Автор: Лейла Болтаева

Орынбордағы газ өңдеу зауытына жасалған дрон шабуылы Қазақстандағы газ жеткізіліміне әсер еткен жоқ, деп жазады Ertenmedia.kz. Қазақстан Энергетика министрлігі ел ішіндегі тауарлық газ жеткізілімі тұрақты жүріп жатқанын хабарлады. Ведомствоның мәліметінше, тұтынушыларға газ беру үзілген жоқ. БАҚ дерегінше, оқиға 24 маусымға қараған түні болған. Орынбор облысының губернаторы Евгений Солнцев бірнеше дрон өнеркәсіптік кәсіпорын аумағында атып түсірілгенін мәлімдеді. Қазақстан Энергетика министрлігі бұл жағдай ішкі нарықтағы газбен қамтуға әсер етпегенін айтты. Министрліктің ресми өкілі Әсел Серікбаеваның сөзінше, диспетчерлік қызметтер логистиканы жедел түзеткен. «Газдың қарсы көлемдерін жеткізу балама бағыт арқылы жүзеге асырылып жатыр. Қажетті отын көлемі басқа көздер есебінен үздіксіз жабылуда. Қазақстанның газ инфрақұрылымы…

Қазақстанда теңге бағамын есептеу, зейнетақы активтерін басқару және қаржы есебіне қатысты бірқатар өзгеріс қабылданды, деп жазады Ertenmedia.kz. Ұлттық банк басқармасы 2026 жылғы 24 маусымда Астанада өткен отырыста қаржы нарығына қатысты маңызды шешімдер пакетін бекітті. Өзгерістер валюта нарығын, Бірыңғай жинақтаушы зейнетақы қорын, инвестициялық монеталарды және 2026-2028 жылдарға арналған макроэкономикалық болжамды қамтиды. Алдымен теңгенің шетел валюталарына қатысты ресми бағамын белгілеу тәртібі жаңарды. Ұлттық банк күн сайын ресми бағам есептеп, жариялайтын валюталар тізімі 39-дан 48-ге дейін кеңейді. Реттеушінің түсіндіруінше, мұндай шешім Қазақстанның сыртқы сауда құрылымындағы өзгерістерді ескере отырып қабылданған. Сонымен қатар трансшекаралық төлем көлемі мен азаматтар, компаниялар тарапынан түсетін сұраныс та назарға алынған.…

Алматы облысында Мемлекеттік қызметшілер күніне орай өңір қызметкерлері марапатталды, деп жазады Ertenmedia.kz. Кәсіби мерекеге арналған негізгі шара Қонаев қаласындағы Бердібек Соқпақбаев саябағында өтті. Жиында халыққа қызмет етіп, мемлекеттік бағдарламаларды іске асыруға үлес қосып жүрген үздік мамандарға құрмет көрсетілді. Салтанатты шараға Алматы облысының әкімі Марат Сұлтанғазиев қатысты. Ол мемлекеттік қызмет ел тұрақтылығы мен дамуының маңызды тірегі екенін айтты. Өңір басшысы сала мамандарының күнделікті еңбегі қоғам үшін айрықша мәнге ие екенін атап өтті. – Мемлекеттік қызметшінің ең үлкен марапаты жоғары шен немесе лауазым емес. Ол халықтың алғысы мен шынайы сенімі. Әрбір шешімнің, әрбір ресми хаттың артында қарапайым адамдардың тағдыры, мемлекеттің беделі тұрғанын…

Қазақстан Президенті Қасым-Жомарт Тоқаевтың Брюссельге сапары Қазақстан мен Еуропалық Одақ арасындағы әріптестікті жаңа саяси деңгейге шығарған маңызды оқиға болды, деп жазады Ertenmedia.kz. Келіссөздер көлік-логистика, инвестиция, стратегиялық шикізат, өндірістік кооперация және визалық режимді жеңілдету сияқты нақты бағыттарға арналды. Тәуелсіз халықаралық қатынастар және экономикалық саясат жөніндегі сарапшы Ерік Батырхановтың айтуынша, бұл сапар Қазақстанның Еуропа мен Азия арасындағы сенімді серіктес ретіндегі рөлін күшейтіп, Орталық Азиядағы экономикалық салмағын арттыра түседі. – Ерік мырза, Президент Қасым-Жомарт Тоқаев Брюссельдегі келіссөздерден кейін Қазақстан мен Еуропалық Одақ арасындағы байланыс бұрын-соңды болмаған жоғары деңгейге шыққанын айтты. Мұндай баға қаншалықты орынды? – Дипломатияда мұндай жоғары баға жиі айтылады. Бірақ осы…

Жазғы демалыс маусымы қарсаңында Қазақстанда тәуліктік пәтер жалдау бойынша интернет-алаяқтық деректері көбейді, деп жазады Ertenmedia.kz. Алаяқтар пәтер мен үйдің әдемі фотосуретін жариялап, бағасын нарықтағыдан төмен етіп көрсетеді. Кейін алдын ала төлем немесе кепілақы аударуды сұрайды. Ақша түскен соң байланысқа шықпай қояды. Кей жағдайда хабарландырудағы тұрғын үй мүлде жоқ болып шығады. Алматы облысының прокуратурасы тұрғындарды интернет арқылы баспана брондағанда сақ болуға шақырды. Әсіресе жазғы демалыс пен мектеп демалысы кезінде жалған хабарландыру көбейеді. Ресми мәліметке сәйкес, биылғы 5 айда ел аумағында болмаған қызметті көрсетуге байланысты 1700-ден астам қылмыстық құқық бұзушылық тіркелген. Соның 130-ы Алматы облысында жасалған. Осындай қылмыстың алдын алу үшін Алматы…

