Автор: Самал Жолжаксын

Қазақстандағы бір топ белсенді мен құқық қорғаушылар президент Тоқаевқа ашық хат жолдап, Конституцияға енгізілмек өзгерістерге қатысты алаңдаушылық білдірді деп хабарлайды Ertenmedia.kz Қазақстанның адам құқығы жөніндегі бюросына сілтеп. Хатта белсенділер Ата заңға ұсынылған өзгерістердің тым асығыс әрі жабық жағдайда талқыланып жатқанына назар аударған. Қоғам өкілдері реформаның бастапқыда парламенттік жүйені нығайту мақсатында жарияланып, кейін кенеттен Конституция мәтінінің 80 пайыздан астамын өзгертуді қамтыған жедел реформаға айналғанына таңғалып отыр. Құқық қорғаушылардың пікірінше, реформаға деген қоғамдық сенім Конституцияның мазмұнымен ғана емес, оны қабылдау процесінің ашықтығы мен заңдылығына да тікелей байланысты. «2022 жылы қабылданған Конституциялық реформаның басты мақсаты биліктің бір адамның қолына шоғырлануына тосқауыл қою және…

Тоқаевтың өткір сынынан кейін Ішкі істер министрі Шымкентке шұғыл ұшып келді. Ержан Сәденов тәртіп сақшыларының жұмысына ашық сын айтып, полиция департаментінің басшылығын түгелдей жаңартты деп хабарлайды Ertenmedia.kz. Мемлекет басшының қаладағы полиция қызметіне көңілі толмайтынын айтқаннан кейін Ішкі істер шұғыл түрде қызметтік тексеріс өткізген екен. Нәтижесінде… Шымкенттің ұйымдасқан қылмысқа қарсы күрес басқармасының бастығы, оның орынбасарлары және бірнеше аудандық бөлімше жетекшілері қызметінен қуылған. Бұдан былай қаладағы полиция департаментіне салада үлкен мектептен өткен, басқарушылық тәжірибесі мол генерал-майор Мұхтар Қожаев жетекшілік етеді. Министр Сәденов жаңа басшылықтың алдына қызмет сапасын арттыруды және қаладағы қылмыстық ахуалды дереу тұрақтандыруды басты міндет етіп қойды. «Қызметтік тәртіпті сақтамау, қылмысты жасыру…

Ресейдің «Татнефть» компаниясы Қазақстанның мұнай-химия саласындағы ірі жобадан күтпеген жерден бас тартты деп хабарлайды Ertenmedia.kz. Құны 1 миллиард долларға жуықтайтын «Бутадиен» жобасы Атырау облысында жүзеге асуы тиіс еді. Ресейлік компанияның жобадан шығатыны туралы ақпаратты Қазақстанның мұнай-газ кеңесі – PetroCouncil қауымдастығы ресми түрде растады. Бастапқыда жоба еліміздің жоғары технологиялық мұнай-химия өнеркәсібінің беткеұстар бастамасы саналған. «Бутадиеннің» басты мақсаты шиналар өндірісіне, жол құрылысы мен пластик өнімдеріне қажет бутадиен негізіндегі өнімдерді шығаруды көздеген. Зауыт жылына 186 мың тонна өнім өндіруі тиіс еді. Атап айтқанда, кешен жыл сайын шиналар мен резеңке бұйымдарын жасауға қажетті 60 мың тонна дивинилстиролды синтетикалық каучук (ДССК), жол құрылысы мен пластикке…

Атырау облысында 2 ақпан мен 20 наурыз аралығында республикалық «Қызметтік қару» жедел-профилактикалық іс-шарасы өтеді деп хабарлайды Ertenmedia.kz. Шараның басты мақсаты қару айналымы саласындағы заң талаптарының сақталуын бақылау, құқық бұзушылықтардың алдын алу, сондай-ақ қоғамдық қауіпсіздік деңгейін арттыру. Іс-шара барысында облыстық полиция департаментінің Қару айналымын бақылау және табиғатты қорғау тобының қызметкерлері қызметтік қару сақталатын мекемелерге жоспарлы тексеру жұмыстарын жүргізді. Тексеру кезінде қаруды сақтау, есепке алу, тіркеу және қайта тіркеу талаптарының орындалуы, сондай-ақ рұқсат құжаттарының заңдылығы зерделенді. Нәтижесінде 5 мекемеде қару айналымы қағидаларын бұзу деректері анықталды. Аталған фактілер бойынша ҚР ӘҚБтК-нің 484-бабы 1-бөлігі (азаматтық және қызметтік қару айналымы қағидаларын бұзу) және 486-бабы 1-бөлігі…

Ресей армиясының офицері Евгений Коробов 2022 жылы Украинаға басып кірген әскер қатарында болған. Киев облысын басып алуға қатысқан ол майданнан қашып, қазір Қазақстанда саяси баспана сұрап жүр деп хабарлайды Ertenmedia.kz Currenttime-ның дерегінше Коробов қазір Астанада бой тасалап жүр. Ресейден қашып келген ол қара жұмыс істеп, жан бағып жүр екен. «Путин? Соғысқа мүлде қатысқым келмеді. Өз жеріңді қорғау басқа әңгіме. Ал еш себепсіз, бейбіт елге басып кіруді ақтау мүмкін емес», – дейді Евгений. Коробов қызмет еткен 15-мотоатқыштар бригадасы Киев маңында 2022 жылдың жазына дейін болған. Кейін Украина прокуратурасы бригаданың бірнеше сарбазын әскери қылмыс жасады деп айыптаған. Бірнеше ай бойы майданда болған Коробов…

