Автор: Лейла Болтаева

Қазақстан биыл Еуразиялық экономикалық одақ органдарына төрағалық ету миссиясын атқаруда, деп жазады Ertenmedia.kz. Сарапшы Айбар Олжайдыңайтуынша, еліміз бұл кезеңді тиімді пайдаланып, одаққа мүше мемлекеттердің ортақ игілігін арттыру жолында жүйелі жұмыстар атқарды. Президент Қасым-Жомарт Тоқаев үнемі ЕАЭО-ның экономикалық әлеуетін нығайту қажеттігіне назар аударып келеді. Сондай-ақ, интеграциялық бірлестіктің басым бағыттарын айқындап, нақты міндеттер жүктеуде. Оның ойынша, одақ шеңберінде өткізілетін саммиттер мен кездесулер барысында мемлекет басшылары маңызды жобалар бойынша жол карталарын пысықтап, үкіметаралық қаржыландыру тетіктерін келісіп, бірлескен бастамаларды жеделдетуге күш салуда. Алдағы уақытта бұл механизм жаңа сипатқа ие болады. Себебі қазір әлем жаппай цифрлық трансформация мен жасанды интеллект дәуіріне аяқ басты. Сондықтан уақыт…

Маңғыстау облысының әкімі Нұрдәулет Қилыбай Ақтау қаласындағы Азаматтарды қабылдау орталығында тұрғындарды жеке мәселелері бойынша қабылдады, деп жазады Ertenmedia.kz. Қабылдауға алдын ала жазылған азаматтар жұмысқа орналасу, тұрғын үй, жер мәселесі, әлеуметтік қолдау, еңбек даулары мен инфрақұрылымға байланысты түрлі өтініштерін жеткізді. Атап айтқанда, Мұнайлы ауданына қарасты Атамекен ауылындағы жерасты су деңгейінің көтерілуі салдарынан тұрғын үйлерді су басу мәселесі қозғалды. Сондай-ақ балаларға арналған ойын алаңдарын салу, тұрғын үй кезегін реттеу, өндірістік мекемелерге жұмысқа орналасу мүмкіндіктері және еңбек құқықтарының сақталуына қатысты мәселелер қаралды. Өңір басшысы әр тұрғынның өтінішін мұқият тыңдап, көтерілген мәселелерді шешу үшін жауапты басқармалар мен жергілікті атқарушы органдарға нақты тапсырмалар берді. Мәселелердің…

Қазақстанда мерзімді депозит көлемі соңғы тоқсанда екі есеге жуық өсіп, өткен жылмен салыстырғанда 12 еседен астам артқан, деп жазады Ertenmedia.kz. Базалық мөлшерлеме тұрақты болғандықтан, банктер депозиттердің тартымды пайыздық мөлшерлемесін сақтап қалды. Ал елдегі инфляция 2026 жылдың бірінші тоқсанында 11%-ға дейін төмендеген. Бұл жағдай теңгелік депозиттердің мәртебесін нығайтып, оны инфляциядан қорғайтын құрал ғана емес, нақты табыс көзі ретінде қалыптастырды. Осылайша халықтың жинақтау әрекеті күшейе түскен. Қор мамандарының айтуынша, ұлттық валютаның нығаюы теңгелік депозиттерге деген қызығушылықты арттыра түскен қосымша факторға айналды. Мерзімді депозиттердің көлемі жыл басынан бергі үш ай ішінде екі есеге жуық өссе, жылдық көрсеткіш бойынша 12 еседен астам жоғарылаған. Осы…

APEC PetroTechnic колледжі студенттері «World Skills Atyrau 2026» чемпионатында кәсіби шеберліктерін көрсетті, деп жазады Ertenmedia.kz. WorldSkills қозғалысы Қазақстанда жұмысшы мамандықтарының беделін арттырып, техникалық-кәсіптік білім беру жүйесін халықаралық деңгейге сәйкестендіру мақсатында жүзеге асырылып жатқан маңызды жобалардың бірі. Бұл чемпионат жас мамандарға кәсіби шеберліктерін шыңдап, тәжірибе алмасуға және еңбек нарығының заманауи талаптарына сай болуға мүмкіндік береді. Өңірлік чемпионатқа APEC PetroTechnic жоғары колледжінің студенттері белсенді атсалысуда. Колледжден қатысып жатқан жастар 9 құзыреттілік бойынша бақ сынап, оқу орнының абыройын арттыруға бар күшін салуда. Мұндай сайыстар студенттердің болашақ маман ретінде қалыптасып, өндірістік тәжірибеге бейімделуіне айтарлықтай ықпал етеді. «Мұнай және кен орындарын пайдалану» мамандығының студенті Марат…

Алматы қаласында биыл жыл басынан бері құрылыс нысандарына қатысты 600-ден аса жоспардан тыс тексеру жүргізілді, деп жазады Ertenmedia.kz. Қала әкімі Дархан Сатыбалдының тапсырмасымен Алматыда құрылыс талаптарының сақталуын қадағалау және заңсыз салынған нысандарды анықтау жұмыстары күшейтілді. Қалалық құрылыс бақылауы басқармасының мәліметінше, 2026 жылдың басынан бері 658 жоспардан тыс тексеріс жасалған. Тексеру қорытындысында құрылыс талаптарын бұзғандарға әкімшілік шара қолданылып, анықталған кемшіліктерді жою бойынша 261 ұйғарым берілген. Қазір соттарда құрылыс нормаларын бұзу бойынша 37 іс қаралып жатыр. Оның 24-і – заңсыз салынған нысандарды бұзу туралы талап-арыздар. Жыл басынан бері Алматыда 36 құрылыс нысаны толық немесе ішінара бұзылған. Сондай-ақ, қалалық әділет департаментінің орындауында тағы…