Президент Қасым-Жомарт Тоқаев Брюссельге ресми сапары барысында Бельгия Премьер-министрі Барт де Вевермен кездесті, деп жазады Ertenmedia.kz. Кездесуде Қазақстан мен Бельгия арасындағы ынтымақтастықтың қазіргі жай-күйі және алдағы даму бағыты талқыланды. Тараптар саяси диалогты нығайтуға, сауда-экономикалық байланыстарды кеңейтуге және инвестициялық әріптестікті арттыруға ерекше назар аударды. Мемлекет басшысы Бельгияны Қазақстанның Еуропалық Одақтағы басты серіктестерінің бірі деп атады. Оның айтуынша, екі ел арасындағы экономикалық ықпалдастықтың әлеуеті жоғары. Бельгия Қазақстан экономикасына қаржы құйған 10 жетекші инвестордың қатарына кіреді. Соңғы 20 жылда аталған елден келген тікелей инвестиция көлемі 15 миллиард долларға жетті. Өзара сауда айналымы да тұрақты өсіп келеді. Былтыр Қазақстан мен Бельгия арасындағы сауда көлемі…

23 маусымда «Ауыл» партиясының кезектен тыс съезі өтіп, Қайрат Айтуғанов партияның жаңа төрағасы болып сайланды, деп жазады Ertenmedia.kz. Съезд барысында партияның қазіргі міндеттері және Қазақстан Республикасының жаңа Конституциясына сәйкес «Ауыл» партиясының Жарғысына өзгерістер мен толықтырулар енгізу мәселесі қаралды. Жиында Серік Егізбаев «Ауыл» партиясының төрағасы қызметінен кететінін мәлімдеді. Ол шешімін партияның болашағы мен қазіргі саяси кезеңнің талабымен байланыстырды. Серік Егізбаевтың айтуынша, Конституциялық реформа қоғамда жаңару сұранысы бар екенін көрсетті. Сондықтан «Ауыл» партиясы осы үдерістен шет қалмай, аграрлық және әлеуметтік күн тәртібіне жаңа көзқарас ұсынуы керек. Ол партия төрағасы қызметінен кетуі ұйымның ішкі жаңаруға дайын екенін және жаңа саяси жүйеде алдағы сайлауға…

Астанада «Құрылтай феномені» кітабының тұсаукесері өтті. Іс-шара Қазақстан Республикасының Ұлттық академиялық кітапханасында ұйымдастырылды. Кітап қазақ, түрік және ағылшын тілдерінде жарық көрген, деп жазады Ertenmedia.kz. Ғылыми еңбекті Қазақ ұлттық қыздар педагогикалық университетінің «Ұлы Дала тарихы» ғылыми-зерттеу орталығы әзірледі. Кітап «Құрылтай – мемлекеттік институт тұғыры» жобасы аясында дайындалған. Еңбек авторлары мемлекет және қоғам қайраткері, экономика ғылымдарының докторы Омархан Оксікбаев және шығыстанушы ғалым Оразбай Жұманұлы. Тұсаукесерге мемлекет және қоғам қайраткерлері, белгілі ғалымдар, жоғары оқу орындарының оқытушылары және зиялы қауым өкілдері қатысты. Шарада ҚР Ғылым және жоғары білім министрі Саясат Нұрбектің құттықтау хаты оқылды. Онда ұлттық тарихты жаңа ғылыми көзқараспен зерттеу маңызды екені айтылған.…

Кеген ауданындағы Қарқара жайлауында 27 маусым күні көпшілік асыға күтетін «Қымызмұрындық – 2026» мерекесі өтеді, деп жазады Ertenmedia.kz. Todayinfo ақпарат агенттігінің мәліметінше, биылғы ауқымды шара абыз баба Әлмерек Жаншықұлының 368 жылдығымен қатар ұйымдастырылады. Мерекеге Қазақстанның әр өңірінен және Түркия, Әзербайжан, Қырғызстан, Қытай, Түркменстан, Өзбекстан, Қарақалпақстан Республикасы мен өзге мемлекеттерден 35 мыңға жуық қонақ келеді деп жоспарланып отыр. Қымызмұрындық қазақ халқының көне дәстүрі саналады. Ел ішінде бұл мереке қымыздың алғашқы ашытылған кезімен, жазғы жайлаудың берекесімен және ағайынның бас қосуымен байланыстырылады. Дәстүрдің негізгі мәні қонақжайлықты, жомарттықты, ынтымақ пен бірлікті дәріптеуде жатыр. Қарқара жайлауында Қымызмұрындық мерекесі бұған дейін төрт рет өткізілген. Өткен жылы…

Қазақстанда байланыс операторларына ақылы қызметті бір ғана растаумен қосуды шектеу ұсынылды, деп жазады Ertenmedia.kz. Цифрлық даму, инновациялар және аэроғарыш өнеркәсібі министрлігі мобильді байланыстағы ақылы қызметтерді қосу тәртібін өзгертуді ұсынып отыр. Жаңа ереже қабылданса, мұндай сервисті іске қосу үшін абоненттен екі мәрте растау талап етіледі. Қазір ақылы қызметті қосуға бір рет келісім беру жеткілікті. Ал ұсынылып отырған тәртіп бойынша абонент SMS, жеке кабинет, қоңырау немесе USSD-сұрау арқылы қосылуға екі рет келісім беруі керек. Министрлік мұндай қадам кездейсоқ қосылған ақылы сервистер мен күтпеген төлемдерді азайтуға бағытталғанын түсіндірді. Кей жағдайда абонент сілтемені басып, хабарламаға жауап беріп немесе қосымшадағы әрекетті растап, қызметтің ақылы екенін…