Автор: Лейла Болтаева

Астанадағы Максим Горький атындағы мемлекеттік академиялық орыс драма театрына «ұлттық» мәртебе беру туралы шешім қабылданды, деп жазады Ertenmedia.kz. Президент Қасым-Жомарт Тоқаев мәдениет және өнер қызметкерлерін марапаттау рәсімінде театрға ұлттық мәртебе берілетінін мәлімдеген еді. Өнер ұжымы Мемлекет басшысының шешімін отандық мәдениетке көрсетілген жоғары құрмет, шығармашылық қауымдастықтың көпжылдық еңбегіне берілген әділ баға ретінде қабылдады. Максим Горький атындағы театр еліміздегі ең көне мәдениет ошақтарының бірі саналады. Биыл өнер ордасының құрылғанына 125 жыл толып отыр. Бір ғасырдан астам уақыт бойы театр елордадағы рухани кеңістіктің маңызды тірегіне айналып, көрерменге классикалық және заманауи қойылымдарды ұсынып келеді. Театр директоры Ғани Кәрімовтің айтуынша, Президент шешімі ұжым үшін тарихи…

Тарбағатай ауданының орталығы – Ақжар ауылында заманауи дене шынықтыру-сауықтыру кешені пайдалануға берілді. «Ауыл – ел бесігі» мемлекеттік бағдарламасы аясында салынған нысан ауыл тұрғындарын сапалы спорт инфрақұрылымымен қамтып, бұқаралық спортты дамытуға бағытталған. Бұл – соңғы уақытта Тарбағатай ауданында ел игілігіне берілген екінші ірі спорт нысаны. Жалпы аумағы 1284,20 шаршы метрді құрайтын кешен бір ауысымда 47 адамды қабылдай алады. Мұнда баскетбол, волейбол, шағын футбол, теннис, бадминтон, бокс, қазақ күресі және ауыр атлетикамен айналысуға барлық мүмкіндік жасалған. Спорт залдары қажетті құрал-жабдықтармен толық жабдықталған. Сонымен қатар, ғимаратта жуыну және киім ауыстыру бөлмелері, дәрігер кабинеті, жаттықтырушыларға арналған арнайы бөлмелер қарастырылған. Жаңа спорт кешенінің ашылу салтанатына…

Қазақстан Қытаймен қарым-қатынаста бір мезгілде екі бағыт бойынша әрекет етіп жатыр. Бір жағынан, елдер арасындағы жүк тасымалын жеңілдетіп, автокөлік тасымалына квоталарды алып тастаса, екінші жағынан қытай маркетплейстерінен келетін жеке сәлемдемелерге қосымша құн салығын (ҚҚС) енгізбек, деп жазады Ertenmedia.kz. Жеке пайдалануға арналған сәлемдемелерге салынатын жаңа салық қарапайым сатып алушыларға әсер етеді. Мемлекет енді барлық осындай сәлемдемелерден ҚҚС жинамақ. Бұл міндет курьерлік компанияларға жүктеледі. Салық қауіпсіздігі жөніндегі сарапшы Дмитрий Казанцев бұл механизмді былай түсіндірді: «Жеке тұлғалар осы жаздан бастап шетелден тапсырыс берген тауарлары үшін қосымша салық төлейді. ҚҚС сәлемдемені жеткізуші компаниялар арқылы ұсталады. Осылайша мемлекет нарықтағы бәсекелестікке тікелей араласпайды, тек оған қосымша…

Қазақстанда мерзімді депозит көлемі соңғы тоқсанда екі есеге жуық өсіп, өткен жылмен салыстырғанда 12 еседен астам артқан, деп жазады Ertenmedia.kz. Базалық мөлшерлеме тұрақты болғандықтан, банктер депозиттердің тартымды пайыздық мөлшерлемесін сақтап қалды. Ал елдегі инфляция 2026 жылдың бірінші тоқсанында 11%-ға дейін төмендеген. Бұл жағдай теңгелік депозиттердің мәртебесін нығайтып, оны инфляциядан қорғайтын құрал ғана емес, нақты табыс көзі ретінде қалыптастырды. Осылайша халықтың жинақтау әрекеті күшейе түскен. Қазақстанның депозиттерге кепілдік беру қоры мамандарының айтуынша, ұлттық валютаның нығаюы теңгелік депозиттерге деген қызығушылықты арттыра түскен қосымша факторға айналды. Мерзімді депозиттердің көлемі жыл басынан бергі үш ай ішінде екі есеге жуық өссе, жылдық көрсеткіш бойынша 12 еседен…

Қазақстанда 2026 жылдың 1 маусымынан бастап жылжымайтын мүліктің техникалық паспортын және кадастрлық паспорттың көшірмесін рәсімдеу толықтай онлайн форматқа ауысады, деп жазады Ertenmedia.kz. Бұл қызмет түрлеріне өтініш қабылдау ХҚКО арқылы тоқтатылады. Енді құжатты рәсімдеу тек қана eGov.kz порталы мен eGov mobile мобильді қосымшасы арқылы жүргізіледі. Жаңа өзгерістер құжат рәсімдеу процесін толығымен қашықтан жүргізуге мүмкіндік береді. Яғни өтінішті беруден бастап дайын құжатты алуға дейін азаматтар үйден шықпай-ақ электронды түрде рәсімдей алады. Пайдаланушылар енді құжатты рәсімдеу үшін бөлек төлем жасап немесе дайын құжатты алу үшін ХҚКО-ға келудің қажеті жоқ. Құжатты рәсімдеу үшін азамат eGov.kz порталында авторизациядан өтіп, қажетті қызметті таңдап, мәліметтерді толтырып, өтініш…

