Автор: Лейла Болтаева

Алматыда әлеуметтік маңызы бар азық-түлік тауарларының бағасын бақылау және тұрақтандыру шарасы күшейтілді, деп жазады Ertenmedia.kz. Премьер-министр Олжас Бектеновтің тапсырмасы аясында қалада баға өсімін тежеуге бағытталған кешенді жұмыс қолға алынған. 16 сәуірден бастап «Барыс-4» базарындағы көтерме сауда алаңында жүйелі мониторинг жүріп жатыр. Оған Алматы қаласының Кәсіпкерлік және инвестициялар басқармасы, Сауда және тұтынушылардың құқығын қорғау департаменті, Мемлекеттік кірістер департаменті және Бәсекелестікті қорғау және дамыту агенттігінің департаменті тартылған. Негізгі мақсат – баға тұрақтылығын сақтау және әлеуметтік маңызы бар азық-түлік құнының негізсіз өсуіне жол бермеу. Әсіресе сауда үстемесінің 15 пайыздан аспауына және жеткізу тізбегіндегі тиімсіз делдал буындарды қысқартуға басымдық беріліп отыр. Қалада тек бақылау…

Президент Қасым-Жомарт Тоқаев қазіргі әлемдегі көшбасшыға ең алдымен жауапкершілік, стратегиялық сабыр және халықаралық қауіпсіздікке байыппен қарау қасиеті керек екенін айтты, деп жазады Ertenmedia.kz. Мемлекет басшысының айтуынша, бүгінгі жаһандық саясатта жеке елдің басшысы тек өз мемлекетінің ішкі мүддесімен шектеліп қалмауы қажет. Халықаралық қауіпсіздік пен бейбітшілікке қатысты ұстаным да шешуші мәнге ие. Президенттің пайымынша, қазір әлем күрделі әрі қарама-қайшылыққа толы кезеңді бастан өткеріп отыр. Соған қарамастан, шиеленістің түйінін тарқату мүмкін емес дүние емес. Ол үшін ең әуелі жауапкершілік пен ұстам керек. Тоқаев осы тұста қазіргі сәтте стратегиялық тежемнің маңызы ерекше екенін атап өтті. Яғни эмоцияға ерік беру, күш көрсетуге асығу, дағдарысты одан…

Мемлекет басшысы Қасым-Жомарт Тоқаев Түркияның Режеп Тайип Ердоғанның жетекшілігімен халықаралық аренадағы ықпалы артып келе жатқанын атап өтті, деп жазады Ertenmedia.kz. Президенттің айтуынша, Түркия қазір өңірлік саясаттағы салмағы бар елдердің біріне айналды. Оның пікірінше, әлемдік және өңірлік деңгейде қордаланған түйткілдерді шешуде Қазақстан мен Түркия елеулі рөл атқара алады. Тоқаев осы орайда Президент Режеп Тайип Ердоғанның келесі айда Қазақстанға жасайтын мемлекеттік сапарына айрықша мән берілетінін жеткізді. Астана аталған сапарды екіжақты байланысты жаңа деңгейге шығаратын маңызды саяси кезеңнің бірі ретінде қарап отыр. Мемлекет басшысы одан кейін халықаралық ахуалға тоқталып, биыл жаһандық қоғамдастық бетпе-бет келіп отырған негізгі сын-қатерлер мен алдағы кезеңдегі халықаралық күн тәртібін…

Батыс Қазақстан облысының Кеңтүбек ауылында бұқаралық спортты дамытуға бағытталған жаңа спорт кешені пайдалануға берілді, деп жазады Ertenmedia.kz. Ауыл тұрғындары бұған дейін спортпен тұрақты айналысу үшін көбіне жазғы маусымды күтетін. Себебі күн райы бұзылған кезде ойын ұйымдастыруға да, жаттығу өткізуге де мүмкіндік аз болатын. Осы мәселені шешу үшін «AMANAT» партиясының бастамасымен спорт кешенінің құрылысы қолға алынып, қазір нысан толық іске қосылды. Жоба партияның сайлауалды бағдарламасы аясында жүзеге асқан. Жаңа ғимараттың бір мезеттегі өткізу мүмкіндігі 464 адамға есептелген. Кешен заманауи жабдықпен қамтылған. Оның ішінде әмбебап ойын алаңы, фитнес залы, күрес залы, тренажер залы және жаттығу бөлмелері бар. Енді ауыл жастары бос уақытын…

Қытаймен шекарадағы «Қорғас – Шығыс қақпасы» арнайы экономикалық аймағында өндіріс пен көлік логистикасын күшейтуге бағытталған ірі инвестициялық жобалар кезең-кезеңімен жүзеге асып жатыр, деп жазады Ertenmedia.kz. Жетісу облысы әкімдігі баспасөз қызметінің мәліметіне қарағанда, қазір арнайы экономикалық аймақта жалпы саны 65 жоба қарастырылған. Соның негізінде шамамен 4 мың жұмыс орнын ашу жоспарланған. АЭА бас директорының міндетін атқарушы Шыңғыс Мақашевтің айтуынша, 38 жоба пайдалануға беріліп қойған, тағы 27 жоба іске асыру сатысында тұр. Яғни шекара маңындағы осы алаң біртіндеп жай транзиттік нүктеден өндіріс, қойма, өңдеу және халықаралық логистика тоғысатын ірі экономикалық белдеуге айналып келеді. Аймақтағы негізгі нысанның бірі KTZE Khorgos Gateway Құрғақ порты.…

