Алматыда Қазақ ғылыми-зерттеу мәдениет институтына тиесілі активтердің жеке меншікке өтуіне байланысты сот процесі аяқталды. Медеу аудандық соты 2019 жылы жасалған келісімді заңсыз деп танып, мемлекет пайдасына қайтаруға шешім шығарды, деп хабарлайды Ertenmedia.kz. Прокуратура тексеру барысында институт активтерінің жекешелендірілуі заң талаптарын өрескел бұза отырып жүзеге асқанын анықтаған. Сот осыған орай, құны 300 миллион теңгеден асатын мүлікті қайтадан мемлекеттік меншікке қайтаруды міндеттеді. Айта кетейік, бұған дейін аталған институт атышулы Арыстанбек Мұхамедиұлының қатысы бар заңсыз жекешелендіру істерінің қатарында аталған еді. Тергеушілер сол кездегі Мәдениет министрлігі басшылығының мемлекеттік мекемелерге тиесілі активтерді туыстары мен жақын адамдарының атына аударғанын мәлімдеген. Мемлекетке келген алдын ала есептелген жалпы…
Автор: Самат Келдібай
Астанада экс-шенеунік Ержан Бабақұмаровтың өліміне қатысты тергеу аяқталды. Қылмыс материалы сот қарауына жіберілді, деп хабарлайды Ertenmedia.kz. Прокуратура күдікті адам өлтіру бабы бойынша қамауда отырғанын мәлімдеді. Тергеу амалы толықтай аяқталған, сот процесі 19 қаңтарға жоспарланып отыр. Істі бұған дейін атышулы Қуандық Бишімбаевқа қатысты үкім шығарған судья Айжан Күлбаева қарайды. Еске сала кетсек, Ержан Бабақұмаров былтыр 30 қазанға қараған түні танысымен арадағы жанжал кезінде көз жұмған болатын. Мансабын 90-жылдары Алматы әкімдігінен бастаған Бабақұмаров президент әкімшілігінде ішкі саясат бағытына жауап берді, экс-елбасы Назарбаевтың тұсында ақпараттық орталықты басқарды. Кейін Мәдениет министрінің орынбасары болып тағайындалып, Кәрім Мәсімовтың үкіметінде Премьер-министр кеңсесінде жұмыс істеді. 2019 жылы Тоқаевтың…
Қарағанды облысында балалар үйінің тәрбиеленушілерін тонап келген қылмыстық топ ұсталды, деп хабарлайды Ertenmedia.kz. Соңғы жарты жыл ішінде күдіктілер жетімдерге тиесілі әлеуметтік есепшоттарды күшпен босатып, микрокредит ұйымдарынан олардың атына несие рәсімдеткен. Қорқытып, ұрып-соғып, алдау арқылы жасөспірімдерді айтқандарына көндірген қылмыскерлер осылайша 10 миллион теңгеден астам қаражатты иемденген. Ішкі істер министрлігі ұйымдасқан топтың толықтай ұсталғанын мәлімдеді. Күдіктілерден автоматты қарудың оқ-дәрілері және жүзден астам патрон тәркіленді. Қазір топ мүшелеріне қатысты «бопсалау» бабы бойынша сотқа дейінгі тергеу басталды. Айыпталушылардың кінәсі дәлелденсе, 10 жылға дейін бас бостандығынан айырылуы мүмкін. Сонымен бірге полиция қызметкерлері бұл қылмыстық топтың басқа да зардап шеккендерді бопсалауы мүмкін екенін тексеріп жатыр. Бұған…
Бас прокурор Берік Асылов прокуратура органдарының былтырғы жұмыс нәтижесін жариялады. 2025 жылы мемлекет қазынасына 1,1 триллион теңгеден астам қаражат қайтарылған, деп хабарлайды Ertenmedia.kz. Прокуратураның бастамасымен бюджет қаражатын пайдалану, табиғатты қорғау, жер игеру және мемлекеттік сатып алу сияқты маңызды салаларға бақылау күшейген. Соның арқасында 470 миллиард теңгенің қаражаты мен активтері мемлекет иелігіне өтті. Әсіресе, мемлекеттік активтерді басқаруда ұзақ уақыт шешілмей тұрған мәселе реттелді: үш жыл бойы тұралап қалған 193 миллиард теңге дивиденд бюджетке жолданған. Сонымен қатар Алатаудың етегі, Каспий жағалауы мен Бурабай секілді стратегиялық аумақтарда жеке тұлғалардың заңсыз иелігіндегі 800 мың гектарға жуық жер мемлекет қорына қайтарылды. Тоқаевтың «Таза Қазақстан» бағдарламасы аясында…
Қазақстанда жанармай бағасының өсуіне жарияланған мораторий әлі күшінде. Ал 2027 жылдан бастап баға кезең-кезеңімен нарықтық сипатқа көшіріледі деп хабарлайды Ertenmedia.kz. Энергетика министрлігі жақын арада бензин бағасын күрт көтеру жоспарда жоқ екенін мәлімдеді. Ведомствоның түсіндіруінше, 2027 жылдан ЕАЭО аясында мұнай мен мұнай өнімдерінің ортақ нарығы іске қосылғанымен, бұл көрші елдермен бағаны бірден теңестіруді білдірмейді. «Қазір Қазақстанда АИ-92 маркалы бензиннің бағасын өсіруге мораторий қойылған. Мұндай шара инфляцияны тежеу мақсатында қабылданды. Мораторий мерзімі аяқталғанша мемлекет ішкі нарықтағы ахуалды бақылауда ұстайды», – делінген министрлік хабарламасында. Энергетика министрлігінің өкілі Әсел Серікпаеваның айтуынша, интеграциялық келісім біртіндеп іске асады. Бұл ретте Қазақстан өз азаматтарының табысы мен ұлттық…
