Автор: Асылхан Бөрібай

Бүгінде Каспий теңізінің түбінде Қазақстаннан Әзірбайжанға дейін оптикалық кабель төсеу жұмыстары қарқынды жүріп жатыр. Бұл турасында «Қазақтелеком» басшысы Бағдат Мусин Фейсбук парақшасында жазды, – деп хабарлайды Ertenmedia.kz. Ақтау мен Сумгаит арасын жалғайтын бұл жоба еліміздің ақпараттық қауіпсіздігін қамтамасыз ету жолындағы ең ауқымды қадамдардың бірі. Өйткені бүгінгі дәуірде ақпарат – мемлекеттің стратегиялық байлығы, ал оның қорғалуы ұлттық қауіпсіздікпен тең. Өз кезегінде «Қазақтелеком» басшысы Бағдат Мусин жеке парақшасында жобаның маңызына тоқталды. – Арнайы құрал-жабдықтармен жабдықталған кемелер теңіздің тереңдігін өлшеп, топырақтың жағдайын, кабель төсеуге кедергі болатын тастар мен бөгеттерді зерттеп жүр. Бірақ кеме өте алмайтын жерлерде адам факторына жүгінуге тура келеді – мұнда…

Алматы облысындағы қоқыс полигонында тұтанған өрт бір тәуліктен астам уақыт бойы сөндіріліп жатыр. Алатау ауылы маңындағы «ADC TAZA ALEM» компаниясына тиесілі бұл полигонның жалпы аумағы 35 гектар болса, соның 10 гектары қызыл жалынның астында қалған, – деп хабарлайды Ertenmedia.kz Алматы облысы әкімінің баспасөз қызметіне сілтеме жасап. Қазір өртті сөндіру үшін тәулік бойы үздіксіз жұмыс жүргізілуде. «Терең Қара» каналынан екі шақырымға жуық өрт сөндіру рукавы тартылып, су мотопомпамен жеткізіліп отыр. Бұл – апатты тоқтату үшін жасалған шұғыл шаралардың бірі ғана. Өртті сөндіруге 108 адам және 54 техника жұмылдырылған. Оның ішінде Алматы облысының төтенше жағдай қызметкерлері, Алматы қаласының өрт сөндірушілері, әскери бөлім…

Түркістан облысы әкімдігі жанынан құрылған ғылыми кеңестің жұмысы енді жаңа қарқынмен жалғасады, деп жазады Ertenmedia.kz. Мәселе облыс әкімінің орынбасары әрі ғылыми кеңес төрағасы Бейсенбай Тәжібаевтың төрағалығымен өткен кезекті отырыста талқыланды. Жиынға салалық басқарма басшылары, Қожа Ахмет Ясауи атындағы Халықаралық қазақ-түрік университетінің ректоры Жанар Темірбекова, өңірдің жас ғалымдары мен профессорлық-оқытушылық құрам өкілдері қатысты. Отырыста облыстың әлеуметтік-экономикалық дамуына ғылыми қолдау көрсету, инновациялық идеяларды өңір қажетіне бейімдеу, жергілікті атқарушы органдар мен ғылыми орта арасындағы байланысты күшейту мәселесі қаралды. Бейсенбай Тәжібаев ғылыми кеңестің жұмысын жандандыру үшін арнайы жұмыс тобын құруды тапсырды. Сондай-ақ жаңа бастамаларға ашық екенін жеткізді. Облыс әкімінің орынбасары өңірдің дамуы ғылыми ізденіс…

Мұнай-газ секторы бойынша белгілі сарапшы Олжас Байдилдинов өзінің Телегарам арнасында 1991 жылдан 2025 жылдың тамызына дейін Қазақстанда өндірілген мұнайдың құны 1 триллион долларға жеткенін сүйіншілеп жазды. Автор осыған дейін Қазақстандағы мұнай өндірісінің жиынтық көлемі 1 триллион долларға жеткенде осы тақырыпқа арнап материал жазуға уәде берген еді. Сарапшы сол уәдесін бүгін орындады, – деп хабарлайды Ertenmedia.kz. – Мен бұған дейін мұнай бағасын есептеудің әдістемесін түсіндіргенмін, жыл сайынғы өндірілген мұнай көлемін сол кезеңдегі Brent маркалы мұнайдың орташа бағасына көбейту арқылы есептеп шықтым. Әрине, бұл сомаға шартты түрде қарау керек. Өйткені біздің мұнай әлемдік бағадан жеңілдікпен сатылады, халықаралық нарыққа жеткізу шығыны да бар…

Алматының іргесіндегі Сорбұлақ қоймасы аймаққа төнген аса ірі апатқа айналуы мүмкін. Мәселені Мәжіліс депутаттары ресми түрде Үкімет басшысы Олжас Бектеновтің назарына ұсынды, деп хабарлайды Ertenmedia. 37 жыл бұрын қаланың лас суын уақытша төгуге арналған Сорбұлақ, бүгінде үлкен улы көлге айналған. Мұнда 750 миллион текше метр қауіпті сұйықтық жиналған. Соңғы зерттеу нәтижесі бойынша, көл суынан денсаулыққа аса зиянды 31 түрлі химиялық элемент пен ауыр металдар анықталған. Әсіресе кадмий деңгейі қалыпты мөлшерден төрт есе асып кеткен. Көзге көрінбейтін улы элемент өкпе, бүйрек және жүйке жүйесін зақымдап, обыр дертіне ұшыратады. Депутаттар апаттың ықтимал зардаптарын Чернобыль апатымен теңестіріп отыр. Өйткені қазір қойма үштен екіге…

