Автор: Асылхан Бөрібай

Бас аудитор Әлихан Смайылов олигархтарға жеңілдетілген кредит беру практикасын сынға алғалы, оған қарсы ақпараттық шабуыл басталған деп хабарлайды Ertenmedia.kz. Dalainside телеграм арнасының мәліметінше ескі олигархтар биылғы мамыр айынан бері «Өзге Қазақстан» атты бейресми жасырын ұйым құрып, бір жерге топтаса бастаған. Өздерінің идеологтары бар және олар 2029 жылғы президент сайлауына тыңғылықты дайындық жасап, жоспар әзірлеуде. «Әлихан Смайыловтың олигархтарға қаржыландыру беріп отырған Қазақстан Даму банкінің жұмысына араласа бастауы олардың ашуын туғызып отыр. Сондықтан олигархат түрлі ақпараттық шабуылдар арқылы Әлихан Асханұлына «аяғыңды тарт» деген сигнал бергісі келеді», — дейді арна дереккөзі. Арна мәліметінше, соңғы уақытта «Өзге Қазақстан» ірі кәсіпорындардағы кәсіподақтармен астыртын байланысын күшейтуде. Олар…

Бұрынғы ішкі істер министрі Ерлан Тұрғымбаев жазасын қалай өтеп жатқаны белгілі болды, — деп хабарлайды ErtenMedia.kz Tengrinews.kz-ке сілтеп. Тамызда сот Тұрғымбаевқа лауазымдық өкілетін асыра пайдаланғаны үшін шартты түрде 5 жылға үкім шығарды. Астана қаласының қылмыстық істер жөніндегі ауданаралық сотының үкімі 2024 жылғы 26 тамызда заңды күшіне енді, оған шағым түспеген. «Сот үкімімен пробациялық бақылау белгіленді, оны уәкілетті мемлекеттік орган тұрғылықты жері бойынша пробация қызметі арқылы жүзеге асырады», – деп жазылған сот мәліметінде. Пробациялық бақылау қағидалары бойынша Тұрғымбаевтың уәкілетті мемлекеттік органға хабарламай, тұрақты тұрғылықты жерін немесе жұмысын өзгертуге құқығы жоқ. Сотта «экс министр арнайы білезік таға ма» деген сұраққа да жауап…

Бұрынғы президент Нұрсұлтан Назарбаевтың інісі Болат Назарбаевтың Нью-Йорктегі пәтері 1,995 миллион долларға сатылымға шығарылды. Мұны жергілікті жылжымайтын мүлік агрегаторларының мәліметтері айғақтайды. Әңгіме Wall Street 55 мекен жайында орналасқан үйдегі пәтер туралы болып отыр. Пәтер — Болат Назарбаевтың бүгінгі күні белгілі болып отырған Америкадағы соңғы жылжымайтын мүлігі. Бұл туралы «Выход к морю» арнасы жазды, — деп хабарлайды ErtenMedia.kz. Арна мәліметінше, бір кездері Нью-Йорк қор биржасы, кеден және Citibank кеңселері Wall Street 55 мекен жайында орналасқан еді. Иелері ғимаратты кондоминиумға айналдырмас бұрын мұнда зәулім қонақүй болған. 2006 жылғы соңғы жөндеуден кейінгі алғашқы пәтер сатып алушылар қатарында актер Мики Рурк пен супермодель Наоми…

Премьер-министрдің орынбасары Қанат Бозымбаев өзіне сұрақ қойған журналиске кеңес берді, — деп хабарлайды ErtenMedia.kz. Үкіметтің баспасөз орталығында Бозымбаевқа БАҚ өкілі тарапынан сұрақ қойылды. «Бұған дейін сіз премьер-министр болады деген әңгіме көп айтылды. Бұл туралы сіз не ойлайсыз?» — деді журналист. Бозымбаев сұраққа жауап бермей, кеңес берді. «Сізге бір кеңес берейін. Таңертең төсектен тұрғанда өсек тыңдамаңыз», – деді премьер-министрдің орынбасары. Айта кетейік, Қанат Бозымбаев биыл 31 наурызда премьер-министрдің орынбасары болып тағайындалды.

Қазақстандық кәсіпқой боксшы Жанқош Тұраров пен венесуэлалық Карреа Пинтоның 28 қыркүйекке жоспарланған жекпе-жегі шегерілді. Бұл туралы спортшы әлеуметтік желідегі парақшасында жазды, — деп хабарлайды ErtenMedia.kz. «Ассалаумағалейкүм, достар! 28 қыркүйекке жоспарланған жекпе-жегім оңжақ  иығымнан жарақат алуыма байланысты кейінге қалдырылды. Қай уақытта болатынын алдағы уақытта хабарлаймын», — деп жазды Жанқош Тұраров. Айта кетейік, бұған дейін БАҚ пен әлеуметтік желіде танымал қазақстандық боксшы Жанкош Тұраров «қыз зорлады» деген ақпарат тарап кетті. Мәселеге Алматы полициясы пікір білдірді. Полицияның мәліметінше, Алматы қаласы Әуезов ауданының Полиция департаменті қылмыстық іс қозғаған. «Сот-медициналық сараптама тағайындалды. Қазір оқиғаның мән-жайын анықтау үшін тергеу жалғасып жатыр», — деп жазылған хабарлама.

