Қырымдағы ежелгі Қара-Төбе қалашығы ғалымдарды тағы да таңғалдырды. Соңғы зерттеулерге сәйкес, бұл жерді салған кешкі скифтер құрылыс кезінде ежелгі Мысырда қолданылған өлшем жүйесін пайдаланған болуы мүмкін, деп жазады Ertenmedia.kz.
Ғалымдар қалашықтың орталық бөлігін «цитадельді» зерттей келе, оның өлшемдері белгілі бір жүйеге бағынатынын анықтаған. Мысалы, бүкіл құрылым шамамен 35×35 метр. Бұл дәл 100 египет футына тең келеді. Бір египет футы шамамен 35 сантиметр.
Зерттеу нәтижесі бойынша, үйлердің ұзындығы да осы жүйемен сәйкес келеді. Көптеген ғимараттардың ұзындығы 17,5 метр, яғни 50 фут, ал ені 8,75 метр – 25 фут. Бұл кездейсоқ сәйкестік емес, алдын ала жоспарланған құрылыс болғанын көрсетеді.
Қарапайым тілмен айтқанда, скифтер қалашықты белгілі бір математикалық жүйемен бөліп салған. Үлкен аумақты бөліктерге бөліп, кейін оны тағы да ұсақ өлшемдерге ажыратқан.
Бұл жаңалық скифтердің тек көшпелі халық емес, күрделі жоспармен қала салған өркениет екенін дәлелдейді. Олар үйлерді ретсіз емес, нақты есеппен орналастырған.
Қара-Төбе қалашығының өзі де ерекше. Ол бастапқыда понтий әскерлері салған бекініс болған. Кейін скифтер оны иемденіп, ортасындағы мұнараны сақтап, айналасына өздерінің тұрғын үйлерін салған.
Қалашықтағы үйлер қорғаныс қабырғаларына тығыз орналасқан. Көшелер де нақты жүйемен салынған. Бұл да алдын ала жасалған жоспардың белгісі. Ғалымдардың айтуынша, мұндай құрылыс тәсілі антикалық мәдениеттің ықпалын көрсетеді. Себебі египет футы бұрын Грекия мен Кіші Азияда кең қолданылған.
Алайда бұл өлшем жүйесі скифтерге қалай жеткені әзірге белгісіз. Бұл болашақ зерттеулердің тақырыбы. Қара-Төбе – скиф өркениетінің жаңа қырын ашқан маңызды археологиялық нысан.
АҚШ-тың Орегон штатындағы үңгірлерден адамзат тарихындағы ең көне тігіліп тігілген киім бөлшектері табылды. Бұл жәдігерлер ежелгі адамдардың өмір сүру дағдысы туралы түсініктерді түбірімен өзгертуі мүмкін.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
