Алмас Кішкенбаев 15 күн жазасын өтеп шықты

«Алматы қаласының әкімшілік құқықбұзушылық жөніндегі мамандандырылған ауданаралық соты К.-ге қатысты әкімшілік құқықбұзушылық туралы істі жабық форматта қарады. Сот К.-ның мас күйде мұндай әрекеттерді жасағанын анықтады. Сотта К. болған оқиғаның мән-жайы есінде жоқ екенін мәлімдеді. К. ӘҚБтК-нің 434-бабының 1-бөлігі бойынша әкімшілік құқықбұзушылық жасағаны үшін кінәлі деп танылды, оған 15 тәулік мерзімге қамауға алу түрінде жаза қолданылды», — деп жазылған сот хабарламасында.

Айыптаудың мәні неде?

Бұған дейін желіде Алмас Кішкенбаевты полицияға әкеткені туралы ақпарат тараған еді. Ақпаратқа сүйенсек, оған “кәмелетке толмаған балаға тиісу” дерегі бойынша шағым түскен.

Алмас Кішкенбаев кім?

Алмас Кішкенбаев – қазақстандық эстрада әншісі, 2000-жылдардың басында Superstar KZ жобасының алғашқы маусымында (2004 жылы) жеңіске жетіп, танымалдылыққа ие болған. Содан бері ол бірнеше ән жинақ пен жеке концерттік бағдарламалар ұсынған.