Автор: Лейла Болтаева

25 маусымға арналған жұлдыз жорамал барлық белгіге әдемі уәде мен нақты орындалатын шешімді шатастырмауға кеңес береді, деп жазады Ertenmedia.kz. Бүгін маңызды келісім, жауапкершілікті бөлісу және сенімді адамдармен жұмыс істеу үшін қолайлы күн. Венера мен Сатурнның үйлесімді ықпалы тұрақты қарым-қатынасқа, байыпты шешімге және нақты жоспарға жол ашады. Бірақ Күн мен Нептун арасындағы кернеу түсініспеушілік, артық үміт және шындықтан гөрі қалаған нәрсені көруге бейім етуі мүмкін. Сондықтан бүгін ұсыныстың сыртқы тартымдылығына ғана сенбеген дұрыс. Кім не істейді, қандай мерзімде орындайды, жауапкершілік кімде болады деген сұрақты нақтылап алған жөн. Тоқты Бүгін сізге сырттай қызық көрінетін бір іске қатысу ұсынылуы мүмкін. Бірақ ол айтылғаннан…

Қазақстанда 25 маусым, бейсенбі күні бірқатар өңірде жаңбыр жауып, найзағай ойнайды, кей қалада бұршақ пен қатты жел күтіледі, деп жазады Ertenmedia.kz. «Қазгидромет» мәліметінше, Астанада күн бұлтты болады. Жаңбыр жауып, найзағай ойнайды, бұршақ түсуі мүмкін. Жел секундына 9-14 метр, күндіз екпіні 15-20 метрге дейін күшейеді. Ауа температурасы түнде +16…+21 градус, күндіз +24…+26 градус болады. Алматыда күн бұлтты, жаңбыр мен найзағай күтіледі. Жел секундына 3-8 метр, екпіні 15 метрге дейін жетеді. Түнде +20…+22 градус, күндіз +30…+32 градус жылы. Талдықорғанда да жаңбыр жауып, найзағай ойнайды. Ауа температурасы түнде +16…+18 градус, күндіз +31…+33 градус болады. Шымкентте күн құбылмалы бұлтты, жауын-шашынсыз. Жел секундына 8-13 метр.…

«Қазақмыс» корпорациясына қарасты «Жомарт» кенішінде өнеркәсіптік қауіпсіздікті күшейтуге бағытталған ауқымды шаралар кешені іске асырылды, деп жазады Ertenmedia.kz. Кенішке жұмыс сапары барысында «Қазақмыс корпорациясы» ЖШС басқарма төрағасы орынбасарының міндетін атқарушы Мұқан Үңгітбаевқа өндірістік бақылау жүйесін дамыту және қауіпсіздік деңгейін арттыру бойынша атқарылған жұмыс таныстырылды. Қазіргі таңда кешенді бағдарлама аясында жоспарланған 45 іс-шараның 39-ы орындалды. Бірқатар шара тұрақты өндірістік жұмысқа енгізілген. Қалғаны іске асырудың қорытынды кезеңінде тұр. Кеніш қауіпсіздігін арттыруға және өндірісті дамытуға бағытталған инвестиция көлемі 2,7 миллиард теңгеден асты. Бағдарламаның маңызды бағытының бірі ғылыми-зерттеу жұмыстары болды. Қазақстан мен ТМД елдерінің жетекші салалық ұйымдары тартылып, 2025-2026 жылдары сегіз кешенді зерттеу жүргізілді. Мамандар…

Абай облысында жол ережесін өрескел бұзған үйлену тойы кортежінің жүргізушілері жауапқа тартылды, деп жазады Ertenmedia.kz. Оқиға 2026 жылғы 21 маусым күні сағат 19:30 шамасында Ақсуат ауданының Ақсуат ауылында болған. Қабанбай көшесімен жүрген той кортежіндегі бірнеше көлік жүргізушісі жол қозғалысы ережесін сақтамай, қауіпті маневр жасаған. Олар өзге жүргізушілер мен жаяу жүргіншілердің қауіпсіздігіне қатер төндірген. Полиция қызметкерлері оқиғаға қатысқан барлық жүргізушіні анықтады. Тексеру қорытындысы бойынша Hyundai Tucson, Hyundai Santa Fe, Chevrolet, Toyota және Lada Priora көліктерінің бес жүргізушісі әкімшілік жауапкершілікке тартылды. Жалпы тәртіп бұзушыларға қатысты 19 әкімшілік материал толтырылды. Олардың арасында маневр жасау ережесін бұзу, қауіпсіздік белдігін тақпау, апатты жағдай туғызу және…

Қазақстан жасанды интеллект экономикасына қажет жаңа инфрақұрылымды қалыптастыру арқылы жаһандық технологиялық бәсекеде өз орнын күшейтуге ұмтылып отыр, деп жазады Ertenmedia.kz. Бүгінде мемлекеттер тек инвестиция, талант және технология үшін ғана емес, есептеу қуаты үшін де бәсекеге түсіп жатыр. Өйткені жасанды интеллект, цифрлық сервистер, ақылды қалалар және дерекке негізделген басқару жүйелері дәл осы инфрақұрылымға сүйенеді. Қарапайым цифрлық көмекшіден бастап, компьютерлік көру жүйесіне дейінгі әрбір ЖИ сервисі орасан есептеу ресурсын қажет етеді. Сондықтан әлемде жаңа инфрақұрылымдық жарыс басталды. Елдер деректерді өңдеу орталықтарын салуға миллиардтаған доллар жұмсап жатыр. Ал ірі технологиялық компаниялар болашақ жасанды интеллект экономикасына қажет энергия, байланыс және есептеу қуатын бере алатын…

