Автор: Самал Жолжаксын

Атырауда балаларға арналған жаңа жылдық сыйлыққа қатысты дау өршіп тұр деп хабарлайды Ertenmedia.kz. Тендерді жеңіп алған кәсіпкер әлемжелі арқылы бейнеүндеу жасап, Атырау қалалық білім бөлімін айыптады, Tulpar Service жеке кәсіпкерлігінің иесі мемлекеттік сатып алу конкурсына қатысып, ең арзан ұсыныс жасағанын айтады. Бір сыйлық жиынтығының құны 4 990 теңгеден есептелген. Жалпы сомасы 2 млн 700 мың теңге. Алайда ол 600 дана сыйлықты жеткізгеннен кейін, қалалық білім бөлімі өнімді қабылдамай қойған. Салдарынан кәсіпкер үлкен шығынға ұшырап отыр. «Сыйлықтарды Атырауға әкелген соң, қабылдаудан бас тартты. Бұған қоса мені мемлекеттік сатып алудың қара тізіміне енгізіп, тендерге қатыса алмайтынымды хабарлады. Өзімнің көз жанарым нашар, мүгедектігім…

Алдағы күндері Қазақстан аумағына Жерорта теңізі жақтан келген циклон әсер етеді. Елдің басым бөлігінде қар жауып, боран соғады, деп хабарлайды Ertenmedia.kz. «Қазгидрометтің» болжамы бойынша, батыс, оңтүстік және оңтүстік-шығыста жаңбыр аралас қар жаууы мүмкін. Әсіресе 3 қаңтарда солтүстік-батыс өңірлерде қалың қар түссе, 5 қаңтарда елдің оңтүстік-шығысында жауын-шашын күшейеді. Барлық өңірлерде көктайғақ болып, тұман түсіп, екпінді жел тұрады. Осыған байланысты көлік қозғалысы қиындап, жол апаты қаупі артуы мүмкін. Өңірлердегі ауа райы болжамы мынадай: Батыста түнде 0 °C-тан –8 °C аралығында, күндіз –2 °C-тан +5 °C дейін жылылық сақталады; Орталық аймақтарда түнде –10…–18 °C аяз, күндіз –5…–12 °C шамасында суық болады; Оңтүстікте түнде…

Қазақстан халқы 2025 жылдың соңғы демалысын нағыз қысқы атмосферада өткізеді. Ел аумағында қар жауып, боран соғып, жаңа жыл алдындағы жолдарда қарбалас күшейеді деп хабарлайды Ertenmedia.kz. Қазгидрометтің болжамынша, осы демалыста Қазақстан арқылы атмосфералық фронттар өтеді. Бұл еліміздің басым бөлігінде ауа райын күрт өзгертіп, қар жауып, көктайғақ, тұман мен екпінді жел әкеледі. 27 желтоқсан, сенбі күні республиканың шығысы мен оңтүстік-шығысында қар жауып, кей жерлерде қатты боран соғады деп күтілуде. Дәл осы күндері батыс өңірде де ауа райы бұзылып, бұл жағдай жексенбіге дейін жалғасады. Демалыстың соңына қарай қар солтүстік-батыс, солтүстік және орталық облыстарға жетіп, жол қозғалысы қиындай түседі. Елдің оңтүстігінде ауа райы жұмсақтау…

Қазақстанда әлеуметтік маңызы бар азық-түлік тауарларының тізімі күрт кеңейтілді деп жазады Ertenmedia.kz. Бұған дейін тек сауда үстемесі бақылауда болса, енді тауарлардың дүкен сөресіндегі түпкілікті бағасы қадағаланады. Сауда министрлігі ұсынған жаңа тізімге ұн, нан, макарон өнімдері, қарақұмық пен күріш, картоп, сәбіз, пияз, қырыққабат, қызанақ пен қияр, алма, қант, күнбағыс майы, сүйекті және сүйексіз сиыр еті, тартылған ет (фарш), қой мен жылқы еті, балық, тауық еті мен тауықтың тұтас еті, сүт өнімдері (айран, қаймақ, сүзбе, қатты және жартылай қатты ірімшік, сары май), бірінші санаттағы жұмыртқа, қара шай және ас тұзы секілді 31 түрлі тауар енгізілген. Енді аталған өнімдерге бөлшек саудадағы шекті баға…

Биыл Қазақстанға көшіп келген этникалық қазақтардың саны 15 мыңға жуықтады, деп хабарлайды Ertenmedia.kz. Еңбек және халықты әлеуметтік қорғау министрлігінің дерегінше, 2025 жылы елге оралған қандастардың жалпы саны 14 828 адам. Биыл квота аясында 2309 адам жұмыс күші тапшы өңірлерге бағытталған. Олар  Ақмола, Абай, Қостанай, Павлодар, Атырау облыстары және Батыс, Солтүстік, Шығыс Қазақстан облыстары. Аталған өңірлерге барған қандастардың әрқайсысына бір рет 70 АЕК (275,2 мың теңге) көлемінде көшіп-қону субсидиясы беріледі. Сондай-ақ бір жыл бойы баспана жалдау мен коммуналдық шығындарды өтеу үшін ай сайын 15-тен 30 АЕК-ке дейін қаржы бөлінеді. Биыл мемлекет тарапынан жалпы саны 1279 қандасқа қолдау көрсетілген, олардың ішінде 356…

