Автор: Лейла Болтаева

Қазақстан мен Чехия құқық қорғау органдары азаматтардың жеке деректерін заңсыз таратқан халықаралық арнаны әшкереледі, деп жазады Ertenmedia.kz. Ішкі істер министрлігінің мәліметінше, күдіктілер Қазақстан және ТМД елдері азаматтарының персоналдық деректерін жабық интернет-ресурс арқылы сатқан. Клиенттер ақпаратқа ақша төлеп қол жеткізген. Құқық қорғаушылар арнайы операция барысында қылмыстық схеманы ұйымдастырды деген күдікке ілінген адамдарды ұстады. Тінту жұмыстары Чехияда, Астанада, Алматыда және Қарағандыда бір уақытта жүргізілген. ҚР ІІМ Киберқылмысқа қарсы іс-қимыл департаментінің бастығы Жандос Сүйінбайдың айтуынша, ұзақ жедел әзірлік пен үйлестірілген іс-қимыл халықаралық деңгейде жұмыс істеген топтың әрекетін тоқтатуға мүмкіндік берді. Тінту кезінде цифрлық тасымалдағыштар, қылмыстық әрекетке қатысы болуы мүмкін деректер және қолма-қол ақша…

Алматыдағы DoubleTree by Hilton қонақүйі төңірегіндегі дау қайта күн тәртібіне шықты. Мәжіліс депутаты Ермұрат Бапи қонақүйді қазіргі иелерінен заңсыз тартып алу әрекеті жүріп жатыр деп мәлімдеді. Ал Бас прокуратура бұл уәжбен келіспей, мәселе тек заңды күшіне енген сот шешімдерін орындауға қатысты екенін айтты, деп жазады Ertenmedia.kz. Ермұрат Бапи бұған дейін Hilton қонақүйі Кайрат Сатыбалдыұлына жақын адамдар арқылы алынғанын айтып, депутаттық сауал жолдағанын еске салды. Оның сөзінше, кейін Сатыбалдыұлы мемлекетке қайтарған активтердің қатарында осы қонақүй де болған. Депутаттың пайымдауынша, нысанға қатысты жағдай толық ашылмаған. Ол қонақүйдің кейін қайтадан Сатыбалдыұлына қатысы болуы мүмкін құрылымдар арқылы сатып алыну қаупі бар екенін айтты. Бапи қонақүйдің…

Маңғыстау облысының әкімі Нұрдәулет Қилыбай көрнекті ғалым, тарих ғылымдарының докторы, мемлекет және қоғам қайраткері Өмірзақ Озғанбайұлын 85 жас мерейтойымен құттықтады, деп жазады Ertenmedia.kz. Аймақ басшысы мерейтой иесіне арнайы құттықтау хат табыстады. Ол Өмірзақ Озғанбайұлының ел ғылымы мен қоғамдық-саяси өмірінің дамуына қосқан еңбегін ерекше атап өтті. Өмірзақ Озғанбайұлы Қазақстанның еңбек сіңірген қайраткері, тарих ғылымдарының докторы, профессор ретінде кеңінен танылған. Ол тәуелсіз Қазақстанның қоғамдық-саяси өміріне белсенді араласып, мемлекеттік қызметтің түрлі саласында абыройлы еңбек етті. Ғалым ұлт тарихын зерттеу, Алаш қайраткерлерінің мұрасын зерделеу және тарихи сананы жаңғырту бағытында маңызды еңбектер жазды. Оның ғылыми ізденістері отандық тарих ғылымының дамуына елеулі үлес қосты. Нұрдәулет Қилыбай…

17 маусымға арналған жұлдыз жорамал барлық белгіге үнсіздікпен, қызғанышпен және бір-бірін сынаумен ойнамауға кеңес береді, деп жазады Ertenmedia.kz. Күн ашық сөйлесуге, жеке шекараны қайта қарауға және өз әрекетіңіздің түбінде не жатқанын түсінуге қолайлы. Сенім бе, қорқыныш па, әлде бәрін бақылауда ұстауға ұмтылыс па – бүгін осы сұрақтарға жауап іздеген дұрыс. Тоқты Бүгін достық, ортақ жоба немесе ұжым ішіндегі шиеленіс байқалуы мүмкін. Бірден қарсы шабуылға өтпеңіз. Алдымен кім шынайы әрекет етіп жүргенін, кім тек өзіне назар аудартқысы келетінін аңғарыңыз. Кешке топтық чаттардан алыстап, ешкім жедел жауап талап етпейтін жеке іспен айналысқан дұрыс. Торпақ Күн бедел, жұмыс және айналаңыздың сізге берген бағасы…

Қазгидромет 17 маусым, сәрсенбі күнгі Қазақстан қалалары бойынша ауа райы болжамын жариялады, деп жазады Ertenmedia.kz. Синоптиктердің мәліметінше, елдің басым бөлігінде жаңбыр жауып, найзағай ойнайды. Кей өңірлерде жел күшейеді. Соған қарамастан күн ыстық болады. Астанада күн бұлтты. Жаңбыр жауып, найзағай ойнайды. Желдің екпіні секундына 15 метрге дейін жетуі мүмкін. Ауа температурасы түнде +16…+18 градус, күндіз +31…+33 градус болады. Алматыда да жаңбыр мен найзағай күтіледі. Желдің екпіні секундына 13 метрге дейін күшейеді. Түнде +21…+23 градус, күндіз +33…+35 градус ыстық болады. Шымкентте күн бұлтты. Жаңбыр жауып, найзағай ойнайды. Жел екпіні секундына 15-20 метрге дейін жетеді. Ауа температурасы түнде +18…+20 градус, күндіз +33…+35 градус…

