Автор: Ertenmedia

Алғашқы шақырылымдағы Құрылтай жаңа Конституцияның қағидаларын заң жүзінде орнықтырып, мемлекеттік шешім қабылдау тәсілін өзгертуге тиіс. Мәжілістің экс-төрағасы Ерлан Қошанов 23 тамызда өткен сайлаудан кейін жаңа өкілді органға жүктелетін тарихи жауапкершілік туралы айтты, деп хабарлайды Ertenmedia.kz. Қошанов Құрылтай депутаттарын алғаш рет халықтың тікелей сайлауын Қазақстанның саяси дамуындағы жаңа кезең деп бағалады. Оның айтуынша, бір айға созылған науқанда партиялар өзара бәсекеге түсіп, бағдарламаларын қоғам талқысына ұсынды. Сайлаушылар саяси ұйымдарды ұранына қарап емес, олардың ұсынысы мен елдегі нақты мәселелерге жауап беру қабілетіне қарай бағалай бастаған. «Азаматтар партияларды ұрандарының дабырасына қарап емес, бағдарламасының мазмұнына, ұсыныстарының нақтылығына және қоғамның шынайы сұранысына жауап беру қабілетіне қарай…

Қазақстандағы Құрылтай депутаттарының сайлауына халықаралық бақылау жүргізген Шанхай ынтымақтастық ұйымы (ШЫҰ) елдерінің миссиясы сайлау барысының ұйымдастырылу деңгейіне мен ашықтығына жоғары баға берді. Бұл туралы байқаушылар Халықаралық байқаушыларға жәрдемдесу орталығында өткен брифингте мәлімдеді деп жазады Ertenmedia.kz. ШЫҰ Бас хатшысының орынбасары Т.Р. Мидхунның айтуынша, елімізідң халықаралық байқаушыларды шақыруы Қазақстанның Құрылтай сайлауын барынша ашық әрі ашықтық қағидаттарын сақтай отырып өткізуге деген ұмтылысын көрсетеді. Миссия мүшелері сайлау учаскелеріне ашылғанға дейін барып, бюллетеньдерді дайындау барысын және дауыс беруге қажетті жағдайлардың қамтамасыз етілу деңгейін бақылаған. ШЫҰ елдірінің миссиясы тарапынан бақылау Астана қаласы мен Ақмола облысында жүргізілді. Сайлау қарсаңында және дауыс беру күні миссия өкілдері 102 сайлау учаскесіне…

«Халық үні» қоғамдық қозғалысының байқаушылары Құрылтай сайлауы күні Қазақстанның 11 қаласындағы мыңнан астам учаскеде дауыс беру барысын бақылаған. Қозғалыс өкілдері негізгі рәсімдер заң талаптарына сай өтіп, сайлаушылардың белсенділігі жоғары болғанын мәлімдеді, деп хабарлайды Ertenmedia.kz. Байқау жұмысы Алматы, Астана, Шымкент, Түркістан, Қызылорда, Ақтөбе, Орал, Семей, Тараз, Қонаев және Талдықорған қалаларын қамтыды. Негізгі штаб Алматыда орналасып, өңірлердегі байқаушылар желісінің жұмысы сол жерден үйлестірілген. «Халық үні» өкілдерінің айтуынша, мұндай ауқым елдің әр бөлігіндегі сайлау барысын салыстырып, дауыс беру процесіне жан-жақты баға беруге мүмкіндік берген. Миссияға дайындық сайлау күнінен бұрын басталған. Аталған 11 қалада мыңнан астам азамат электоралдық бақылаудың әдістері мен заңдық талаптары бойынша…