Kazakhstan Growth Forum алаңында кезекті рет Қазақстанның іскерлік элитасы бас қосып, елдің кәсіпкерлікке тартымдылығы, экономикалық өсім және компаниялардың бетпе-бет келіп отырған қиындықтары талқыланды, — деп хабарлайды ErtenMedia.kz. Панельдік сессиялардың бірі Қазақстанның 2029 жылға дейін ЖІӨ-ні екі еселеу мүмкіндігіне арналды. «РАКУРС» экономикалық талдау орталығының директоры Ораз Жандосов бұл межеге қол жеткізу қиын деп санайды, себебі қазіргі инфляция деңгейі мен экономикалық үрдістер бұл мақсатқа жетуге кедергі болмақ. «Егер қандай да бір керемет өзгеріс болса, Қазақстанның қазіргі ресурстарын ескеріп, ЖІӨ-ні екі есе арттыру ықтимал болар еді. Бірақ бүгінгі жағдайға қарасақ, менің ойымша, бұл қолжетімсіз болып тұр», – деп түсіндірді экономист. Aitas Group агрохолдингінің…

Қазақстан Қарулы күштерінде ауыс-түйіс болды, — деп хабарлайды ErtenMedia.kz. «Мемлекет басшысының өкімімен Қайрат Сапарбекұлы Дәуітов Қазақстан Республикасы Қарулы Күштері Әуе қорғанысы күштері Әуе шабуылына қарсы қорғаныс әскерлерінің қолбасшысы лауазымына тағайындалды», — деп жазылған хабарламада. Ал Нұртас Дәулетұлы Қабақов Қазақстан Республикасы Қарулы Күштері Әуе қорғанысы күштері Әуе шабуылына қарсы қорғаныс әскерлерінің қолбасшысы лауазымынан босатылды.

Жамбыл облысындағы «Алтыналмас» компаниясының шахтасында тау жынысы құлап, жұмысшы көз жұмды, деп хабарлайды Ertenmedia.kz. Трагедия 18 қыркүйек күні тіркелген. Бүгін ғана компанияның қызметкері жерасты тау-кен жұмыстарында слесарь болып істейтін азаматтың апат салдарынан аман қалмағаны белгілі болды. Айта кетейік, «Алтыналмас» АҚ-ның негізгі акционерлері қатарында кәсіпкер Владимир Жұманбаев пен Нидерландыда тіркелген Gouden Reserves B.V. компаниясы бар. Forbes журналының тізімінде Жұманбаев Қазақстанның ең ауқатты кәсіпкерлерінің ішінде 25-ші орында тұр. Осы жазда Владимир Жұманбаевтың есімі Қырғызстандағы атышулы «Бауырластар шеңбері» қылмыстық тобын қаржыландырды деген күдікке байланысты халықаралық іздеуге енгізіліп, кейін ол тізімнен шығарылған болатын. Қазір бұл оқиғаға қатысты тергеу жүріп жатыр. Соңғы кезде қазақстандық миллиардерге…

Алматыда көпқабатты үйлердің бірінен 18 жастағы жігіт секіріп өлді. Марқұмның мұндай қадамға баруына не түрткі болғаны әзірше белгісіз, — деп хабарлайды ErtenMedia.kz «КТК» телеарнасына сілтеп. «Өзіне қол салды» делінген Ұлттық қауіпсіздік комитеті Шекара академиясының курсантының қазасына қатысты да тергеу жүріп жатыр. Қайғылы жағдай оқу орнына жақын, яғни Достық даңғылындағы тұрғын үй кешендерінің бірінде болған. Академия қайғылы жағдайға қатысты ақпарат бермеді. Ал полиция бұл оқиға бойынша қылмыстық іс қозғап, тергеп-тексере бастаған. «Бұл дерек бойынша Медеу ауданының полиция басқармасы қылмыстық іс қозғады. Оқиғаның себебі мен мән-жайы анықталып жатыр», — деп жазылған ПД хабарламасында.

Президенттің өкімімен ҰҚК-да ауыс-түйіс болды, — деп хабарлайды ErtenMedia.kz. Мемлекет басшысының өкімімен Марат Қабиденұлы Жұмабаев Қазақстан Республикасы Ұлттық қауіпсіздік комитеті Төрағасының орынбасары – Сыртқы барлау қызметінің директоры лауазымына тағайындалды. Мемлекет басшысының өкімімен Алмас Тілепбергенұлы Наймантаев Қазақстан Республикасы Ұлттық қауіпсіздік комитеті Төрағасының орынбасары лауазымына тағайындалды. Мемлекет басшысының өкімімен Бақытбек Жамалбекұлы Қосжанов Қазақстан Республикасы Ұлттық қауіпсіздік комитеті Төрағасының орынбасары лауазымынан босатылды.