Автор: Асылхан Бөрібай

Шымкент қаласының әкімі Ғабит Сыздықбеков Орталық коммуникациялар қызметіндегі брифингте қала экономикасының 10 айдағы қорытындысын жариялады. Ресми мәлімет бойынша, биылғы жылдың қаңтар-қазан айлары арасында Шымкент экономикасының жалпы өсімі 14,8 пайызға жеткен. Осы көрсеткіш мегаполисті республика бойынша алдыңғы қатарға шығарды, деп жазады Ertenmedia.kz. Шымкент қаласындағы экономикалық өсу тек бір сектор есебінен емес, бірнеше бағыттың бірге жұмыс істеуінің нәтижесінде мүмкін болғанын әкім жіліктеп түсіндіріп берді. Қала басшысының айтуынша, жоғары көрсеткішті қалыптастыруға сауда, байланыс, өнеркәсіп, құрылыс, инвестиция бәрі оң әсерін тигізген. Соңғы уақыттары қаланың ішкі нарығы жанданып, тұрғындардың кәсіпкерлік белсенділігі артқан. – Экономикадағы өсім қала тұрғындарының белсенділігі мен кәсіпкерліктің динамикасымен тікелей байланысты. Сауда көлемінің…

Шымкент әкімі Ғабит Сыздықбеков бұрынғы орынбасары Руслан Берденовке жасалған қастандыққа қатысы бар деген қауесетті жоққа шығарды, деп жазады Ertenmedia. Брифинг барысында журналистердің сұрағына жауап қатқан қала басшысы әлгі іске өзінің ешқандай қатысы жоқ екенін, мұндай әңгімелердің негізсіз өсек-аяң екенін жеткізді. «Біз құқық қорғау органы емеспіз. Сот өз үкімін шығарды, кінәлі адам жазасын алды. Ал осы іске менің қатысым бар деген сөздің бәрі жала. Әлбетте адам өзін қорғау үшін түрлі нәрсені айта береді. Осы тұста әңгіме тәмам болуы керек еді. Сот шешімін шығарды, болары болып, бояуы сіңген мәселені қайта-қайта қозғаудың қажеті жоқ», – деді әкім. Сыздықбековтің айтуынша, орынбасары Руслан Берденов қала…

Шымкентте биыл жұмысқа орналасу мен әлеуметтік қолдау бағыты бойынша бірқатар нақты нәтиже тіркелді деп жазады Ertenmedia.kz. Бұл тураcында қала әкімі Ғабит Сыздықбеков Орталық коммуникациялар қызметінде өткен брифингте мәлімет берді. Оның сөзінше, негізгі басымдық тұрғындарды тұрақты жұмыспен қамтамасыз ету, жәрдемақыға тәуелділікті азайту және еңбекақы деңгейін біртіндеп көтеру, Ресми дерек бойынша, жыл басынан бері Шымкентте шамамен 34 мың адам тұрақты жұмысқа орналасқан. Бұл ретте еңбек шарты бар, ай сайын тұрақты жалақы төленетін жұмыс орындары туралы сөз болып тұр. Ал түрлі жұмыспен қамту бағдарламаларына, қысқа мерзімді жобаларға, қоғамдық жұмыстарға және кәсіптік оқытуға тартылғандар саны 46 мыңнан асады. Бұл қалада еңбекке араласуға мүмкіндік алған…

Алматы қаласындағы Бәйдібек би көшесі, 59-үй мекенжайында орналасқан екі қабатты ғимаратты бұзу жұмыстары басталды. Қала құрылысын бақылау басқармасы нысан бойынша бұған дейін жоспардан тыс тексеру жүргізілгенін, соның нәтижесінде «Он жеті» жеке кәсіпкерлігіне қатысты әкімшілік шаралар қолданылғанын хабарлады, деп жазады Ertenmedia.kz. Тексеруден кейін аталған екі қабатты нысанды бұзу туралы талап арыз Алматы қаласының Мамандандырылған ауданаралық экономикалық сотына жолданған. Сот қарауынан соң 2025 жылғы 23 маусымдағы шешіммен талап толық қанағаттандырылған. Бұдан бөлек, 2023 жылғы 20 қазанда Алматы қалалық сотының қаулысымен бірінші сатыдағы шешім күшінде қалғаны көрсетілген. Қазіргі уақытта сот актісін орындау кезеңі басталған. Алматы қаласы Әділет департаментінің сот орындаушыларының қатысуымен нысанды бұзу…

Алматы облысының өңірлік дамыту орталығы мен Әл-Фараби атындағы ҚазҰУ-дің цифрлық технологиялар саласындағы ынтымақтастық туралы маңызды меморандумға қол қойды, деп жазады Ertenmedia.kz. Құжат өңір экономикасына инновацияларды енгізу, бірлескен ғылыми зерттеулер мен цифрлық жобаларды дамытуға бағытталған. Тараптар жасанды интеллект, үлкен деректерді талдау (Big Data), цифрлық платформаларды енгізу сияқты заманауи шешімдер бойынша бірлесіп жұмыс істеуге келісті. Ынтымақтастық аясында университеттің суперкомпьютерлік базасында қала инфрақұрылымын басқару көзделген. Сонымен қатар климаттық жағдайларды модельдеу, көлік жүйесін интеллектуалды басқару, төтенше жағдайларды болжау да назарда бар. Энергетикалық желілерді оңтайландыру сынды күрделі цифрлық жобалар әзірленіп, сынақтан өткізіледі. – Бүгін біз облыс болашағына үлкен ықпал ететін тарихи қадам жасадық. Бұл меморандум…