Қазақстан мұсылмандары діни басқармасы жалған бейне және аудиоматериалдарды жасаудың шариғатқа қайшы екенін мәлімдеді, деп хабарлайды Ertenmedia.kz. Мүфтият бүгін дипфейк технологияларына байланысты арнайы пәтуа шығарды. Діни басқарма ислам діні қоғамның игілігіне, әділет пен ізгілікке қызмет ететін ғылыми-техникалық дамуды қолдайтынын алайда жалған видео-аудио өнімдердің таралуы алдау мен жала жабуға себеп болатынын атап өтті. «Дипфейк технологиясы арқылы адам айтпаған сөздер мен жасамаған іс-әрекеттерді оған таңып, жалған ақпарат таратылады. Мұндай дүниелер адамның абыройына нұқсан келтіріп, қоғамда үрей туғызуы, тіпті өмірге қауіп төндіруі мүмкін. Ислам мұны анық жалғандық деп таниды, қандай да бір адамға зиян келтіру, тіпті әзілдеп болса да, шариғатта қатаң тыйым салынған», –…
Экс-президенттің немере інісі, атышулы Қайрат Сатыбалдының тағы бір әйелі Асылжан Есенқызы отбасылық өміріндегі ауыр жағдайды жария етті деп хабарлайды Ertenmedia.kz. «Бәсе» арнасымен сұхбаттасқан Асылжан өзінің «тоқал» емесін, Сатыбалдының азаматтық некедегі әйелі болғанын жеткізіпті. Айтуынша, экс-елбасы олардың қарым-қатынасынан хабардар болған, отбасылық шараларда бірге көрген. «Мен оған ақша үшін тұрмысқа шықпадым. Қайрат маған Франция, Түркия және басқа елдерден өте қымбат вилла сыйлағысы келді. Бірақ мен бас тарттым. Ортақ баламыздың дүниеге келуі де оның қалауы болатын. Мен бірнеше жыл бойы оны жақсы танып-білу үшін жүктіліктен сақтанып жүрдім», – дейді Асылжан. Бірақ жүкті кезінде-ақ олардың арақатынасы бұзыла бастаған. Қайрат Сатыбалды әйеліне психологиялық қысым көрсетіп…
Тимур Құлыбаевтың өкілі BBC арнасының журналистік зерттеуінде айтылған айыптауларды жоққа шығарды деп хабарлайды Ertenmedia.kz. Британ телеарнасы Ұлыбритания королі ІІІ Чарльздің інісі Эндрюдың «күйеубаладан» қомақты қаржы алғанын жариялаған еді. BBC зерттеуіне сәйкес, Құлыбаев принц Эндрюге тиесілі болған Саннингхилл-Парк зәулім сарайын сатып алу үшін офшорлық компанияны пайдаланған. Алайда кәсіпкердің ресми өкілі ақпаратты негізсіз деп отыр. Оның айтуынша, Тимур Құлыбаев ешқашан сыбайлас жемқорлық ісіне араласпаған, ал сарайдың сатып алынуы толығымен заңды жолмен іске асқан. «BBC арнасының редакциясымен, сондай-ақ олардың заңгерлерімен ұзақ уақыт хат алмасып, аталған істің мән-жайын толық түсіндірдік. Соған қарамастан телеарна жала жабылған материалды жариялауды жөн көрген. Италиядағы сот ісіне қатысты мәліметтер…
Астана прокуратурасы мен ҰҚК департменті жедел жәрдем станциясындағы миллиондаған бюджет қаржысын жымқыру схемасын әшкереледі, деп хабарлайды Ertenmedia.kz. Тергеу дерегіне қарағанда, 2020-2023 жылдар аралығында жедел жәрдем көліктеріне арналған қосалқы бөлшектер қағаз жүзінде ғана есептен шығарылып, қызмет көрсетілмеген жалған келісімшарттар жасалған. Соның кесірінен кейбір санитарлық көліктер шақыртуларға мүлде шықпаған, тағы бір бөлігін істен шығарып тастауға тура келген. Қазіргі уақытта «103» қызметінің автопаркі толықтай қалпына келтірілді. Бұл іске байланысты төрт адам ұсталды. Олардың арасында жедел жәрдем станциясының директоры, екі орта буын басшы және тағы бір қызметкер бар. Мемлекетке келтірілген шығын 850 млн теңгеге жеткен. Айыпталушыларға «лауазымды тұлғалар тобының аса ірі көлемдегі бюджет қаражатын…
Ақтөбе облыстық соты 14 жастағы оқушы Нұржан Сыдықтың қазасына қатысты үкімді қайта қарап, колонияға жіберілген үш сотталушының жазасын шартты мерзімге ауыстырды, деп хабарлайды Ertenmedia.kz. «Диапазон» дерегінше қайғылы оқиға 2024 жылдың қыркүйегінде Қопа ауылында болған. Жоғары сынып оқушылары өздеріне «сый-құрмет көрсетпеді» деген желеумен тоғызыншы сынып оқушыларын аяусыз ұрып-соққан. Осы жанжалдан кейін Нұржан ауыл шетіндегі қараусыз моншаның маңында жан тапсырған күйінде табылған еді. Оқиғаға қатысы бар деген алты жеткіншекке қатысты сот ісі бір жылға созылып, 2025 жылы қазанда үкім шыққан. Алғашқы сот үкімі бойынша үш жасөспірімнің еркіндігі шектеліп, қалған үшеуі абақтыға жіберілген. Оларға бұзақылық және абайсызда өлімге әкелген ауыр дене жарақатын қасақана…
