Орынбордағы газ өңдеу зауытына жасалған дрон шабуылы Қазақстандағы газ жеткізіліміне әсер еткен жоқ, деп жазады Ertenmedia.kz.
Қазақстан Энергетика министрлігі ел ішіндегі тауарлық газ жеткізілімі тұрақты жүріп жатқанын хабарлады. Ведомствоның мәліметінше, тұтынушыларға газ беру үзілген жоқ.
БАҚ дерегінше, оқиға 24 маусымға қараған түні болған. Орынбор облысының губернаторы Евгений Солнцев бірнеше дрон өнеркәсіптік кәсіпорын аумағында атып түсірілгенін мәлімдеді.
Қазақстан Энергетика министрлігі бұл жағдай ішкі нарықтағы газбен қамтуға әсер етпегенін айтты. Министрліктің ресми өкілі Әсел Серікбаеваның сөзінше, диспетчерлік қызметтер логистиканы жедел түзеткен.
«Газдың қарсы көлемдерін жеткізу балама бағыт арқылы жүзеге асырылып жатыр. Қажетті отын көлемі басқа көздер есебінен үздіксіз жабылуда. Қазақстанның газ инфрақұрылымы штаттық режимде жұмыс істеп тұр», деді ол.
Министрлік ішкі нарық энергетикалық ресурспен толық қамтамасыз етілгенін атап өтті. Жағдайды мемлекеттік орган мен ұлттық оператор тұрақты бақылауда ұстап отыр.
Осылайша Орынбор облысындағы оқиға Қазақстан тұтынушыларына газ жеткізу тұрақтылығына қауіп төндірмеген. Қажетті жағдайда балама бағыттар іске қосылып, отын көлемі басқа көздер арқылы өтеліп жатыр.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
