ҰҚК-да Әбіқаев, Жұмақанов, Мәсімовтердің орынбасары болған генерал-майор қызметінен кетті, — деп хабарлайды ErtenMedia.kz.
«Мемлекет басшысының өкімімен Марат Өмірбекұлы Қалқабаев Қазақстан Республикасы Ұлттық қауіпсіздік комитеті төрағасының орынбасары лауазымынан босатылды», — деп жазылған хабарламада.
Қалқабаев — ҰҚК басшылығында ұзақ жыл қызмет еткендердің бірі. Қауіпсіздік органдарында барлығы 40 жыл қызмет етті.
Ол 1984-1995 жылдары ұлттық қауіпсіздік органдарының офицерлер құрамы лауазымдарында қызмет атқарды.
1995-2013 жылдары ұлттық қауіпсіздік органдарының офицерлер құрамы лауазымдарында қызмет атқарды.
2013 жылғы қазаннан бастап бүгінгі күнге дейін Ұлттық қауіпсіздік комитеті төрағасының орынбасары болды.
Сонымен қатар, Марат Қалқабаев Қаңтар оқиғаларын тергеумен айналысқан. Мемлекетке опасыздық жасағаны үшін сотталған өзінің бұрынғы бастығы Кәрім Мәсімовтің ісімен де айналысқан. Бұған дейін Қалқабаев бұл іс құпия екенін, толық ақпарат айтылмайтынын мәлімдеген еді.
Айта кетейік, ҰҚК-ны Нұртай Әбіқаев 2010-2015 жылдар аралығында, Владимир Жұмақанов 2015-2016 жылдар аралығында, Кәрім Мәсімов, 2016-2022 жылдар аралығында басқарды.