Автор: Нұрлан Жұмахан

Премьер-министр Олжас Бектенов Инвестициялық ахуалды жақсарту жөніндегі кеңес отырысын өткізді, деп жазады Ertenmedia.kz. Жиында Қазақстан Үкіметі мен халықаралық іскер топтар арасындағы байланыс талқыланды. Тараптар өзара іс-қимылды күшейту жолдарын қарады. Цифрландыру және жасанды интеллект саласындағы инвестициялық мүмкіндік те сөз болды. Отырыста жаңа Конституцияның күшіне енуіне ерекше назар аударылды. Премьер-министр оны ел дамуының жаңа кезеңімен байланыстырды. Оның айтуынша, Қазақстан саяси және экономикалық жаңғырудың жаңа дәуіріне өтті. «Бүгінгі кездесу еліміз үшін тарихи кезеңде өтіп отыр. Президент Қасым-Жомарт Тоқаевтың басшылығымен Қазақстан жаңа дәуірге қадам басты. Жалпыұлттық референдумда қабылданған Конституция Әділетті және Озық Қазақстан құруға жол ашты. Ол ауқымды реформаларды жүйелі жалғастыратын ұлт Жарғысына айналды»,…

Ұлттық банк пен Қаржы нарығын реттеу агенттігі жеке тұлғаларға несие беру талабын қатаңдатпайды, деп жазады Ertenmedia.kz. Реттеуші органдар қарыз алушыға қойылатын қазіргі талапты сақтайды. Қосымша шектеу енгізу жоспары тоқтатылды. Ипотека бойынша шекті мөлшерлеме де төмендемейді. Шешімді Ұлттық банк төрағасы Тимур Сүлейменов мәлімдеді. Ол Үкіметтің экономикалық блогы өткізген кеңесте сөйледі. «Біз КДН және КДД бойынша талапты қатаңдатудан бас тарттық. Ипотека бойынша ГЭСВ төмендетілмейді», деді Ұлттық банк басшысы. Бұған дейін бірнеше жаңа шектеу қаралған. Олар кредит нарығындағы тәуекелді азайтуға бағытталған еді. Әсіресе тұтынушылық кредиттің өсуі алаңдатқан. 2027 жылғы 1 қаңтардан бастап жаңа талап енгізілмек болған. Қарыздың табысқа қатынасы шектелуі тиіс еді. КДД…

Қазақстанға көлік әкелуге жаңа тыйым енгізілмегенін Мемлекеттік кірістер комитеті мәлімдеді, деп жазады Ertenmedia.kz. Соңғы күндері әлеуметтік желі мен авточаттарда көлік импорты қызу талқыланды. Оған KEDEN жүйесіндегі рәсімдеу қиындығы себеп болды. Кей қолданушы автокөлік декларациясын тапсыра алмағанын жазды. Нарық қатысушыларының айтуынша, кей жеңіл көлікті рәсімдеу кезінде жүйе қате көрсеткен. Онда көлікті әкелуге тыйым салынғаны туралы хабарлама шыққан. Осыдан кейін ел ішінде түрлі болжам тарады. Сонымен қатар кеден төлемі өсуі мүмкін деген ақпарат айтылды. Желіде мөлшерлеме 33,4 пайыздан 48 пайызға көтеріледі деген пікір тараған. Бұл импорттық көлік бағасы қымбаттайды деген қауіп тудырды. Алайда Мемлекеттік кірістер комитеті мұндай болжамды растамады. Ведомство қазіргі уақытта…

