Автор: Асылхан Бөрібай

Алматы көшелерінде тәртіпті енді формалы экипаж ғана емес, қарапайым көлікпен ағылған жасырын бақылау да қадағалай бастады деп хабарлайды Ertenmedia.kz. Қала жолдарында «Стоп-құқықбұзушылық» жедел-профилактикалық шарасы аясында жасырын патрульдеу тәсілі енгізілді. Мақсат айқын: көлікті бейберекет айдап, жол үстінде қауіп төндіретін жүргізушілерді ағынның ішінен-ақ ұстап, апатқа апарар әрекетті ертерек тоқтату. Ішкі істер министрлігінің мәліметінше, патрульдік полиция қызметкерлері енді штаттық киімсіз, азаматтық автокөлікпен жалпы көлік легінің арасында жүреді. Олар ең алдымен өрескел жол ережесін бұзу деректерін анықтауға басымдық береді. Әсіресе күрт жол ауыстыру, «шашка» ойнау, өзге көлікті қысып өту, авариялық жағдай туғызу секілді қауіпті әрекеттер бақылауға алынған. Осындай заңбұзушылық тіркелген сәтте жасырын патруль ақпаратты…

Қазақстанда халықаралық ғылыми конкурстарда жеңіске жеткен оқушылар мен оларды дайындаған ұстаздарына бір реттік ақшалай сыйақы беру жүйесі енгізілді деп хабарлайды Ertenmedia.kz. Бұл туралы Оқу-ағарту министрі Жұлдыз Сүлейменова мәлімдеді. Жаңа бастама Президент Қасым-Жомарт Тоқаевтың тапсырмасы бойынша жүзеге асырылады. «Мемлекет басшысының тапсырмасымен биыл халықаралық ғылыми жарыстарда жүлделі орындарға ие болған оқушылар мен оларды дайындаған ұстаздарға бір реттік ақшалай сыйақы тағайындалады», – деді министр. Оның айтуынша, өткен аптада бұл бастаманы іске асыру туралы бұйрық бекітілген. Енді халықаралық конкурстарда 1-ші, 2-ші және 3-ші орын алған оқушыларға берілетін сыйақы көлемі 2 миллионнан 6 миллион теңгеге дейін болмақ. Жеңімпаздарды дайындаған мұғалімдер де назардан тыс қалмайды. Оларға…

Алматыда болған қайғылы жол апатының тергеу барысы Ішкі істер министрі Ержан Сәденовтің жеке бақылауында деп хабарлайды Ertenmedia.kz. Министр тергеудің ашық және әділ жүргізілетініне кепілдік беріп, кінәлілердің ешқандай лауазымы мен байланыстары оларды жауапкершіліктен құтқармайтынын мәлімдеді. Министрдің айтуынша, ведомство Алматыдағы жол апатының барлық мән-жайын объективті зерттеп, кінәлі тұлғаларды анықтау бойынша президент Тоқаевтың тапсырмасына сай жұмыс істеп жатыр. «Бұл ма, бұл іс менің жеке бақылауымда. Барлық кінәлі адамдар, олардың қызметіне, қоғамдағы орны мен байланыстарына, тамыр-таныстарына қарамастан заң алдында жауап береді. Ешкім жазадан жалтармайды. Заң мен тәртіп қоғамның қауіпсіздігі мен әділеттілігінің негізі», – деді Ержан Сәденов. Еске сала кетсек, 21 наурызға қараған түні Алматыдағы…

Жыл басынан бері полиция мен еріктілер бірлесіп әрекет етудің арқасында есірткі қылмысымен байланысты онлайн ресурстардың жолын кесуде айтарлықтай нәтижеге қол жеткізген. Бұл туралы Алматы қалалық Полиция департаментінің Есірткі қылмысына қарсы іс-қимыл басқармасының жедел уәкілі Сұлушаш Досболова мәлімдеді, деп жазады Ertenmedia.kz. Оның айтуынша, есірткі саудасын насихаттайтын интернет-ресурстардың көбі тұрғындардың белсенді көмегімен анықталады. «Әрбір азамат, әсіресе күмәнді сайттар туралы хабарлайтын еріктілер қауымы осы бағытта бізге үлкен көмек көрсетіп келеді», – дейді маман. Наркосайттарды анықтау бірнеше арна арқылы жүзеге асады. Атап айтқанда, интернет кеңістігіне мониторинг жасау, арнайы сенім телефондарына келіп түскен хабарламалар, сондай-ақ «E-Өтініш» электрондық платформасы мен жедел байланыс арналары арқылы бақылауда ұсталады.…

Қазақстанда алдағы тәуліктерде ауа райы көбінесе ашық әрі жайлы болады. Ел аумағының басым бөлігі кең антициклонның ықпалында болғандықтан, жауын-шашын күтілмейді, деп жазады Ertenmedia.kz. Дегенмен, республиканың батысында атмосфералық фронттардың өтуіне байланысты жаңбыр жауып, кей жерлерде найзағай ойнайды. Солтүстікте, орталықта тұман және көктайғақ байқалса, оңтүстік пен оңтүстік-шығыста жел күшейеді. Ірі қалалардағы ауа райы болжамы: Астана қаласында күн ала бұлтты, жауын-шашынсыз. Түнде тұман түсіп, жолдарда көктайғақ болады. Ауа температурасы түнде -4…-6°C, күндіз +5…+7°C. Алматыда күн райы құбылмалы, бірақ жауын-шашын күтілмейді. Ауа температурасы түнде +3…+5°C, күндіз +15…+17°C. Шымкентте күн ашық, ала бұлтты, жауын-шашынсыз, жел күшейеді. Түнгі температура +8…+10°C болса, күндіз +25…+27°C-қа дейін жылынады. Ақтауда…

