Автор: Асылхан Бөрібай

Президент Тоқаев Бас прокурор Берік Асыловты қабылдап, елдегі заңдылықтың жай-күйі туралы есебін тыңдады деп жазады Ertenmedia. Кездесу барысында Асылов қоғамда үлкен резонанс тудырған, мемлекеттік мүддеге қатысты және азаптауға байланысты қылмыстық істерді тергеу барысын баяндады. Биыл арнайы прокурорлар сотқа 55 қылмыстық істі жолдап, нәтижесінде 112 адам сотталған. Қазіргі таңда 80 істі тергеу жалғасуда. Арнайы прокурорлар тергеген істер бойынша мемлекетке келтірілген 14,4 млрд теңге шығын өтелген. Сондай-ақ Бас прокурор қылмыстық жолмен табылған қаражат пен мүлікті анықтап, оларды ел экономикасына қайтарудың жаңа тәсілі туралы баяндады. Жалпы, биыл прокурорлар құқық қорғау органдарымен бірлесіп, құны 105 млрд теңге болатын мүлікті бұғаттаған. Оның ішінде есірткі қылмысы…

Талдықорғанда жекеменшік балабақшада балаларға жәндік араласқан тамақ бергені белгілі болды, деп жазады Ertenmedia.kz. Балаларының жейтін асына алаңдаған ата-аналар балабақша асханасынан тарақан араласқан тоқаш, ботқадағы құрт пен нан бетіндегі ұсақ шыбын-шіркейлерді видеоға түсірген. Сондай-ақ ас бөлмесіндегі қабырғалар көгеріп, еден лас, азық-түліктің бетімен жәндіктер жүретінін дәлелдеп көрсеткен. Оның үстіне, ата-аналар балалардың тамағы өте аз мөлшерде берілетінін де айтып шағымданған. Осыдан кейін санитарлық қызмет өкілдері жоспардан тыс тексеру жүргізді. Талдықорған қалалық санитарлық-эпидемиологиялық бақылау басқармасы басшысының орынбасары Әлібек Нұрмұхамбет балабақшада санитарлық талаптардың өрескел бұзылғанын растады. Тексеру аяқталып, жауаптыларға шара қолданылатынын жеткізді.

Қазақстанда мемлекеттік қолдау тетіктерін ашық бақылауға арналған Baqylauda цифрлық сервисін енгізу жұмысы жалғасып жатыр, деп жазады Ertenmedia.kz. Жаңа платформа онлайн режімде мемлекеттік қолдаудың барлық түрін көруге мүмкіндік береді. Ведомство қазір жүзден асатын қолдау тетіктерін бір жүйеге жинақтап отыр. Негізгі мақсат – бюджет қаражаты нақты қайда бағытталды, қандай нәтиже берді, қай саладан қайтарым бар, қай тұста тиімділік төмен деген сұраққа нақты жауап шығару. Осы тәсіл мемлекеттен бөлінетін қаржының өнімділігін арттыруға тиіс. Қаржы министрлігі Baqylauda сервисін Qoldau.kz цифрлық платформасына орналастырған. Қазір жүйеге кейінгі он жылдағы мемлекеттік қолдау шаралары жөніндегі деректер кезең-кезеңімен жүктеліп жатыр. Жұмыс толық аяқталған соң арнайы талдау қай құралдың тиімді,…

Алматыда Мемлекеттік кеңесші Ерлан Қариннің төрағалығымен «Қазақстан тарихы: ежелгі дәуірден бүгінге дейін» атты жеті томдық академиялық басылымды әзірлеуге арналған редакция алқасының кезекті отырысы өтті, деп жазады Ertenmedia.kz. Жиында редакция алқасы дауыс беру арқылы екінші томның қолжазбасын баспаға дайындау үшін бекіту жөнінде шешім қабылдады. Сонымен қатар жеті томдық еңбектің үшінші томының мазмұны талқыланды. Авторлар ұжымының жетекшісі, Л.Н. Гумилев атындағы Еуразия ұлттық университетінің профессоры, тарих ғылымдарының докторы Айболат Көшкімбаев басылымның тұжырымдамасы, мазмұны мен құрылымы туралы баяндама жасады. Ол «Алтын Орда» деп аталатын үшінші томның ерекшелігі мен ғылыми жаңалығына тоқталды. Отырыста Ш.Ш. Уәлиханов атындағы Тарих және этнология институтының бас директоры Зиябек Қабылдинов, Мемлекет…

Алматы облысында ірі агроөнеркәсіптік парк салынады. Бұл туралы Ertenmedia «Қазақстан темір жолы» ұлттық компаниясына сілтеме жасап хабарлайды. Жаңа кешеннің құрылысын КТЖ еншілес компаниясы KTZ Express, ресейлік «Славтранс-Сервис» және «ТЛЦ Алатау» бірлесіп жүзеге асырмақ. Құжатқа Мәскеу облысында өткен халықаралық бизнес-миссия аясында Алматы облысының әкімі мен Мәскеу облысының губернаторының қатысуымен қол қойылды. Алматы іргесіндегі жаңадан салынып жатқан Алатау қаласында бой көтеретін кешенге «А» класындағы заманауи қоймалар, температурасы реттелетін қойма орындары, контейнерлік терминал, көтерме және бөлшек сауда орталықтары кіреді. Сонымен қатар, фитосанитарлық бақылау және кедендік рәсімдеу аймақтары да ашылады. Жаңа хаб өндірушілерді, экспорттаушылар мен ірі сауда желілерін ортақ жүйеге біріктірмек. Бұл отандық тауарларды…