Батыс Қазақстан облысының Шыңғырлау ауданында заманауи талаптарға сай салынған жаңа теміржол вокзалы пайдалануға берілді. Халықаралық теміржол дәлізі бойындағы нысан жолаушыларға қауіпсіз әрі қолайлы қызмет көрсетуге мүмкіндік береді, – деп жазады Ertenmedia.kz. Вокзалдың ашылу рәсіміне облыс әкімі Нариман Төреғалиев қатысып, аудан тұрғындарын жаңа нысанның іске қосылуымен құттықтады. Жоба Мемлекет басшысы Қасым-Жомарт Тоқаевтың теміржол инфрақұрылымын жаңғырту жөніндегі тапсырмасы аясында жүзеге асырылды. Бастапқыда Шыңғырлау стансасындағы ескі ғимаратты күрделі жөндеуден өткізу жоспарланған. Алайда техникалық тексеру кезінде вокзалдың әбден тозғаны анықталып, оны сүріп, орнына жаңа нысан салу туралы шешім қабылданды. Шыңғырлау халықаралық теміржол бағыты бойындағы маңызды стансалардың бірі саналады. Сондықтан ғимараттың ішкі инфрақұрылымына ерекше көңіл…

Алматыда шағын өнеркәсіптік парктер өндірістік бизнесті қолдайтын негізгі тетіктің біріне айналды. Дайын ғимарат пен инженерлік инфрақұрылым кәсіпкерлерге өндірісті қысқа мерзімде іске қосып, бастапқы шығынды азайтуға мүмкіндік береді, – деп жазады Ertenmedia.kz. Индустриялық аймақ директоры Ерлан Жайлаубайдың айтуынша, шағын өнеркәсіптік парктер жаңа өндіріс ашуға қажетті уақытты едәуір қысқартады. Кәсіпкер жер телімін рәсімдеу, ғимарат салу және инженерлік желі тарту жұмыстарымен айналыспай, өнім шығаруға, технология енгізуге және өткізу нарығын кеңейтуге басымдық бере алады. – Шағын өнеркәсіптік парктер шағын және орта өндірістік бизнесті дамытуға қолайлы өнеркәсіптік экожүйе қалыптастырады, – деді Ерлан Жайлаубай. Қазір Алматыда жалпы аумағы шамамен 95 мың шаршы метр болатын 23 шағын…

Алматы индустриялық аймағында жыл соңына дейін жалпы құны 12,6 млрд теңге болатын 11 инвестициялық жоба іске қосылады. Жаңа кәсіпорындар 691 жұмыс орнын ашып, қаланың өндірістік әлеуетін күшейтеді, – деп жазады Ertenmedia.kz. Индустриялық аймақ директоры Ерлан Жайлаубайдың айтуынша, жобалардың алтауы өнеркәсіп секторына тиесілі. Олардың қатарында жылу және сумен жабдықтау жүйесіне арналған жабдық өндірісін кеңейту, Euro Truck Service логистикалық кешенін салу, ПВХ парақтарын, газоблок пен ALC-панельдер шығаратын кәсіпорындар бар. Сонымен қатар тұрмыстық қағаз өнімдерін өндіретін зауыт пен металл жол-көпір конструкцияларын жасайтын кәсіпорын іске қосылмақ. – Құрылыс материалдары, машина жасау, көлік-логистика, химия өнеркәсібі, қалдықтарды қайта өңдеу және күнделікті тұтынатын тауарлар өндірісі қарқынды дамып…

Батыс Қазақстан облысында «Таза Қазақстан» бағдарламасы аясындағы «50 жаңа аула» экологиялық акциясы жалғасып жатыр. Орал қаласында өткен кезекті шара тұрғын үйлердің ауласын көркейтіп, тұрғындарды ортақ кеңістікке жауапкершілікпен қарауға үндеді, – деп жазады Ertenmedia.kz. Акция барысында көпқабатты үйлердің маңындағы аумақтар қоқыстан тазартылып, жасыл желек ретке келтірілді. Аула ішіндегі тұрмыстық қалдықтар жиналып, тұрғындарға қолайсыздық тудырған учаскелер абаттандырылды. Тазалық жұмысына облыс жастары, еріктілер және жергілікті тұрғындар қатысты. Қатысушылар аула аумағын бірлесіп ретке келтіріп, қоршаған ортаны қорғауға бағытталған бастамаға өз үлесін қосты. Мамандардың пікірінше, мұндай шаралар қаланың санитарлық жағдайын жақсартумен шектелмейді. Тұрақты ұйымдастырылған сенбіліктер тұрғындардың экологиялық мәдениетін қалыптастырып, ортақ мүлікке деген жауапкершілігін күшейтеді. Батыс…