ForteBank жарғылық капиталын 46,1 миллиард теңгеге ұлғайтып, бизнесті қаржыландыру мүмкіндігін кеңейтті, деп жазады Ertenmedia.kz. «ForteBank» АҚ қосымша эмиссия нәтижесінде капиталын арттырды. Соның арқасында банктің капиталы 890 миллиард теңгеден асты. Қаржы ұйымы мұндай қадам экономиканың нақты секторын қолдауға және кәсіпкерлерге берілетін кредит көлемін ұлғайтуға мүмкіндік беретінін хабарлады. 2025 жылдың қорытындысы бойынша ForteBank активтері 49 пайызға өсіп, 6,1 триллион теңгеге жетті. Өткен жылы банк «Home Credit Bank» АҚ-ны сатып алу мәмілесін аяқтады. Сонымен қатар Қазақстан тарихында алғаш рет 400 миллион АҚШ доллары көлемінде мерзімсіз AT1 субординацияланған облигациялар шығарды. Банк халықаралық капитал нарықтарынан да ірі көлемде қарыз қаражат тартқан. Акционерлер 2025 жыл үшін…

Kaspi.kz Түркияның Банктік реттеу және қадағалау агенттігінен, яғни BDDK-дан Rabobank A.Ş.-ті сатып алуға рұқсат алғанын хабарлады. Компания мәміле барлық стандартты талаптар орындалған жағдайда 2026 жылдың шілде айында аяқталады деп күтеді, деп жазады Ertenmedia.kz. Kaspi.kz басшысы әрі негізін қалаушылардың бірі Михаил Ломтадзе бұл шешімді компания үшін маңызды кезең деп атады. Оның сөзінше, BDDK мақұлдауы Kaspi.kz-тің түрік нарығындағы бизнесін дамытуға жол ашады. – Түркиядағы Rabobank A.Ş.-ті сатып алуға BDDK мақұлдауын алғанымызға қуаныштымыз. Бұл Kaspi.kz үшін маңызды кезең және түрік нарығында бизнесімізді дамытудағы үлкен жетістік, – деді Михаил Ломтадзе. Ол реттеуші орган мен тиісті мекемелерге бірлескен жұмыс үшін алғыс айтты. Мәміле аяқталғаннан кейін…

Алматы облысы мен «Кітап оқитын ұлт – Читающая нация» қоғамдық қоры кітап оқу мәдениетін дамыту бағытында ынтымақтастық туралы меморандумға қол қойды, деп жазады Ertenmedia.kz. Келісім Мемлекет басшысының кітап оқу мәдениетін дамыту және зерделі ұлт қалыптастыру жөніндегі Жарлығы аясында іске асырылып жатыр. Жоба арқылы өңірдегі кітапханалар, мәдениет және білім беру ұйымдары бірлескен іс-шаралар өткізеді. Негізгі мақсат – балалар мен жастардың кітапқа қызығушылығын арттыру, оқырман ортасын қалыптастыру және рухани-ағартушылық бастамаларды дамыту. «Кітап оқитын ұлт – Читающая нация» қоғамдық қоры былтыр шілде айында құрылған. Қор алғашқы жобаларын Қарағанды, Қостанай облыстары мен Шымкент қаласында өткізді. Нәтижесінде 190 мыңға жуық адам жобаға қатысқан. Биыл оқырман…

Ұлттық ұланның мерзімді әскери қызметшісі болған Ербаян Мұхтар қайтыс болды. Ол 2023 жылдың желтоқсанында әскери борышын өтеп жүрген кезде ауыр бас-ми жарақатын алған. Содан кейін ұзақ уақыт комада жатып, бірнеше рет ем қабылдады. Отбасы мен жақындары оның өмірі үшін соңына дейін күресті, деп жазады Ertenmedia.kz. Қайғылы хабарды анасы Гүлсім Камиева жеткізді. Ербаянның жағдайы бұған дейін де қоғам назарында болған. Қазақстандықтар оның емі мен оңалтуына қаражат жинап, отбасыға қолдау білдірді. Ербаян Түркияда емделіп, кейін елге оралған еді. Денсаулық сақтау министрлігінің мәліметінше, дәрігерлер оның өмірі үшін ұзақ уақыт күресті. Алайда алған жарақаты өте ауыр болған. Министрлік өлімге ауыр бас-ми жарақатының салдары, инфекциялық…

Қазақстанда жоғары оқу орнына түсетін талапкерлер үшін білім грантын ұтып алу мүмкіндігін арттыратын арнайы квоталар бар, деп жазады Ertenmedia.kz. Ұлттық тестілеу орталығы 2026 жылы қазақстандық жоғары оқу орындарына құжат тапсыратын талапкерлерге заңмен қарастырылған жеңілдіктерді еске салды. Арнайы квоталар кей санаттағы жастарға грант конкурсында қосымша мүмкіндік береді. Ең ірі квоталардың бірі ауыл мектептерін бітірген түлектерге арналған. Ауыл квотасы кей мамандықтар бойынша жалпы грант санының 35 пайызын құрайды. Бұл жеңілдік өңірлерге қажетті кадр даярлауға бағытталған. Ауыл квотасы педагогика, ақпараттық технология, ауыл шаруашылығы, ветеринария, медицина және өңір дамуы үшін маңызды басқа да бағыттарға қолданылады. Мұндай квотаға қатысу үшін қосымша құжат тапсыру қажет емес.…