеуовтың тікелей қатысуы да кездейсоқ қадам емес. Басшылық үшін де түнгі қала өмірін тек есептен немесе фото есебінен емес, шынайы жағдайда көру маңызды. Қай жерде аты шулы көңіл көтеру орны бар, қай көшеде жастар көп жиналады, қай нүктеде тәулік бойы жұмыс істейтін дүкендер шоғырланғаны осындай рейд кезінде анық байқалады. Осы ақпарат кейін жоспар құруда, қосымша патруль қоюда, профилактикалық түсіндіру жұмыстарын ұйымдастыруда қажет болады.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