Ақтау қаласының прокуроры Ерболат Әбдіровке қатысты Алматы әуежайында болған даулы оқиға бойынша сот шешімі шықты. Суд прокурордың әрекетінен ешқандай заңбұзушылық таппаған деп хабарлайды Ertenmedia «Ақ Жайық» басылымына сілтеп. Бұған дейін Әбдіров Алматы әуежайында мас күйде жанжал шығарып, өзгелерді балағаттады деген ақпарат тараған еді. Осыған орай Маңғыстау облысының прокуратурасы қызметтік тексеру жүргізген болатын. Прокурор Әбдіров айыптарды жоққа шығарып, «менің кім екенімді білген соң әдейі дау шығарды» деп мәлімдеген еді. Соттың анықтауынша, прокурор Алматы әуежайында екі жігітпен танысқан, олар да Ақтаудың тумалары екен. Кейін жолаушыларды ұшаққа жеткізетін автобус ішінде түсініспеушілік туындаған көрінеді. Сол кезде әуежай полициясының қызметкері Әбдіровке әкімшілік хаттама толтырған. Бірақ…

Қазақстанның Су ресурстары және ирригация министрлігі Солтүстік Арал теңізіндегі су көлемінің болжамнан жоғары көрсеткішке жеткенін хабарлады, деп жазады Ertenmedia.kz. Соңғы мәлімет бойынша, 2023 жылдан бері теңізге шамамен 5 миллиард текше метр су құйылып, жалпы су қоры 24,1 миллиард текше метрге жеткен. Бұл көрсеткіш 2025 жылға жоспарланған 20,6 миллиард текше метр межесінен асып түсті. Мамандар мұндай көлем тек 2029 жылға қарай жиналады деп күткен еді. Су ресурстары және ирригация министрі Нұржан Нұржігітов Дүниежүзілік банк грантының көмегімен Көкарал бөгетін екі метрге көтеру және жаңа гидротехникалық құрылыстарды салу жобасының техникалық-экономикалық негіздемесі әзірленіп жатқанын атап өтті. «Жобаның негізгі мақсаты Солтүстік Арал теңізіндегі су көлемі мен…

Қазақстандық астық тұңғыш рет Қытай портында контейнер ауыстырмай Вьетнамға жеткізілді деп хабарлайды Ertenmedia. Ақмола облысының Ақкөл, Азат және Көкшетау станцияларынан жолға шыққан 17 мың тонна бидай Ляньюньган (Қытай) арқылы Хайфон (Вьетнам) портына дейін контейнер ауыстырмай жеткен деп жазады Ertenmedia. Бұл бұрын-соңды болмаған жаңа логистикалық тәсіл. Әдетте Қытай порттарына теміржолмен келген жүк теңіз контейнерлеріне қайта тиелетін. Бұл жолы жүк Қазақстаннан Вьетнамға дейін бастапқы контейнерлермен тасымалданды. Жаңа тәсіл астықтың сапасын сақтап, жеткізу мерзімін қысқартып, шығындарды азайтуға мүмкіндік берді. «Кедентранссервис» компаниясының мәліметінше, аталған логистикалық жобаның табысты жүзеге асуы отандық астық өндірушілер үшін Оңтүстік-Шығыс Азия елдеріне экспорттың жаңа көкжиегін ашады. Компания бұл жобаны бұдан…

Алматы облысында 2025-2026 жылдардағы жылыту маусымына дайындық жұмыстары аяқталуда. Өңірде қазандықтар мен жылу желілеріне жөндеу жүргізіліп, жаңа қазандықтар салынуда, көмір мен сұйық отын жеткізіліп жатыр. Орталықтандырылған жылумен қамту Іле, Талғар, Балқаш, Еңбекшіқазақ және Қарасай аудандарында, сондай-ақ Қонаев пен Алатау қалаларында жұмыс істейді. Жылу желілерінің жалпы ұзындығы – 176 шақырым. Облыста 18 қазандық пен жалпы жылу қуаттылығы 457,5 Гкал болатын 66 блок-модульді қазандық бар. 2065 көпқабатты тұрғын үйдің 1371-і (66,4%) жылумен қамтылған. Әлеуметтік салада 51 нысан (4,7%) орталықтандырылған жылумен жабдықталған. Қалған нысандар автономды қазандықтар мен баламалы отын түрлерін пайдаланады: газ – 29,7%, сұйық отын – 36,8%, қатты отын – 23,8%. Дайындық…

Қазақстанның ең ірі мұнай-газ компаниясы «ҚазМұнайГазға» (ҚМГ) ресейлік хакерлік топ кибершабуыл жасады деген ақпарат шықты деп хабарлайды Ertenmedia Dark Reading басылымына сілтеп. Seqrite Labs сарапшыларының айтуынша, шабуылды ұйымдастырған топ биыл сәуірден бастап белсенділік танытып келеді. Хакерлер ҚМГ-ның қаржы бөлімінің қызметкерінің электронды поштасын бұзып кіріп, компания қызметкерлеріне жалған хаттар таратқан. Хаттар «ШҰҒЫЛ!» деген тақырыппен тараған және қызметкерлерден «жаңа өзгерістерге байланысты жалақы мен жұмыс кестесі туралы құжаттармен танысып шығуды» талап еткен. Құжаттар архив түрінде ұсынылған. Ашқан жағдайда, қызметкердің компьютеріне хакерлер арнайы бағдарлама орнатқан. Сол арқылы олар компанияның ішкі жүйесіне кіріп, ақпарат ұрлауға мүмкіндік алған. Seqrite Labs бұл хакерлік топты «Noisy Bear» (Шулы…