Автор: Лейла Болтаева

Алматыда 2026 жылғы көктемгі әскерге шақыру науқаны аясында шамамен 2 мың азамат мерзімді әскери қызметке жіберіледі. Бұл жөнінде қалалық әскери қауіпсіздік және қорғаныс мәселелері жөніндегі әкім көмекшісі Ержан Рымбек Өңірлік коммуникациялар қызметінде өткен брифингте мәлімдеді, деп жазады Ertenmedia.kz. Оның айтуынша, көктемгі шақыру Президент Жарлығы мен әкімдік қаулысына сәйкес 1 наурызда басталған. Қала бойынша биылғы жоспар осы мерзімде шамамен екі мың жасты әскер қатарына жөнелтуді көздейді. Өткен жылы Алматыдан 3547 адам әскери міндетін өтеуге аттанған. Соның 1972-сі Қарулы күштер қатарына жіберілген. 997 адам Ішкі істер министрлігінің Ұлттық ұланына, 467 адам ҰҚК Шекара қызметіне, 63 адам Мемлекеттік күзет қызметіне, 48 адам Төтенше…

Ақтауда футзалдан Қазақстан құрамасы Әзербайжанмен өткізген екі жолдастық матчта да ірі жеңіске жетіп, алдағы әлем чемпионатының іріктеу кезеңіне тың дайындықпен келе жатқанын көрсетті, деп жазады Ertenmedia.kz. Кездесулер ұлттық команданың жаңа бас бапкері Рикардо Камара Собрал, яғни Какаудың жетекшілігімен өткен оқу-жаттығу жиыны аясында ұйымдастырылды. Ақтаудың географиялық тұрғыдан қолайлы орналасуы мен командаға толыққанды жаттығу өткізуге ыңғайлы жағдай жасауы осы қаланы ойын алаңы ретінде таңдауға негіз болған. Қазақстан мен Әзербайжан футбол федерациялары арасындағы өзара ынтымақтастық та осы матчтардың өтуіне жол ашты. Екі ойын да көрермен үшін тартысты өтті. Соған қарамастан Қазақстан құрамасы алаңдағы басымдықты бірден өз қолына алып, жылдамдық, тактикалық тәртіп және командалық…

Жапониядағы өндірістік тәртіп пен үздіксіз жетілдіру мәдениеті Toyota-ны 300 мың мильге, яғни шамамен 482 мың шақырымға дейін жүре алатын көлік шығаратын бренд ретінде танытты, деп жазады Ertenmedia.kz. Toyota ұзақ уақыт бойы сенімді әрі төзімді автомобиль жасайтын компания ретінде бағаланып келді. Соңғы кезеңде i-FORCE қозғалтқышына қатысты мәселе мен bZ4X электр моделінің төңірегіндегі сын сол беделге аздап көлеңке түсірді. Соған қарамастан, 300 мың миль шегінен асқан немесе сондай ресурсқа жақындаған көліктің басым бөлігінде әлі де Toyota эмблемасы тұр. Мұндай атақ бір күнде қалыптаспайды. Әуелі қате жасалады, кейін одан сабақ алынады, одан соң процесс қайта қаралады. Осы айналым тоқтамай жалғасады. Жапон тіліндегі «кайдзен»…

Жеке деректің интернетке жайылып кетуі қазір көзге көрінбейтін, бірақ күн сайын күшейіп бара жатқан қауіптің бірі. Көп адам алаяқтық, спам, фишинг немесе бейтаныс нөмірлерден толассыз қоңырау неге көбейіп кеткенін түсінбей жүреді, деп жазады Ertenmedia.kz. Ал мәселенің түбі көп жағдайда дерек сатумен айналысатын арнайы сайттар мен компанияларға барып тіреледі. Олар адамның аты-жөнін, телефон нөмірін, электронды поштасын, үй мен жұмыс мекенжайын, кейде тіпті анағұрлым сезімтал мәліметтерді де жинап, оны үшінші тарапқа сатып отырады. Сырттай қарағанда мұнда тұрған ештеңе жоқ сияқты көрінуі мүмкін. Өйткені ақпараттың бір бөлігі ашық дереккөзде жүреді. Бірақ қатер де дәл осы жерде басталады. Алаяқ пен спамер әр адамның мәліметін…

Алматылық желі қолданушысы Роза Есенқұлова электромобиль ұстауға кететін нақты шығынды жариялап, оны бензинмен жүретін көлікпен салыстырды, деп жазады Ertenmedia.kz. Оның айтуынша, электрокөлік айына шамамен үш рет қуатталады. Әр қуаттау 4-4,5 мың теңгеге түседі. Осылайша жылдық зарядтау шығыны 162 мың теңгеге жетеді. Оған сауда орталықтарындағы автотұраққа 24 мың теңге, көлік жууға 70 мың теңге қосылады. Роза Есенқұлованың есебінше, мұның жиынтық көлемі жылына 256 мың теңге шамасында. Күніне шаққанда шамамен 700 теңге шығады. Одан бөлек, көлікті мобильді қосымша арқылы басқару үшін ай сайын шамамен 5 мың теңге байланысқа жұмсалады. Яғни электромобиль иесі үшін негізгі тұрақты шығын зарядтау, жуу және кейбір қосымша цифрлық…