Сот ҚазТАГ агенттігінің бас редакторы Әмір Қасеновке үйқамақ түріндегі бұлтартпау шарасын белгіледі, деп хабарлайды Ertenmedia.kz. Журналист 23 желтоқсан күні Астанада ұсталған болатын. Белгілі болғандай, полиция қызметкерлері Қасеновті тергеу амалдарына қатысуға Есіл аудандық полиция бөліміне шақырып, кейін уақытша ұстау изоляторына қамаған. Бұған дейін полиция «ҚазТАГ» ақпарат агенттігінің басшысы Әсет Матаев пен бас редактор Әмір Қасеновке қарсы қылмыстық іс қозғаған еді. Істің басталуына белгілі бизнесмен Тимур Турловқа тиесілі Freedom Finance компаниясының арызы себеп болған. Қазір қос журналист тергеу амалдарынан өтуде.

Атырау облысының әкімі Серік Шәпкенов тұрғындарды балалар алаңындағы вандализмге немқұрайлы қарамауға шақырды, деп хабарлайды Ertenmedia.kz. Аймақ басшысы халықпен кездесу кезінде соңғы уақытта өңірде ойын алаңдары қарқынды салынғанымен, тұрғындардың өздері сол алаңдарды тез арада бүлдіріп жатқанына назар аударды. «Облыс көлемінде балаларға арналған ойын алаңдарын орнатып жатырмыз. Кейбір елді мекендерде бұл әлі де өзекті мәселе. Алайда салынған дүниені бұзу, сындыру деректері жиі кездеседі. Кейде жаңадан қойылған құрылғының көп ұзамай жарамсыз күйге түскенін көреміз. Мұндай жағдайды көргенде бейжай қарамаңыздар. Бірден ескерту жасаңыздар, қажет болса бейнежазбаға түсіріп, полицияға хабарлаңыздар», – деді әкім. Оның айтуынша, бүлінген дүниенің артында көбіне балалардың өздері тұрады. Мұндай жағдайда заң…

Президент Тоқаев Астананың даму қарқынын жоғары бағалап, қала әкімі Жеңіс Қасымбектің жұмысын ерекше атап өтті, деп хабарлайды Ertenmedia.kz. 24 желтоқсанда елорданы дамыту мәселесіне арналған жиында сөз сөйлеген Мемлекет басшысы қала басшысының жұмысына көңілі толатынын жасырмады. «Жеңіс Қасымбектің бойынан менің талабымды түсінген, ойымды оқып, бағыт-бағдарымды анық сезінген адамды таптым. Бұған дейін бұл қызметтегі бірде-бір басшымен мұндай үйлесім болмағанын ашық айтқым келеді», – деді Қасым-Жомарт Тоқаев. Президенттің сөзінше, биылғы 11 айдың қорытындысы бойынша елорданың қысқамерзімді экономикалық көрсеткіші 118,6 пайызға жетіп, Астана өңірлер арасында көш бастаған. Әсіресе инвестиция тарту, құрылыс көлемі және шағын әрі орта бизнестің даму қарқыны бойынша қала әдемі нәтиже көрсетіп отыр.…

«Азаматтарға арналған үкімет» бірқатар қызмет түрін ақылы негізге көшіріп, кейбір сервистерді тізімнен алып тастады, деп хабарлайды Ertenmedia.kz. Енді коммерциялық қызметтердің қатарына байланыс орталығының сервистері қосылды. Оның ішінде мемлекеттік органдарға ақылы түрде байланыс орталығы қызметін ұсыну, техникалық сүйемелдеумен бірге 1414 нөміріне қолжетімділік беру және қоңырауларды қабылдау жүйесіне қосу бар. Сонымен бірге біраз консультациялық қызметтер алынып тасталды. Мессенджерлер мен әлеуметтік желілер арқылы дауыс және мәтін арқылы кеңес беру, бейнеқоңыраумен қызмет көрсету, сондай-ақ биометриялық сәйкестендіруден өтпеген қолданушыларды модерациялау тоқтатылды. Кейбір қызметтердің сипаттамасы жаңаша жазылған. Олар техникалық қолдау бойынша өтінімдерді тіркеумен бірге кеңес беру, «Үйге шақыру» қызметі және «шағым» мен «пікір» санатындағы өтініштерді қабылдау…

Банктер туралы жаңа заңнан жақсылық күткен Қазақстанның қаржы секторы абдырап отыр, деп хабарлайды Ertenmedia.kz. Forbes Kazakhstan-ға сұхбат берген Халық банкінің төрайымы Үміт Шаяхметова құжаттағы бірқатар нормаға сын айтып, олардың саланы дамытудың орнына кері тартып жатқанын жеткізді. Қаржыгердің айтуынша, қолданыстағы банк заңы сонау 90-шы жылдан бері айтарлықтай жаңармаған. Содан болар банктер цифрландыру, жасанды интеллект, финтех пен экожүйе сияқты әлемдік үрдісті қамтитын, заманға сай заң болады деп үміттенген. Алайда ұсынылған құжат үдеден шықпай отыр. Жаңа заң банктердің потенциалын кеңейтудің орнына, реттеу талаптарын бұрынғыдан бетер күшейткен. «Заңды әзірлеуге біз де атсалысып, реттеушімен бірге талай мәселені талқыладық. Заңгерімізді, тәуекелді басқаратын мамандарды, киберқауіпсіздік сарапшыларын түгел…