Қазақстанда зейнетақы жинағын тіс емдеуге пайдалануға тыйым салынуы мүмкін, деп хабарлайды Ertenmedia. Денсаулық сақтау министрлігі зейнетақы жинағын тіс протездеу және имплантация қызметтеріне жұмсауға тыйым салуды ұсынып отыр. Тиісті бұйрық жобасы нормативтік-құқықтық актілер порталында жарияланды. Құжаттың түсіндірмесінде өзгеріске зейнетақы қаржысының мақсатсыз жұмсалу деректері себеп болғаны жазылған. Жаңа тәртіп күшіне енсе, зейнетақы жинағы есебінен тіс емдеу мүлдем тоқтайды. Бұған дейін «Отбасы банк» те стоматология қызметтеріне өтініш қабылдауды 2025 жылдың 15 қыркүйегінен 2026 жылдың 15 сәуіріне дейін уақытша тоқтатқан еді. Банк хабарлауынша, осы аралыққа дейінгі өтініштер ғана әдеттегідей қаралады. Еске сала кетсек, жақында Атырауда зейнетақы қорындағы ақшаны заңсыз жолмен қолма-қол ақшаға айналдырған алаяқтар…

Бүгіннен бастап Әбеновтің арқасында Қазақстанда қыз алып қашып, некеге тұруға мәжбүрлегендер қылмыстық жауапкершілікке тартылады, деп хабарлайды Ertenmedia. Жаңа бапқа сәйкес, некеге мәжбүрлеушілерге 7,8 млн теңгеге дейін айыппұл салынып, екі жылға дейін бас бостандығынан айыру жазасы тағайындалуы мүмкін. Егер бұл әрекет ауыр зардаптарға соқтырса, қылмыскер он жылға дейін сотталады. Мұндай жаза зорлық-зомбылық көрсеткен, қызмет бабын пайдаланған немесе топтасып қылмыс жасағандарға күшейе түседі. Сонымен қатар, некеге мәжбүрлеу әрекеті кәмелетке толмағандарға қатысты болса, жауапкершілік одан сайын қатаңдатылады. Сондай-ақ, қылмыстық кодекстегі адам ұрлау бабына да өзгеріс енді. Бұған дейін алып қашқан адам өз еркімен жәбірленушіні босатса, жауапкершіліктен құтылатын. Енді ондай мүмкіндік жоқ айыбын мойындап,…

Мәжіліс төрағасы Ерлан Қошанов Қатар астанасы Дохада өткен төтенше Араб-ислам саммитіне қатысып, Қазақстанның халықаралық шиеленістерге қатысты ұстанымын жария етті, деп жазады Ertenmedia.kz. Саммитке ол Президент Қасым-Жомарт Тоқаевтың тапсырмасымен барған. Пленарлық отырыста Қазақстан тарапы қақтығысты диалог пен халықаралық құқық аясында реттеу қажет екенін айтты. Саммит аясында Ерлан Қошанов Қатар Әмірі шейх Тәмим бен Хамад Әл Тәнимен де кездесті. Қатар басшысы Қазақстанның ұстанымына жоғары баға беріп, Астана бұл әрекетті алғашқылардың бірі болып айыптап, Доханы ашық қолдағанын атап өтті. Сондай-ақ ол Президент Тоқаевпен арадағы бауырластық және достық қатынасын ерекше бағалайтынын жеткізді. Мәжіліс спикері өз сөзінде Таяу Шығыстағы геосаяси ахуалдың ушығуы мен халықаралық жағдайдың…

Кентау қаласында жұмысшы мамандықтарды дайындайтын Кентау политехникалық колледжі бар. Оқу орны 2011 жылы Кентау трансформатор зауытының негізінде құрылған. Сондай-ақ, «Alageum Electric» компаниясының құрылымдық бөлігі. Бүгінде колледж қабырғасында 11 мамандық бойынша 800-ден астам студент білім алады. Бүгін жұмысшы мамандықтар жылы аясында аталған колледжде БАҚ өкілдеріне арналған баспасөз туры өтті, – деп хабарлайды Ertenmedia.kz Түркістан облысы әкімінің баспасөз қызметіне сілтеме жасап.   Тур аясында журналистер оқу орнындағы электроэнергетика, автоматтандыру, IT, мехатроника, жаңартылатын энергия көздері және 3D-модельдеу бағыттарындағы шеберханаларын аралады. Сонымен қатар, колледж ғимаратында жаңа техникалық құрал-жабдықтармен қамтамасыз етілген оқу кабинеттеріне барды. Онда студенттердің инновациялық жобаларымен танысты. Кабинеттер компьютерлермен, интерактивті тақталармен қамтамасыз етілген.…

2024 жылдың қаңтарында алаяқтық үшін сотталған Станислав Русских өз өмірін жеңілдетудің жолын ойлап, тағы да жаза арқалады. Алаяқ Алматыдан Заречныйдағы №12 түзеу мекемесіне ауыстырылған. Бірақ жаңа қоныс оған ұнамаса керек. «Мына жақта жағдай тым қатал, режим тым қатаң, басқа колонияға көшіріңдер» деп тікелей сұрай алмайтынын білген соң, ерекше айлаға көшкен. Бұл турасында Kozachkow телеграмм арнасы жазды. Ол түзету мекемесіндегі таксофонға отырып алып, таныс прокурорларға, артынша полиция қызметкеріне хабарласып, «Алматының вокзалында теракт дайындалып жатыр, бомба қойылды» деп дүрліктірген. Сөзінің салмағы бар деп ойлаған болуы керек, себебі телефон шалған прокурорлар мен полиция дереу дабыл қағып, дәрігерлер мен құтқарушыларды қосып, вокзалды түгелдей тінтіп…