Автор: Лейла Болтаева

Ауыл мектебіндегі бес-алты баланың сапалы білімге қол жеткізуі енді тұрғылықты жеріне ғана тәуелді болмауға тиіс. Қазақстанда шағын жинақты мектептерге жасанды интеллектіні енгізетін пилоттық жоба басталып, алғашқы сабақтар Павлодар және Қызылорда облыстарында өтіп жатыр, – деп жазады Ertenmedia.kz. Жоба 2026 жылғы 1 қыркүйектен бастап іске қосылды. Бастама Президент Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауында берген тапсырмаларын орындауға бағытталған. Мемлекет басшысы оқушылардың жасанды интеллект саласындағы құзыретін мектеп қабырғасынан бастап дамыту қажеттігін атап өткен еді. Пилоттық кезең Павлодар және Қызылорда облыстарындағы алғашқы 10 мектепті қамтыды. Жоба аясында 4-сыныпта оқитын 50-ден астам бала…

Оңтүстік Кореяның элиталық университеттеріне түсу жергілікті жастар үшін үлкен бәсекемен өлшенсе, енді сол академиялық кеңістікке ҚазҰУ студенттері де қадам басады. Әл-Фараби атындағы Қазақ ұлттық университеті Коре және Ёнсе университеттерімен стратегиялық ынтымақтастық туралы меморандумдарға қол қойды, – деп жазады Ertenmedia.kz. Келісімдер Президент Қасым-Жомарт Тоқаевтың Корея Республикасына мемлекеттік сапары аясында жасалды. Құжаттарға «Корея Республикасы – Орталық Азия» саммиті шеңберінде қол қойылды. Рәсімге ғылым және жоғары білім министрі Саясат Нұрбек, ҚазҰУ бірінші проректорының міндетін атқарушы Самғат Ермекбаев және кореялық университеттердің басшылығы қатысты. Коре мен Ёнсе университеттері Кореядағы ең беделді жоғары оқу орындарын біріктіретін әйгілі SKY академиялық тобына кіреді. Атаудағы S Сеул ұлттық университетін,…

Жаңа маусымда «Qazaqstan» телеарнасының эфирі қоғамның бүгінгі тынысын, елдің тарихи жадын және қарапайым адамның тағдырын қатар қамтымақ. Көрерменге жаңа бағдарламалармен бірге 7 отандық телехикая, 18 деректі фильм және 20 жылдық үзілістен кейін қайта оралған «SuperStar KZ» жобасы ұсынылады, – деп жазады Ertenmedia.kz. «Қазақстан» РТРК әзірлеп жатқан жаңа маусым ақпараттық-сараптамалық, қоғамдық-саяси, әлеуметтік-экономикалық және мәдени-рухани бағыттарды біріктіреді. Танымдық-ағартушылық және сазды-шығармашылық мазмұнға да басымдық берілген. «Prime Era», «Qazaq creative», «Ізгілік формуласы» және «Таза сана» бағдарламалары эфирде жалғасады. Жаңа жобалардың бірі саналатын «Жасампаз ұлт» қоғамда еңбекке, білімге және жауапкершілікке негізделген прогрессивті мінез қалыптастыруды көздейді. «Қарқынды құрылыс» халықтың әл-ауқаты, өңірлердің дамуы және елдегі жаңа мүмкіндіктер…

Қаратал өзенінің жағасында қолына қап пен қолғап ұстаған жастар табиғатқа деген жанашырлықтың сөзбен шектелмейтінін көрсетті. «Таза Қазақстан» жалпыұлттық бастамасы аясындағы «Taza Ozen» акциясы өзен маңын тазартумен қатар, экологиялық жауапкершілікті күнделікті дағдыға айналдыруды көздеді, – деп жазады Ertenmedia.kz. Акцияға жастар, еріктілер және қала тұрғындары белсенді қатысты. Олар жағалаудағы белгіленген аумақтарды қоқыстан тазартып, жиналған қалдықтарды сұрыптады. Ортақ еңбек табиғи аймақтың тазалығы әр адамның әрекетіне тікелей байланысты екенін аңғартты. Іс-шара барысында қатысушыларға қалдықтарды сұрыптау, қайта өңдеу және дұрыс кәдеге жарату тәртібі түсіндірілді. Мамандар табиғи ресурстарды ұқыпты пайдалану мен қоқысты азайтудың қарапайым тәсілдеріне тоқталды. Өйткені өзен жағасына тасталған бір бөтелке табиғат үшін ұсақ-түйек саналмайды.…

Талдықорғанда Ұлы даладағы ел басқару дәстүрінің терең тамырын тарқатқан «Құрылтай феномені» ғылыми еңбегі таныстырылды. Ортағасырлық қолжазбаларға сүйенген зерттеу көне Құрылтай мен қазіргі мемлекеттік институттар арасындағы тарихи сабақтастықты зерделейді, – деп жазады Ertenmedia.kz. Кітаптың авторлары – мемлекет және қоғам қайраткері, экономика ғылымдарының докторы Омархан Өксікбаев пен шығыстанушы, түркітанушы-лингвист Зәріпбай Оразбай. Таныстырылым Ілияс Жансүгіров атындағы Жетісу университетінде өтті. Дөңгелек үстелге мемлекеттік қызметшілер, ғалымдар, жазушылар, оқытушылар мен студенттер қатысты. Жиында сөз сөйлеген Жетісу облысы әкімінің орынбасары Диас Есдәулетов Құрылтайды халықтың кеңесіп шешу және ортақ мәмілеге келу дәстүрінің көрінісі деп бағалады. Оның айтуынша, аталған институт тарихтың әр кезеңінде қоғамдық және мемлекеттік басқарудың маңызды тетігі…

