Германиядағы Нюрбургринг трассасында өткен Lamborghini Super Trofeo Europe жарыс сериясының төртінші кезеңі қазақстандық Artline Kazakhstan командасы үшін сәтті аяқталды, деп жазады Ertenmedia.kz.
Команда екі күнге созылған жарыста тұрақты нәтиже көрсетіп, жоғары деңгейдегі үйлесімділік пен тактикалық дайындықтың арқасында екі бірдей күміс жүлдеге қол жеткізді.
Бірінші күні өткен квалификацияда Шота Абхазава өз санатында үшінші орынды иеленіп, трассадағы жылдамдығы мен сенімділігін көрсетті. Жарыстың бастапқы бөлігінде ол жоғары қарқын ұстап, командаға маңызды артықшылық қалыптастырды.
Егор Оруджев те квалификацияда жақсы нәтиже көрсетіп, негізгі жарыста алдыңғы орындар үшін күресті. Дұрыс таңдалған стратегия мен уақытында орындалған пит-стоп команданы екінші орынға шығарды. Осылайша, бірінші күн қорытындысында Artline Kazakhstan күміс жүлдеге ие болды.
Екінші күні жарыс одан да тартысты өтті. Егор Оруджев поул-позициядан бастап, бәсекелестер арасында өз орнын сақтап қалды. Кейін пилоттар ауысқан соң Шота Абхазава жарыстың екінші бөлігін сенімді жүргізіп, нәтижені сақтап қалды.
Кезеңнің қорытындысы бойынша команда тағы да екінші орынды иеленіп, қос күміс жүлдемен жарысты аяқтады.
Бұл нәтиже пилоттардың шеберлігі мен командалық жұмыстың нақты көрінісі. Artline Kazakhstan маусым бойы тұрақты нәтижеге ұмтылып, әр кезеңде өз мүмкіндігін көрсетіп келеді.
Келесі, бесінші кезең 10–12 қазан аралығында Испаниядағы Барселона–Каталония автодромында өтеді. Команда үшін маусым жалғасып жатыр.
Балықты «миға пайдалы тағам» деп бекер айтпайды. Оның құрамында ағзаға аса қажет Омега-3 май қышқылдары бар.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
