Таяуда Алматы қаласында Қазақстанның Еуропалық Бизнес Қауымдастығы ұйымдастырған EUROBAK CSR Awards 2025 марапаттау рәсімі өтті. Іс-шара корпоративтік әлеуметтік жауапкершілік, экология, цифрландыру және маркетинг салаларында елеулі бастамаларды жүзеге асырған компанияларды тануға арналды.
Биылғы жылы байқауға Қауымдастыққа мүше компаниялардан 37 өтінім түсті. Конкурс бірнеше бағыт бойынша өтті: CSR (корпоративтік әлеуметтік жауапкершілік), экология, адами әлеуетті дамыту, IT және жаңғырту, маркетинг және PR. Жеңімпаздарды тәуелсіз қазылар алқасы анықтап, салтанатты рәсімде жарияланды.
«Экология» номинациясында GPI Lab және Coca-Cola компаниялары жүзеге асырып жатқан Smart Plastic Zone жобасы жеңімпаз болып танылды.
Бастама бизнестің пластикалық ізін азайтуға бағытталған: қазіргі тәжірибелерді диагностикалау, балама материалдар енгізу, қалдықтарды сұрыптап, қайта өңдеу, қызметкерлерді оқыту және ілгерілеуді бақылау. Жобаға қатысушы ұйымдарға тұрақтылық деңгейін растау ретінде «Silver», «Gold» немесе «Platinum» белгілері беріледі.
2025 жылдың наурыз айында іске қосылған сәттен бастап Smart Plastic Zone жобасына Қазақстанның бес өңірінен (Астана, Алматы, Ақмола, Ақтөбе, Қарағанды және Солтүстік Қазақстан облыстары) 53 ұйым қосылды. Жоба аясында үш марапаттау рәсімі өтіп, әлеуметтік желілерде 5 000-нан астам қамту жиналды. Бес ұйым «Smart Plastic Zone Platinum» белгісін алып, тұрақты бизнес тәжірибесінің эталонына айналды; 31 ұйым «Gold», 17 ұйым «Silver» мәртебесіне ие болды.
«EUROBAK марапаты біз үшін жай мойындау емес. Бұл Қазақстандағы бизнестің сөзбен емес, іспен әрекет етуге дайын екенінің белгісі. Егер нақты қадамдар мен қолдау болса, тұрақтылықты жүзеге асыру оңай», дейді Coca-Cola компаниясы өкілдері.
«Smart Plastic Zone бұл мәдениет туралы. Бұл пластикке жауапты қарау жеке қадам емес, жүйенің, корпоративтік бірегейліктің бөлігі болған кезде қалыптасады», деп қосады GPI серіктесі Юлия Якупбаева.
Жоба ерекшелігі стандарттар жасап қана қоймай, компания әрекеттері бүкіл ел бойынша көрінетін нақты тұрақтылық аймақтарын құрады. Бұл экосананы арттырып, тұрақты дамудың жаңа бизнес-бейнесін қалыптастырады.
EUROBAK Award марапатының өзі Қазақстанның іскерлік ортасындағы маңызды оқиғаға айналды: жыл сайын ұсынылатын жобалардың ауқымы мен маңызы артып келеді. Бұл байқауда жеңіске жету әріптестер мен серіктестер тарапынан сенім мен бедел белгісі болып саналады.
