Автор: Лейла Болтаева

Қонаев қаласында тозығы жеткен кәріз желілерін жаңғырту жұмыстары басталады, деп жазады Ertenmedia.kz. Жуырда Қонаев көшесінің бойында және ХҚКО ғимаратының алдында болған апаттардан кейін инженерлік коммуникацияларды мерзімінен бұрын ауыстыру туралы шешім қабылданды. Бұған дейін қаладағы орталық көшелердің бірінде асфальт опырылып, апатты жағдай тіркелген еді. Мамандар мұндай жағдайға ескірген кәріз құбырлары себеп болғанын айтады. Қонаев қаласы әкімінің орынбасары Тимур Ақмырзаевтың сөзінше, «Энергетикалық және коммуналдық секторды модернизациялау» ұлттық жобасы аясында кәріз желілерін қайта жаңарту және салу бойынша кешенді жұмыс жоспарланған. Қазіргі құбырлар 58 жыл бұрын тартылған. Ал оларды жаңарту бастапқыда 2027 жылға жоспарланған еді. Соңғы апаттардан кейін жоба мерзімі 2026 жылға ауыстырылды. Енді…

Мемлекеттік кеңесші Ерлан Қариннің айтуынша, Парламент палаталарының бірлескен отырысында депутаттар бірқатар маңызды конституциялық заң жобаларын бірінші оқылымда қарады, деп жазады Ertenmedia.kz. Отырыс барысында 8 бөлім мен 43 баптан тұратын «Қазақстан Республикасының Президенті туралы» Конституциялық заңның жаңа редакциясы қаралды. Сонымен қатар 12 бөлім мен 60 баптан тұратын «Қазақстан Республикасының Құрылтайы және оның депутаттарының мәртебесі туралы» Конституциялық заң жобасы және «Қазақстан Республикасындағы сайлау туралы» Конституциялық заңға енгізілетін өзгерістер талқыланды. Ерлан Қариннің пікірінше, ұсынылып отырған өзгерістер қолданыстағы заңнаманы жаңа конституциялық модельге сәйкестендіруге арналған. Ол бұл үдеріс мемлекеттік-саяси жүйені жаңғыртып қана қоймай, саяси реформалардың келесі кезеңіне құқықтық негіз қалыптастыратынын атап өтті. Мемлекеттік кеңесшінің сөзінше,…

Астанада «Әділет» саяси партиясының құрылтай съезі өтіп, жаңа ұйым ресми жұмысын бастады, деп жазады Ertenmedia.kz. Жиынға еліміздің барлық өңірінен мыңға жуық делегат пен партия жақтастары қатысты. Құрылтай барысында жаңа саяси бірлестік құру, оның атауын бекіту, жарғысы мен бағдарламасын қабылдау, басшылық және бақылау органдарын сайлау мәселелері қаралды. Съезге қатысқан 931 делегат «Әділет» партиясын құру туралы шешімді қолдады. Сонымен қатар партияның қазақ, орыс және ағылшын тілдеріндегі ресми атауы бекітілді. Ұйым өкілдері барлық рәсім «Саяси партиялар туралы» заң талаптарына сәйкес өткенін мәлімдеді. Делегаттардың шешімімен партия төрағасы болып Айбек Дәдебай сайланды. Ол бұл сенімді үлкен жауапкершілік ретінде қабылдайтынын айтып, партия жұмысы ашықтық, адалдық және…

Батыс Қазақстан облысында Жеңіс күні қарсаңында Ұлы Отан соғысының ардагерлеріне 5 млн теңгеден біржолғы әлеуметтік көмек берілді, деп жазады Ertenmedia.kz. Өңір әкімдігінің мәліметінше, төлемдер уақытылы аударылған. Мұндай қолдау ардагерлердің тұрмыс жағдайын жақсартуға және олардың ел алдындағы ерлігін ұлықтауға бағытталған. Бүгінде көзі тірі соғыс ардагерлерінің қатары сиреп барады. Сондықтан оларға материалдық көмек көрсету, денсаулығына жағдай жасау және қоғам тарапынан құрмет білдіру маңызды міндет болып отыр. Ұлы Отан соғысы жылдары Қазақстаннан 1 миллионнан астам адам майданға аттанды. Олар ел қорғау жолында қайсарлық танытып, бүгінгі бейбіт өмірдің негізін қалады. Сондықтан Жеңіс күні қарсаңындағы мұндай қолдау – аға буын алдындағы алғыс пен парыздың көрінісі.…

Жетісу облысында Отан қорғаушылар күніне орай «Бейбіт елдің қалқаны» атты әскери-патриоттық муралдың салтанатты ашылу рәсімі өтті, деп жазады Ertenmedia.kz. Жоба елдік рухты дәріптеуге, жастар арасында отансүйгіштік сезімді күшейтуге және әскери қызметтің маңызын кеңінен насихаттауға бағытталған. Көркем туынды «Көктем» ықшамауданында орналасқан. Муралда батыр бабалар бейнесі, бүгінгі сарбаз келбеті және келешек ұрпақтың жарқын образы сабақтасып берілген. Туынды бейбіт өмірдің қадірін, ел тыныштығын күзеткен азаматтардың еңбегін және ұрпақтар арасындағы рухани байланысты көркем тілмен жеткізеді. Ерекше тұсы муралдың көркемдік тұжырымдамасы «Zhetisý jastary» коммуналдық мемлекеттік мекемесінің бастамасымен жасанды интеллект технологиясы арқылы әзірленген. Ұлттық мазмұн мен заманауи цифрлық шешімдер ұштасқан жоба үш күн ішінде жүзеге асқан.…