«Қазақмыс» Ұлытау облысында геологиялық барлау жұмыстарын күшейтіп, бұрғылау көлемін ұлғайтып жатыр, деп жазады Ertenmedia.kz. Компания үшін минералдық-шикізат қорын кеңейту негізгі стратегиялық бағыттардың бірі саналады. Қазір геологиялық барлау жұмыстарының басым бөлігі Ұлытау облысында жүргізілуде. Бұл өңір Қазақстанның мыс өнеркәсібіндегі тарихи орталықтардың бірі. 2026 жылы «Қазақмыс» Жезқазған өңіріндегі геологиялық барлауға бөлінетін қаржыны айтарлықтай арттырды. Бұған дейін бұл мақсатқа жылына шамамен 5 млн АҚШ доллары бағытталса, қазір инвестиция көлемі 40 млн долларға дейін жеткізілген. Қаражат Жезқазған кен алабының терең қабаттарын зерттеуге, жаңа перспективалы учаскелерді іздеуге және өңірдің минералдық-шикізат қорын ұлғайтуға жұмсалады. Компания бұрғылау көлемін де арттырып отыр. Бұрын пайдалану мақсатындағы бұрғылау көлемі жылына…

Қазақстанда елді мекендерді абаттандырудың жаңа үлгілік қағидалары бекітілді. Жаңа талаптар 2026 жылғы 1 шілдеден бастап күшіне енеді, деп жазады Ertenmedia.kz. Өнеркәсіп және құрылыс министрінің бұйрығымен бекітілген құжат қала мен ауыл аумақтарын күтіп ұстауға қатысты ортақ тәртіпті айқындайды. Жаңа қағидалар тұрғындарға, бизнеске, ПИК пен ОСИ-ге, дүкендерге, дәмханаларға, құрылыс ұйымдарына және жеке үй иелеріне қосымша міндет жүктейді. Құжатта ауладағы көлік тұрағы, қоқыс шығару, қар мен мұз тазалау, үй жануарларын серуендету, сыртқы жарық, жарнама орналастыру және іргелес аумақтың жай-күйі нақты көрсетілген. Ең көзге түсетін өзгерістердің бірі көлік тұрағына қатысты. Енді көлікті көгалға, балалар алаңына, тротуарға және қоқыс контейнерлері орналасқан аумаққа қоюға тыйым салынады.…

АҚШ-та B-52 Stratofortress стратегиялық бомбалаушы ұшағы апатқа ұшырап, борттағы сегіз адам қаза тапты, деп жазады Ertenmedia.kz. Оқиға 15 маусымда Калифорния штатының оңтүстігіндегі Мохаве шөлінде орналасқан Эдвардс әуе базасында болған. Ұшақ ұшып көтеріле берген сәтте құлап, өртеніп кеткен. АҚШ Әуе күштері өкілдерінің мәліметінше, B-52 жоспарлы сынақ рейсін орындаған. Ұшу радарды жаңғырту бағдарламасы аясында жүргізілген. Әуе күштері полковнигі Джеймс Хейстің айтуынша, ұшақ бортында аралас экипаж болған. Олардың қатарында әскери қызметкерлер, үкіметтік азаматтық мамандар және мердігер компания өкілдері бар. Boeing компаниясы қаза тапқандардың арасында екі қызметкері болғанын растады. Құрбандардың аты-жөні әзірге жарияланған жоқ. Әскери ведомство алдымен олардың жақындарына хабар берілуі керек екенін мәлімдеді.…

2026 жылдың басында мұнай нарығы мүлде басқа сценарийге дайындалып жатқан еді. Сарапшылар артық ұсыныс, қордың көбеюі және бағаның төмендеуі туралы көбірек айтқан. Бірақ АҚШ, Израиль және Иран арасындағы қақтығыс бұл болжамды қысқа мерзімде өзгертті, деп жазады Ertenmedia.kz. Нарық тағы бір ескі шындықты еске алды. Мұнай бағасын тек өндіріс көлемі анықтамайды. Баррельді сатып алушыға жеткізу мүмкіндігі де шешуші рөл атқарады. Ормуз бұғазы төңірегіндегі жағдай шиеленіскеннен кейін нарықтағы көңіл күй күрт өзгерді. Бұған дейін трейдерлер профицит туралы айтса, енді басты тақырып жеткізу тапшылығы болды. Ормуз бұғазы әлемдік энергетика үшін аса маңызды бағыт саналады. Қалыпты жағдайда бұл су жолы арқылы күн сайын миллиондаған…

Ұйғыр ауданында республикалық «Таза Қазақстан» бағдарламасы аясында «Жасыл мекен – жарқын келешек» атты жастардың экологиялық акциясы өтті, деп жазады Ertenmedia.kz. Іс-шара Асамбай асуы аумағында ұйымдастырылды. Негізгі мақсат – жастар арасында экологиялық мәдениетті қалыптастыру, қоршаған ортаны қорғау және туған жер табиғатына жауапкершілікпен қарауды насихаттау. Акция барысында қатысушылар санитарлық тазалау және абаттандыру жұмыстарын жүргізді. Аумақтағы тұрмыстық қалдықтар жиналып, табиғи орта қоқыстан тазартылды. Шараға ауданның белсенді жастары, еріктілер, тұрғындар және түрлі мекеме қызметкерлері қатысты. Жалпы 100 адам туған өлкенің тазалығын сақтауға өз үлесін қосты. Ұйымдастырушылар акция кезінде табиғатты қорғау және экологиялық жауапкершілікті арттыру бағытында түсіндіру жұмыстарын да өткізді. Жастар қоршаған ортаны таза ұстау,…