ТМД байқаушылар миссиясы Қазақстанда өткен Құрылтай депутаттарының сайлауына қорытынды бағасын берді. Байқау нәтижесі бойынша ТМД миссиясы дауыс беру нәтижесіне әсер етуі ықтимал заң бұзушылықтарды анықталмағаны белгілі болды. Халықаралық байқаушылар сайлауды әділ, бәсекеге толы әрі ашық өтті деп бағалады деп жазады Ertenmedia.kz. Дауыс беру күні Миссия өкілдері Қазақстанның 14 өңіріндегі 900-ден астам сайлау учаскесінде болған. Миссия басшысы, ТМД Бас хатшысының бірінші орынбасары Игорь Петришенконың айтуынша, дауыс беру ұйымдасқан түрде, тыныш әрі қолайлы жағдайда өтті, ал дауыстарды санау рәсімі сайлау заңнамасының талаптарына сәйкес жүргізілді. «Сайлау нәтижелеріне әсер етуі мүмкін заң бұзушылықтар анықталған жоқ», – деді Игорь Петришенко. Оның айтуынша, сайлауды әзірлеу және…

Астана бірнеше күнге әлемдік баян және аккордеон өнерінің ордасына айналды. Роза Бағланова атындағы «Қазақконцертте» беделді халықаралық «Coupe Mondiale 79» байқауының салтанатты ашылу рәсімі өтті, деп хабарлайды Ertenmedia.kz. Мәдениет және ақпарат министрлігінің қолдауымен ұйымдастырылған музыкалық дода Қазақстанда ғана емес, тұтас Орталық Азияда алғаш рет өтіп отыр. Салтанатты кешке министрлік өкілдері, Халықаралық аккордеоншылар конфедерациясының басшылығы мен делегаттары, қазылар алқасы, өнерпаздар және музыка саласының мамандары қатысты. Мәдениет және ақпарат вице-министрі Айбек Сыдықов қатысушыларға Премьер-министрдің орынбасары, Мәдениет және ақпарат министрі Аида Балаеваның құттықтауын жеткізді. Аида Балаева «Coupe Mondiale» додасының Қазақстанда өтуін ел мәдениетінің дамуы мен халықаралық шығармашылық байланысты нығайту жолындағы жүйелі жұмыстың нәтижесі деп…

Халықаралық Fitch рейтингтік агенттігі Kaspi.kz пен Kaspi Bank рейтингтерін тұрақты болжаммен BBB− деңгейінде қайта растады деп жазады Ertenmedia.kz. Михаил Ломтадзе, Kaspi.kz басшысы әрі негізін қалаушылардың бірі: «Kaspi-дің халықаралық рейтингтік агенттіктен қайтадан осындай жоғары баға алғанын мақтан тұтамыз. Біз үшін ең маңызды баға – сүйікті клиенттеріміз бен серіктестеріміздің сенімі. Күн сайын Kaspi-ді таңдағандарыңыз үшін рақмет!» Fitch Kaspi-дің бірегей бизнес-моделін атап өтіп, клиенттер мен кәсіпкерлер үшін электрондық коммерцияны, төлемдер мен қаржы сервистерін біріктіретін мобильді қосымшамызды ерекше атап көрсетеді. Fitch сондай-ақ капиталдың жоғары деңгейі мен тәуекелдерді тиімді басқаруды атап өтеді. Бүгінде Kaspi-дің сервистерін Қазақстан мен Түркияда 26 миллионнан астам клиент және 1 миллионға…

Саясаттанушы Асхат Асылбеков Қазақстан халық партиясының Құрылтай сайлауындағы алдын ала 3 пайыздық нәтижесін кездейсоқ жеңіліс емес, партияға қойылған «ауыр диагноз» деп бағалады. Оның пайымынша, НПК идеологиясынан, беделді тұлғаларынан және сайлаушы сенімінен айырылғаны үшін ауыр есеп төлеп отыр, деп хабарлайды Ertenmedia.kz. Асылбеков бір кездері Қазақстан халық партиясы солшыл идеяны, әлеуметтік әділеттілік пен еңбек адамының мүддесін қорғайтын негізгі саяси күш болуға талпынғанын еске салды. 2023 жылғы сайлау қарсаңында НПК ұсынған бағдарламаны өзі жазғанын да атап өтті. Алайда партия Мәжіліске өткеннен кейін жағдай күрт өзгерген. Саясаттанушының сөзінше, сол кездегі төраға Ермұхамет Ертісбаев НПК-дағы беделді әрі ұстанымы берік адамдардан арылып, айналасына жағымпаздарды жинаған. «Партия…

