Автор: Лейла Болтаева

Air Astana компаниясын ұзақ жыл басқарған Питер Фостер енді Alatau Air Cargo жүк авиакомпаниясының директорлар кеңесіне тәуелсіз директор қызметіне кірісті. Бұл тағайындау бір қарағанда кезекті корпоративтік шешім сияқты көрінуі мүмкін, деп жазады Ertenmedia.kz. Alatau Air Cargo бұрын KTZ Air Cargo атауымен белгілі болған. Компания 2025 жылдың соңында KTZ Express негізінде құрылған еді. Кейін оның акционерлік құрылымына Тимур Турловтың жеке холдингі кірді. Ашық деректерге сүйенсек, Turlov Private Holding қосымша эмиссия арқылы компанияның 50,98 пайыз үлесін алған. KTZ Express еншісінде 49,02 пайыз пакет қалған. Акционерлер 22 мамырда жүк тасымалдаушының директорлар кеңесін жаңарту туралы шешім қабылдаған. 2026 жылғы 30 қаңтарда бекітілген бұрынғы құрамның…

Қазақстанның бірқатар өңірінде 18 маусым, бейсенбі күні жаңбыр жауып, найзағай ойнайды, кей аймақта жел күшейеді, деп жазады Ertenmedia.kz. «Қазгидромет» ұсынған болжамға сәйкес, елдің бірнеше қаласында күн бұлтты болып, өткінші жаңбыр мен найзағай күтіледі. Кей өңірде аптап ыстық сақталып, ауа температурасы күндіз +38 градусқа дейін көтеріледі. Оңтүстік пен орталық аймақта желдің екпіні секундына 15-20 метрге жетуі мүмкін. Астанада күн құбылмалы бұлтты болады. Жаңбыр жауып, желдің жылдамдығы секундына 7-12 метрге жетеді. Күндіз екпіні 15-18 метрге дейін күшеюі ықтимал. Түнде ауа температурасы +17…+19 градус, күндіз +32…+34 градус шамасында болады. Алматыда күн бұлттанып, жаңбыр жауады, найзағай ойнайды. Жел секундына 3-8 метр, екпіні 13 метрге…

Атырауда өткен «Қазыналы Каспий – 2026» фестивалі Каспий экожүйесін сақтау, балық шаруашылығын дамыту және акваөсіру саласына жаңа серпін беру мәселесін кең талқылаған халықаралық алаңға айналды, деп жазады Ertenmedia.kz. Фестиваль аясында теңіз экологиясын қорғау, балық қорын көбейту, заманауи технология енгізу және экологиялық мәдениетті қалыптастыруға бағытталған бірқатар іс-шара ұйымдастырылды. Каспий маңы елдері үшін ортақ маңызы бар тақырыптар форум мінберінде де, практикалық акциялар барысында да көтерілді. Халықаралық форумда Атырау облысының әкімі Серік Шәпкенов Каспий теңізіндегі экологиялық тепе-теңдікті сақтау үшін мемлекетаралық әріптестікті күшейту қажет екенін айтты. Оның сөзінше, климаттың өзгеруі, теңіз деңгейінің құбылуы және антропогендік қысымның артуы балық қорын сақтауды бұрынғыдан да өзекті етіп…

Конституциялық сот ата-ананың баласымен кездесу құқығын жеке сот орындаушысына төленетін ай сайынғы ақыға тәуелді ететін норманы Конституцияға сай емес деп таныды, деп жазады Ertenmedia.kz. Қазақстан Республикасы Конституциялық сотының 2026 жылғы 11 маусымдағы №86-НП нормативтік қаулысы 16 маусымнан бастап күшіне енді. Құжат бүкіл ел аумағында міндетті сипатқа ие, түпкілікті шешім болып саналады және шағымдануға жатпайды. Конституциялық сот азамат С.В. Харахориннің өтінішін қарап, баласымен кездесу тәртібін сот арқылы белгілеткен ата-анадан жеке сот орындаушысының қызметі үшін ақы өндіріп келген норманы заңға қайшы деп таныды. Бұған дейін бала тәрбиесі мен қарым-қатынас тәртібіне қатысты сот шешімін орындату үшін жүгінген ата-ана да, сот шешімін орындаудан жалтарған…

«Қазақмыс» Жезқазған өндірістік алаңын жаңғыртуға бағытталған ауқымды инвестициялық бағдарламаны жүзеге асырып жатыр, деп жазады Ertenmedia.kz. «Қазақмыс» компаниялар тобының иесі Нұрлан Артықбаев Қазақстанның Өнеркәсіп және құрылыс министрі Ерсайын Нағаспаевпен бірге Жезқазған өндірістік алаңының негізгі нысандарын аралап, өндірістің қазіргі жағдайымен және жаңғырту жобаларымен танысты. Жұмыс сапары кезінде инвестициялық жобаларды іске асыру барысы, өндіріс тиімділігін арттыру, өнеркәсіптік қауіпсіздікті күшейту, экологиялық жаңғырту және өндірістік қуатты одан әрі дамыту мәселесі қаралды. Компания үшін Жезқазған алаңы стратегиялық маңызы бар өндірістік хаб саналады. Сондықтан мұндағы технологиялық жаңару тек кәсіпорын жұмысына ғана емес, өңір экономикасына да ықпал ететін маңызды бағыт ретінде бағаланып отыр. Сапар барысында Жезқазған мыс балқыту…

