Бүгін облыстық әкімдікте өткен кеңесте инвестиция тарту және жобалардың өңірлік пулын іске асыру мәселелері талқыланды, — деп жазады Ertenmedia.kz.
Бүгінгі таңда жалпыұлттық пулға Шығыс Қазақстанның 48 жобасы кіреді, олар өнеркәсіп, ауыл шаруашылығы, сауда, энергетика және туризмге қатысты. Жыл соңына дейін жалпы сомасы жүз миллиард теңгеден асатын тоғыз кәсіпорынды пайдалануға беру жоспарлануда. Алайда, ШҚО-ның барлық аудандарында бірдей инвестициялық жобалардың саны әлеуетке сәйкес келмейді.
— Инвестиция тарту — бұл қалалар мен аудандар әкімдерінің дербес жауапкершілігі, түсіндіру жұмыстарын белсенді жүргізу, инвесторларды әр кезеңде сүйемелдеу, мемлекеттік қолдаудың барлық шаралары туралы айту, ақпаратты өзектендіру, туындайтын кедергілерді уақтылы жою қажет, — деді Нұрымбет Сақтағанов.
Ол сондай-ақ әр аудан өзінің инвестициялық қажеттіліктеріне егжей-тегжейлі талдау жүргізіп, оларды жүзеге асыру үшін белсенді жұмыс істеуі керек екенін атап өтті. Инженерлік-коммуналдық инфрақұрылым, жер қойнауын пайдалану, геологиялық барлау, агроөнеркәсіп және туризм салаларына ерекше назар аудару қажет.