Батыс Қазақстан облысында қуаты 50 мегаватт болатын алғашқы жел электр станциясының құрылысы басталды. Қытайлық инвестор қаржыландырған жоба өңірдің энергетикалық әлеуетін арттырып, жаңартылатын қуат көздерінің үлесін кеңейтуге бағытталған, – деп жазады Ertenmedia.kz. Энергетикалық нысан Орал қаласының оңтүстік-батысындағы 140 гектар аумақта салынып жатыр. Құрылыс барысымен облыс әкімі Нариман Төреғалиев танысып, мердігерлер мен инвестор өкілдерінің есебін тыңдады. Жоба аясында әрқайсысының биіктігі 100 метр болатын 6 жел қондырғысы орнатылады. Қазір құрылыс алаңында негізгі дайындық жұмыстары жүргізілуде. Жел генераторлары қойылатын жерлерде тереңдігі 5 метрлік шұңқырлар қазылып, іргетас негізі әзірленген. Келесі кезеңде арматура тоқылып, бетон құю жұмысы басталады. Құрылысқа жергілікті компания тартылған. Алаңда 15 адам мен…

Еревандағы сайлау Кремль фиаскосымен аяқталды. Никол Пашинянның мансабындағы ең ауыр дода Мәскеудің бұрынғы айбарынан айырылғанын біржола дәлелдеді деп жазады Ertenmedia.kz. Сарапшы Нұрлан Жұмаханның пікірінше, Кремль Әрмениядағы билікті ауыстыру үшін ақша аямаған. Солай бола тұра, Ереванның Батысқа бет түзеуін бұғаттау жоспары күл-парша болған. Айта кетелік, премьердің «Азаматтық келісім» партиясы 49,8 пайыз дауыспен жалғыз өзі көпшілік орынды сақтап қалды. Сарапшы аталған нәтижені көршінің астамшыл саясатының күйреуі деп бағалауда. «Путин пропагандасы Пашинянның партиясын «соғыс партиясы» деп, қоғамды стресске түсіргісі келді. Халықтың жаңа қақтығыстан қорқу сезімін саудаға салып, армяндарды «украин сценарийімен» сескендірді», — дейді Нұрлан Жұмахан. Сарапшының сөзінше, Кремль шешуші сәтте экономикалық шантажға көшкенімен, Батыс…

Мемлекеттік рәміздер күні Орал қаласында 150 пәтерлік жаңа тұрғын үй пайдалануға берілді. Оның 104 пәтері баспана кезегінде тұрған әлеуметтік осал топ өкілдеріне, көпбалалы отбасыларға, мемлекеттік қызметшілерге, әскери қызметшілерге және өзге санаттағы азаматтарға табысталды, – деп жазады Ertenmedia.kz. Пәтерлер «Отбасы банк» АҚ арқылы Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы аясында берілді. Жаңа қоныс иелерін Батыс Қазақстан облысының әкімі Нариман Төреғалиев құттықтады. Өңір басшысының айтуынша, Мемлекет басшысы Қасым-Жомарт Тоқаевтың тапсырмасына сәйкес облыста тұрғын үй құрылысының қарқыны артып келеді. Әсіресе «Ақжайық» шағынауданын кешенді дамытуға басымдық берілген. Мұнда инженерлік желілер тартылып, жол инфрақұрылымы қалыптастырылды. Орал қаласының орталығымен қатынасты жеңілдету үшін жаңа көпір…