Белгілі қоғам белсендісі әрі саясаткер Ермек Нарымбай Астана қаласында қамауға алынды деп хабарлайды Ertenmedia.kz. Журналист Лұқпан Ахмедияровтың хабарлауынша, сот шешімі түнде, сағат 01:23-те шыққан. Нарымбайға әлеуметтік желілерде ақпарат жариялауға тыйым салған сот қаулысын бұзды деген айып тағылды. Енді ол 2026 жылдың 3 сәуіріне дейін қамауда болады. Бұған дейін белсенді Қырғызстан аумағында жүрген жерінен ұсталып, Қазақстанға депортацияланған еді. Ахмедияровтың айтуынша, депортациялау туралы сот шешімі шықпаған. Қазір Нарымбай Астана қаласының полиция департаментінде қамауда отыр. Еске салсақ, Ермек Нарымбай Қазақстаннан 2016 жылдың шілде айында кетіп, Украинада бірнеше жыл тұрған. Сол жылы оны әлеуметтік желілерде араздықты қоздырды деген айыппен үш жылға соттаған болатын. 2021…

Шымкентте қаза тапқан Нұрай Серікбайдың өліміне қатысты істің бабы өзгертіліп, айыптау күшейтілді деп хабарлайды Ertenmedia.kz. Жәбірленуші тараптың адвокаты Сержан Нұрпейісов әлеуметтік желідегі парақшасында істің енді Қылмыстық кодекстің 99-бабының 2-бөлігі, 5-тармағы бойынша – «аса қатыгездікпен жасалған адам өлтіру» бабымен қаралатынын мәлімдеді. Адвокаттың айтуынша, айыптың күшеюі жәбірленуші тараптың тағы бір қорғаушысы Аянхан Омаровпен бірлескен жұмыстың нәтижесінде мүмкін болды. Нұрпейісов өзгеріс істің толық әрі жан-жақты зерттелуіне ықпал етеді деген үміт білдірді. Аталған бап бойынша кінәлі деп танылғандар 15 жылдан 20 жылға дейін немесе өмір бойы бас бостандығынан айырылып, мүлкі тәркіленуі мүмкін. Айта кетелік, Нұрайдың өлімі бүкіл елдің қабырғасын қайыстырып, қыздың жанайқайына құлақ аспаған…

Ерлан Өтегенов Қазақстан Республикасы Бас прокурорының орынбасары қызметіне тағайындалды деп хабарлайды Ertenmedia.kz. Ерлан Рахымжанұлы Өтегенов прокуратура саласында 1997 жылдан бері қызмет атқарып келеді. Алматы, Оңтүстік Қазақстан, Ақмола облыстары және Алматы қаласының прокуратураларында түрлі басшылық қызметтерде болған тәжірибелі маман. Ол Алматы облысы Қарасай ауданы прокурорының орынбасары, Алматы табиғат қорғау прокуратурасы прокурорының орынбасары, Ақмола облысының Целиноград және Егіндікөл аудандарының прокуроры қызметтерін атқарды. Сонымен қатар Алматы облысы Талғар ауданының прокуроры, Алматы қаласы бойынша Құқықтық статистика және арнайы есепке алу комитеті басқармасының басшысы болды. 2019 жылдың маусымында Астана қаласы прокурорының орынбасары лауазымына тағайындалса, 2022 жылдың мамырынан бастап елорданың прокуроры қызметін атқарып келді. Ерлан Өтегенов…

Әлемжелі арқылы қазақтардың сеніміне кіріп, жүздеген миллион теңгені айналдырған ерлі-зайыпты блогерлер Ерболат пен Елмира Жанәбіловтерге қатысты тергеу аяқталды деп хабарлайды Ertenmedia.kz Қаржы мониториң агенттінің мәліметінше, аудиториясы 15 миллион адамнан асатын ерлі-зайыптылар заңсыз кәсіпкерлікпен айналысып, қылмыстық жолмен тапқан ақшаны қалтаға басқан. Олар 2025 жылы онлайн-курстар сату арқылы көлеңкелі бизнес жүргізген. Жалған курстардың ешқандай біліми құндылығы жоқ, басым бөлігі YouTube секілді ашық платформалардан алынған. Шын мәнінде онлайн-курс дегені астыртын лотерея өткізудің амалы болған. Курстарды сатып алған қатысушылар қымбат сыйлықтар ұтысына қатысатынына сенген. Алайда сыйлық қоры блогерлердің өз қаражаты есебінен емес, курсқа төленген азаматтардың ақшасынан құралған. Одан бөлек… «Сәттілік барабанының» параметрлері жасанды жолмен…

Жаңа Конституцияның мәтіні баяғыда дайындалып қойған. Танымал заңгер, елдің қазіргі Ата заңын жазуға атсалысқан Майдан Сүлейменов осындай мәлімдеме жасады деп хабарлайды Ertenmedia.kz. «Соңғы кезде маған «Конституция талқыланып жатыр, неге үндемей отырсыз?» деген сұрақ жиі қойылады. Ашық айтайын, мен мәнсіз жұмыстан әбден шаршадым. Иә, қазіргі Конституция авторларының бірі менмін. Оны талқылау кезінде Конституциялық сотты сақтау және Парламент өкілеттігін шектемеу үшін жанымды салдым. Бірақ ешқайсысы қабылданбады. Соған қарамастан, мен сол Конституциядан ұялмаймын. Франция Конституциясының озық үлгілерін алдық, француздар осы Конституциямен-ақ демократиясын сақтап отыр. Мен Назарбаевтың жеке билігі мен отбасының ықпалын күшейтуге бағытталған кейінгі түзетулерден ұяламын», – деді академик. Экс-елбасының тұсындағы ұятты өзгерістер…