Автор: Асылхан Бөрібай

Алматы әкімі Дархан Сатыбалды Алатау ауданына барып, «Айгерім-1,2» және «Шаңырақ-1» шағынаудандарының тұрғындарымен жүздесті. Кездесуде тұрғындар ауызсу мен кәріз желілерінің құрылысы ұзаққа созылып кеткенін айтты. Әкім жағдайды өз көзімен көріп, мердігерлердің жұмысты баяу атқарып жатқанын атап өтті, – деп хабарлайды Ertenmedia.kz Алматы қаласы әкімінің баспасөз қызметіне сілтеме жасап.  «Айгерім-1,2» аумағында су құбырының 104 шақырымнан астам бөлігі, ал кәріз желісінің 29 шақырымға жуық бөлігі салынуы тиіс. Жоба 2021 жылы басталғанымен, жұмыс қарқыны тұрғындарды да, әкімдікті де алаңдатып отыр. Дархан Сатыбалды жауапты мекемелерге бақылауды күшейтуді тапсырды және құрылысты келесі жылы толық аяқтауды міндеттеді. Әкім жол жөндеу мәселесін де көтерді. – Желі құрылысы аяқталған…

Түркістан облысының «Ашық әкімдік» алаңында тұрғындардың өтініштері мен өзекті мәселелерін тыңдау үшін облыс әкімінің орынбасары Бейсенбай Тәжібаевтың қатысуымен кезекті жеке қабылдау өтті. Мұндай кездесулер соңғы жылдары өңір халқының билікке сенімін арттырып, нақты шешім іздейтін жаңа форматқа айналып келеді. Себебі тұрғындар үшін ең бастысы өз сөзінің естілуі, өтінішінің жерде қалмауы, – деп хабарлайды Ertenmedia.kz Түркістан облысы әкімінің баспасөз қызметіне сілтеме жасап.   Қабылдауға жазылған 10 азаматтың өтініші өмірдің әр саласына қатысты болды. Олардың қатарында Жетісай, Созақ, Сауран, Қазығұрт, Төлеби, Бәйдібек аудандары мен Түркістан қаласының тұрғындары бар. Әңгіме барысында көтерілген мәселелердің басым бөлігі әлеуметтік сипатқа ие — жұмысқа орналасу, медициналық нысандардың жетіспеушілігі,…

Қазақстан Еуроодақ тарапынан санкция шектеулерді айналып өтуге қатысты ресми ескерту алған жоқ. Бұл туралы Сауда және интеграция министрлігі мәлім етті, деп жазады Ertenmedia.kz. Министрліктің хабарлауынша, Қазақстан өз аумағы арқылы Ресейге салынған санкцияны айналып өту әрекетіне жол бермеу үшін қажетті шараларды жүйелі түрде қабылдап отыр. «Біз Еуроодақпен тұрақты диалог жүргіземіз. Бұған дейін қазақстандық көмірдің Ресей порттары арқылы транзитіне байланысты туындаған мәселе келіссөздер арқылы оң шешімін тапты. Басқа бағыттар бойынша да осы тәсілді ұстанамыз», – деді министрлік өкілдері. Сонымен қатар ведомство Қазақстан Еуроодақпен өзара қатынасты сыртқы сауданың ашықтығын қамтамасыз ету, ұлттық мүдделерді қорғау және сауданың тұрақтылығын сақтау негізінде құратынын атап өтті. Ertenmedia телеграм-арнасының жазуынша,…

Мәжілісте Қазақстанның 2026-2028 жылдарға арналған бюджет таныстырылды. Ertenmedia қай салаға қанша қаржы бағытталатынын егжей-тегжейлі тарқатып берді. Қаржы министрлігінің болжамынша, 2026 жылы республикалық бюджеттің кірісі 23,1 трлн теңгеге жетіп, дефицит ЖІӨ-нің 2,5 пайызынан аспайды. Ал 2028 жылға қарай тапшылықты 0,9 пайызға дейін төмендету көзделіп отыр. Жалпы бюджет шығындары 27,7 трлн теңге көлемінде бекітілген, бұл биылғыдан 2 трлн теңгеге көп. Бюджет қаржысының қайда жұмсалатынына тоқталсақ, Президент бастамаларына 285 млрд теңге, мемлекеттік қарызға қызмет көрсетуге 3,5 трлн теңге, өңірлерге субвенция ретінде 5,1 трлн теңге, ал төтенше жағдайлар мен күтпеген шығындарға 500 млрд теңге резервке салынады. Қаржы вице-министрі Абзал Бейсенбекұлының айтуынша, үкімет бюджетті Ұлттық…

Маңғыстау облысында жантүршігерлік жол апатынан 10 адам көз жұмды деп хабарлайды Ertenmedia. Қайғылы оқиға 11 қыркүйек күні Қарақиян ауданындағы Сенек ауылынан 90 шақырым жерде болған. Toyota Hiace шағын автобусының жүргізушісі көлікті басқара алмай, жолдан шығып, бірнеше жолаушысымен бірге аударылған. Оқиға орнында 8 адам қаза тапса, тағы екі адам ауруханаға барар жолда жан тапсырған. Жүргізуші мен тағы екі жолаушы түрлі жарақат алып, ауруханаға жеткізілді. Қазір бұл дерек бойынша қылмыстық іс қозғалып, тиісті сараптамалар тағайындалды. Тергеу амалдары жүргізілуде.

