Автор: Асылхан Бөрібай

Abdi дүкеніндегі глобустардан Қазақстанның ұстанымына қайшы келетін өрескел қате анықталды деп хабарлайды Ertenmedia. Журналист Халима Тәжіқұлдың айтуынша, дүкенде сатылып жатқан глобустарда Ресей басып алған Донецкі, Луганскі және Қырым (Севастополь) аумақтары Украина емес, Кремль территориясы ретінде көрсетілген. Бұл Қазақстанның ресми позициясына мүлдем сәйкес келмейді. «Дүкенге оқу құралдарын алуға барған едік, бірақ глобус алар кезде жоспарымыздан бас тарттық. Себебі мына глобустарда Қырым мен Украинаның шығысындағы басып алынған аумақтар Ресей құрамында тұр. Қазақстан аталған өңірлерді Украина мемлекетінің аумағы деп таниды. Сонда мұндай тауардың біздің дүкендерде емін-еркін сатылуы қаншалықты заңды?», – дейді журналист. Әріптесіміз осындай олқылық еліміздегі басқа дүкендерде де болуы мүмкін екенін айтып,…

Бәйтерек ауданы Байқоныс ауылында жаңа мектептің ашылу салтанаты өтті. Іс-шараға Батыс Қазақстан облысының әкімі Нариман Төреғалиев қатысты. Жаңа білім ордасының есігін айқара ашуы – ауыл тұрғындары үшін зор қуаныш әрі ерекше мағыналы оқиға. Облыс әкімі құттықтау сөзінде Қазақстан Республикасының Конституциясының ел бірлігін, тұрақтылығын және азаматтардың тең құқықтарын қамтамасыз етудегі рөліне тоқталды. Сондай-ақ Мемлекет басшысы Қасым-Жомарт Тоқаевтың орта білім сапасын арттыруға қатысты тапсырмаларының өңірде дәйекті жүзеге асырылып жатқанын атап өтті. «Орта білімнің сапасы – табысты ұлт болудың маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс. Бүгінгі Байқоныстағы еңселі мектеп – осы міндеттің нақты орындалуының көрінісі», –…

Асхат Ораловтың Маңғыстау облысы әкімінің бірінші орынбасары болып тағайындалуын кейбіреулер тосын шешім деп қабылдады. Десе де, саясаттанушы Ғазиз Әбішевтің пікірінше, өңірдің қазіргі күрделі жағдайында дәл осындай басқарушы кадр қажет деп жазады Ertenmedia. Әбішевтің айтуынша, Павлодар өңірінен шыққан, кезінде Мәдениет және спорт министрлігін басқарып, Президент Әкімшілігінде де қызмет еткен Асхат Оралов «кабинет шенеунігі» емес, керісінше, халықпен тікелей диалог құра білетін, тәжірибелі менеджер. «Оралов қазақ тілінде шешен әрі халықтық стильде еркін сөйлей алатын тұлға. Қажет жерде елмен етене тіл табысып, кейде жұрттың көңілін аулап, ал кейде батыл түрде ашық пікірталасқа түсе алады. Ашулы халықтың ортасына кіріп, мәселені бетпе-бет талқылауға екінің бірі тәуекел…

Мәжіліс депутаты Бақытжан Базарбек Қапшағай жағасындағы заңсыз жер иелерінің аты-жөнін ашық жариялайтынын мәлімдеді деп хабарлайды Ertenmedia. Оның бастамасымен ерекше қорғалатын аймаққа кіретін 82 жер телімі тексерілген болатын. Бұған дейін төрт телімнің иесі ретінде Тимур Құлыбаевтың «Кипрос» ЖШС тіркелгенін хабарлаған едік. Алайда бұл заңсыз жер иеленушілердің толық тізімі емес екен. «Жер телімдерінің артында жергілікті әкімдіктердің, Алматы облысы әкімдігінің және құқық қорғау органдарының жоғары лауазымды тұлғалары тұр. Бізде олардың аты-жөндері бар, дәл қазір шын мәніндегі бенефициарларды анықтап жатырмыз. Кейбір жер телімі заңды тұлғалардың атына рәсімделген. Бұл жерлердің жалғыз иесі Құлыбаев немесе Қайрат Боранбаев емес. Әлгі 82 жер телімінің артында ондаған ықпалды тұлға…

Алматының экс-әкімі әрі бұрынғы «Нұр Отан» партиясы төрағасының бірінші орынбасары Бауыржан Байбек саясаттан кеткеннен кейін шетелде белсенді жұмыс істеп жүр. Саясат пен мемлекеттік қызметтен қол үзген соң, екі жылдан астам уақыт Біріккен Араб Әмірліктерінде тұрып, Қазақстанға инвестиция тартумен айналысқан. Соңғы бір жарым жылдан бері Байбек Жапонияда еңбек етіп жатыр. Оның қазіргі міндеті жапондық инвестиция мен озық технологияны елімізге тарту арқылы инновациялық жобаларды іске асыру. Сонымен қатар, 2022 жылдың наурызынан бері Байбек онлайн форматта Ақмола облысында жұмыс істейтін «Qazaq Kaolin» компаниясының кеңесшісі қызметін атқарады. Аталған компания Германияның заманауи технологиясымен каолин өңдеу өндірісін жолға қоймақ. Бұл мәліметтерді Nege.Aqsha порталына Бауыржан Байбектің әпкесі…

