Автор: Лейла Болтаева

Президент Қасым-Жомарт Тоқаев республикалық референдумның экзит-полл қорытындысымен танысып, осыған байланысты өз мәлімдемесін жасады, деп жазады Ertenmedia.kz. «Қазмедиа орталығында» экзит-полл нәтижесі таныстырылғаннан кейін Мемлекет басшысы тарихи күн екендігін ерекше атап өтті. – Бүгін Қазақстан үшін тарихи күн! Азаматтарымыз конституциялық реформаны қолдап, референдумға белсенді қатысты. Бұл – еліміздің болашағы үшін жасалған маңызды қадам. Жаңа ғана экзит-полл нәтижелері жарияланды. Қазақ елі өзінің тарихи таңдауын жасады. Барша халыққа алғысым шексіз. Азаматтарымыздың отаншылдығы айқын көрінді. Енді жыл сайын 15 наурызды – Конституция күні ретінде атап өтетін боламыз. Себебі халқымыз жаңару мен жаңғыруға дауыс берді. Бұл – баршамыздың ортақ жетістігіміз. Сіздерді шын жүректен құттықтаймын! – деді…

Кір жуғыш машинаның ішкі құрылысы мен жұмыс істеу принципін қарапайым тілмен түсіндіріп, оған қалай дұрыс күтім жасау керектігі туралы кеңестер құлақ асу керек, деп жазады Ertenmedia.kz. Қазіргі үй шаруашылығында кең таралған алдыңғы жағынан ашылатын (фронталды) кір жуғыш машина бірнеше негізгі бөліктен тұрады. Оның ішіндегі механизмдер электр энергиясын механикалық қозғалысқа айналдырып, киімдерді су мен кір жуғыш ұнтақ араласқан ортада айналдырып жуады. Осылайша, кірленген киімдер тазарып, соңында лас су сыртқа шығарылады. Кір жуғыш машинаның негізгі бөлшектері: • Су кіретін құбыр – таза су машинаның ішіне кіретін жер. Мұнда су жуу циклы басталар кезде жіберіледі. • Басқару тақтасы – машинаның жұмыс режимдерін, температура…

Ирандағы соғыстың экологиялық зардаптары алдағы ондаған жыл бойы сезілуі мүмкін, деп жазады Ertenmedia.kz. Сарапшылардың айтуынша, зымыран соққылары мен мұнай қоймаларындағы жарылыстар салдарынан ауаға таралған улы заттар миллиондаған адамның денсаулығына қатер төндіруде. Бұл зиян тек Иран аумағымен шектелмейді, көршілес елдерге де таралу қаупі жоғары. Британдық CEOBS үкіметтік емес ұйымының дерегінше, қақтығыс басталғаннан бері қоршаған ортаға зиян тигізген 300-ден астам қауіпті оқиға тіркелген. Ең ірі экологиялық апаттардың бірі Тегерандағы мұнай қоймаларына Израильдің жасаған соққысынан кейін болды. Бұл аймақта қала маңындағы елді мекендерді қоса есептегенде 18,5 миллиондай адам тұрады. Одан кейінгі жауын-шашын жағдайды одан әрі ушықтыра түсті. Физик Димитрис Каскаутистің айтуынша, мұнай өрттері…

Жұлдыздардың сырына үңілу – ертеңгі күнге жасалған болжам ғана емес, алдыңнан шыққан мүмкіндіктер мен қауіп-қатерді алдын ала сезінудің амалы. 16 наурыз күні қай жұлдыз белгісінің жолы ашық, кімге сақтық танытқан жөн екенін Ertenmedia.kz хабарлайды. Тоқты (21 наурыз – 19 сәуір) Бүгін Тоқтының байқаусызда айтылған сөзі ұзақ уақытқа созылатын ренішке себеп болуы мүмкін. Сондықтан өзіңізді тежеп, әзіл-қалжыңды орнымен айтқаныңыз жөн. Бөтеннің құпиясын сақтап, артық қызығушылық танытпасаңыз, күніңіз тыныш әрі жанжалсыз өтеді. Торпақ (20 сәуір – 20 мамыр) Торпақтардың ойын бүгін қаржы мәселесі көбірек мазалайды. Ақша аз болса, уайымдаудың қажеті жоқ. Қаржы ешқашан жеткілікті болмайды, сондықтан бар нәрсеге қанағат етіп, көңіліңізді көтеріңкі ұстаңыз.…

Жердің айналу жылдамдығы соңғы онжылдықтарда ерекше қарқынмен баяулауда. Мұндай өзгеріс соңғы миллиондаған жылдарда өте сирек кездескен, деп жазады Ertenmedia.kz. Зерттеушілердің айтуынша, бұл өзгеріске адам әрекетінен туындаған климаттың жылынуы себеп болып отыр. Күнделікті өмірде Жердің айналуының баяулағаны байқалмайды: қазір бір тәулік шамамен әрбір жүз жыл сайын 1,33 миллисекундқа ұзарып отыр. Дегенмен, ғалымдар тәулік ұзақтығының аздаған өзгерісі уақытты дәл өлшеуге және ғарыштық навигация жүйелеріне әсер етуі мүмкін екенін айтады. Себебі олардың барлығы Жердің айналу жылдамдығына тікелей байланысты. Жер өз осінен бір тәулікте бір рет айналатынын мектеп қабырғасынан білеміз. Бірақ нақты қарағанда, тәулік ұзақтығы Айдың тартылыс күші мен Жер ішіндегі геофизикалық процестерге, беткі…