Райымбек ауданында шекара қызметі қызметкерлеріне арналған жаңа тұрғын үйдің құрылысы аяқталды. Салтанатты түрде пәтер кілттері Нарынқол шекара отрядында табысталды, деп жазады Ertenmedia.kz. Тұрғын үйлердің құрылысы 2024 жылдың қараша айында басталып, биыл толық аяқталды. Әрбір пәтердің ауданы – 70 шаршы метр, заманауи талаптарға толық сәйкес келеді. Жобаның жалпы құны 124,3 млн теңгені құрады, қаржыландыру облыс әкімдігінің қаражаты есебінен қамтамасыз етілді. Шараға Алматы облысының әкімі Марат Сұлтанғазиев қатысты. Ол әскери қызметкерлерді жаңа баспанамен құттықтап, бұл мемлекет тарапынан ел тәуелсіздігі мен аумақтық тұтастығын қорғап жүрген азаматтарға көрсетілген қамқорлықтың айқын көрінісі екенін атап өтті. – Бүгін біз тек пәтер кілттерін емес, сонымен қатар мемлекеттің және…

Алматы облысында облыстық маңызы бар «Нарынқол – Сүмбе» автожолының жөндеу жұмыстары мерзімінен бұрын аяқталуда. Жұмысшылар қар түспей тұрып үлгеруге тырысуда, деп жазады Ertenmedia.kz. Жөндеу жұмыстары 2024 жылдың мамыр айында басталып, жоспар бойынша 2025 жылдың желтоқсан айында аяқталуы тиіс еді. Мердігер компанияның мәліметінше, жолшылар жұмысты белгіленген мерзімнен ерте бітіреді. L-VESA құрылыс компаниясы директорының орынбасары Алексей Фоминнің айтуынша, бүгінде жөндеу жұмыстарының басым бөлігі аяқталған: – Біз «Нарынқол – Сүмбе» жолына орташа жөндеу жүргізіп жатырмыз. Жөндеуден өтетін учаскенің жалпы ұзындығы – 38 шақырым. Қазіргі уақытта 11 шақырымы ғана қалды. Жаңа жабынның қалыңдығы – 6 сантиметр. Жұмысты осы айда аяқтауды жоспарлап отырмыз. Нысанда 18 жұмысшы…

Қазақстанда инклюзивті білім беру жүйесі соңғы жылдары қарқын алды. Ерекше білім беру қажеттілігі бар балаларға сапалы білімге тең қолжетімділік жасау мемлекеттік саясаттың маңызды бағытына айналды. Елімізде осы сала бойынша кешенді жобалар іске асып, құқықтық және әдістемелік негіз кезең-кезеңімен күшейіп келеді, деп жазады Ertenmedia.kz. Инклюзивті білім беруді ілгерілетуде Оқу-ағарту министрлігіне қарасты Арнайы және инклюзивті білім беруді дамытудың Ұлттық ғылыми-практикалық орталығы негізгі рөл атқарып отыр. 1992 жылы құрылған мекеме диагностикамен ғана шектелмей, оқыту мен тәрбиелеудің заманауи тәсілдерін әзірлеп, педагогтерге әдістемелік қолдау көрсетіп келеді. Қазір елімізде ерекше білім беру қажеттілігі бар балалар саны 240 мыңнан асты. Осыған байланысты мемлекет нақты шараларды қолға алған.…

Түркістан облыстық мәслихатының төрағасы Нұралы Әбішовтың төрағалығымен Мемлекет басшысының Қазақстан халқына Жолдау құжатына қолдау білдіру, нақты міндеттер мен алдағы жоспарларды талқылау бойынша жиын өтті. Жиынға облыстық мәслихаттың әлеуметтік-мәдени даму, мемлекеттік-құқық, жергілікті өзін-өзі басқару және депутаттық этика мәселелері жөніндегі тұрақты комиссиясының төрағасы Алмас Салимов, облыстық денсаулық сақтау басқармасының басшысы Асхан Байдуалиев және облыстық мәслихат аппаратының қызметкерлері, сондай-ақ, барлық аудан, қалалық мәслихат төрағалары бейне-конференц байланыс арқылы қатысты. — Мемлекет басшысы Қасым-Жомарт Кемелұлы Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауы еліміздегі маңызды құжаттардың бірі. Жолдау жасанды интеллект және цифрлық даму, инвестиция тарту,…

Әзербайжан соңғы жылдары қауіпсіздік саласында айтарлықтай қам жасап, өз шекарасын жан-жақты қорғайтын көпқабатты ракеталық қалқан орнатуға кіріскен-ді. Бұрын тек «шекараны күзету» деген қарапайым ұғым болса, қазір ол заманауи технологиялардың, жасанды интеллектпен жабдықталған ұшқышсыз аппараттардың және ғарыштық спутниктердің басын қосқан күрделі жүйеге айналып отыр. Әзербайжан шекарасын енді тек құрлықтағы немесе теңіздегі әскерилер ғана емес, күні-түні кезекшілікте тұратын «Barak 8» пен «Arrow 3» секілді ең озық әуе шабуылына қарсы кешендер, жүздеген дрондар мен жоғары дәлдікті бақылау жүйелері күзетуде. Бұл жүйе тек көршілеріне ғана емес, бүкіл өңірге «шекарамызға жақындауға болмайды» деген хабар беріп тұр. Әсіресе Израильде жасалған «Arrow 3» кешенінің маңызы бөлек. Ол…