Автор: Нұрлан Жұмахан

Елордадағы «Астана Арена» стадионында Enrique Iglesias-тің концерті өтті. Кеш аяқталған соң жас көрермендер стадионда қалып, аумақты қоқыстан тазартуға көмектесті, – деп жазады Ertenmedia.kz. Жастар концерттен кейін шашылған қалдықтарды жинап, тазалық жұмысына өз еркімен қосылды. Олар ірі мәдени іс-шарада тәртіп сақтауға әр адам үлес қоса алатынын көрсетті. Қарапайым бастама азаматтық жауапкершіліктің жарқын көрінісіне айналды. Көрермендердің бірі концерттің ерекше әсер сыйлағанын айтты. Кеш аяқталғаннан кейін достарымен бірге стадион аумағын ретке келтіруді жөн көрген. Оның сөзінше, тазалыққа көмектесу көп уақыт алмайды. «Осындай әрекет арқылы қаламызға, қоршаған ортаға және алаңда еңбек еткен қызметкерлерге құрметімізді көрсете аламыз», – деді ол. Жас көрермен тазалықты сақтау тек…

Премьер-министр Олжас Бектенов Алматы облысының жаңа әкімі Шыңғыс Әріновті өңір активіне таныстырып, алдағы жұмыстың негізгі басымдықтарын белгіледі. Жаңа басшылық Президент тапсырмаларын орындап, тұрғындарға қажетті әлеуметтік, инженерлік және энергетикалық нысандар құрылысын озық қарқынмен жүргізуге тиіс, – деп жазады Ertenmedia.kz. Шыңғыс Әрінов Алматы облысының әкімі қызметіне Мемлекет басшысының Жарлығымен тағайындалды. Ол бұған дейін Төтенше жағдайлар министрлігін басқарған. Өңір басшылығындағы кадрлық өзгеріс облыста жүзеге асырылатын ауқымды инфрақұрылымдық жобалардың жаңа кезеңімен тұспа-тұс келіп отыр. Үкімет басшысы облыс әкімдігіне құрылыс қарқынын халық санының өсуі мен елді мекендердің кеңеюінен озық ұстауды тапсырды. Мектеп, аурухана, жол, электр желісі, су және жылумен жабдықтау нысандары қажеттілік туындағаннан кейін емес,…

Атырауда Президент Қасым-Жомарт Тоқаевтың «Әділетті қоғамға – шыншыл сөз» атты кітабы таныстырылды. Мемлекеттілік, заң үстемдігі және ұлттық құндылықтар арқау болған жинақ өңірдегі жастар ресурстық орталықтарының басшыларына табысталды, – деп жазады Ertenmedia.kz. Кездесуге Атырау облысы әкімінің орынбасары Дарын Шамұратов жетекшілік етті. Басқосуға зиялы қауым өкілдері, мемлекеттік қызметшілер, тарихшылар, философтар және әдебиеттанушылар қатысты. Олардың қатарында жоғары оқу орындарының профессор-оқытушылары мен жастар да болды. Жиында жинақтың мазмұны талқыланып, Мемлекет басшысының әр жылдары айтқан ой-тұжырымдарына назар аударылды. Қатысушылар сол пікірлердің қазіргі қоғамдық үдерістермен сабақтастығын саралады. Кітапта әр кезеңде көтерілген мәселелер бір идеялық арнаға тоғыстырылған. «Әділетті қоғамға – шыншыл сөз» жинағына тәуелсіздіктің алғашқы жылдарынан бері…

Арман Қырықбаевтың Мәдениет және ақпарат министрі болып тағайындалуы идеологиялық саясаттың жаңа кезеңге бет алғанын аңғартады. Қарағанды мен Алматыда шыңдалып, дипломатия мектебі мен Ақорданың саяси ұстаханасынан өткен тәжірибелі кадр енді мәдениет, ақпарат және қоғамдық коммуникация саласын басқарады, деп жазады Ertenmedia.kz. Президент Тоқаевтың 2026 жылғы 3 қыркүйектегі Жарлығымен Арман Оразбайұлы Қырықбаев Мәдениет және ақпарат министрі қызметіне тағайындалды. Ол Президенттің ішкі саясат және коммуникациялар мәселелері жөніндегі көмекшісі лауазымынан босатылды. Кадрлық шешімді жаңа Үкімет құрамындағы саяси сабақтастықтың бір бөлігі ретінде қарастыру қажет. Жаңа министр мемлекеттік басқарудың бірнеше мектебінен өткен. Оның еңбек жолында дипломатия, өңірлік әкімдік, мәдениет, партиялық менеджмент және Президент Әкімшілігіндегі қызмет тоғысады. Осындай…

Mitsubishi бірнеше жылдық үзілістен кейін аты аңызға айналған Pajero жол талғамайтын көлігінің жаңа буынын таныстырды. Жапон маркасының рамалы флагманы жүзге жуық нарыққа шығарылады, алайда Қазақстан әзірге ресми тізімге енген жоқ, – деп жазады Ertenmedia.kz. Жаңа Pajero беріктігі жоғары сатылы раманың негізінде құрастырылған. Платформа Mitsubishi Triton пикабымен туыстас болғанымен, аспа жүйесі жол талғамайтын көлікке арнайы бейімделді. Алдыңғы бөлікке тәуелсіз қос иінтіректі аспа, артқы жағына бес иінтіректі тұтас белдік орнатылған. Көліктің жол саңылауы 230 миллиметрге жетеді. Кіру бұрышы 30,4 градус, рампа бұрышы 22,6 градус, ал шығу бұрышы 25,8 градус болып белгіленген. Мұндай геометрия Pajero-ның күрделі бедер мен жолсыз бағыттағы мүмкіндігін кеңейтеді. Жол…