16 наурызда Қазақстанның басым бөлігінде жауын-шашынсыз, құбылмалы бұлтты ауа райы күтіледі, деп жазады Ertenmedia.kz. Тек кейбір өңірлерде жаңбыр, қар, тұман түсіп, желдің екпіні күшеюі ықтимал. Петропавл, Қостанай, Көкшетау, Қарағанды және Астанада ауа райы жауын-шашынсыз, бұлтты болады. Күндізгі ауа температурасы +2…+4 градус шамасында, түнде −5…−10 градусқа дейін төмендейді. Астанада кей уақыттарда тұман түсуі мүмкін. Өскеменде түнде қар жауады, күндіз жауын-шашын аралас (қар мен жаңбыр) түседі. Күндіз −2…0 градус, ал түнде ауа температурасы −10…−12 градусқа дейін төмендейді. Семейде жауын-шашынсыз, құбылмалы бұлтты ауа райы болжанды: күндіз −1…−3, түнде −10…−12 градус. Павлодарда ауа райы жауын-шашынсыз болады. Күндізгі температура −2…−4 градус, түнде −12…−14 градус аралығында…

Бүгінде ғарыштық бақылаудың агросектордағы маңызы артып келеді. Бұрын жердің пайдаланылып жатқанын анықтау үшін міндетті түрде тексеру тобы баруы керек еді. Енді спутниктік деректер арқылы алқаптың жағдайын, егіс құрылымын, пайдаланылмай жатқан жер мен кейбір агротехникалық өзгерісті көруге болады, деп жазады Ertenmedia.kz. Жер ресурстарын басқаруға арналған ақпараттық жүйенің әзірленуі де бөлек назар аударатын бағыт. Жүйе кадастрлық мәліметті, инфрақұрылым туралы деректі және топырақ сапасына қатысты ақпаратты бір арнаға біріктіруге тиіс. Барлық ауыл шаруашылығы жерін цифрландыру жұмысы аяқталуға жақын. Егер осы мәлімет толық әрі сапалы жинақталса, мемлекет қай жердің тиімді пайдаланылып жатқанын, қай алқапқа су жетпейтінін, қай өңірде топырақ құнары төмендеп бара жатқанын нақты көре алады.…

Автокөлікке бейнетіркегішті қосу мен оны қоректендіруге қатысты бірнеше түрлі әдіс бар, деп жазады Ertenmedia.kz. Олардың арасында ең көп тарағандары – көліктің USB-портына, темекі тұтатқышына (прикуриватель), автокөліктің аккумуляторына тікелей немесе арнайы портативті аккумуляторға қосу. Әрбір тәсілдің өз артықшылықтары мен кемшіліктері бар. Қай әдісті таңдасаңыз да, бейнетіркегіштің қай жерден және қалай қоректенетінін нақты білгеніңіз жөн. Мәселен, құрылғыны темекі тұтатқышына қоссаңыз, ол тек автокөлік оталғанда ғана қоректенеді. Егер сіз бейнетіркегішті тек қозғалыс кезінде қолдануды жоспарласаңыз, бұл дұрыс таңдау. Ал егер құрылғыны түнде бейнебақылау камерасы ретінде пайдаланғыңыз келсе, бұл әдіс сіздің үмітіңізді ақтамауы мүмкін. Сонымен қатар, бейнетіркегіштің қосылым кабельдері мен контакттары берік және сенімді…

АҚШ‑тың Калифорния штатында орналасқан ұйқыны зерттейтін REMspace компаниясының ғалымдары бұрын ғылыми фантастикада ғана айтылатын құбылысқа қол жеткізгенін мәлімдеді, деп жазады Ertenmedia.kz. Зерттеу барысында екі адам ұйықтап жатқан күйінде, яғни саналы түс көру (lucid dream) кезінде бір‑бірімен байланыс орната алған. Тәжірибеге саналы түс көру тәжірибесі бар екі ерікті қатысқан. Қатысушылар өз үйлерінде ұйықтап жатқан кезде олардың ми белсенділігі қашықтан, нақты уақыт режимінде бақылауға алынған. Ғалымдардың негізгі мақсаты – адам оянбай‑ақ түс ішінде қарапайым хабарлама жіберіп, оны қабылдап, жауап бере ала ма деген сұраққа жауап табу. REMspace зерттеушілерінің айтуынша, тәжірибе сәтті өткен. Саналы түс көру адам ұйықтап жатқанымен, түс көріп жатқанын түсінетін…

Қытайдағы Бейжің университетінің ғалымдары ақпаратты электр тогының орнына жарық арқылы өңдейтін жаңа «толық оптикалық» чип жасап шығарды, деп жазады Ertenmedia.kz. Бұл инновациялық технология кәдімгі электрондық чиптердің 2-3 ГГц жылдамдығынан әлдеқайда асып, 100 ГГц жиілікке дейін жұмыс істей алады. Ғалымдардың айтуынша, бұл жетістік жоғары жылдамдықты есептеу жүйелері мен байланыс технологиясының дамуына тың серпін береді. Кез келген компьютер құрылғысының жүрегі саналатын орталық процессордың (CPU) жылдамдығы гигагерц (ГГц) өлшемімен есептеледі. Әрбір гигагерц – секундына миллиард такт циклына тең көрсеткіш. Процессордың жиілігі жоғары болса, ақпаратты өңдеу де жылдамырақ іске асады. Қазіргі қолданыстағы дәстүрлі процессорлар электронды осцилляторлар арқылы такт сигналдарын шығарады. Алайда мұның энергия тұтынуы…