Қазіргі қатерлер шекарадағы бағанға қарап тоқтамайды, сондықтан оларға қарсы күрес те бір мемлекеттің аумағымен шектеле алмайды. Бурабайда Орталық Азия елдері мен Әзербайжан арнаулы қызметтері басшыларының өңірлік қауіпсіздікке арналған кездесуі өтті, – деп жазады Ertenmedia.kz. Жиын 2026 жылғы 14 қыркүйекте ұйымдастырылды. Оған Қазақстан Ұлттық қауіпсіздік комитетінің, Әзербайжан Мемлекеттік қауіпсіздік қызметінің және Қырғызстан Ұлттық қауіпсіздік мемлекеттік комитетінің басшылары қатысты. Кездесуге Тәжікстан, Түрікменстан және Өзбекстанның арнаулы қызмет жетекшілері де келді. Тараптар Орталық Азия мен оған іргелес аумақтағы қазіргі ахуалға қатысты бағаларымен бөлісті. Күн тәртібінде терроризмге қарсы іс-қимыл және радикалды топтардың ықтимал белсенділігін тежеу мәселесі тұрды. Ортақ қауіпке қарсы жедел ақпарат алмасудың маңызы да…

Қазақ талай нәубеттің ортасынан жоғалмай шықты, ендігі міндет аман қалғанына шүкір айтып қана қоймай, болашағын батыл құру. Ұлттық музей директоры Берік Әбдіғалиұлы қазақ халқын бақытты әрі жасампаз ұлт деп бағалады, – деп жазады Ertenmedia.kz. Оның айтуынша, Қазақстан көрші елдермен де, өзге мемлекеттермен де терезесі тең елге айналды. Сондықтан қазақтың өз болмысынан ұялып, өзгеден қуыстануына негіз жоқ. Керісінше, тәуелсіз мемлекеті бар халық өз мүмкіндігін терең сезініп, соған сай әрекет етуі керек. «Біз ешкімнен кем емеспіз. Көршілерімізбен де, басқа мемлекеттермен де тереземіз тең. Өзімізден ұялып, өзгеден қуыстанып жүретіндей ештеңе жоқ», – деді Берік Әбдіғалиұлы. Тарих қазаққа жеңіл жол ұсынған жоқ. Ел ашаршылықты,…

19-20 қыркүйек Қала күніне орай Алматыда Панфилов және Жібек жолы жаяу жүргіншілер көшелері бойында қала тұрғындары мен қонақтарына арналған ауқымды Alma Qala Fest фестивалі өтеді. Мәдени іс-шара бағдарламасы Алматының тарихы мен заманауи келбетін таныстыруға, ұлттық мәдениет пен дәстүрді дәріптеуге, шығармашылық индустрияны қолдауға және қала тұрғындарына түрлі форматтағы демалыс ұсынуға бағытталған. Фестиваль аумағында бірнеше тақырыптық аймақтар жұмыс істеп, келушілерге мәдениет, өнер, спорт, экология, цифрлық технологиялар, гастрономия және балаларға арналған ойын-сауық бағыттарындағы түрлі бағдарламаларға қатысуға мүмкіндік береді. Фестивальдің негізгі бөліктерінің бірі – алма шаруашылықтарының жәрмеңкесі. Жәрмеңкеге Алматы өңіріндегі 50 алма шаруашылығы қатысып, 200 тоннадан астам алманың түрлі сорттары мен түрлерін ұсынады. Панфилов…

Болат сауыттың қуаты техникамен ғана өлшенбейді, оның артында суыққанды экипаж бен темірдей тәртіп тұр. Бүгін, 15 қыркүйекте Қазақстан Қарулы күштерінде танк әскерлері күні аталып өтуде, – деп жазады Ertenmedia.kz. Кәсіби мереке қызметі бронды техникамен байланысты әскери қызметшілер мен ардагерлерге арналған. Атаулы күннің таңдалуы Ұлы Отан соғысы кезіндегі тарихи оқиғамен байланысты. 1942 жылғы 15 қыркүйекте Шымкент теміржолының жас еңбекшілері майданға «Қазақстан комсомолдары» деген жазуы бар 46 Т-34 танкін тапсырған. Танк колоннасын жасақтауға қажетті қаражатты жинауға республика жастары түгел атсалысты. Тылдағы еңбек пен майдандағы ерлік осылайша бір мақсатқа тоғысты. Сол тарихи аманат бүгінгі танк бөлімшелерінің жауынгерлік дәстүрінен жалғасын тауып келеді. Заманауи соғыста…

Қазақстанда жыл басынан бері теміржол көлігімен 9,3 миллион тонна астық тасымалданды. Көрсеткіш өткен жылдың сәйкес кезеңімен салыстырғанда 13%-ға артып отыр.