Жұма, 2 қазан күні Қазақстан аумағының басым бөлігінде ауа райы бұзылып, температура төмендейді және жауын-шашын күтіледі, деп хабарлайды Ertenmedia.kz.
«Қазгидромет» синоптиктерінің болжамынша, республиканың солтүстігінде, батысында және орталық аймақтарында жаңбырдың соңы қарға ұласуы мүмкін.
Мегаполистердегі күн райы
Астанада көшпелі бұлт шығып, жаңбыр жауады. Желдің жылдамдығы секундына 9–14 метрге жетеді. Ауа температурасы түнде +5…+7°C, күндіз +18…+20°C шамасында болады.
Алматыда өткінші бұлттанып, жаңбыр жауады. Жел секундына 5–10 метр жылдамдықпен соғып, екпіні 15 м/с дейін күшейеді. Түнгі уақытта термометр бағаны +10…+12°C, күндіз +20…+22°C көрсетеді.
Шымкентте жауын-шашынсыз ауа райы сақталады. Желдің жылдамдығы – секундына 8–13 метр. Түнде ауа температурасы +9…+11°C, күндіз +22…+24°C дейін жылынады.
Солтүстік, орталық және шығыс аймақтар
Қарағандыда жаңбыр жауып, жел екпіні секундына 15–20 метрге дейін күшейеді. Ауа температурасы түнде +6…+8°C, күндіз +16…+18°C деңгейінде болады. Жезқазғанда жауын күтілмейді, күндіз сынап бағанасы +20…+22°C көрсетеді.
Қостанайда жаңбыр жауады, күндіз ауа температурасы +14…+16°C болады. Көкшетау мен Петропавлда жауын-шашын болжанбайды, күндіз ауа тиісінше +16…+18°C және +15…+17°C аралығында жылынады. Павлодарда да құрғақ ауа райы сақталып, күндіз сынап бағанасы +19…+21°C көрсетеді.
Шығыста ауа райы құбылмалы. Өскемен мен Семей қалаларында жаңбыр жауып, жел күшейеді. Өскеменде күндіз +18…+20°C, Семейде +16…+18°C күтіледі.
Батыс пен оңтүстік облыстар
Батыс аймақтарда да ауа райы айтарлықтай салқындайды. Ақтауда найзағай ойнап, жаңбыр жауады, желдің екпіні секундына 15–20 метрге жетуі ықтимал. Күндіз ауа температурасы +20…+22°C шамасында болады. Ақтөбеде күндіз +13…+15°C, ал Атырауда +16…+18°C деңгейінде жауын-шашынсыз ауа райы күтіледі. Орал қаласында түнгі температура 0…+2°C дейін төмендеп, күндіз ауа бағамы бар болғаны +10…+12°C болады.
Оңтүстік өңірлерде жылылық әзірге сақталады. Қызылордада ауа райы жауын-шашынсыз, күндіз +23…+25°C жылы. Таразда +22…+24°C, Түркістанда күндіз +22…+24°C және желдің екпіні секундына 15–20 метрге дейін барады. Ал Қонаевта жаңбыр жауып, ауа температурасы күндіз +21…+23°C болса, Талдықорғанда жаңбыр мен найзағай болып, күндіз сынап бағанасы +18…+20°C шамасында тұрақтайды.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
