Автор: Асылхан Бөрібай

Милан мұз айдынында алтыннан алқа таққан Михаил Шайдоровты президент Тоқаев арнайы құттықтады деп хабарлайды Ertenmedia.kz. Президенттің баспасөз хатшысы Айбек Смадияровтың айтуынша, құттықтауда мемлекет басшысы отандық мәнерлеп сырғанау тарихында тұңғыш рет Олимпиада чемпионы атанған Михаилдың жетістігін тарихи маңызы зор, айтулы жеңіс деп бағалаған. «Еліміздің барша спорт жанкүйерлері мен жалпы қазақстандықтар бұл ерекше жеңісіңді зор мақтанышпен қарсы алды», – делінген Президенттің жеделхатында. Сондай-ақ Тоқаев спортшыға жоғары шеберлігі мен қайсарлығы үшін алғыс айтып, оны ІІ дәрежелі «Барыс» орденімен марапаттау туралы шешім қабылдады. Мемлекет басшысы осы жеңіске зор еңбек сіңірген бапкерлер мен салаға жауапты министрлік өкілдеріне де алғыс білдірді. «Олимпиада шыңын бағындырған Михаил Шайдоровтың…

Қазақстандық мәнерлеп сырғанаушы Михаил Шайдоров Миландағы қысқы Олимпиада ойындарында алтын медаль жеңіп алып, сенсация жасады деп хабарлайды Ertenmedia.kz. Қысқа бағдарламада бесінші орынға тұрақтаған спортшы еркін бағдарламада айдынында нағыз шеберлік көрсетіп, қарсыластарын шаң қаптырды. Шайдоров техникалық тұрғыда аса күрделі бес бірдей төрттік секіру элементін мінсіз орындап, 198,64 ұпай еншіледі. Қос бағдарлама қорытындысы бойынша жинаған 291,58 ұпаймен ол жеңіс тұғырының ең биік сатысына көтерілді. Қазақстандық спортшы жапониялық Юма Кагияма (280,06 ұпай) және тағы бір жапон спортшысы Шун Сато (274,90 ұпай) секілді мықты бәсекелестерінен басым түсті. Ал турнирдің басты фавориті саналған америкалық Илья Малинин шешуші сәтте қателіктер жіберіп, сегізінші орынмен шектелді. Жетістік Қазақстанның…

14 ақпан күні Алматы мен Шымкентте жауын-шашын болып, күн райы құбылмалы сипат алмақ деп хабарлайды Ertenmedia.kz. Қазгидромет мәліметінше Алматыда бүгін жаңбыр аралас қар жауып, күн суытады. Күндіз ауа температурасы 1 градус жылылықты көрсетсе, түнде сынап бағанасы -6 градусқа дейін төмендейді. Жел екпіні секундына 2,2 метр шамасында. Шымкентте де күн райы жауын-шашынды болады. Күндіз 11 градусқа дейін жылынса, түнгі мезгілде 3 градусқа дейін төмендейді. Желдің жылдамдығы секундына 3,5 метр. Астанада аспан аз бұлтты болғанымен, аяз күшейеді. Күндіз ауа температурасы -8 градус болса, түнде күрт суытып, -26 градусқа дейін жетеді. Жел жылдамдығы секундына 3 метрді құрайды. Сақ болыңыздар! Айта кетелік, бұған дейін…

Өскемендегі ауаның ластануы тұрғындардың тынысын тарылтып, шығыстағы ағайынның жанына батып тұр. Мәжіліс депутаты Ұлықбек Тұмашинов қаланың экологиялық жағдайын Энергетика министрлігінің алдына төтесінен қойды деп хабарлайды Ertenmedia.kz. Депутат әсіресе қыс мезгілінде ауаның шектен тыс ластанып, көмірмен жанатын пештердің түтіні халықты тұншықтырып отырғанын ашық айтты. Жылу орталықтары мен жеке сектордағы пештердің қою қара түтіні қала аспанын тұмшалар, тұрғындарды шарасыз күйге түсірген. Министрлік өкілі Қайырхан Тұтқышбаев бұл мәселенің екі түрлі шешімі бар екенін жеткізді. «Солтүстік және Шығыс Қазақстанды газдандыру мәселесі бойынша екі нұсқа қарастырылған. Біріншісі  Қазақстан аумағы арқылы Қытайдан газ құбырын тарту еді. Бірақ Қытай тарапы құбырды Моңғолия арқылы жүргізуді ұйғарды. Дегенмен, келіссөздер…

Жақын уақытта «Астана – Талдықорған» бағытындағы жаңа теміржол қатынасы іске қосылады. Елдің өтінішін ескерген Көлік министрлігі мен «Жолаушылар тасымалы» жаңа маршрутты сәуір айында іске қосуды жоспарлап отыр деп хабарлайды Ertenmedia.kz. Жаңа теміржол желісінің ашылуы ең алдымен Жетісу облысына туристік қызығушылықты арттырып, өңірлер мен елорда арасындағы байланысты нығайтады. Сондай-ақ ішкі туризм мен іскерлік белсенділікке серпін беріп, халықтың еркін қозғалуына оң ықпал етпек. Бастапқы кезеңде ұлттық тасымалдаушы тарапынан екі жолаушылар вагоны бөлініп, олар №122/121 «Нұрлы жол – Семей» пойызының құрамында күн ара қатынайтын болады. Ақтоғай станциясында аталған вагондарды №631/632 «Ақтоғай – Талдықорған» пойызына қайта тіркеу көзделген, бұл бүкіл маршрут бойымен үздіксіз әрі…