19 наурыз күні Қазақстан Президенті Қасым-Жомарт Тоқаев Алматы қаласына барып, ғылыми қауымдастық алдында сөз сөйледі деп жазады Ertenmedia.kz. Президент мемлекеттік саясаттың негізгі басымдықтарын – адами капиталды, ғылым мен инновацияны дамыту, сондай-ақ жаңа Конституцияның елді жаңғыртудағы рөлін айқындады. Патернализмнен – мүмкіндіктер қоғамына Мемлекет басшысы өз сөзінде елдің даму моделін өзгерту қажеттігіне ерекше назар аударды. Оның айтуынша, Қазақстан патерналистік тәсілден бас тартып, басты ресурс ретінде адам мен оның қабілеттері алға шығатын жүйеге көшуі тиіс. «Ғылымда нақты нәтижеге жету үшін адами капиталға айрықша көңіл бөлу қажет. Біз жас ұрпақты тәрбиелеу мен азаматтарды қолдау тәсілдерін әлеуметтік әділдік, патриотизм және еңбекқорлық тұрғысынан қайта қарауымыз керек»,…

Атышулы актер Асқар Жұмабек тағы да жанжалдың ортасынан табылды. Бұл жолы оқиға түсіру алаңында өрбіген. Әріптесі Айнұр Нарзиева желіде жариялаған жазбасында актердің өзіне қол көтермек болғанын мәлімдеді деп хабарлайды Ertenmedia.kz. Оның айтуынша, түсірілім 20 наурыз күні таңғы сағат 10:00-ге жоспарланған. Жұмабектің өзі алдын ала оятуды өтінген. Себебі бұған дейін де түсірілімдерге кешігіп, келмей қалған жағдайлар болған. «Сағат 8:30-дан бастап хабарласып, ояттым. Екінші қоңырауда көтеріп, тұрғанын айтты. 9:18-де тағы бір рет хабарласып, ұйықтап қалмағанын тексердім», – деп жазды Нарзиева. Оқиға актердің түсірілімге келуімен күрт өзгерген. Оның сөзінше, Жұмабек келген бетте «неге ерте ояттың?» деп ашуға мініп, әңгімені дауға ұластырған. «Мен тек…

Арыс қаласында дүкен сатушысы мен оның інісін топ болып жабылып ұрып-соққан оқиға орын алды. Жанжалға жарамсыз ақшаны қабылдаудан бас тартқаны себеп болған деп жазады Ertenmedia.kz Orda-ға сілтеп. Жәбірленуші Алмасбек Әлібайтегінің айтуынша, оқиға 12 наурыз күні кешке болған. Сатып алушылардың бірі оған 500 теңгелік жыртылған купюраны берген. Ақшаны жарамсыз деп қабылдаудан бас тартқан сатушыға олар: «Қалай қабылдамайсың? Қазір үлкендерді шақырып, бетіңді быт-шыт қыламыз!» деп қоқан-лоқы жасаған. «Мен кассада жалғыз болғандықтан, жұмысымды жалғастыра бердім. 15–20 минут өткенде дүкенге он шақты адам кіріп келді. Үшеуі есікті жауып тастап, төртеуі маған жабыла кетті. Жұдырықтап, аяқпен тепкілеп, басымнан еден жуатын швабрамен ұрды. Бір сәт есімнен…

Белгілі бизнесмен, Freedom Holding корпорациясының негізін қалаушы Тимур Турлов мемлекеттік «Парасат» орденімен марапатталды деп хабарлайды Ertenmedia.kz. Бұл туралы кәсіпкер өзінің әлеуметтік желідегі парақшасында жазып, қуанышын көпшілікпен бөлісті. Ол марапатты Президент тарапынан жасалған үлкен қолдау, сенім және өзіне жүктелген жауапкершіліктің белгісі деп қабылдайтынын атап өтті. «Мемлекеттік марапат алу үлкен абырой. Бұл менің және бүкіл командамның атқарған еңбегі мен талпынысының нәтижесі. Бүгінгі марапат біздің барлық шешімдеріміз бен әрекеттеріміздің дұрыс әрі елге пайдалы болғанын көрсетеді», – деп жазды ол. Сонымен қатар, кәсіпкер Қазақстанның бүгінгі даму бағыты мен мемлекетте қалыптасқан бизнеске қолайлы жағдайларға ерекше назар аударды. «Осындай керемет дәуірде, Қазақстан сияқты батыл өзгерістерге қадам…

Бектеновтің орынбасары Қанат Бозымбаев өзін вице-президент қызметіне баруы мүмкін деген әңгімені салқын қабылдайтынын айтты деп хабарлайды Ertenmedia.kz. Оның сөзінше, мұндай талқыларды тым жақын қабылдап жүрген жоқ, қазір бар назарын өз жұмысына аударған. Бозымбаев кадрлық әңгімелерге қатысты пікірін астарлап жеткізді. Айтуынша, генерал болуды армандамайтын солдат болмайды, бірақ өзінің қазіргі лауазымы да генералдық деңгейдегі қызмет болғандықтан, оған осының өзі жеткілікті. Сонымен бірге ол мұндай шешім жеке қалау не қоғамдық болжаммен емес, Конституция аясында қабылданатынын еске салды. Бозымбаевтың айтуынша, вице-президентке қатысты таңдауды президент жасайды, ал ол парламентпен келісім арқылы рәсімделеді. Ал халық пен сарапшылардың мұндай тақырыпты талқылауы Қазақстан үшін қалыпты құбылыс саналады. Шенеунік…