Атырау облысында халықтың жан басына шаққандағы орташа номиналды ақшалай табысының ең жоғары мәні екінші тоқсанда республикалық деңгейден екі есе дерлік асып, 383 171 теңге болды, — деп хабарлайды ErtenMedia.kz. Ұлттық статистика бюросының мәліметінше, бұл көрсеткіш бойынша екінші орында Алматы, онда халықтың жан басына шаққандағы номиналды табысының деңгейі — 297 188 теңге. Үшінші орында 278 117 теңге көлеміндегі көрсеткішпен Маңғыстау облысы тұр. Ең төменгі табыс деңгейі Түркістан облысында байқалады, яғни 119 753 теңге.
Автор: editor
Атырау облысы полиция департаменті Тергеу басқармасы аумақта орын алған қылмыстарды тергеу барысында талдау жұмыстарын жүргізіп, құқықбұзушылықтардың алдын алу және оны қайта болдырмау мақсатында жергілікті атқарушы органдар, басқарма, бөліністерге ұсыныстарын жолдайды. Мәселен, жыл басынан бері облыс аумағында жыл басынан бері қылмыстардың алдын алу бағытында Тергеу басқармасы 2000-нан астам ұсыныс берген. Оның ішінде: көшеде орын алған тонау қылмыстары бойынша жарықтандыру мәселелерін реттеу, бұрын сотталған тұлғалармен жүргізілетін профилактикалық тексерістерді күшейту бағытында және бақылау камерасын қою секілді ұсыныстар жолданған. Айта кетейік, бұл бағыттағы жұмыстар КПК-нің 200-бабының тәртібі аясында, яғни атап айтқанда, қылмыстық құқықбұзушылық және басқа да заң бұзушылықтар жасауға ықпал еткен мән-жайларды жою жөнінде…
Қырғызстандық жанкүйерлер Қазақстандағы тағы бір спорт шарасынан кейін наразылық білдірді, — деп хабарлайды ErtenMedia.kz. 1bol.kz мәліметінше, қырғызстандық спортшы Айнуска Калилқызы Қазақстанда жүгіруден өткен халықаралық жарыста бірінші орыннан айрылып қалды. «29 қыркүйек күні өткен дәстүрлі Almaty marathon-да Калилкызы 21,1 шақырымдық межені 1 сағат 14 минут 27 секундта бағындырып, үздік шықты. Алайда мәре сызығынан соң қырғызстандық спортшының есімі хаттамадан жоғалып кеткен», — деп жазылған мәліметте. Дереккөздер мәліметінше, Калилкызы велосипедшінің қолынан су алғаны үшін дисквалификацияланған. Себебі жарыс ережесі бойынша су мен тамақты тек арнайы орындардан алу керек. Әлеуметтік желіде қырғыз жанкүйерлері өз реніштерін жазып жатыр.
Әлеуметтік желілер мен мессенджерлерде Алматы облысы Үлкен ауылында атом электр станциясының (АЭС) құрылысы басталғаны туралы ақпарат тарады, — деп хабарлайды ErtenMedia.kz. Әкімдік мәліметінше, бейнероликте Google Maps онлайн сервисі арқылы құрылыс нысандары көрсетілген, ал бұл нысандардың атом электр станциясы екені шындыққа жанаспайды. «Бейнежазбада көрсетілген нысан – 2011 жылы Балқаш жылу электр орталығы (ЖЭС) құрылысы жобасын жүзеге асыру кезінде салынған инфрақұрылым. Жоба көмірмен жұмыс істейтін жылу электр станциясының құрылысын қамтыды. Жоба аясында тиісті инфрақұрылымның, соның ішінде жұмысшыларға арналған кенттің құрылысы басталды. 2014 жылы «Балқаш жылу электр орталығы» жобасын жүзеге асыру тоқтатылды. Онлайн сервистің картографиялық деректеріне түзетулер енгізу және жалған ақпараттың одан әрі тарауына…
Асқақ өнердің атасы Абай атындағы Қазақ ұлттық опера және балет театры өзінің 90-шы маусымын тарих бетіне өрнектеді. Мерейлі жылдар бойы өмірін киелі сахнаға, шығармашылыққа, театрға қызмет етуге арнаған 126 адал жанға мәдени ошақ арнайы төсбелгі мен сыйлық табыстады. Қос мерейтойы – қара шаңырақтың 90 жылдығы мен Ахмет Жұбанов-Латиф Хамидидің «Абай» опералық спектаклінің 80 жылдығы тұспа-тұс келген маусым, естен кетпес мереке сыйлады. Жақсының жақсылығы аталып, қуаныштан көңіл тасыған маусымашарда театр ұжымы ақсақалдарына қызыл кілем төсеп, қошеметпен қарсы алды. Марапатталған ардагерлер он жылдан астам уақыт бойы қара шаңырақта үздіксіз еңбек еткен мамандар. Олардың қатарында тек сахна әртістері ғана емес, костюм цехы, грим…
Ақтауда әскери қызметші өз-өзіне қол жұмсады. Ақпаратты Ақтау гарнизонының баспасөз қызметі растады, — деп хабарлайды ErtenMedia.kz. Марқұм 39 жаста болған. Оның денесі пәтерінен табылды. «Алдын ала ақпарат бойынша келісімшарт бойынша әскери қызметші отбасылық-тұрмыстық жанжал негізінде суицид жасады. Себептері мен мән-жай анықталып жатыр. Іс бойынша қылмыстық іс қозғалды», — деп хабарлады Ақтау гарнизонының баспасөз қызметі. Мәліметке сүйенсек, бір жылға жуық уақытта әскери қызметші бала күтімі бойынша декреттік демалыста болған. «Әуе қорғанысы күштерінің қолбасшылығы әскери қызметшінің туыстары мен жақындарына көңіл айтады», — деді ведомство өкілі.