Сара Назарбаева Президент іс басқармасы медициналық орталығының Ұлттық госпиталінен емін аяқтап шықты. Бұрын «Совминка» деген атаумен танымал медициналық мекеме елдің экс-бірінші ханымы ауруханадан амбулаториялық бақылауға ауыстырылғанын мәлімдеді деп хабарлайды Ertenmedia.kz. «Пациент емдеу курсын толық аяқтап, биыл қаңтарда амбулаториялық бақылауға шығарылды. Денсаулығы, диагнозы және емдеу әдістері туралы басқа ақпарат дәрігерлік құпия саналып, жария етуге жатпайды», – делінген госпиталь хабарламасында. Сара Назарбаеваның ауруханаға түскені туралы ақпарат алғаш рет 2025 жылдың 5 мамырында тарады. Әлемжеліде оның ауыр халде жатқаны, тіпті қайтыс болғаны туралы қауесет шыққан еді. Алайда көп ұзамай әулет өкілдері ақпаратты жалған деп жоққа шығарды. 2025 жылдың қазан айында экс-елбасының баспасөз хатшысы…

Қазақстандық стендап-комик Нұрлан Сабыров Ресейге кіруіне салынған 50 жылдық тыйымға қатысты алғаш рет пікір білдірді. Әзілкеш желіде жазба қалдырып, мәселені заңгерлер егжей-тегжейлі қарастырып жатқанын жеткізді деп хабарлайды Ertenmedia.kz. Артистің айтуынша, дәл қазір жағдайға байланысты түсініктеме берудің қажеті шамалы. Болған жайттың ақ-қарасын уақыт көрсетеді дейді ол. Сондай-ақ, Сабыров өнер жолының Екатеринбұрде басталып, Мәскеуде жалғасқанын еске алып, өзін қолдаған көрермендерге алғысын айтты. «Қай қалаға барсам да, мені жылы қабылдады. Шығармашылығымды дамытуға, тұлға ретінде қалыптасуға мүмкіндік берген елге ризамын. Ресейде ғана емес, одан тыс жерлерде де маған сенім білдірген үлкен әрі көпұлтты аудиториям бар», – деп жазды комик өз парақшасында. Жазбасының соңында Нұрлан…

Қазақстанда күн сайын бес бала қылмыстың құрбаны болады, өкініштісі сол балаларға зиян келтіретіндердің көбі өз үйінен, өз отбасы мүшелерінен шығып отыр деп хабарлайды Ertenmedia.kz. Бұл туралы «24KZ» арнасындағы «Түйін» бағдарламасында бала құқықтары жөніндегі уәкіл Динара Зәкиева айтты. Оның сөзінше, мұндай қылмыстардың 60-70 пайызын ата-аналар мен бірге тұратын жақын адамдар жасайды екен. Осы себепті отбасында жасалған қылмысты анықтап, алдын алу өте күрделі. «Өкінішке қарай, елімізде күнделікті бес бала зорлық-зомбылықтың құрбанына айналады. Оның 60-70 пайызында балалардың өз ата-анасы немесе бірге тұрып жатқан адамдар кінәлі болып шығады. Үй ішінде жасалатын қылмыстың анықталуы мен алдын алуы қиындай түседі», – деді Динара Зәкиева. Тоқаевтың тапсырмасынан…

Дүйсенбіде Қазақстанның басым бөлігінде ауа райы құбылып, жауын-шашын мен көктайғақ болады деп хабарлайды Ertenmedia.kz. «Қазгидромет» дерегінше еліміздің солтүстігі мен орталық аймақтарында қар жауып, бұрқасын көтеріледі. Оңтүстік өңірлерде жаңбыр жауып, күн жылы болады деп күтілуде. Республика бойынша тұман түсіп, көктайғақ салдарынан жолда жүру қиындайды. 16 өңір мен Астанада дауылды ескерту жарияланды. Астанада ауа райы тұрақсыз: қар аралас жаңбыр жауып, бұрқасын соғады, көктайғақ күтілуде. Түнде −7–9 °C, күндіз −1 мен +1 °C аралығында болады. Алматыда күн бұлтты, бірақ жауын-шашынсыз. Түнде −1–3 °C, күндіз +5–7 °C шамасында. Шымкентте күн ала бұлтты, жаңбыр жауады. Түнде ауа температурасы +5–7 °C болса, күндіз +13–15 °C-қа дейін…

Олжас Бектенов Үкімет тізгінін ұстаған екі жылдың ішінде Қазақстанның бет-бейнесі түбегейлі өзгерді. Бұрынғыдай әлеуметтік көмекті оңды-солды шашудың заманы өтті. Әзір әр тиын қатаң есепте. Сарапшы Ғазиз Әбішев осындай пікір білдірді деп хабарлайды Ertenmedia.kz. Оның пайымдауынша Бектенов кабинетінің басты ұраны «қаржылық тәртіп және экономикалық өсім». Үкімет соңғы екі жылда экономиканы «ауыр» әлеуметтік бағдарламалардан арылтып, бюджеттік тәртіп пен қаржылық сауаттылықты күшейтуге ден қойған. АҚШ, Германия, Ұлыбритания секілді алып елдер де дәл осы жолға түсіп, әлеуметтік көмекті бей-берекет үлестіруден бас тартуда. «Ендігі бағыт әлеуметтік салаға тоқтаусыз қаржы құюдан нақты экономикалық өсімге, жүйенің тұрақтылығына, қаражаттың нақты мұқтаждарға жетуіне қарай бұрылды. 2024-2025 жылдары осы бетбұрыс…