Ұзақ демалыс жақындап қалды: Наурыздағы демалысты қалай жоспарлаған дұрыс

2026 жылдың наурыз айы қазақстандықтар үшін ерекше жомарт болып, бірнеше ұзақ демалыс күндерін сыйлайды, деп жазады Ertenmedia.kz.

Бұл айда елімізде бірден екі мемлекеттік мереке атап өтіледі. Халықаралық әйелдер күні мен Наурыз мейрамы. Мерекелік күндердің демалыстармен сәйкес келуіне байланысты азаматтар айдың жартысына жуығын демалып өткізеді.

Наурыздағы жұмыс және демалыс күндері қалай белгіленген?

2026 жылдың наурызы демалыс күндеріне ең бай айлардың бірі болады. Нақтырақ айтсақ:

Бес күндік жұмыс аптасында: 13 күн демалыс және 18 жұмыс күні.

Алты күндік жұмыс аптасында: 9 күн демалыс және 22 жұмыс күні.

8 Наурыз мерекесіндегі демалыс кестесі:

Халықаралық әйелдер күні жексенбіге түсіп тұр. Сондықтан демалыс күнін ауыстыру ережесіне сәйкес дүйсенбі, 9 наурыз қосымша демалыс күні ретінде белгіленді.

Бес күндік жұмыс аптасы:

7, 8 және 9 наурыз – қатарынан үш күн демалыс;

10 наурыз (сейсенбі) – жұмыс күні.

Алты күндік жұмыс аптасы:

7 наурыз – жұмыс күні;

8, 9 наурыз – демалыс;

10 наурыз (сейсенбі) – жұмыс күні.

Наурыз мейрамындағы демалыс күндері:

Наурыз мерекесі дәстүрлі түрде 21-23 наурыз аралығында аталып өтеді. 2026 жылы:

21 наурыз – сенбі;

22 наурыз – жексенбі;

23 наурыз – дүйсенбі.

Демалыс күндерінің мейраммен сәйкес келуіне байланысты, қосымша демалыстар 24 және 25 наурыз күндеріне ауыстырылды.

Бес күндік жұмыс аптасы бойынша:

21–25 наурыз – қатарынан бес күн демалыс (сенбі – сәрсенбі аралығы).

Алты күндік жұмыс аптасы бойынша:

21–24 наурыз – қатарынан төрт күн демалыс;

25 наурыз – жұмыс күні.

Наурыздағы басқа мерекелік күндер:

Сонымен қатар наурызда мынадай ерекше күндер де атап өтіледі:

1 наурыз – Алғыс айту күні;

14 наурыз (наурыздың екінші сенбісі) – Жерге орналастыру, геодезия және картография күні.

Егер көктемде демалыс немесе саяхат жоспарлап отырсаңыз, наурыз айының демалыстарын тиімді пайдалана аласыз. Ал жұмыс пен табыс балансына нұқсан келтірмеу үшін қай айларда қысқа мерзімді демалыстар алған дұрыс екені туралы да ойланған жөн.

Осылайша, 2026 жылдың наурыз айы қазақстандықтар үшін тиімді демалуға, отбасымен және жақындарымен уақыт өткізуге, сапар мен демалысты алдын ала жоспарлауға тамаша мүмкіндік береді.

Айтпақшы, кофе ішу гипертонияның (жоғары қан қысымы) пайда болу қаупін арттырмайды екен. Ғалымдар 315 мыңнан астам адамның қатысуымен өткен 13 зерттеудің нәтижесін талдап, осындай қорытындыға келіпті.