Автор: Асылхан Бөрібай

Алматы қаласы коммуналдық кәсіпорнының басшысы жемқорлық фактісі бойынша сотталды, — деп хабарлайды ErtenMedia.kz. Алматы қаласы Медеу ауданының № 2 сотында «Алматы тазалық» ШЖҚ МКК директоры А. Тоқтасынов пен «Қала көркейту» ЖШС жеке компаниясының директоры С. Байжанов жемқорлық дерегі бойынша сотталды. «Тоқтасынов Алматы қаласының көшелері мен тротуарларын күтіп ұстау бойынша қосалқы мердігерлік қызметтер шарттарын жасасқаны және орындалған жұмыстар актілеріне қол қойғаны үшін кәсіпкерден 2,7 млн теңге сомасында пара алған», — деп жазылған хабарламада. Сот үкімімен Тоқтасыновқа 81 млн теңге сомасында айыппұл, Байжановқа – 3 жыл және 6 ай бас бостандығынан айыру жазасы тағайындалды. Сот актісі заңды күшіне енген жоқ.

Азамат Сатыбалды «Қазақфильм» төрағасы қызметінен кететіні туралы ақпарат тарады, деп хабарлайды Ertenmedia.kz. Актердің киностудиямен арадағы келісімшартты ұзартқысы келмейтіні туралы мәлімет БАҚ-та жарияланды. Сатыбалдының өзі қазір халықаралық киножобаға түсу мақсатымен Қытайда жүр. Алайда Мәдениет және ақпарат министрлігі әлгі ақпаратты жоққа шығарып, Сатыбалдының қызметтен кетпегенін мәлімдеді. Азамат Сатыбалды «Қазақфильмді» басқарғалы киностудия айналасындағы дау-дамай көбейген. Парламент депутаттары кино өндірісіне бөлінген миллиардтаған қаражаттың тиімсіз жұмсалуын сынға алған еді. 2016-2022 жылдар аралығында «Қазақфильмге» мемлекет бюджетінен 14,5 млрд теңге қаржы бөлінгенімен, шығынның тек 4,8 пайызы ғана ақталған. Жақында киностудиямен байланысты тағы бір жанжал бұрқ етті. «Алтын адам» анимациялық фильмінің қызметкерлері жеті ай бойы жалақы алмағандарын айтып,…

Журналист Бақтияр Тайжан Олимпиада ойындарында бағы жанбай қалған Абиба Әбужақынованың үйі ипотекада екенін айтты, — деп хабарлайды ErtenMedia.kz. Оның сөзінше, Абиба — Өзбекстанның тумасы, сүті қазақ. Өзбекстан құрамасында бірінші болған. «Ала топылы ағайын жеме-жемге келгенде жауапты жарыстарға Әбибаны емес, оның көлеңкесінде жүрген өзбек қызын таңдайды. Ол үшін өзбек ағайындарды кіналауға болмас. «Қарына тартағанның қары сыпсып» деген бар. Реті келсе, біз де осындай таңдауда қазағымызға бұрып тұрамыз. Әбиба мен бірге тағы бір қазақ қызы Есмигүл Күюрова да тарихи Отанына оралды», — деді Бақтияр Тайжан. Өзбекстаннан елге келген танымал спортшылар, қазақ атын аспандатқан спортшылар аз емес. Дегенмен Абиба  Әбужақынованың жөні бөлек. Бүгінде Әбиба…

Экс-президент Нұрсұлтан Назарбаевтың тұңғышы Дариға мен кенжесі Әлия бітімге келуден бас тартты деп хабарлайды Ertenmedia.kz. Нұрсұлтан Назарбаевтың үлкен және кіші қыздары — Дариға мен Әлия арасындағы «қырғиқабақ» соғыс аяқталатын түрі жоқ. «Назарбаев олимптен тайғаннан кейін, әулет үлкендері Дариға мен Әлияны татуластырғысы келген. Себебі, Назарбаевтың отбасы ішіндегі кикілжің қазіргі «Жаңа Қазақстан» жағдайында оларға мүлде қажет емес. Алайда сіңлілердің бір-біріне деген өкпесі тым ауыр сияқты», — дейді, жағдаймен жақсы таныс DALA INSIDE дереккөзі. Олардың жанжалы Дариға Назарбаеваның ұлы Айсұлтанның есірткіге тәуелді болуынан басталған еді. Анасынан қашып кеткен Айсұлтанды Әлия өз қамқорлығына алады. Артынан Дариға баласын алып кетуге келгенде, Әлия оның «баланың психикасын бұзды» деп…

Желіде Олимпиадаға Қазақстан атынан қатысушыларға қатысты түрлі пікірталас жүріп жатыр. Соның бірі — дін тақырыбы. Журналист Ербол Жанатұлы споршылардың сөз саптауына қарап, түйткілді мәселені көтерді, — деп хабарлайды ErtenMedia.kz. «Елдос кеше «Олимпиада чемпионы болу тағдырыма жазылған екен» деді. Үндемедік. Себебі ол — чемпион. Ал біздің санамыз атақты мен билігі бар адамды сынай алмайды. Асланбек жеңіліп қалғанда «Аллаһтың қалауы солай болды» деді. Сынадық. Себебі біздің санамыз әлсіз бен жеңілгендерді таптап өтіп, үстіне жуынды құйып кетуге бейім. Танымал спортшыларды «қаба сақал, қырма мұрт» қауым құшағына басып алғаны ешкімді алаңдатпайды. Мемлекеттің, салық төлеушілердің қаржысымен бала кезден бапталып, биікке жеткен спортшы — халық өкілі, халық…