Алматыда 2026 жылғы көктемгі әскерге шақыру науқаны аясында шамамен 2 мың азамат мерзімді әскери қызметке жіберіледі. Бұл жөнінде қалалық әскери қауіпсіздік және қорғаныс мәселелері жөніндегі әкім көмекшісі Ержан Рымбек Өңірлік коммуникациялар қызметінде өткен брифингте мәлімдеді, деп жазады Ertenmedia.kz. Оның айтуынша, көктемгі шақыру Президент Жарлығы мен әкімдік қаулысына сәйкес 1 наурызда басталған. Қала бойынша биылғы жоспар осы мерзімде шамамен екі мың жасты әскер қатарына жөнелтуді көздейді. Өткен жылы Алматыдан 3547 адам әскери міндетін өтеуге аттанған. Соның 1972-сі Қарулы күштер қатарына жіберілген. 997 адам Ішкі істер министрлігінің Ұлттық ұланына, 467 адам ҰҚК Шекара қызметіне, 63 адам Мемлекеттік күзет қызметіне, 48 адам Төтенше…

Ақтауда футзалдан Қазақстан құрамасы Әзербайжанмен өткізген екі жолдастық матчта да ірі жеңіске жетіп, алдағы әлем чемпионатының іріктеу кезеңіне тың дайындықпен келе жатқанын көрсетті, деп жазады Ertenmedia.kz. Кездесулер ұлттық команданың жаңа бас бапкері Рикардо Камара Собрал, яғни Какаудың жетекшілігімен өткен оқу-жаттығу жиыны аясында ұйымдастырылды. Ақтаудың географиялық тұрғыдан қолайлы орналасуы мен командаға толыққанды жаттығу өткізуге ыңғайлы жағдай жасауы осы қаланы ойын алаңы ретінде таңдауға негіз болған. Қазақстан мен Әзербайжан футбол федерациялары арасындағы өзара ынтымақтастық та осы матчтардың өтуіне жол ашты. Екі ойын да көрермен үшін тартысты өтті. Соған қарамастан Қазақстан құрамасы алаңдағы басымдықты бірден өз қолына алып, жылдамдық, тактикалық тәртіп және командалық…

Жапониядағы өндірістік тәртіп пен үздіксіз жетілдіру мәдениеті Toyota-ны 300 мың мильге, яғни шамамен 482 мың шақырымға дейін жүре алатын көлік шығаратын бренд ретінде танытты, деп жазады Ertenmedia.kz. Toyota ұзақ уақыт бойы сенімді әрі төзімді автомобиль жасайтын компания ретінде бағаланып келді. Соңғы кезеңде i-FORCE қозғалтқышына қатысты мәселе мен bZ4X электр моделінің төңірегіндегі сын сол беделге аздап көлеңке түсірді. Соған қарамастан, 300 мың миль шегінен асқан немесе сондай ресурсқа жақындаған көліктің басым бөлігінде әлі де Toyota эмблемасы тұр. Мұндай атақ бір күнде қалыптаспайды. Әуелі қате жасалады, кейін одан сабақ алынады, одан соң процесс қайта қаралады. Осы айналым тоқтамай жалғасады. Жапон тіліндегі «кайдзен»…

Жеке деректің интернетке жайылып кетуі қазір көзге көрінбейтін, бірақ күн сайын күшейіп бара жатқан қауіптің бірі. Көп адам алаяқтық, спам, фишинг немесе бейтаныс нөмірлерден толассыз қоңырау неге көбейіп кеткенін түсінбей жүреді, деп жазады Ertenmedia.kz. Ал мәселенің түбі көп жағдайда дерек сатумен айналысатын арнайы сайттар мен компанияларға барып тіреледі. Олар адамның аты-жөнін, телефон нөмірін, электронды поштасын, үй мен жұмыс мекенжайын, кейде тіпті анағұрлым сезімтал мәліметтерді де жинап, оны үшінші тарапқа сатып отырады. Сырттай қарағанда мұнда тұрған ештеңе жоқ сияқты көрінуі мүмкін. Өйткені ақпараттың бір бөлігі ашық дереккөзде жүреді. Бірақ қатер де дәл осы жерде басталады. Алаяқ пен спамер әр адамның мәліметін…

Алматылық желі қолданушысы Роза Есенқұлова электромобиль ұстауға кететін нақты шығынды жариялап, оны бензинмен жүретін көлікпен салыстырды, деп жазады Ertenmedia.kz. Оның айтуынша, электрокөлік айына шамамен үш рет қуатталады. Әр қуаттау 4-4,5 мың теңгеге түседі. Осылайша жылдық зарядтау шығыны 162 мың теңгеге жетеді. Оған сауда орталықтарындағы автотұраққа 24 мың теңге, көлік жууға 70 мың теңге қосылады. Роза Есенқұлованың есебінше, мұның жиынтық көлемі жылына 256 мың теңге шамасында. Күніне шаққанда шамамен 700 теңге шығады. Одан бөлек, көлікті мобильді қосымша арқылы басқару үшін ай сайын шамамен 5 мың теңге байланысқа жұмсалады. Яғни электромобиль иесі үшін негізгі тұрақты шығын зарядтау, жуу және кейбір қосымша цифрлық…