Таяуда Германиядағы атышулы Нюрбургринг трассасы тағы да дүбірге бөленді. Lamborghini Super Trofeo Europe жарысының төртінші кезеңінде Artline Kazakhstan командасы сенімді өнер көрсетіп, жанкүйерлерін қуантты. Бұл кезең олардың тек жылдамдық пен шеберлігін емес, ең бастысы – бірлігі мен үйлесімді жұмысын айқындап берді. Жарыстың алғашқы күнінде Шота Абхазава квалификацияда өз санатында үшінші орын алып, трассада сенімділік пен жоғары қарқынды көрсетті. Ол жарысты батыл бастап, команданың реңін айқындап берді. Егор Оруджев те мықтылығын дәлелдеп, қарсыластарымен иық тірестіре жарысты. Уақытында жасалған пит-стоп пен үйлесімді тактиканың арқасында команда өз класында екінші орынға көтеріліп, лайықты күміс жүлдені иеленді. Бұл жүлде – команданың табандылығы мен бірлігінің айқын…

Новосібір мемлекеттік университетінің (НГУ) Қазақстанда ашылуы жоспарланған филиалы әзірге тоқтап тұр. Университет ректоры Михаил Федоруктың айтуынша, жобаны іске асыруды кейінге қалдыруға қазақстандық тараптың өзі өтініш білдірген деп хабарлайды Ertenmedia. «Біз бұл бастамадан бас тартпаймыз. Қазақстандағы филиалдың негізгі бастамашылары осы елден шыққан түлектеріміз. Алайда қазіргі уақытта жоба қазақстандық тараптың өтініші бойынша уақытша тоқтатылды», – деді Федорук. Жоспар бойынша филиал Әл-Фараби атындағы Қазақ ұлттық университетінің базасында ашылуы тиіс болатын. Ресейлік университет бакалавриат, магистратура бойынша 20-дан астам мамандықты ұсынбақшы еді. Оның ішінде мұнай өндіру және кен орындарындағы геофизика, Deep Robotics, жүйелік бағдарламалау, сондай-ақ мұнай-газ жүйелерін модельдеу, биоақпараттық жүйелерді талдау, ғарыштық және арнайы құрылғылар…

Қасым-Жомарт Тоқаевтың Қытайға сапары Шанхай ынтымақтастық ұйымының Тянжиндегі саммитімен шектелген жоқ. Мемлекет басшысы қазір Бейжіңде өтіп жатқан Қазақстан-Қытай іскерлік кеңесінің сегізінші отырысына қатысып отыр деп жазады Ertenmedia. Жиынға Қытай Мемлекеттік кеңесінің бірінші вице-премьері, ҚКП Орталық комитеті Саяси бюросының Тұрақты комитетінің мүшесі Дин Сюэсян да келген. Шараға мемлекеттік мекемелердің, ірі бизнес пен халықаралық корпорациялардың 500-ден астам өкілі жиналды. Оның ішінде Қытайдың жетекші 70-тен астам компаниясының басшылары бар. Президенттің баспасөз хатшысы Руслан Желдібайдың мәліметінше, осы басқосу аясында жалпы құны 15 миллиард доллардан асатын 70-тен астам келісімге қол қойылады. Аталған келісімдер Қазақстан экономикасына тартылатын жаңа инвестицияларды көздейді. Энергетика, цифрландыру, құрылыс, металлургия, телекоммуникация, көлік…

Асхат Оралов Маңғыстау облысы әкімінің бірінші орынбасары болып тағайындалды деп жазады Ertenmedia. 2023 жылдың қаңтарынан тамыз айына дейін мәдениет және спорт министрі болған ол соңғы қызметін Президент Әкімшілігінде мемлекеттік инспектор ретінде атқарған еді. Ораловтың министрлік тұсындағы тоғыз айлық жұмысы аса шулы оқиғалармен есте қалмады. Ерекше жетістігімен де көзге түспеді, айқай-шу, дау-дамайдан да алыс жүрді. Министр кезіндегі жалғыз есте қаларлық жайт Астанадағы көрмеде тәжік тауарларының талан-таражға түсуі болды. Бұл көрмені сол кезде Мәдениет министрлігі ұйымдастырған болатын. Айта кетейік, Ораловтың әкімдік жүйесінде тәжірибесі бар. 2021-2022 жылдары ол Алтай Көлгіновтың орынбасары ретінде елорда әкімдігінде қызмет атқарған. Ораловтың осы жолғы тағайындалуы өңірлердегі кадрлық ауыс-түйістердің…

Бүгін Білім күніне орай Алматы облысында 491 мектептің есігі айқара ашылып, 362 мыңнан астам оқушы жаңа оқу жылын бастады. Оның ішінде 35,5 мың бүлдіршін алғаш рет мектеп табалдырығын аттап отыр. Жаңа оқу жылының басты ерекшелігі – өңірде 9 жаңа мектеп пайдалануға берілді. Оның 8-і ұлттық «Келешек мектеп» жобасы аясында салынса, тағы біреуі жеке инвестордың қаражаты есебінен бой көтерді. Бұл нысандар заманауи талаптарға сай жабдықталып, оқушылар үшін қолайлы орта қалыптастырды. Алматы облысында жаңа оқу жылына орай білім беру ұйымдары оқулықтармен 100 пайыз қамтамасыз етілді. Бұл мақсатқа 3 млрд теңге бөлініп, барлығы 808 568 жаңа және қайта басылған кітап сатып алынды. 4-сынып…