Әнші Әли Оқапов анасы, Қазақстанның халық әртісі Роза Рымбаеваға ерекше сыйлық жасап, көпшіліктің жүрегін елжіретті, деп жазады Ertenmedia.kz. Әли бұл тосынсыйды алдын ала ойластырған. Анасына ештеңе сездірмей, оны автосалонға шақырған. Сырттай қарағанда бәрі қарапайым кездесу секілді көрінген. Әнші анасына «қызметкерлермен естелік суретке түсеміз» деп түсіндірген екен. Алайда салтанатты сәтте жаңа автокөліктің кілті Роза Рымбаеваның өзіне табысталғанда, өнер иесі ерекше толқып кетті. Қазақ сахнасының ерке үніне айналған әнші сол сәтте ана ретінде баласының мейірімі мен ықыласын сезінді. Қуанышын жасыра алмай, тебіренген сәті көпшілікке де жылы әсер қалдырды. Роза Рымбаева қазақ эстрадасының жарық жұлдызы. КСРО және Қазақстанның халық әртісі атанған өнер иесі…

Александр Лукашенко Жоғары Еуразиялық экономикалық кеңестің отырысында утилизациялық алым мөлшерін сынға алды, деп жазады Ertenmedia.kz. Беларусь басшысы өз сөзінде одақтың өнеркәсіптік саясаты ақсап тұрғанын айтып, мысал ретінде автомобиль өндірісін келтірді. – Одақтың құрылуының басында біз компоненттер базасын дамытуға бірлесіп инвестиция тартамыз деп келіскен едік. Ал қазір не болды? Әркім өз нарығын жауып алды, тышқан да өте алмайды. Утилизациялық алым мөлшері жуырда көліктің өз құнынан асып кететін шығар. Біздің одақ жайлы айтып отырғанымыз қайда қалды? – деді Александр Лукашенко. 2026 жылдың 8 мамырынан бастап Қазақстанға Беларусь пен Ресейден әкелінетін автокөлік пен  ауыл шаруашылығы техникасына утилизациялық алымның жаңартылған мөлшерлемесі қолданылуда.

30 мамыр, сенбі күніне арналған Қазақстан бойынша ауа райы болжамын «Қазгидромет» жариялады, деп жазады Ertenmedia.kz. Астана қаласында ауа райы құбылмалы, жауын-шашын болмайды. Желдің жылдамдығы – 9-14 м/с. Ауа температурасы түнде +13…+15°C, күндіз +30…+32°C аралығында. Алматыда жауын-шашынсыз, күн ала бұлтты. Желдің жылдамдығы – 3-8 м/с. Түнде ауа температурасы +15…+17°C, күндіз +29…+31°C. Шымкентте жауын-шашынсыз, күн райы ашық болады. Жел 8-13 м/с жылдамдықпен соғады. Түнде +16…+18°C, күндіз +32…+34°C аралығында. Ақтауда күн райы құбылмалы, жауын-шашын күтілмейді. Желдің екпіні 9-14 м/с, кей жерлерде 15-18 м/с дейін күшейеді. Түнде ауа температурасы +14…+16°C, күндіз +20…+22°C. Ақтөбеде ауа райы бұлтты, жаңбыр жауып, найзағай ойнайды. Желдің жылдамдығы – 7-12…

Алматы әлемдегі ең жылдам дамып келе жатқан технологиялық экожүйелер рейтингінде тоғызыншы орынға ие болды. Бұл туралы Dealroom.co аналитикалық платформасы дайындаған «The Global Tech Ecosystem Index 2026» есебінде айтылған, деп жазады Ertenmedia.kz. Өткен жылмен салыстырғанда, Алматы бұл рейтингте екі сатыға көтерілген. Рейтинг әлемнің әртүрлі елдері мен қалаларындағы технологиялық экожүйелердің дамуын бағалайды. 2026 жылғы зерттеуде 77 елдің 325 қаласы талданған. «Rising Stars» категориясы қарқынды дамып келе жатқан, жаңа нарықтарға арналған. Рейтинг құру кезінде абсолютті көрсеткіштер ғана емес, аймақтың экономикалық даму деңгейін ескере отырып, технологиялық сектордың өсу қарқыны да есепке алынады. Dealroom әдіснамасына сәйкес, экожүйелердің даму көрсеткіштері венчурлық инвестиция көлемі, технологиялық компаниялардың жалпы құны,…

Олимпиада чемпионы Михаил Шайдоровтың сұхбатынан кейін қоғамда оның жалақысы, мемлекеттік төлемдер және Қазақстан құрамасымен жаңа келісімшарт шарттарына қатысты мәселелер қызу талқылануда. Спортшы бірнеше ай бойы жалақы алмай жүргенін, сондай-ақ спорттық атақ беру және мемлекет тарапынан көзделген қолдау шараларын ұсыну мәселелерін көтерді. Zakon.kz редакциясы осы мәселеге қатысты түсініктеме беруін өтініп, ҚР Туризм және спорт министрі Ербол Мырзабосыновқа жүгінді. Ведомство басшысы туындаған жағдайдың себептерін егжей-тегжейлі түсіндіріп, олимпиада чемпионына қатысты мәселелердің қазір қандай кезеңде екенін айтып берді. – Соңғы күндері Михаил Шайдоров төңірегіндегі жағдай белсенді талқыланып жатыр. Спортшы бес ай бойы жалақы алмағанын айтты. Неліктен осындай жағдай туындады? – Ең алдымен мынаны атап…