Алматыда 23-27 маусым аралығында бірқатар мекенжайда электр жарығы уақытша өшіріледі, деп жазады Ertenmedia.kz.
«Алатау Жарық Компаниясы» жөндеу жұмыстары мен анықталған ақауларды жоюға байланысты жоспарлы шектеу енгізілетінін хабарлады. Электр қуаты негізінен сағат 08:00-ден 17:00-ге дейін, кей жерде 09:00-ден бастап уақытша ажыратылады.
23 маусымда жарық Айгерім-1, Ұлжан-1, Ақжар, Қарағайлы, Томирис, Зерделі, Достық және Ақсай-1 шағынаудандарының бірқатар көшесінде өшіріледі. Сондай-ақ Жандосов, Тұрғыт Өзал, Сәтбаев, Түркебаев көшелері маңы, Шевченко, Байзақов, Жамбыл, Манас көшелері шеңбері, Әйтеке би, Мирзоян, Гоголь, Исаев көшелері аумағы, Марков, Тимирязев, Бальзак, Попов көшелері контуры да шектеу аймағына кіреді.
24 маусымда Мамыр-2, Мұзтау, Каменское плато, Қалқаман-3, Ақжар, Қарағайлы, Ұлжан-1 және Айгерім-1 шағынаудандарында электр қуаты уақытша тоқтайды. Бұқар жырау, Әуезов, Жароков, Жандосов көшелері маңында, Қазыбек би, Наурызбай батыр, Төле би көшелері аумағында, сондай-ақ Сәтбаев, Егізбаев, Мыңбаев, Тұрғыт Өзал көшелері шеңберінде де жөндеу жұмыстары жүргізіледі.
25 маусымда Айгерім-1, Самғау, Қарағайлы, Ақжар, Қалқаман-2, Таугүл-3 шағынаудандарының кей бөліктерінде жарық өшеді. Жандосов, Тұрғыт Өзал, Сәтбаев, Түркебаев көшелері аумағы, Шәкәрім, Гайдар, Құлымбетов, Рахманинов көшелері контуры, Қазыбек би, Нұрмақов, Әйтеке би, Әйтиев көшелері маңы және Төле би, Даргомыжский, Дүйсенов, Карьерная көшелері шеңбері де тізімге енгізілген.
26 маусымда Ақжүніс, Жетіжарғы, Баршынкент, Ұлағат көшелері бойындағы үйлерде, сондай-ақ 3-шағынауданның кей үйлерінде электр қуаты болмайды. Төлебаев, Бөгенбай батыр, Төле би, Қонаев, Тәттімбет, Луганский, Сейфуллин, Аймауытов, Щербаков, Чехов және Майборода көшелерінің бірқатар нөмірі де жоспарлы өшіру кестесіне кірген. Қалқаман-2, Ақжар және Қарағайлы шағынаудандарының кей көшелерінде де шектеу қойылады.
АЖК мәліметінше, мұндай жұмыстар электр желілерінің тұрақты жұмысын қамтамасыз ету және ақаулардың алдын алу үшін жүргізіледі. Компания тұрғындарға жоспарлы өшіру уақытын ескеріп, тұрмыстық техника мен электронды құрылғыларды алдын ала қауіпсіз режимге қоюға кеңес береді.
27 маусымға қатысты мекенжайлар ұсынылған кестеде толық көрсетілмеген. Сондықтан тұрғындарға нақты ақпаратты «Алатау Жарық Компаниясының» ресми арналары арқылы қосымша тексерген дұрыс.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