Қазақстандағы шағатай қолжазбаларын зерттеу бойынша «Ғылым ордасы» мен Гарвард университетінің бірлескен семинары өтті, деп хабарлайды Ertenmedia.kz. «Қазақстанның қолжазба мұрасы: реестрлеу, реставрациялау, ғылыми каталогтау, цифрландыру және кешенді кодикологиялық зерттеу» ғылыми бағдарламасы аясындағы іс-шараға «Ғылым ордасы», Гарвард университеті жанындағы Дэвис Ресей және Еуразиялық зерттеулер орталығы, Қожа Ахмет Ясауи атындағы Халықаралық қазақ-түрік университеті мен Astana IT University мамандары қатысты. Гарвард университетінің Шығыс Азия тілдері мен өркениеттері кафедрасының препцепторы доктор Гүлнар Е. Юлғун шағатай қолжазбалары бойынша семинар өткізді. Семинар барысында шағатай тіліндегі тарихи мәтіндерді ғылыми интерпретациялау, палеографиялық ерекшеліктерін ажырату, мәтіндік дәстүрлер мен қолжазбатану ғылымындағы озық зерттеу тәсілдері талқыланды. Сонымен қатар қатысушылар шағатай мәтіндерін оқып-зерттеудің…

Алматының алдағы бес жылда қалай өзгеретіні жайлы қалалық Экономика басқармасының басшысы Бауыржан Құдайбергенов айтып өтті. Қала дамуы жеті басымдыққа сүйенеді. Ол тұрақты экономикалық өсім, көлік жүйесін дамыту, жайлы қалалық орта, әлеуметтік тұрақтылық, экология, цифрлық трансформация және қауіпсіздік. Яғни, бір ғана салаға жабысып қалмай, қаланың тіршілігін тұтас жаңарту мақсаты тұр, деп жазады Ertenmedia.kz. 2030 жылға дейінгі межелер де түсінікті қойылған. Жалпы өңірлік өнімді екі еселеу, инвестиция көлемін 7 трлн теңгеге дейін жеткізу, шағын және орта бизнестің үлесін 65 пайызға дейін өсіру жоспарланып отыр. Бұл жерде ерекше назар туризм мен Индустриялық аймақты дамытуға ауып тұр. Қалаға ақша тек құрылыс үшін емес, жаңа…

Биыл Алматыда ерекше қажеттілігі бар азаматтарға арналған мәдени өмір бір саты жоғарылай түсті десек болады. Соның бір дәлелі «Алатау» театры жанындағы демалыс бөлімінің жұмысы. Жыл ішінде олар шығармашыл қала тұрғындарын қолдау үшін 132 мәдени іс шара ұйымдастырған, деп жазады Ertenmedia.kz. Бұл шаралар бір залдың ішінде ғана өткен жоқ. «Атамұра», «Армандастар», «Ән жүрек», «Дос» сияқты шығармашылық ұжымдар жыл бойы санаторийлерге, ардагерлер госпитальдарына барып, концерт қойды. Бір қарағанда қарапайым сапар сияқты, бірақ ондай жердегі адамға концерттің өзі көңіл көтеру ғана емес, қоғам назарынан тыс қалмағанын сездіретін белгі. Зағип жандарға арналған мәдениет үйінде де жұмыс тоқтамаған. Мұнда мерейтойлық, ағартушылық бағыттағы кездесулер, концерттер, түрлі…

Шымкентте өңдеу өнеркәсібі биыл он айдың қорытындысы бойынша 16,5 пайызға өскен. Бұл туралы Орталық коммуникациялар қызметінде өткен брифингте қала әкімі Ғабит Сыздықбеков айтты. Ресми мәліметке қарағанда, дәл осы өңдеу секторы мегаполис экономикасының негізгі «қозғаушы күші» болып отыр, деп жазады Ertenmedia.kz. Соңғы үш жылда өнеркәсіп саласында жалпы құны 150 млрд теңге болатын 40 жоба іске қосылған. Соның нәтижесінде 2,5 мыңнан астам жаңа жұмыс орны ашылған. Бұл әр зауыттың артында нақты адамдардың табысы, отбасылардың тұрақты кірісі бар деген сөз. Әкім өз сөзінде өңдеу өнеркәсібінің маңызын нақты атап өтті: – Өңдеу өнеркәсібін дамыту Шымкенттің ұзақ мерзімді дамуының негізгі тірегі. Жаңа өндіріс орындарын ашу…

Тәуелсіздік пен желтоқсан. Бұл екеуі егіз ұғым. Сонау 1986 жылдың желтоқсанында қазақ жастары көтерілмегенде дәл бүгінгі күнге, яғни тәуелсіздікке жетер ме едік, жетпес пе едік. Қасиеті мен қасіреті қатар жүретін сол күннің тарих бетінен орын алғанына да 39 жыл болыпты. Ал, тәуелсіздік күнінің шуақ шашқанына 34 жыл. Әрі қуанышты, әрі мұңлы осынау мереке қарсаңында жер-жерде ауыз толтырып айтарлықтай іс-шаралар өтіп жатыр. Алматы қаласы, Түркісіб ауданының әкімдігі де желтоқсан ардагерлерімен кездесіп, желтоқсан көтерілісінің құрбаны батыр қыз Ләззат Асанованы еске алу мақсатында «Желтоқсан» саябағына жиналды. 1986 ның ызғарлы аязы мен қылышынан қан тамған Кеңес үкіметінің тепкісінен үрікпей, ұлт мүддесі үшін алаңға шыққан…