Автор: Асылхан Бөрібай

Алматыдағы Оқушылар сарайында жалпықалалық бос жұмыс орындары жәрмеңкесі өтті. Іс-шараны Жұмыспен қамту және әлеуметтік бағдарламалар басқармасының Еңбек мобильдігі орталығы қалалық прокуратурамен бірлесіп ұйымдастырған. Жәрмеңке Мемлекет басшысының бастамасымен жарияланған Жұмысшы мамандықтары жылы аясында өткізілді. Жұмыс іздеп жүргендер мен жұмыс берушілер бір жерге жиналып, әңгімені делдалсыз жүргізетін мүмкіндікке ие болды, деп жазады Ertenmedia.kz. Жәрмеңкенің мақсаты нақты. Біріншіден, халықты жұмыспен қамтуға жәрдемдесу. Екіншіден, жұмысшы мамандықтарының мәртебесін көтеру. Үшіншіден, жұмыс беруші мен жұмыс іздеуші арасында тікелей байланыс орнату. Кейде адам жұмыс таба алмай жүр деп айтамыз, ал кейде кәсіпорын кадр таппай қиналады. Мұның бәрі ақпараттың бір жерге тоғыспауынан болады. Осындай жәрмеңке сол түйінді тарқатуға…

Алматы облысының Талғар ауданына қарасты Қарабұлақ ауылында үш қабатты көп пәтерлі тұрғын үйде газ-ауа қоспасының жарылуы тіркелді. Дабыл түскен сәттен бастап төтенше жағдайлар қызметі оқиға орнына жоғары дайындық дәрежесімен жіберілді. Үйде өрт шыққаны туралы ақпарат түскен соң, алғашқы минуттарда-ақ өрт сөндіру және құтқару бөлімшелері жұмылдырылды, деп жазады Ertenmedia.kz. Оқиға орнына жеткен құтқарушылар алдымен жағдайды бағалап, өрт сөндіру штабын құрды. Өртті сөндіруге газ-түтіннен қорғау қызметінің бес буыны кірісті. Су беру өрт гидранты арқылы ұйымдастырылды. Яғни өртті жай ғана сыртынан бақылап қоймай, ғимарат ішіне кіріп сөндіру жұмыстары жүргізілді. Барлау кезінде құтқарушылар екінші қабаттан екі ересек адамды тауып, сыртқа шығарды. Олар түтін мен…

Астанада өткен Silk Way Star жобасының жартылай финалы аймақтағы ең әсерлі музыкалық оқиғалардың біріне айналды. Бұл 12 елдің талантты орындаушысын біріктірген және миллиондаған көрермен жинаған алғашқы ірі азиялық вокалдық мегажоба. Соңғы шығарылымда қатысушылар дуэт болып ән айтып, өздерінің кәсіби деңгейін жаңа қырынан көрсетіп шықты, деп жазады Ertenmedia.kz. Жартылай финал нәтижесінде финалға жеті әнші жолдама алды. Олар ALEM (Қазақстан), Язмин Азиз (Малайзия), Автандил Абесламидзе (Грузия), Мишель Джозеф (Моңғолия), Чжан Хэ Сюань (Қытай), Саро Геворгян (Армения) және Мадинабону Әділова (Өзбекстан). Қазылар алқасы қатысушылардың деңгейі өте жоғары болғанын айтып, шешім қабылдау оңай болмағанын жеткізді. – Дуэт болуы қатысушылар үшін үлкен сынақ болды. Әрқайсысы…

Жасанды интеллект әлеміндегі ең беделді тұлғалардың бірі, әйгілі Google Research-тің бұрынғы директоры, әлемдегі №1 AI оқулығы «Artificial Intelligence: A Modern Approach» авторларының бірі Питер Норвиг Қазақстанның жоғары білім, ғылым және технология бағытындағы реформаларын жоғары бағалады, деп жазады Ertenmedia.kz. Ол бұл пікірін Кай-Фу Лидің шақыруымен Қазақстан Президенті жанындағы ЖИ дамыту кеңесіне қатысқаннан кейін айтты. Питер Норвигтің айтуынша: * Қазақстан мұнайлы ел, бірақ экономикасын ИИ бағытына батыл бұрып отырған мемлекет. * Елдің демографиясы жас, жастар технологияға қатты қызығады. * Білімге ерекше көңіл бөлінген: қазір елде 30-ға жуық шетелдік университет филиалдары жұмыс істейді. * Қазақстан иммиграция шектеулерін дұрыс пайдаланып, шетелдік студенттерді көп тартып…

Астанада өткен ауыл шаруашылығы саласы қызметкерлерінің II форумында президент Тоқаев жер мәселесін реттеуге қатысты бірқатар тапсырма берді деп жазады Ertenmedia. Президент бұған дейін пайдаланылмай, заңсыз иемденген жер телімдерін мемлекет меншігіне қайтаруды тапсырған еді. Мемлекет басшысының айтуынша, осы тапсырма аясында 2022 жылдан бері мемлекетке 14 миллион гектардан астам ауылшаруашылық жерлері қайтарылған. «Жер халықтың игілігі. Жер телімдері еңбек етемін деген, шаруашылық жүргізуге ниетті азаматтарға берілуі тиіс екенін бірнеше рет айттым. Өкінішке қарай, бұл жұмыс өте баяу жүріп жатыр. Сондықтан биылғы Жолдауда келесі жылдың ортасына дейін мемлекетке қайтарылған барлық жерлерді толықтай айналымға енгізуді тапсырдым. Әкімдіктер ұсынған жоспар қағаз жүзінде қалмауы керек. Ең басты…