Париждегі Олимпиадада дзюдодан қола медаль жеңіп алған Ғұсман Қырғызбаев чемпион атанған Елдос Сметовпен не байланыстыратынын айтты, — деп хабарлайды ErtenMedia.kz. «Елдос екеміз бір-бірімізге құдамыз. Бір күні Елдос әйел баласымен үйіме қыдырып келді. Әңгіме арасында Елдос маған «екеуміз қаншама уақыттан бері бірге күресіп, бірге келе жатырмыз. Қайда барсақ та бірге барамыз. Оқу-жаттығу жиындарына да, жарыстарға да бірге аттанамыз. Арамыздан қыл өтпестей доспыз. Бірдеме айтсам ренжіп қалмайсың ба» деді. Көңілімде ештеңе жоқ, берден «айта бер, ренжімеймін» дедім. «Екеуміздің достығымыз мәңгілік болсын. Сенде қыз бар, менде ұл бар. Сенің қызыңа ұлымды қазақы дәстүрмен атастырғым келіп отыр. Бүгінгі достар болашақта құда-құдағи болайық» деді. Ауызым…

Жуырда Қостанайдағы имам алкоголь ішіп, түнгі клуб жанында ұсталған еді. Артынша өңірдің бас имамы Тәжімбет Бахытбек Нұрғабылұлы 15 тәулікке қамалды және 7 жылға көлік құралын басқару құқығынан айырылды. Кеше ҚМДБ Төрағасы, Бас мүфти Наурызбай қажы Тағанұлының бұйрығымен Қостанай облысының бас имамы болып Бектұрсын Уалиев  тағайындалды, — деп хабарлайды ErtenMedia.kz. Ол бұған дейін Қостанай қалалық «Марал Ишан» мешітінің имамы қызметін атқарды. Жаңадан тағайындалған бас имамды өңірдің дін қызметкерлеріне ҚМДБ Уағыз-насихат бөлімінің меңгерушісі Батыржан Мансұров таныстырып, ҚМДБ Төрағасы Наурызбай қажы Тағанұлының бұйрығын оқып берді.

Шымкент қаласының Спорт сарайы мемлекетке қайтарылды, — деп хабарлайды ErtenMedia.kz. Шымкент қаласының прокуратурасы заңсыз иемденілген активтерді мемлекетке қайтару бойынша жұмыс істеп жатыр. «Қала прокуратурасының талап арызы бойынша Шымкент қаласындағы Спорт сарайы (қазіргі Мұзсарайы) мемлекетке қайтарылды. 2017 жылы Шымкент қаласының «Спорт сарайы» ЖШС-ның 67,09% үлесі жекешелендіріліп, құны 1 млрд теңгеге, яғни нарықтық құнынан 8 есе аз сомаға сатылғаны анықталды. Сонымен қатар, Спорт сарайын сатып алған ұйым жекешелендіру рәсіміне заңсыз жіберілген және жарғылық құжаттарға сәйкес спорт саласындағы қызметтермен айналысуға құқығы жоқ болғандықтан, аукционға қатысушы ретінде тіркеле алмайды», — деп жазылған хабарламада. Спорт сарайы — оңтүстік өңірлерде қысқы спорт түрлеріне дайындайтын жалғыз орын.…

Тараз әкімдігінің лауазымды тұлғаларына қатысты сотқа дейінгі тергеп-тексеру басталды, — деп хабарлайды ErtenMedia.kz. Қаржылық мониторинг агенттігі Жамбыл облысының прокуратурасымен бірлесіп, Тараз қаласы әкімдігінің қаржы бөлімінің лауазымды тұлғаларына қатысты бірқатар заңбұзушылық бойынша сотқа дейінгі тергеп-тексеруді бастады. Қала әкімшілігінің қызметкерлері мемлекет кірісіне түскен тауарлық-материалдық құндылықтардың есепке алынбауын пайдаланып, ресми құжаттарды қолдан жасау жолымен соттардың үкімдері бойынша тәркіленген коммерциялық жылжымайтын мүлік пен халық тұтынатын тауарларды мекеменің балансынан заңсыз шығарып алған. «Бұл азаматтардың заңсыз әрекеттерінен келтірілген залал сомасы 100 миллион теңгеден асады. Қазір тергеу, тиісті сараптамалар жүргізіліп жатыр, олардың нәтижелері бойынша іс жүргізу шешімдері қабылданады», — деп жазылған хабарламада.

Экс-министр Қуантыров Үкіметке қайта келді, — деп хабарлайды Ertenmedia.kz. «Мемлекет басшысының өкімімен Әлібек Сакенұлы Қуантыров Қазақстан Республикасы Сыртқы істер министрінің орынбасары лауазымына тағайындалды», — деп жазылған Ақорда хабарламасында. Ал Назира Нұртүлеуқызы Нұрбаева Қазақстан Республикасы Сыртқы істер министрінің орынбасары лауазымынан босатылды. Әлібек Қуантыров 1983 жылы Атырау қаласында туған. Томск мемлекеттік университетін, Мичиган университетін бітірген. Еңбек жолын 2005 жылы ҚР Экономика және бюджеттік жоспарлау министрлігінде жетекші маманның м.а. болып бастады. 2005-2010 жылдары — ҚР Экономика және бюджеттік жоспарлау министрлігінде түрлі лауазымдарда жұмыс істеді. 2010-2013 жылдары — ҚР Қаржы министрлігінің Бюджеттік жоспарлау және болжамдау департаменті директорының орынбасары. 2013 жылы ҚР Индустрия және жаңа технологиялар…