Мәскеуде өткен «Қазақстан – мүмкіндіктер векторы» іскерлік диалогы барысында ҚР-ның инвестициялық әлеуеті талқыланды. Іс-шарада екі елдің саяси және іскерлік қоғамдастықтарының өкілдері сөз сөйледі. ҚР РФ-дағы елшісі Дәурен Абаев жаһандық ахуалға қарамастан, мемлекеттердің экономикалық ынтымақтастығы дамудың жаңа кезеңін өткеріп жатқанын айтты. Соңғы 18 жылда Қазақстан ЕАЭО елдері арасында ресейлік инвестицияларды тарту көлемі бойынша көшбасшы болды – бұл көрсеткіш $20 млрд-тан асты. «Ресей, әрине, Қазақстандағы шетелдік капиталмен жұмыс істейтін кәсіпорындар саны бойынша көшбасшы. Бүгінде елімізде Ресейдің қатысуымен 28 мыңнан астам компания жұмыс істейді, олардың 4 мыңға жуығы өткен жылы ашылды. Мұндай серпінге өнеркәсіптік кооперацияның арқасында қол жеткізілді», – деді дипломат. Іскерлік кездесуге…
Әлеуметтік желіде журналист Ораз Әлімбековтің Бас мүфти мен Түркістан облысының бас имамына қатысты даулы жазбасы пайда болды, — деп хабарлайды ErtenMedia.kz. Оның сөзінше, түркістандық қарапайым имамдар «қоңыз теріп» қиналып кеткен. Жазба авторы бұл жағдай Бас мүфти өңірге келген сайын болып жатқанын жеткізді. «Түркістан облысының имамдары «өңірге Бас мүфти Наурызбай Өтпенов келген сайын облыстың жаңадан тағайындалған бас имамы Ержан Тілепов ақша жинап, әбден «қанымызды» ішіп бітті» деп хабарласты. Мысалы, Бас мүфтидің 2024 жылдың қаңтар айының соңында Түркістанға барған 2 күндік ресми сапарына арнап облыстағы 17 аудан және қала имамдарының әрбірінен 150 мың мен 300 мың теңге аралығында ақша жиналды. Аудан имамы…
Әлеуметтік желіде»Мұхтар Әуезов атындағы Оңтүстік Қазақстан университетінің ректоры 28,5 миллион теңге көлемінде парамен ұсталды» деген ақпарат тарап кетті. Онда оқу ордасының тағы екі қызметкері мен екі компания басшылары қамауға алынғаны айтылған, – деп хабарлайды ErtenMedia.kz. Шымкент бойынша экономикалық тергеп-тексеру департаментіндегілер ректордың ұсталғаны туралы ақпаратты растады. Қазір тергеу жүріп жатыр. Күдіктілер мемлекеттік сатып алуға қатысты қылмыстық іс бойынша тергеліп жатыр. «Ақпарат беріліп жатыр біздің агенттіктен, соны оқып көре берсеңіздер болады. Қазіргі таңда тергеу амалдары жүріп жатыр. Біз ашып ештеңе айта алмаймыз. Бізден басқа мекемелер де сұрап жатыр», – деді Шымкент бойынша экономикалық тергеп-тексеру департаменті басшысының орынбасары Санат Құлбаев.
Түркістан облысында Тоқаев кортежінің жүретін жолынан оқ атылатын қарулар табылды, — деп хабарлайды ErtenMedia.kz. Түркістан облысында Мемлекет басшысының кортежінің жүру бағытын тексеру кезінде ІІМ, ҰҚК қызметкерлері МКҚ-мен бірлесіп жасырылған қару-жарағын тапты. Бұл дерек бойынша қылмыстық іс қозғалды. «Қазіргі уақытта барлық мән-жайларды анықтау және күдікті адамдарды ұстау бойынша қажетті жедел іздестіру және тергеу іс-шараларының кешені жүргізіліп жатыр», — деп хабарлады ІІМ. Айта кетейік, 27 қыркүйекте Қасым-Жомарт Тоқаев Түркістан облысына жұмыс сапарымен барған еді.