Маңғыстау облысы әкімі Нұрдәулет Қилыбай экономиканы әртараптандыру мен халықтың әл-ауқатын нақты көтеру бойынша Қоғамдық кеңес мүшелерімен есептік кездесу өткізіп, өңірдің 2025 жылғы әлеуметтік-экономикалық даму қорытындыларын таныстырды, деп жазады Ertenmedia.kz. Жиында алдағы кезеңге арналған негізгі басымдықтар да айқындалды. Әкімнің айтуынша, өткен жылы облыс экономикасында тұрақты оң серпін сақталған. Өнеркәсіп, инвестиция, құрылыс, көлік және сауда салаларында өсім байқалған. Сонымен бірге өңір экономикасының мұнай-газ бен тау-кен секторына тәуелділігі әлі де жоғары екені ашық айтылды. Осы жағдай Маңғыстау үшін жаңа өсім нүктесін табу мәселесін алдыңғы орынға шығарып отыр. Нұрдәулет Қилыбайдың сөзінше, ендігі міндет қолдағы қарқынды сақтап қалумен шектелмейді. Негізгі мақсат – шикізатқа сүйенген модельден біртіндеп шығып,…

Көктем келісімен Қазақстан қалаларында сирень гүлі қайта жайқалып, жылда қайталанатын түйткілді мәселе алдымыздан шығады, деп жазады Ertenmedia.kz. Биыл Алматыда сирень ерте гүлдеді. Артынша әлеуметтік желіде сынған бұтақ, жұлынған гүл, жұлынып кеткен түп туралы жазбалар көбейіп жатыр. Қала тұрғыны аулаға, тұрғын үй кешеніне, тіпті өз қолымен еккен бөртегүлдің де аман қалмай жатқанын айтып шағымданды. Бірі “көріп тамсанатын гүл еді” десе, енді бірі “бір адам бір бұтадан құшақ-құшақ гүл алып кетеді” деп наразы болды. Жекеменшік үй иелері де осындай жағдайды айтып отыр. Кей аулада бөртегүл толық ашылмай жатып үзіліп кететін көрінеді. Көпшілік қоғамдық жерде өскен бөртегүлді жұлу жауапкершілікке тартыла ма деген сұрақ…

Банк ЦентрКредиттің PR және бизнесті дамыту жөніндегі директоры Сәкен Нигмашев Қазақстандағы Бірыңғай QR эквайрингі нарығындағы күш арақатынасын ашық сипаттады, деп жазады Ertenmedia.kz. Ол LinkedIn-дегі жазбасында қазір Банк ЦентрКредит Бірыңғай QR арқылы өтетін эквайринг нарығының 60-70 пайызын бақылап отырғанын мәлімдеді. Қалған екінші деңгейлі банктер жүйеге қосылғанымен, олардың үлесі әзірге төмен. Нигмашев мұны техникалық іске асыру тәсілдерінің әртүрлі болуымен байланыстырған. Жарияланған мәліметке қарағанда, 2026 жылдың жазында жүйе жаңартылуы керек. Сол жаңартудан кейін өзге банктер де толыққанды қосыла алады деген жоспар бар. Егер солай болса, Бірыңғай QR инфрақұрылымындағы бір банктің басымдығы әлсіреп, нарықтағы тепе-теңдік өзгере бастайды. Қазір Бірыңғай QR арқылы төлем қабылдайтын кәсіпкер,…

Саясаткер Мұхтар Тайжан әлеуметтік желідегі жазбасында Ұлыбритания ұлының инженерлік еңбегі жоғары бағаланғанын айтты. Санжар Тайжан негізін қалаған TaiSan компаниясы Ұлыбритания үкіметінің DRIVE35 бағдарламасы аясында шамамен 1 млн фунт стерлингтік жобаға гранттық қолдау алған. Жоба Centre for Process Innovation ұйымымен бірге жүзеге асады, деп жазады Ertenmedia.kz. TaiSan мен оның серіктесі электролит пен батарея ұяшығын автоматтандырылған түрде өндіру бағытын дамытпақ. Мақсат – жаңа буын батарея технологиясын өндірістік деңгейге тезірек шығару, сапаны тұрақтандыру, ауқымды өндірісті жеңілдету. Компанияның өз түсіндіруінше, жоба Ұлыбританияның нөлдік эмиссиялы көлікке көшу жолындағы батарея тізбегін күшейтуге қызмет етеді. DRIVE35 бағдарламасының өзі Department for Business and Trade, Advanced Propulsion Centre UK және Innovate…

Көп жүргізуші кондиционер қосылса, қозғалтқышқа күш түсіп, көлік көбірек отын жағады деп ойлайды. Мұнда шындықтың бір бөлігі бар. Расында, кондиционер жұмыс істегенде қозғалтқышқа қосымша жүк түседі. Бірақ одан бірден «кондиционерді қоспау әрқашан тиімді» деген қорытынды жасау орынсыз, деп жазады Ertenmedia.kz. Мәселе көліктің қандай жағдайда жүріп келе жатқанына байланысты. Жылдамдық төмен кезде, әсіресе қала ішінде жүргенде, кей жағдайда терезені ашып жүру жанармай жағынан тиімдірек болуы мүмкін. Ал жоғары жылдамдықта жағдай өзгереді. Өйткені терезе ашық болса, ауа кедергісі қатты артады. Сол себепті трассада кей жағдайда кондиционер қосып, терезені жауып жүрген тиімдірек болып шығуы мүмкін. АҚШ Энергетика министрлігінің зерттеуінде осы айырма нақты көрсетілген.…