Құрылтай сайлауына ұсынылған құжынаған кандидаттың арасынан Гаухар Танашеваға орын табылмады. Саяси партиялар өзіндік уәжі бар, дауыс әкелетін тұлғаға мұхтаж бола тұра, олардан өлердей қорқатын синдромнан арылмай тұр деп жазады Ertenmedia.kz. Әсілі, сайлаушы көбіне партияның бағдарламасына емес, сол бағдарламаны арқалап тұрған адамның болмысына сенеді. Қырық тармақтан тұратын тұғырнаманы жұрттың бәрі оқымайды. Партияның атауынан бұрын әлгі ұйымның құрамындағы тұлғаның позициясы, пайымы, парасаты есте қалады. Гаухар Танашеваның саяси капиталы да осында еді. Экс-мәжілісмен қоғамдағы шетін мәселелерді Мәжіліс мінберіне сүйреп шығарды және дәл осы мінезі оны жұртқа жақындатты. Үкімет пен халық арасындағы алшақтықты сынаған соңғы сауалынан кейін мандатынан айырылды. Сауал мәтіні вице-спикер Әлберт Раудың…

Қазақстанда саяси алаңды тұлғалардан тазарту үрдісі қауырт жүріп жатыр. Саясаткер Асхат Асылбеков елдегі кадр саясатына қынжылыс білдіріп, мұндай бағыттың соңы ұлттық қауіпсіздікке қатер төндіруі мүмкін екенін жазды. Қолайсыз шындықты айтатындардың азаюу қаупті екенін айтты, деп хабарлайды Ertenmedia.kz. Оның пайымынша, елдегі саяси алаң барған сайын тарылып, азаматтық қоғам мен еркін пікірге қысым күшейуде. Белсенді депутаттар Бақытжан Базарбек, Ермұрат Бапи, Еділ Жаңбыршин, Абзал Құспан секілді қоғамға танылған тұлғалардың партиялық тізімнен тыс қалуы кездейсоқ құбылыс емес. Асылбеков әзіргі үрдісті саяси кеңістікті «ауыздықтау» әрекеті ретінде бағалауда. Азаматтық белсенділер мен журналистерге жасалып жатқан қысым, қылмыстық қудалауға дейін жеткен істер қоғамды дербес пікір айтатын азаматтардан арылтып, үнсіз…

Астана сыртқы саяси және көлік дипломатиясын жаңа қарқынға шығарып, Орта дәліздің батыс тармағын нақты бекітуге кірісті деп хабарлайды Ertenmedia.kz. Сыртқы істер министрі Ермек Көшербаевтың 7 сәуірде Тбилисиге барып, Грузияның сыртқы істер министрі Мака Бочоришвилимен келіссөз өткізуі жай протоколдық сапар емес еді. Сол күні екі елдің сыртқы істер министрліктері арасында 2026–2027 жылдарға арналған ынтымақтастық бағдарламасына қол қойылды. Қазақ тарапы Грузияны Еуропа мен Азияны жалғайтын көлік архитектурасындағы негізгі буын деп атап, ендігі ортақ міндет дәліздің өткізу қуатын арттыру, қызметтің болжамдылығын күшейту және тариф саясатын ашық ету екенін ашық көрсетті. Тбилисидегі әңгіменің салмағы… оны қоршаған дипломатиялық тізбектен айқын байқалады. 2 сәуірде Бакуде премьер-министр…