Белгілі әнші Жазира Байырбекова отбасында өткен ауқымды тойдан кейінгі әсерімен бөлісті. Өнер иесі алғашқы думанның өзі ойлағаннан да жоғары деңгейде өткенін айтып, қонақтарға да, ұйымдастыру ісіне атсалысқан мамандарға да алғысын жеткізді, деп жазады Ertenmedia.kz.
Әншінің сөзінше, тойға шақырылған қонақтардың басым бөлігі келген. Тіпті олардың саны 99 пайызға жеткен. Осындай құрмет пен ықылас Жазира Байырбекованы ерекше толқытқан. Ол әлеуметтік желідегі парақшасында алғашқы тойдың сәтті өтуіне үлес қосқан жандардың еңбегін айрықша атап өтті.
– Бұлай болады деп ойламадым. Шақырылған қонақтардың 99 пайызы келді. Алғыс білдіреміз. Алғашқы тойымыздың жоғары деңгейде өтуіне өз үлестеріңізді қосқандарыңыз үшін ерекше ризамыз. Әрқайсыларыңыз өз істеріңіздің нағыз шебері екендеріңізді дәлелдедіңіздер. Кештің көркін кіргізіп, көңілімізден шығатын керемет атмосфера сыйладыңыздар. Осындай кәсіби әрі ұйымшыл командамен жұмыс істеу біз үшін үлкен мәртебе. Сіздерге шығармашылық табыс, толағай жетістіктер және тек биік белестер тілейміз. Тағы да үлкен рақмет, – деп жазды әнші.
Жазира Байырбекова той аяқталған сәтте бір жайтқа таң қалғанын да жасырмады. Оның айтуынша, қонақтар кеш біте салысымен бірден тарай бастаған. Алғашында мұны күтпеген әнші кейін тамаданың тойды ресми түрде аяқтағанын түсінген.
Өнер иесі мұндай үлкен отбасылық шараның алдында да, одан кейін де қатты уайымдағанын ашық айтты. Соған қарамастан, тойдың сәтті өтуі, қонақтардың жылы ықыласы мен ұйымдастыру тобының кәсіби жұмысы көңіліндегі алаңды сейілткенге ұқсайды.
Қазақ қоғамында той жай ғана басқосу емес, отбасының абыройы мен ағайынның ықыласы сыналатын орта. Сол себепті танымал тұлғалардың өзі мұндай сәтте қарапайым ата-анадай алаңдайды. Жазира Байырбекованың жазбасынан да дәл осы көңіл күй анық сезіледі: қуаныш бар, ризашылық бар, сонымен бірге үлкен істің жауапкершілігі де анық байқалады.
Құрма сияқты жемістердің құрамында танин деп аталатын илегіш заттар бар. Осы танин асқазанда жиналып, бірте-бірте безоар атты бөгде түзіліске айналатынын білесіз бе?
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
