Автор: Асылхан Бөрібай

Соңғы бірнеше күнде еліміздің әр аймағында ірі жол апаттары тіркеліп, салдарынан ондаған адам қаза тапты, деп жазады Ertenmedia.kz. 11 қыркүйекте Маңғыстау облысында шағын автобус аударылып, 10 адам көз жұмған. Ал 14 қыркүйекте Жетісу облысында үш автокөлік бетпе-бет соқтығысып, тағы 10 адам қаза болды. Осы күні Қарағанды облысында болған жол апатынан бес адам мерт болды. Ішкі істер министрлігі марқұмдардың жақындарына көңіл айтып, барлық оқиға бойынша қылмыстық іс қозғалғанын хабарлады. Қазір тергеу жұмысы басталып кеткен. «Бұл жай ғана жол-көлік оқиғасы емес, орны толмас қаза. Жол қателікті кешірмейді! Жылдамдықты асыру, қарсы бағытқа шығу, қауіпті маневрлер жасау және қауіпсіздік белдігін тақпау өлімге әкелетін негізгі факторлар»,…

Қарағанды облысында теміржолдағы жанармай ұрлығы жаппай етек жайған. Ащысу станциясын төңіректеген қылмыстық топ бірнеше ай бойы жүк вагондарынан дизель отынын ұрлап келген, деп хабарлайды Ertenmedia. Ішкі істер министрлігі мен ҰҚК-ның бірлескен операциясы нәтижесінде ұрлықтың 28 дерегі әшкереленіп, 17 күдікті қолға түсті. Тінту барысында қылмыстық топтың қоймасынан жарты тоннаға жуық дизель отыны, бос канистрлермен қатар, заңсыз қару-жарақ пен есірткі тәркіленген. Тіпті, қылмыскерлерден табылған қарудың бірі 2017 жылдан бері Ресейдің ішкі істер органында жоғалған ретінде тіркелген. «Жалпы саны 14 тінту жұмысы жүргізілді. Қоймалардан қарумен бірге 26 оқ-дәрі, жеті ұялы телефон және есірткі заттары табылды», – деп мәлімдеді полиция өкілдері. Қазіргі таңда осы…

Түркістан қаласында халықаралық стандартқа сай жаңа «Ескек есу» арнасы ашылды. Жаңа нысан Мемлекет басшысы Қасым-Жомарт Тоқаевтың спорт инфрақұрылымын дамыту жөніндегі тапсырмасы аясында бой көтерді. Түркістан облысында қазір 112 спорт нысанының құрылысы жүріп жатыр. Демек, өңірде спортты дамыту ісі жеке-жеке шарамен шектелмей, жүйелі бағытқа айналған. «Ескек есу» арнасының іске қосылуы да сол жұмыстың ең ірі нәтижесінің бірі саналады, деп жазады Ertenmedia.kz. Арнаның ашылуына орай Түркістанда «Turkistan Water Fest & Sky Lights» атты ірі мәдени-спорттық шара өтті. Салтанатқа Туризм және спорт министрі Ербол Мырзабосынов, Есу спорты түрлері бойынша «Қайық» федерациясының президенті Асланбек Мерғалиев, Байдарка мен каноэде есу халықаралық федерациясының президенті Томас Кониецко…

Қазақстанның 20 өңірінде бір мезгілде жасанды интеллектке арналған «Decentrathon 4.0» хакатоны өтіп жатыр,деп жазады Ertenmedia.kz. IT саласына қызығатын талапты жастардың басын қосқан ауқымды сайыс Shymkent Hub алаңында да жалғасуда. Мұнда дарынды қатысушылар өз білімін сынап, жаңа технологиялық шешім ұсынуға кіріскен. Shymkent Hub-тың аймақтық менеджері Құрманғазы Мұратовтың айтуынша, кезекті хакатонға 171 команда қатысып жатыр. Қатысушылар жасанды интеллект пен блокчейн бағыттары бойынша тапсырма орындап, жаңа жоба әзірлеуі керек. Негізгі міндет – өзекті мәселеге тың шешім тауып, инновациялық идеяны нақты өнімге айналдыру. Жарыстың жалпы жүлде қоры 50 мың АҚШ долларын құрайды. Осындай алаңдар жас мамандардың тәжірибесін шыңдап қана қоймай, технологиялық ортадағы бәсекені де күшейтеді.…

Қарағанды облысына жұмыс сапары барысында Төтенше жағдайлар министрі генерал-майор Шыңғыс Әрінов Бұқар жырау ауданының Баймырза ауылында жаңа ерікті өртке қарсы пункттің ашылуына қатысты. Іс-шараға облыс әкімі Ермағанбет Бөлекпаев, ақсақалдар, олармен қатар 94 жастағы тыл еңбеккері Абюр Садықов және жергілікті тұрғындар қатысты,- деп хабарлайды  Ertenmedia Пункттің ашылуы «Ауыл құтқарушылары» бағдарламасы аясында өтті. Ауыл еріктілері өрт сөндіру техникасымен және байланыс құралдарымен қамтамасыз етілген, бұл жабдықтар ведомство тарапынан жергілікті атқарушы органдардың балансына беріледі. Ғимаратта душ, демалу бөлмесі, ас үй және әкімшілік бөлмелер бар. Жаңа пункт екі елді мекенді қамтып, 2000-нан астам адамды өрт қауіпінен қорғайтын болады. «Бүгін Баймырза ауылында жаңа ерікті өртке қарсы құралым…

