Автор: Лейла Болтаева

20 мамыр, сәрсенбі күні Қазақстанның бірқатар өңірінде жаңбыр жауып, найзағай ойнайды. Синоптиктердің мәліметінше, жауын-шашын негізінен батыс, солтүстік және оңтүстік өңірлерде байқалады. Шымкент, Ақтау, Көкшетау, Қостанай, Қызылорда, Петропавл, Тараз және Түркістан қалаларында жаңбыр жауып, найзағай ойнауы мүмкін. Кей жерде жел күшейеді, деп жазады Ertenmedia.kz. Астанада күн құбылмалы бұлтты, жауын-шашынсыз болады. Желдің жылдамдығы 9–14 м/с. Түнде +7…+9 градус, күндіз +25…+27 градус жылы. Алматыда да жауын-шашын күтілмейді. Жел 3–8 м/с шамасында соғады. Түнде +9…+11 градус, күндіз +21…+23 градус болады. Қонаевта түнде +8…+10, күндіз +23…+25 градус жылы. Мұнда жел екпіні 18 м/с дейін жетуі мүмкін. Шымкентте күн бұлтты, жаңбыр жауып, найзағай ойнайды. Жел 8–13…

Түркия Армениямен тікелей сауда жүргізуге қатысты бірқатар рәсімдік шектеуді алып тастады. Анкара енді екіжақты жүк тасымалында Арменияны соңғы жеткізу нүктесі және тауардың шыққан елі ретінде көрсетуге ресми түрде рұқсат берді. Ереванда бұл шешім тікелей сауда байланысына жасалған қадам ретінде қабылданып отыр. Алайда Армения мен Түркия арасындағы құрлық шекарасы әзірге ашылған жоқ. Жүк бұрынғыдай Грузия аумағы арқылы тасымалданады, деп жазады Ertenmedia.kz. Арменияның Түркиямен келіссөздер жөніндегі арнайы өкілі, парламент вице-спикері Рубен Рубинян 13 мамырда саудадағы процедуралық кедергілер алынғанын айтып, мұны бизнес үшін жақсы жаңалық деп атады. Оның сөзінше, енді тауарды үшінші елде қайта рәсімдеудің қажеті болмайды. Кедендік тұрғыдан сауда тікелей сипат алады.…

Алматыда «Etude-Ybyrai» ЖШС құрылыс компаниясының журналист Вадим Борейкоға қарсы іскерлік беделді қорғау жөніндегі азаматтық талап арызы бойынша алдын ала сот тыңдауы өтті, деп жазады Ertenmedia.kz. Даудың өзегі журналистің YouTube желісіндегі «ГИПЕРБОРЕЙ» арнасында және Instagram парақшасында жарияланған материалдарға қатысты болып отыр. Құрылыс компаниясы Борейко өз қызметі туралы жүйелі түрде шындыққа сәйкес келмейтін мәлімет таратты деп есептейді. Компания өкілдерінің айтуынша, әңгіме Алматыдағы «PREMIER» тұрғын үй кешенінің құрылысына қатысты айтылған пікірлер туралы. Атап айтқанда, журналист құрылыс жүргізуге заңды негіздер мен рұқсат құжаттары жоқ деген мазмұнда мәлімдемелер жасағаны айтылып отыр. Соттан кейін журналистердің сұрағына жауап берген компания өкілі Бақыт Қасыбаев бұл жарияланымдар сатылымға кері…

Алатау қаласының маңында Қазақстандағы eVTOL технологиясына негізделген аэротаксидің алғашқы демонстрациялық ұшуы таныстырылды, деп жазады Ertenmedia.kz. 19 мамыр күні Alatau City аумағында «Alatau Advance Air Group Ltd.» жеке компаниясы электр қуатымен тік ұшып-қонатын әуе аппаратының алғашқы сынақ ұшуын өткізді. eVTOL деп аталатын мұндай аппараттар қалалық әуе мобильдігі, яғни Urban Air Mobility жүйесінің негізгі технологияларының бірі саналады. Қазақстан үшін аталған жоба жаңа көлік индустриясын қалыптастыруға жасалған алғашқы практикалық қадам болып отыр. Демонстрациялық ұшу аясында қалалық әуе мобильдігі экожүйесінің бірнеше маңызды элементі көрсетілді. Олардың қатарында AutoFlight компаниясының жолаушыларға арналған eVTOL аппараты, ұшқышсыз авиациялық жүйелер арқылы жүк жеткізу шешімдері және қалалық ортадағы әуе қозғалысын…

Қазақстан ұлттық беделдің жаһандық индексінде Орталық Азия елдері арасында бірінші орын алды, деп жазады Ertenmedia.kz. Зерттеу қорытындысы бойынша Қазақстан 197 мемлекеттің ішінде 69-орынға жайғасты. Елдің халықаралық имиджі жеткілікті жоғары деңгейде бағаланып, қорытынды көрсеткіші 66,62 балды құрады. Рейтинг әдістемесі 10 негізгі бағыт пен 50 жеке индикаторды қамтиды. Сарапшылар мемлекеттің экономикалық әлеуетін, басқару жүйесінің тиімділігін, ішкі және сыртқы саясаттағы орнықтылығын, инвестициялық тартымдылығын, инновациялар мен технологиялардың даму деңгейін және басқа да маңызды көрсеткіштерді саралаған. Қорытынды баға 0-ден 100 балға дейінгі шкала бойынша шығарылған. Мұнда 100 балл ең жоғары нәтиже саналады. ТМД елдері арасында Қазақстан халықаралық бедел деңгейі бойынша екінші орынға ие болды. Қазақстаннан…

