Алматыда Әзербайжанның танымал әншісі Роза Зергерли Қазақстанның халық әртісі Роза Рымбаеваны шығармашылығының 50 жылдық мерейтойымен арнайы құттықтады, деп жазады Ertenmedia.kz.
Әзербайжандық орындаушының айтуынша, ол Алматыға арнайы ұшып келіп, Роза Қуанышқызының мерейтойлық концертінде сахнада жеке құттықтауды мақсат еткен.
Қонақтың кенеттен сахнаға көтерілуі Роза Рымбаева үшін үлкен әрі жағымды тосынсый болды. Халық әртісі өзінің танымал аттасының арнайы келуіне ерекше тебіреніп, көңілі толқып, сахна төрінде оған деген ризашылығын білдірді.
Сахнадан көрермендерге жүрек тебірентер естелік айтқан Роза Қуанышқызы 1979 жылы «Жыл әні» фестивалінде өзінің аты аңызға айналған «Любовь настала» әнін орындаған сәтін есіне алды. Сол кезде теледидардан бұл әнді тамашалаған Роза Зергерлидің әкесі туған қызына әнші Розаның есімін берген екен.
Өз кезегінде Роза Зергерли мерейтой иесіне гүлдермен көмкерілген үлкен себетті табыс етіп, сахнадан бүкіл Әзербайжан халқының ыстық сәлемі мен шын жүректен шыққан тілектерін жеткізді. Сондай-ақ, ол Роза Рымбаеваның өнері мен әндері Әзербайжан жұртшылығының жүрегінде ерекше орын алатынын айтып, екі ел арасындағы мәдени байланыстардың нығая түсуіне сенім білдірді.
Бүгін жұлдыздар ақпараттың жеткіліксіздігі қателікке ұрындыруы мүмкін екенін ескертеді. Асығыстықтан гөрі, алдағы қадамдарды жоспарлауға күш салған жөн.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