Батыс Қазақстан облысында көктемгі су тасқынынан зардап шеккендерге көмек ретінде қаражат жинаған «Ақжайық» қайырымдылық қорының қызметіне қатысты тергеу басталды, деп хабарлайды Ertenmedia. Бұған дейін облыстық прокуратура Бас прокуратурамен келісе отырып, қордың қызметіне тексеру жүргізуді бастаған болатын. Қазіргі кезде тексеру уақытша тоқтатылып, істі Антикор қолға алды. Тергеудің нақты себебі әзірге ашық айтылған жоқ, дегенмен прокуратураның мәліметінше, тергеу бастауға азаматтардан түскен арыз-шағым немесе тексеру барысында анықталған заңсыздық негіз болуы мүмкін. «Ақжайық» қорының басшысы Тілекқабыл Имашев тексерістен қауіптеніп отырмағанын айтып, Антикор жиналған қаржының мақсатты жұмсалуын тексеріп жатқанын жеткізді. – Біреу арыз жазған шығар, алайда бізде ешқандай қобалжу жоқ, – дейді Имашев. Айта кету…

Қазақстан Үкіметі Ақтау қаласында Ресей Федерациясының Бас консулдығын ашу туралы келісімді мақұлдады, деп хабарлайды Ertenmedia. 2025 жылғы 10 қыркүйекте бекітілген келісімге Қазақстан атынан премьер-министрдің орынбасары, Сыртқы істер министрі Мұрат Нұртілеу қол қояды. Жаңа консулдықтың аумағына Маңғыстау облысы кіреді. Бұған дейін өңір Ресей Федерациясының Қазақстандағы Орал қаласында орналасқан Бас консулдығына қарасты еді. Ақтаудағы жаңа Бас консулдық ашылғаннан кейін Маңғыстау облысының аумағы Оралдағы консулдық округінен алынып, Ақтаудың қарамағына өтеді. Ресейдің Ақтауда консулдық ашу жоспары алғаш рет 2022 жылдың шілдесінде айтылған. Сол кезде Ресей Сыртқы істер министрлігінің консулдық департаментінің директоры Иван Волынкин Ақтаудағы консулдық ресейлік туристердің көбеюіне байланысты ашылатынын, сонымен қатар Беларусь, Мексика…

Шерзат Болаттың өліміне қатысты жәбірленуші тараптың мүддесін қорғаған адвокат Мейірман Шекеев Талғар ауданының әкімдігіне арнайы ұсыныс жолдады. Ол жасөспірімнің есімін қаладағы көшелердің біріне беруді ұсынып отыр деп хабарлайды Ertenmedia Шекеевтің айтуынша Талғар қаласындағы Менделеев немесе Руставели көшесінің бірі Шерзат Болаттың есімімен аталуы мүмкін. «Шерзат ақын да, жазушы да емес еді. Бірақ оның қайғылы тағдыры қоғамды оятып, әділеттілік үшін күрестің символына айналды. Оның есімі халықтың есінде қалуы тиіс деп санаймын», – деді адвокат. Шерзаттың қазасы қоғамда үлкен резонанс туғызған еді. Оның ісі тек құқық қорғау органдарының қызметі тұрғысынан ғана емес, жалпы адам құқықтары мен әділеттілік мәселесі ретінде кеңінен талқыланды. Әсіресе жастар…

Жаңа Салық кодексіне сәйкес, елімізде 1 мыңнан аса бизнес түрі жеңілдетілген салық жүйесінен айырылуы ықтимал. Бұл туралы депутат Айтуар Қошмамбетов мәлім етті, деп хабарлайды Ertenmedia. Оның айтуынша, бүгінде жаңа қабылданған Салық кодексіне қатысты 230-дан астам қосымша құжат пен ереже қарастырылып жатыр. Қазір негізгі мәселе қандай бизнес түрлерінің жеңілдетілген жүйемен жұмыс істей алатынын анықтау. «Үкімет жеңілдетілген режиммен жұмыс істеуге болатын небәрі 40 бизнес түрін ғана ұсынды. Ал қалған 1100-ден аса қызмет түріне мұндай мүмкіндік берілмейді екен. Біз бұған қарсымыз», – деді Қошмамбетов «Respublica» партиясының форумында сөйлеген сөзінде. Депутат мысал ретінде креативті индустрия саласын келтірді. Оның айтуынша, театрлар, кинотеатрлар мен музейлер қызметін…

Алматы облысындағы әйгілі Көлсай көлдері енді аспалы арқан жолымен жалғанады. Жалпы құны 15 млрд теңгені құрайтын жобаны жеке инвестор қаржыландырады хабарлайды Ertenmedia. Жоспар бойынша, бірінші және екінші Көлсай көлдерін ұзындығы 6,3 шақырымдық аспалы жол жалғайтын болады. Қазір жоба шетелдік мамандардың қатысуымен жобаланып, отандық инвесторлардың жетекшілігімен іске асырылуда. «Аспалы жол құрылысына қажетті тіреуіштер үшін алдын ала 43 орын белгіленді. Жоба екі кезеңмен жүзеге асады. Бірінші кезеңде 3,5 шақырым, екінші кезеңде 2,8 шақырым аспалы жол салынады», – делінген әкімдік жауабында. Әкімдік жобалау кезінде жергілікті жердің табиғи ерекшелігі мен экологиялық талаптар басты назарда болатынын атап өтті. Дегенмен, жобаны жүзеге асыру барысында бірқатар мәселе…