Астанада «Алтын Орда – дала өркениетінің моделі: тарих, археология, мәдениет, бірегейлік» атты симпозиумы ашылды. Айтулы шараға Президент Қасым-Жомарт Тоқаевтың қатысты, деп жазады Ertenmedia.kz. ЮНЕСКО қамқорлығымен өтіп жатқан ауқымды форум Жошы ұлысының тарихи мұрасын, оның Орталық Еуразия кеңістігіндегі өркениеттік үдерістерге ықпалын жан-жақты зерделеуге бағытталған. Халықаралық алаңға отандық және шетелдік ғалымдар, сарапшылар, археологтар, тарихшылар және ғылыми қауымдастық өкілдері жиналды. Симпозиумның басты мәні Алтын Орданы тек ортағасырлық мемлекет ретінде ғана емес, Еуразиядағы мәдени, саяси және экономикалық байланыстарды қалыптастырған ірі өркениеттік кеңістік ретінде қарастыру. Жошы ұлысының тарихы дала мен қала мәдениетінің, сауда жолдары мен дипломатиялық байланыстардың, түрлі діндер мен тілдердің өзара ықпалдастығын көрсетеді. Салтанатты…

Шығыс Қазақстан облысының әкімі Нұрымбет Сақтағанов Премьер-министр Олжас Бектеновтің төрағалығымен өткен Үкімет отырысында өңірдегі авиация саласын дамыту жұмыстары туралы баяндады, деп жазады Ertenmedia.kz. Аймақ басшысы авиациялық инфрақұрылымды дамыту Шығыс Қазақстан үшін стратегиялық маңызы бар бағыт екенін атап өтті. Өңірдің табиғи ерекшелігі, шалғай елді мекендері, туристік әлеуеті және көлік қатынасына қатысты сұранысы әуе қатынасын кеңейтуді қажет етеді. Сондықтан жаңа әуежайлар салу өңірдің көлік қолжетімділігін жақсартып қана қоймай, туризм мен жергілікті экономиканың дамуына да серпін бермек. Мемлекет басшысының тапсырмасына сәйкес, қазіргі уақытта Зайсан және Катонқарағай аудандарында әуежай салу жұмыстары жалғасып жатыр. Зайсан әуежайының құрылысы 76 пайызға аяқталған. Нысанның негізгі бөлігі саналатын ұшу-қону…

Өскеменде республикалық «Таза Қазақстан» экологиялық бастамасы аясында «Қала көркін сақтайық!» атты жастар акциясы өтті, деп жазады Ertenmedia.kz. Игі шара барысында еріктілер мен студент жастар қаладағы «Сәулетай» саябағының аумағын тазартты. Аталған саябақ – өскемендіктер жиі серуендейтін, балалар ойнайтын, отбасылар тынығатын танымал қоғамдық орындардың бірі. Әсіресе көктем мен жаз айларында мұнда келушілер саны артып, саябақ тұрғындар үшін ашық демалыс кеңістігіне айналады. Экологиялық акцияға Жастар ресурстық орталығының еріктілері, қалалық волонтерлер фронт-офисінің мүшелері және студенттер белсенді қатысты. Олар саябақ аумағына тасталған қоқысты жинап, қураған бұтақтарды тазартты. Сонымен қатар балалар ойын алаңдары мен ашық аспан астындағы жаттығу құрылғыларын шаң-тозаңнан арылтып, ретке келтірді. Өскемен жоғары медициналық…

Ақтау қаласында Каспий теңізі жағалауы бойында заманауи жағалау құрылысы жобасы таныстырылды, деп жазады Ertenmedia.kz. 17 мамыр күні Маңғыстау облысының әкімі Нұрдәулет Қилыбай ауқымды жобаның жоспарымен танысты. Жаңа жағалау өңірдің туристік әлеуетін арттыруға, қалалық ортаны қолайлы етуге және тұрғындар мен қонақтарға арналған сапалы қоғамдық кеңістік қалыптастыруға бағытталған. Жалпы ұзындығы шамамен 4,5 шақырым болатын жағалау құрылысы 5 кезең бойынша жүзеге асырылады. Жобаның тапсырыс берушісі – «Ақтау қалалық құрылыс бөлімі» ММ. Инвесторы – NCOC N.V., мердігер мекеме – «Нурсат» ЖШС. Құрылыс жұмыстары 2026 жылғы сәуірде басталған, жобаны 2029 жылдың қаңтарында аяқтау жоспарланып отыр. Жаңа жағалау аумағында серуендеу аймақтары, велосипед және жүгіру жолақтары, шолу…

Шахмұрат Муталипке тиесілі Nature Energy Solutions Ltd. компаниясының облигациялары Astana International Exchange биржасының листингіне енгізді, деп жазады Ertenmedia.kz. AIX хабарламасына сәйкес, бағалы қағаздармен сауда 2026 жылғы 20 мамырда басталады. Бір облигацияның номиналды құны 1 мың долларды құрайды. Купондық сыйақы мөлшерлемесі жылдық 8 пайыз болып белгіленген. Купон төлемі облигация өтелген кезде жүргізіледі. Жалпы шығарылым көлемі 1,2 млрд долларды құрайды. Листинг 18 мамырда өтті. Эмитент ретінде Nature Energy Solutions Ltd. компаниясы көрсетілген. Forbes Kazakhstan дерегінше, компанияның иесі Шахмұрат Муталип. 35 жастағы қазақстандық кәсіпкер 2026 жылғы мамырда алғаш рет Forbes Kazakhstan нұсқасы бойынша елдің ең бай адамдары тізіміне кірді. Ол 482 млн долларлық…