Үйдегі интернеттің баяулауы көп жағдайда бір ғана себептен болмайды. Видеоның тұрып қалуы, сайттардың баяу ашылуы немесе байланыс үзіліп кетуі әртүрлі факторлардың белгісі болуы мүмкін, деп жазады Ertenmedia.kz.
Әдетте қолданушылар мәселені провайдерден немесе роутерден іздейді. Бірақ барлық негізгі себептерді тексеріп шыққаннан кейін де Wi-Fi тұрақсыз болса, кедергі сіз ойлағаннан әлдеқайда жақын болуы ықтимал. Үйдегі кейбір тұрмыстық құрылғылар сигналға әсер етіп, байланыс сапасын төмендетеді.
Ең жиі кездесетін кедергілердің бірі микротолқынды пеш. Оның жұмысы электромагниттік толқындарға негізделген. Көп жағдайда бұл құрылғылар 2,45 ГГц жиілігінде жұмыс істейді. Дәл осы диапазонды көптеген Wi-Fi роутерлер де қолданады.
Осының салдарынан екі құрылғының сигналдары бір-біріне қабаттасып, интернет уақытша баяулап немесе толық үзіліп кетуі мүмкін. Егер интернеттің нашарлауы микротолқынды пеш қосылған кезде байқалса, шешім қарапайым роутерді одан алысырақ орналастыру.
Тағы бір жиі әсер ететін фактор Bluetooth құрылғылары. Құлаққаптар, колонкалар, ойын контроллерлері, камералар – барлығы дерлік 2,4 ГГц диапазонында жұмыс істейді. Бірнеше құрылғы қатар қосылған кезде сигналдарға «жүктеме» түсіп, Wi-Fi жылдамдығы төмендеуі мүмкін.
Дегенмен Bluetooth құрылғыларының әсері әдетте шектеулі. Олар энергияны аз тұтынып, жиіліктер арасында жылдам ауысып тұрады. Сондықтан айтарлықтай кедергі көбіне бір уақытта бірнеше құрылғы белсенді болған кезде ғана байқалады.
Мамандар мұндай жағдайда екі негізгі шешім ұсынады. Біріншісі қажетсіз Bluetooth құрылғыларын уақытша өшіру. Екіншісі роутерді 5 ГГц диапазонына ауыстыру. Бұл диапазон босырақ және тұрмыстық құрылғылармен сирек қабаттасады.
Қарапайым көрінетін тұрмыстық техника мен гаджеттер кейде интернет сапасына тікелей әсер етеді. Сондықтан Wi-Fi мәселесін шешкенде тек провайдерге емес, үй ішіндегі ортаға да назар аудару маңызды.
Автокөлік кілтінің сигналын күшейтудің қарапайым, бірақ таңғаларлық әдісі бар. Ол үшін кілтті басыңызға тигізіп, түймені бассаңыз жеткілікті. Иә, бұл әзіл немесе кездейсоқтық емес, ғылыми дәлелденген әдіс.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