Үндістан мен Қытай арасында шекара мәселесіне байланысты ұзақ уақытқа созылған текетірес енді бәсеңдей бастағаны белгілі. Осы тұста, үнді кинематографиясы 2020 жылғы Галван алқабындағы қақтығысқа арналған фильмдердің атауларын ауыстырып, сценарийлерін қайта жазуда, деп жазады Ertenmedia.kz. South China Morning Post басылымының 28 мамырдағы хабарына сәйкес, Үндістан үкіметі жақында жергілікті киностудияларға арнайы нұсқаулық таратты. Бұл құжатта кино саласындағы компанияларға «Қытайға сын айтудан бас тарту» жөнінде ұсыныс берілген. Екі ірі азиялық державаның дипломатиялық қарым-қатынасы жылыған шақта, Галван алқабындағы қақтығысты бейнелейтін фильмдер осы саяси реформаның негізгі нысанасына айналды. Мұның алғашқы әрі ірі «құрбандарының» бірі – Болливудтың жұлдызы Салман Хан басты рөлді сомдайтын әскери фильм. Алғашында…

2026 жылдың басынан бастап Қазақстанда қымбат жылжымайтын мүлік иелері үшін мүлік салығының жаңа тәртібі күшіне енді, деп жазады Ertenmedia.kz. Енді жеке тұлғаның иелігіндегі барлық нысандардың жалпы құны 450 млн теңгеден асқан жағдайда, мүлік салығы осы жиынтық құн негізінде есептеледі. Бұл туралы Мемлекеттік кірістер комитеті Informburo.kz агенттігінің ресми сауалына берген жауабында мәлімдеді. Жаңа ережеге сәйкес, салық есебіне тұрғын үйлер, ғимараттар, саяжай құрылыстары, гараждар, көлік тұрақтары және басқа да жылжымайтын мүлік түрлері кіреді. Ал жер телімдерінің құны бұл есепке қосылмайды. Мүліктің жалпы құнын «Азаматтарға арналған үкімет» мемлекеттік корпорациясы әр жылдың 1 қаңтарындағы жағдай бойынша анықтайды. Дегенмен комитет өкілдері корпорация анықтайтын бұл баға…

«Тұрсынбектің көлеңкесінде қалып қойған» Мөлдір Мұқанның өнері желі қолданушыларын тәнті етті, деп жазады Ertenmedia.kz. Әнші Жазира Байырбекова мен Жанболат Ербатыровтың шаңырағында қонақта болған Мөлдір Мұқан ерекше өнерімен көпшілікті таңғалдырды. Белгілі жұптың үйіне арнайы «келін шайға» барған әнші сол кеште фортепиано мен гитараның құлағында ойнап, жиналғандардың көңілінен шықты. Әсіресе Жазира Байырбекованың қазақтың танымал әндерін Мөлдірдің сүйемелдеуімен шырқаған сәті көпшіліктің ықыласына бөленді. «Бүгінгі концертмейстерім – Мөлдір Мұқан. Оның осындай бесаспап екенін білетін бе едіңіздер?» – деп жазды Жазира Байырбекова әлеуметтік желіде. Желі қолданушылары бұл бейнежазбаға бірден жылы лебіздерін білдіріп, пікірлерін жарыса жазып жатыр. «Мөлдір мықты музыкант екен», «Қандай жан-жақты, пысық, талантты келіншек»,…

Алматы қаласындағы Бас ботаникалық бақ жоспарлы санитарлық жұмыстарға байланысты уақытша жабылады, деп жазады Ertenmedia.kz. Мекеме әкімшілігінің хабарлауынша, 2 маусым күні бақ аумағына кіруге уақытша шектеу қойылады. Дегенмен келесі күннен бастап ботаникалық бақ қалыпты режимде қайта жұмыс істейді. Келушілерді күнделікті сағат 09:00-ден 20:00-ге дейін қабылдайды. Сонымен қатар, бақ әкімшілігі кассалардың жұмысында сағат 15:00-ден 15:30-ға дейін техникалық үзіліс болатынын еске салады. Сондай-ақ, санитарлық жұмыстардың күні техникалық себептерге немесе мемлекеттік мерекелерге сәйкес келген жағдайда өзгеруі мүмкін. Алматыдағы Бас ботаникалық бақ, әсіресе жаз мезгілінде серуендеуді, жүгіруді және отбасылық демалысты ұнататын тұрғындар үшін ең танымал орындардың бірі болып табылады.

2025 жыл Қазақстандағы метеобақылаулар тарихындағы ең ыстық жыл болып тіркелді, деп жазады Ertenmedia.kz. «Қазгидромет» дайындаған талдамалы шолуда былтырғы климаттың негізгі ерекшеліктері егжей-тегжейлі сипатталған. Құжатта ауа температурасы, жауын-шашын мөлшері, қар жамылғысының жай-күйі, агроклиматтық жағдайлар, Каспий теңізі мен Балқаш көлінің деңгейіне қатысты толық мәлімет берілген. Сарапшылардың дерегіне қарағанда, Қазақстанның климаты жыл өткен сайын жылынып барады. 1960 жылдардан бастап әрбір келесі онжылдық алдыңғыдан ыстық болып келеді. 2016-2025 жылдар аралығындағы орташа температура +7,11 градусқа жетіп, қалыпты деңгейден 0,83 градусқа жоғары болды. Әсіресе 2021-2025 жылдар кезеңі ел тарихындағы ең жылы бесжылдыққа айналды. Осы кезеңдегі орташа температура +7,55 градусты құрады. XXI ғасырда жылыну үдерісі тіпті қарқын…