Автор: Лейла Болтаева

Мұнай нарығындағы құбылысқа қарамастан, теңге долларға шаққанда айтарлықтай әлсіреген жоқ, деп жазады Ertenmedia.kz. Қазақстан қаржыгерлері қауымдастығы теңгенің тұрақтылығын ішкі валюта нарығындағы сұраныс пен ұсыныс теңгерімімен түсіндірді. Сарапшылардың пікірінше, ірі нарық қатысушылары шетел валютасын сатып алу көлемін азайтқан болуы мүмкін. Бұған импорттық келісімшарттар бойынша төлемдер мен сыртқы міндеттемелерді өтеу қажеттігінің алдын ала жабылуы әсер еткен. KASE-дегі соңғы сауда қорытындысы бойынша доллар бағамы 487,73 теңгеге дейін төмендеді. Сауда көлемі 309,8 миллион доллар болды. Бұл алдыңғы көрсеткіштен 131,7 миллион долларға аз. Қауымдастық сарапшылары мұнай нарығындағы құбылмалылық жағдайында теңгенің мұндай орнықтылығын ерекше атап өтті. Олардың пайымынша, нарықта шетел валютасының жеткілікті ұсынысы сақталып отыр. Осы…

iPhone 18 Pro смартфондары Apple тарихындағы ең қымбат модельдердің біріне айналуы мүмкін, деп жазады Ertenmedia.kz. Сарапшылар жаңа линейка бағасының өсуін камера модульдері мен жад компоненттерінің қымбаттауымен байланыстырып отыр. The Wall Street Journal дерегінше, Apple өндіріс шығыны артқандықтан, болашақ iPhone 18 Pro бағасын қайта қарауы ықтимал. Болжам бойынша, iPhone 18 Pro базалық нұсқасы 1300-1400 доллар аралығында сатылуы мүмкін. Теңгеге шаққанда шамамен 676-728 мың теңге болады. Қазіргі iPhone 17 Pro бағасы 1100 доллардан басталатынын ескерсек, жаңа модель сатып алушылар үшін 200-300 долларға қымбат болуы ықтимал. Ixbt мәліметінше, бағаның өсуіне Apple-дің тек табысты көбейту ниеті емес, өндірістік шығынның артуы әсер етіп отыр. Бұған…

Қазақстанда шілде айында аптап ыстық күшейіп, кей өңірлерде ауа температурасы +50 градусқа дейін жетуі мүмкін, деп жазады Ertenmedia.kz. «Қазгидромет» РМК синоптиктері 2026 жылғы шілде айына арналған консультациялық ауа райы болжамын жариялады. Мамандардың мәліметінше, шілде Қазақстанда жылдың ең ыстық айы болып қала береді. Елдің солтүстік және шығыс өңірлерінде орташа ауа температурасы +18…+23 градус шамасында болады. Ал оңтүстік аймақтарда орташа температура +28…+30 градусқа дейін көтеріледі. Жекелеген күндері солтүстік пен шығыста қатты ыстық күтіледі. Бұл өңірлерде ауа температурасы +42…+43 градусқа дейін жетуі мүмкін. Орталық, батыс және оңтүстік-шығыс аймақтарда сынап бағанасы +47…+48 градусқа дейін көтеріледі. Ал елдің оңтүстігінде аптап ыстық +50 градусқа дейін баруы…

Қазақстанда халықаралық автотасымал саласына бақылауды күшейтетін жаңа өзгерістер жобасы талқылауға шығарылды, деп жазады Ertenmedia.kz. ҚР Қаржы министрлігі мемлекеттік кірістер органдарының лауазымды тұлғалары Еуразиялық экономикалық одақтың кедендік шекарасындағы автомобиль өткізу пункттерінде көліктік бақылауды қалай жүргізетініне қатысты қағидаларға өзгеріс енгізуді ұсынды. Жоба 2026 жылғы 2 шілдеге дейін қоғамдық талқылауда болады. Құжат «Ашық НҚА» порталында жарияланған. Азаматтар мен бизнес өкілдері осы уақытқа дейін өз ұсынысы мен ескертпесін қалдыра алады. Министрліктің түсіндіруінше, өзгерістер халықаралық автомобиль тасымалдары кезінде рұқсат беру жүйесіне бақылауды кеңейтуге бағытталған. Әсіресе кедендік транзит рәсімі аяқталған соң тауар жеткізілетін орындардағы бақылау күшейтілмек. Жаңа тәртіп халықаралық тасымалдағы заң бұзушылықтарды тиімді анықтауға мүмкіндік береді.…

Жұма, 19 маусымда Қазақстанның бірқатар өңірінде жаңбыр жауып, найзағай ойнайды, кей аймақта аптап ыстық сақталады, деп жазады Ertenmedia.kz. «Қазгидромет» мәліметінше, Астанада күн құбылмалы бұлтты болады. Жаңбыр жауып, найзағай ойнайды. Жел секундына 7-12 метр, күндіз екпіні 15 метрге дейін күшейеді. Ауа температурасы түнде +17…+19 градус, күндіз +33…+35 градус болады. Алматыда күн бұлтты. Жаңбыр мен найзағай күтіледі. Жел секундына 3-8 метр, екпіні 13 метрге дейін жетеді. Түнде +20…+22 градус, күндіз +31…+33 градус жылы. Шымкентте де жаңбыр жауып, найзағай ойнайды. Жел секундына 8-13 метр, екпіні 15-20 метрге дейін күшеюі мүмкін. Түнде +16…+18 градус, күндіз +33…+35 градус ыстық болады. Ақтауда күн құбылмалы бұлтты, жауын-шашынсыз.…