Жұма күні өткен XIII Қазақстан қаржыгерлер конгресінде Halyk Bank басшысы Үміт Шаяхметова банк саласының ел экономикасының цифрлық трансформациясына қалай қатысып жатқанына тоқталды деп жазады шараға қатысқан Ertenmedia тілшісі. Шаяхметованың айтуынша, бүгінде банк секторы Қазақстан экономикасының ең қарқынды дамып жатқан әрі цифрландырудың көшбасшысы саналатын бағытының бірі. Соңғы уақытта жиі айтылатын «дәстүрлі банктердің орнын IT-компаниялар мен финтех-компаниялар басады» деген болжам шындыққа жанаспайды. Керісінше, классикалық банктердің цифрлық технологияға салған инвестициясы мен жаңа бағыттарға тез бейімделуі арқасында олардың нарықтағы орны нығая түскен. «Қазір банктер тек несие берумен шектелмейді, олар цифрлық жобаларға да белсенді инвестиция салуда. Төлем жүйелері, активтерді сақтау мен басқарудан бастап, компанияларға арналған…

Қазіргі интернет кеңістігіндегі алаяқтық пен заңбұзушылықтың жаңа түрлері пайда болып жатқан кезде, жастардың ақпараттық сауаттылығын арттыру және оларды онлайн қауіптерден қорғау – құқық қорғау органдарының басты міндеттерінің бірі, – деп хабарлайды Ertenmedia.kz Атырау облысы  әкімінің баспасөз қызметіне сілтеме жасап.  Осы мақсатта Атырау облысы полиция департаментінің Киберқылмысқа қарсы іс-қимыл басқармасының қатысуымен Дінмұхаммед Қонаев атындағы Binom мектеп-лицейінде кездесу өтті. Іс-шараның негізгі мақсаты – жасөспірімдер арасында құқық бұзушылықтың, соның ішінде интернет-алаяқтықтың алдын алу және киберқауіпсіздік мәдениетін қалыптастыру. Кездесуге Атырау облысы полиция департаменті Киберқылмысқа қарсы іс-қимыл басқармасының жедел уәкілі, полиция капитаны Дәурен Мұханбеталиев қатысып, оқушыларға елімізде жиі кездесетін интернет-алаяқтық түрлері туралы жан-жақты ақпарат берді.…

Иманғали Тасмағамбетов украиналық «Миротворец» сайтының «қара тізіміне» енді, деп хабарлайды Ertenmedia.kz Украинадағы қақтығыс басталғалы бері Ресейдің әскери әрекетін қолдағандарды әшкерелеп жүрген «Миротворец» сайты бұл жолы ҰҚШҰ-ның бас хатшысы Иманғали Тасмағамбетовке айып тақты. Украиндар Тасмағамбетовті «соғысты насихаттап, Кремль агрессиясын қолдады» деп айыптап отыр. Сайт авторларының жазуынша, Тасмағамбетов Ұжымдық қауіпсіздік туралы шарт ұйымының бас хатшысы ретінде ұйымға мүше елдердің әскерін Мәскеуге көмек ретінде Киевке жіберуге дайын болған. «Тасмағамбетов Ресейдің Украинаға жасаған зымыран шабуылдарын ақтап сөйлеген. Сондай-ақ ол Батыстың Киевке қару жеткізуіне қарсы шығып, ресейлік агрессияны толық қолдап келеді. Бұған қоса, Выборг кеме жасау зауытының акционері және КамАЗ-дың директорлар кеңесінің мүшесі», – делінген…

«Алматы-Өскемен» күрежолының бойында орналасқан Сарқан ауданында жақсы және қанағаттанарлық жағдайдағы жолдардың үлесі биыл 73%-ға жеткізіледі, – деп хабарлайды Ertenmedia.kz Жетісу облысы әкімінің баспасөз қызметіне сілтеме жасап.  Сарқан ауданының әкімі Ғалымжан Маманбаевтың Өңірлік коммуникациялар қызметі алаңында өткен брифингідегі мәліметтеріне қарағанда, «Алматы-Өскемен» автомобиль жолының Сарқан ауданын басып өтетін 325-410 шақырымдық учаскесіндегі негізгі құрылыс -монтаждау жұмыстары толық аяқталған. Алмалы, Абай, Бақалы, Қойлық, Қарабөгет ауылдарына кіреберіс жолдар жарықтандырылып, жол жиектерін қоршау жұмыстары бітуге таяды. Жол таңбаларын салу, жол белгілерін орнату, трассаны кешенді абаттандыру және пайдалануға беру келесі жылға жоспарланып отыр. Ол сөз сөзінде облыстық маңызы бар жолдар «Лепсі-Төлебаев-Құрақсу-Матай» жолындағы көпір күрделі жөндеуден өткізіліп, қолданысқа берілгенін…

Алматы қаласында 2025 жылы қаңтар-қыркүйек айларының қорытындысы бойынша туристік саладағы негізгі капиталға тартылған инвестиция көлемі 113,2 млрд теңгеге жетті. Бұл 2024 жылдың осы кезеңімен салыстырғанда 47,4% көп, – деп хабарлайды Ertenmedia.kz Алматы қаласы әкімінің баспасөз қызметіне сілтеме жасап.   2025 жылы бірінші жартыжылдықта саланың жалпы қосылған құны 559,3 млрд теңгеге жетті. Бұл өткен жылдың алты айымен салыстырғанда екі есе жоғары әрі туристік сектордың экономикалық маңыздылығы артып келе жатқанын көрсетеді. Қаладағы орналастыру нарығында да айтарлықтай өзгеріс бар. Алматыдағы нөмірлік қор 12 552 нөмір (өсім 8%), 377 орналастыру орны жұмыс істейді, бір мезетте 22 768 адам қабылдай алады. 2025 жылдың басынан бері…