Қазақстанда зейнетақы активтерін инвестициялау тәртібін түбегейлі өзгерту көзделіп отыр. Жаңа үлгі салымшының жасына қарай табыс пен тәуекел арасындағы тепе-теңдікті автоматты түрде реттеуге негізделмек, – деп жазады Ertenmedia.kz. Қаржы нарығын реттеу және дамыту агенттігі инвестициялық портфельдің құрылымын адамның өмірлік кезеңіне бейімдейтін стратегия әзірлеп жатыр. Жас салымшылардың жинағында табысы жоғары, алайда нарықтық тәуекелі басым құралдардың үлесі көбірек болуы мүмкін. Зейнет жасына жақындаған сайын қаражат біртіндеп тұрақты әрі сенімді активтерге ауыстырылады. Қаржы нарығында мұндай тәсіл «өмірлік цикл стратегиясы» деп аталады. Оның мақсаты – еңбек жолының басында ұзақ инвестициялық көкжиекті пайдаланып, жинақтың кірістілігін арттыру. Зейнетке шығатын уақыт жақындағанда басты басымдық жиналған қаражатты сақтау болады.…

3 қыркүйекте Қазақстанның басым бөлігінде күн жылы әрі жауын-шашынсыз болады. Астана мен Алматыда ғана жаңбыр жауып, найзағай ойнайды, – деп жазады Ertenmedia.kz. «Қазгидромет» болжамынша, Астанада күн бұлтты болып, жаңбыр жауады және найзағай ойнайды. Жел секундына 5-10 метр жылдамдықпен соғады. Ауа температурасы түнде +5…+7 градус, күндіз +20…+22 градус болады. Алматыда да күн бұлтты болып, жаңбыр мен найзағай күтіледі. Желдің жылдамдығы секундына 3-8 метрден аспайды. Түнде ауа +11…+13 градус, күндіз +21…+23 градусқа дейін жылынады. Шымкентте көшпелі бұлт шығып, жауын-шашын болмайды. Жел секундына 8-13 метр жылдамдықпен соғып, екпіні 15-20 метрге дейін жетеді. Түнде +14…+16 градус, күндіз +28…+30 градус күтіледі. Ақтауда ауа райы көшпелі…

Қазақстан халқы шілде айында 14,2 мың адамға көбейіп, 1 тамызда 20 млн 604,8 мың адамға жетті. Өсімнің басым бөлігі қалаларға тиесілі болса, ауыл халқы бір айда шамамен 6,9 мың адамға азайды, – деп жазады Ertenmedia.kz. Жыл басынан бері ел тұрғындарының қатары 104 997 адамға артқан. Халық санының өсу қарқыны 1 шілдедегі 0,44 пайыздан 1 тамызда 0,51 пайызға көтерілді. Демографиялық өсімнің негізгі тірегі бұрынғыдай табиғи өсім болып отыр. 2026 жылдың алғашқы жеті айында туғандар мен қайтыс болғандар арасындағы оң айырма 99 419 адамды құрады. Демек, жалпы өсімнің шамамен 95 пайызы табиғи қозғалыс есебінен қалыптасқан. Көші-қонның демографияға қосқан үлесі салыстырмалы түрде аз.…

Қазақстанда 60 энергия өндіруші ұйым үшін электр энергиясын өндірудің шекті тарифтері өзгеруі мүмкін. Энергетика министрлігі жаңа көрсеткіштерді 10 қыркүйектен бастап енгізуді ұсынып отыр, алайда құжат әзірге қоғамдық талқылау кезеңінде, – деп жазады Ertenmedia.kz. Тиісті бұйрық жобасы 1 қыркүйекте «Ашық нормативтік-құқықтық актілер» порталында жарияланды. Құжат энергия өндіруші 60 ұйымның шекті тарифтерін түзетуді көздейді. Ұсыныстарды қабылдау 6 қыркүйекке дейін жалғасады. Жобадағы өзгеріс елдің энергетикалық жүйесін тұрақты ұстап, генерация нысандарын жоспарлы жаңғырту қажеттілігімен түсіндірілген. Электр станцияларындағы жабдықтың тозуы жөндеу мен жаңартуға тұрақты қаржы бөлуді талап етеді. Министрлік жаңа тарифтер энергетикалық компанияларға осы жұмыстарды жүргізуге мүмкіндік береді деп есептейді. Қосымша қаржы ұзақмерзімді жаңғырту бағдарламаларын…

1 қыркүйек күні Жетісу облысында екі жаңа мектеп ашылып, күрделі жөндеуден өткен тағы екі білім ошағы пайдалануға берілді. Соның бірі Текелі қаласына қарасты Рудничный ауылында қайтарылған активтер есебінен салынған 200 орындық жаңа мектеп болды, – деп жазады Ertenmedia.kz. Рудничный ауылындағы №7 мектептің ашылу салтанатына Жетісу облысының әкімі Бейбіт Исабаев қатысты. Бір жыл бұрын өңір басшысы мен Бас прокурор Берік Асылов білім ошағының іргетасына «Уақыт капсуласын» салған еді. Арада бір жыл өткенде Білім беру инфрақұрылымын қолдау қоры қаржыландырған нысан оқушыларға есігін ашты. Ауыл тұрғындарын құттықтаған Бейбіт Исабаев адами капиталды дамыту мен білім саласын қолдау мемлекеттік саясаттың негізгі басымдығы екенін атап өтті.…