7 мамыр – Отан қорғаушы күні қарсаңында Батыс Қазақстан облыстық полиция департаментіне 81 жаңа қызметтік көлік табысталды, деп жазады Ertenmedia.kz. Салтанатты шараға облыс әкімі Нариман Төреғалиев қатысып, полиция қызметкерлері мен сала ардагерлерін мерекемен құттықтады. Аймақ басшысы Мемлекет басшысының құқық қорғау саласын материалдық-техникалық тұрғыдан күшейту жөніндегі тапсырмасы өңірде жүйелі түрде орындалып жатқанын айтты. Нариман Төреғалиевтің сөзінше, соңғы үш жылда халықтың қауіпсіздігі мен тіршілігін қамтамасыз ететін салаларға арналған арнайы техникаларды сатып алуға облыстық бюджеттен 15 млрд теңгеден астам қаржы бөлінген. Осы қаражатқа шамамен мыңға жуық техника алынған. Оның 331-і құқық қорғау органдарына табысталған. Облыс әкімі өткен жылы ғана облыстық бюджет комиссиясының шешімімен…

Астанада өтіп жатқан «Әділет» партиясының құрылтай съезінде ұйымның ресми бағдарламасы бекітілді, деп жазады Ertenmedia.kz. Құжатта адами капиталды дамыту, заң үстемдігін күшейту, өңірлердің теңгерімді дамуы және әділетті қоғам құру негізгі басымдық ретінде көрсетілген. Партия денсаулық сақтау, білім беру, ғылым және азаматтардың әл-ауқатын арттыру мәселесін алдыңғы қатарға шығарып отыр. Құрылтайда саясаттанушы Марат Шибұтов партияның бағдарламалық ұстанымдарын түсіндірді. Оның айтуынша, «Әділет» өз жұмысын әділдік, жауапкершілік, нақты әрекет және институционалдық қағидаттарға негіздейді. Саясаттанушы партия бағдарламасы жаңа Конституция құндылықтарына және әділдік идеологиясына сүйенетінін айтты. Оның сөзінше, мұнда әділдік бәріне тең мүмкіндік беру, мемлекеттің қоғамға адал қарауы және әр адамның құқығын қорғау деген мағынада қарастырылған. Партияның…

Астанада «Әділет» саяси партиясының құрылтай съезі өз жұмысын бастады, деп жазады Ertenmedia.kz. 7 мамыр күні өткен съезге Қазақстанның барлық өңірінен шамамен мыңға жуық делегат қатысты. Жиын барысында партияның жарғысы мен бағдарламасын бекіту, сондай-ақ басқарушы органдарды анықтау жоспарланған. Партия өз идеологиясының негізіне әділет, патриотизм, жауапкершілік, еңбекқорлық және даму ұстанымдарын енгізіп отыр. Бағдарламада «Заң мен тәртіп» қағидаты басты тірек ретінде көрсетілген. «Әділет» Қазақстанда адал еңбек әділ бағаланатын жүйе қалыптастыруды мақсат ететінін мәлімдеді. Партия өкілдерінің айтуынша, елдің технологиялық, интеллектуалдық және институционалдық дербестігін күшейту негізгі бағыттың бірі болады. Бағдарламада адам капиталына ерекше назар аударылған. Денсаулық сақтау, білім, ғылым, мәдениет және креативті индустрияны дамыту мәселесі…

Қазақстанда банк несие берер алдында қарыз алушыны бірнеше негізгі көрсеткіш бойынша бағалайды, деп жазады Ertenmedia.kz. Fingramota.kz мәліметінше, қаржы ұйымдары ең алдымен кредит рейтингін, скоринг нәтижесін және қарыз жүктемесі коэффициентін қарайды. Дәл осы көрсеткіштер адамның несие ала ала ма, қандай сома мақұлданады және пайыздық мөлшерлеме қандай болады деген сұраққа әсер етеді. Кредит рейтингі қарыз алушының қаржылық тәртібін көрсетеді. Ол кредит тарихына сүйеніп қалыптасады. Бұған бұрын алынған несие саны, төлемнің уақытылы жасалуы, кешіктіру дерегі және міндеттемені өтеу тәртібі кіреді. Рейтинг жоғары болса, банктің сенімі де артады. Мұндай жағдайда несие алу мүмкіндігі көбейіп, шарттары тиімдірек болуы мүмкін. Ал кредит рейтингі төмен болса, банк…

Алматыда Қазақ ұлттық аграрлық зерттеу университетінде Айбын Төрехан мен Қырғызбай Бегімбековтің «Үйірлі жылқы шаруашылығы» атты ғылыми мәні жоғары оқу құралының ресми таныстырылымы өтті, деп жазады Ertenmedia.kz. Жиынға ауыл шаруашылығы саласында еңбек етіп жүрген ғалымдар, жылқы тақырыбын терең зерттеп жүрген әдебиеттанушылар, жазушылар, сала ардагерлері, жас ғалымдар, бизнес және БАҚ өкілдері қатысты. Іс-шараны Қазақ ұлттық аграрлық зерттеу университеті Басқарма төрағасы – ректорының бірінші орынбасары Пірімқұл Ибрагимов жүргізді. Жаңа еңбек қазақтың дәстүрлі жылқы шаруашылығын қазіргі ғылыми жетістікпен ұштастыра отырып, үйірлі жылқы бағудың теориялық және практикалық негізін жүйелі түрде ұсынады. Кітапта жылқы өсіру мәдениеті, тұқым асылдандыру, табиғи жайылымға бейімделген малды күтіп-бағу, өнімділікті арттыру және жергілікті…