Алматы облысында Медицина қызметкерлері күні аталып өтіп, өңірдегі жедел жәрдем қызметіне 70 жаңа санитариялық автокөлік табысталды, деп жазады Ertenmedia.kz. Іле ауданында өткен салтанатты шараға Алматы облысының әкімі Марат Сұлтанғазиев қатысты. Өңір басшысы денсаулық сақтау саласына еңбек сіңірген мамандарды құттықтап, медициналық мекемелерге жаңа көліктердің кілтін тапсырды. Алматы облысында денсаулық сақтау жүйесінің материалдық-техникалық базасын нығайту жұмысы жалғасып жатыр. «Ауылдық денсаулық сақтауды жаңғырту» ұлттық жобасы аясында өткен жылы жалпы құны 8,3 миллиард теңге болатын 38 медициналық нысан пайдалануға берілді. Оның ішінде 15 дәрігерлік амбулатория, 12 фельдшерлік-акушерлік пункт және 11 медициналық пункт бар. Медициналық ұйымдарды заманауи техникамен жабдықтауға 6 миллиард теңгеден астам қаржы бөлінді.…

Бергей Рысқалиевке қатысты тәркіленген мүлікті қайтару мәселесі ескі саяси жараның қайта ашылғанын көрсетті, деп жазады Ertenmedia.kz. Журналист Бақытжан Қосбармақов осы тақырыпқа қатысты жазбасында Бас прокуратураның кассациялық шағымы қоғамда түрлі болжамға жол ашқанын айтады. Оның сөзінше, бір тарап мұны бұрынғы президент Нұрсұлтан Назарбаевтың айналасына қатысты компроматпен байланыстырса, енді біреулер Жаңаөзен оқиғасына қатысты құпия дерек болуы мүмкін деген нұсқаны алға тартады. Автор мұндай болжамдардың толық негізсіз емес екенін айта отырып, мәселенің түп-тамырын басқа жерден іздейді. Қосбармақовтың пайымынша, Назарбаевты жеке өміріне немесе отбасына қатысты ақпаратпен қорқыту қиын. Өйткені бұған дейін де оның айналасына қатысты талай дау, кітап, аудиожазба, саяси мәлімдеме жарияланды. Соның ешбірі…

Маңғыстау облысында білім беру саласына еңбегі сіңген ұстаздар мен ардагерлерге мемлекеттік наградалар табысталды, деп жазады Ertenmedia.kz. 18 маусымда Ақтауда Қазақстан Республикасының мемлекеттік наградаларын тапсыру рәсімі өтті. Президент Қасым-Жомарт Тоқаевтың Жарлығына сәйкес өңірдегі ұстаздар мен білім саласының ардагерлері марапатталды. Марапат білім беру саласын дамытуға қосқан үлесі және ел алдындағы еңбегі үшін берілді. Салтанатты шараға Маңғыстау облысының әкімі Нұрдәулет Қилыбай қатысты. Маңғыстау ауданының білім беру саласының ардагері Жанат Керелбаева мен Қарақия ауданындағы №8 жалпы білім беру мектебінің тарих және құқық пәні мұғалімі Балқия Бижанова «Құрмет» орденімен марапатталды. Ақтау қаласындағы Ибаш Жанболатова атындағы №15 мектеп-гимназиясының биология пәні мұғалімі Марал Жұмағұлова марапатталды. Сол сиықты…

Қазақстанды «айыппұлстан» деп атау шындыққа сай келмейді. Мәжіліс депутаты Снежанна Имашеваның айтуынша, елдегі әкімшілік айыппұл көлемі де, саны да өзге мемлекеттермен салыстырғанда шамадан тыс көп емес. Оның пікірінше, айыппұлдың мақсаты азаматты жазалау емес, қоғамда тәртіп орнату және құқық бұзушылықтың алдын алу, деп жазады Ertenmedia.kz. Депутат Қазақстандағы әкімшілік санкциялар үнемі талданып отыратынын айтты. Егер белгілі бір құқық бұзушылық азайса, айыппұл мөлшері төмендетілуі мүмкін. Ал заң бұзу көбейсе, жауапкершілік күшейтіледі. Яғни айыппұл жүйесі жазалау құралы емес, мінез-құлықты өзгертуге арналған құқықтық тетік ретінде қаралады. Имашева өзге елдердегі тәжірибені де мысалға келтірді. Оның айтуынша, Сингапурда қоғамдық орында түкірген адамға 1 мың сингапур доллары көлемінде…

Қазақстанда алғаш рет әкімшілік амнистия жүргізіліп, 1 миллионнан астам іс бойынша шамамен 23 миллиард теңге айыппұл есептен шығарылуы мүмкін, деп жазады Ertenmedia.kz. Мәжіліс депутаты Снежанна Имашеваның айтуынша, әкімшілік амнистия ел тәжірибесінде бұрын қолданылмаған жаңа құқықтық тетік саналады. Заңда мұндай мүмкіндік болғанымен, іс жүзінде алғаш рет іске асырылғалы отыр. Құжатпен жұмыс Президент тапсырмасынан кейін басталған. Депутаттың мәліметінше, амнистия 100 мыңнан астам адамға, 1 миллионнан көп әкімшілік іске және 23 миллиард теңгеге жуық айыппұлға қатысты болады. Соның 17 миллиард теңгесі Ішкі істер министрлігі салған айыппұлдарға тиесілі. Қалғаны Төтенше жағдайлар министрлігі, әкімдіктер және өзге де мемлекеттік органдар шығарған әкімшілік жазаларға байланысты. Амнистияға негізінен…