Қарағанды облысының Ақбел ауылында ерікті өртке қарсы құралым ашылды. Ашылу рәсіміне Қазақстан Республикасының Төтенше жағдайлар министрі, генерал-лейтенант Шыңғыс Әрінов қатысты. Ол Қарағанды облысының Бұқар жырау ауданына жұмыс сапары барысында жаңа нысанның жұмысымен танысты, деп жазады Ertenmedia.kz. Ерікті өртке қарсы құралым Төтенше жағдайлар министрлігінің «Ауыл құтқарушылары» бағдарламасы аясында ашылды. Жоба ауылдық елді мекендердегі қауіпсіздік деңгейін арттыруға бағытталған. Бағдарлама шалғай ауылдарда төтенше жағдайларға жедел ден қою мүмкіндігін күшейтуді көздейді. Әсіресе кәсіби өрт сөндіру бөлімшелері алыста орналасқан елді мекендер үшін мұндай құралымдардың маңызы зор. Ақбел ауылындағы бөлімшеге өрт сөндіру автоцистернасы берілді. Сонымен қатар жеке қорғаныс құралдары, радиостанциялар, заманауи байланыс құралдары және өрт сөндірушінің…

Алакөл жағалауында шомылу маусымына дайындық күшейтіліп, демалушылардың қауіпсіздігі тәулік бойы бақылайды, деп жазады Ertenmedia.kz. Жетісу облысы әкімінің баспасөз қызметінің мәліметінше, соңғы жылдары Алакөл көліндегі қауіпсіздік мәселесіне ерекше назар аударылып келеді. Биыл жағалау аумағында тәулік бойы кезекшілік ұйымдастырылып, оған 14 құтқарушы мен 11 моторлы қайық тартылған. Қоғамдық тәртіпті сақтау үшін маусым кезінде 50 полиция қызметкері жұмыс істейді. Олардың қызметіне 16 автокөлік пен 5 дрон берілген. Демалушылардың өмір қауіпсіздігін қамтамасыз ету мақсатында жағалау бойына 40 құтқару мұнарасы орнатылып, 13 шақырымға буйк желісі тартылды. Сонымен бірге 39 бейнебақылау камерасы іске қосылып, 7 пирс пайдалануға берілген. Мұның бәрі көл жағалауындағы бақылауды күшейтіп, төтенше жағдайға…

Қазақстанда шұғыл қауіп төнген жағдайда байланыс пен интернетті уақытша өшіруге мүмкіндік беретін норма Конституцияға сай деп танылды, деп жазады Ertenmedia.kz. Конституциялық сот «Байланыс туралы» заңның 41-1-бабы 1-2-тармағын қарады. Іс азамат Е.М. Қабышевтің өтініші бойынша қаралған. Өтініш иесі 2022 жылғы қаңтар оқиғасы кезінде Алматыда интернет пен байланыс қызметтерінің өшірілуін заңсыз деп есептеген. Оның пікірінше, аталған норма азаматтардың ақпарат алу және сот арқылы қорғалу құқығын шектейді. Конституциялық сот бұл уәждерді қарап, даулы норманы Конституцияға сәйкес деп таныды. Аталған бап Ұлттық қауіпсіздік комитетінің лауазымды тұлғаларына шұғыл жағдайларда байланыс желілері мен интернетке қолжетімділікті уақытша тоқтатуға құқық береді. Мұндай шара ауыр және аса ауыр қылмыстардың алдын…

Жетісу облысында Балқаш жағалауындағы туризмді дамыту мақсатында Лепсі ауылындағы әлеуметтік және көлік инфрақұрылымы жаңартылып жатыр, деп жазады Ertenmedia.kz. Облыс әкімі Бейбіт Исабаев Сарқан ауданына жұмыс сапары барысында Лепсі ауылындағы бірқатар нысанның құрылыс және жөндеу жұмыстарымен танысты. Ең алдымен өңір басшысы жаңа теміржол вокзалы салынып жатқан құрылыс алаңына барды. Нысанды пайдалануға беру осы жылдың тамыз айына жоспарланған. Жаңа вокзал іске қосылғаннан кейін жолаушыларға қауіпсіз әрі сапалы қызмет көрсетуге мүмкіндік береді. Сонымен қатар Балқаш жағалауына келетін туристер үшін көлік қолжетімділігін арттырады. Мердігер ұйым директорының бірінші орынбасары Медет Омархановтың айтуынша, қазіргі таңда құрылыс жұмыстарының 45 пайызы аяқталған. Іргетастың монолитті-бетон жұмыстары толық біткен. Қазір…

Қазақстан Халық партиясы фракциясының депутаттары шетелдік қаржыландыру туралы жарияланатын мәліметтерді кеңейтуді ұсынды. Мәжіліс депутаты Магеррам Магеррамов осы мәселе бойынша Премьер-министрдің орынбасары, мәдениет және ақпарат министрі Аида Балаеваға депутаттық сауал жолдады, деп жазады Ertenmedia.kz. Бұған Мемлекеттік кірістер комитетінің шетелдік көздерден қаржыландыру алатын жеке және заңды тұлғалардың жаңартылған тізілімін жариялауы себеп болды. Жаңа тізілімде алғаш рет қаржы алушылармен бірге бөлінген қаражат көлемі және оның қайдан түскені туралы деректер көрсетілген. Депутаттың айтуынша, 2025 жылдың екінші жартыжылдығында Қазақстанға шетелдік көздерден 12 млрд теңгеден астам қаржы түскен. Магеррам Магеррамов бұл қаражаттың едәуір бөлігі өзін құқық қорғау, медиа және сараптамалық ұйым ретінде таныстыратын құрылымдарға бағытталғанын айтты. Оның…