Автор: Лейла Болтаева

Үкімет резервінен Ақтөбеде 35 мың көрерменге арналған жаңа футбол стадионын салуға 6,5 миллиард теңге бөлінді. Заманауи арена 2028 жылдың қыркүйегінде пайдалануға беріледі, – деп жазады Ertenmedia.kz. Жоба Мемлекет басшысы Қасым-Жомарт Тоқаевтың 2025 жылы Ұлттық құрылтайдың төртінші отырысында берген тапсырмасы аясында жүзеге асырылады. Президент елдегі футболды дамытып, өңірлердегі спорт инфрақұрылымын жаңғыртуды тапсырған болатын. Жаңа стадион осы жұмыстың Ақтөбе облысындағы ірі бөлігіне айналмақ. Спорт кешені қаланың батыс бөлігіндегі 25 гектар аумақта салынып жатыр. Оның сыйымдылығы 35 мың көрерменге дейін жетеді. Мұнда кәсіби командалармен бірге жас футболшыларды даярлауға қажетті жағдай жасалады. Стадион Еуропалық футбол қауымдастықтары одағының төртінші деңгейіне қойылатын талаптарға сәйкес жобаланған. Жалпы…

Ілияс Жансүгіров атындағы Жетісу университеті АҚШ Мемлекеттік департаментінің қолдауымен екі халықаралық білім беру жобасын іске қосты. Бағдарламалар студенттердің ағылшын тілін жетілдіріп, оқытушылардың кәсіби тәжірибесін кеңейтуге бағытталған, – деп жазады Ertenmedia.kz. Университетке АҚШ-тың Алматыдағы Бас консулдығының делегациясы келді. Құрамында Қоғаммен байланыс жөніндегі Бас консул орынбасары Джефф Райденур, American Spaces бағдарламасының үйлестірушісі Тимур Сулбаев және Fulbright бағдарламасының қатысушысы Алессандра Кабрера болды. Делегация университет басшылығымен кездесіп, алдағы бірлескен жұмысты талқылады. Ынтымақтастықтың негізгі бағыты English Language Fellow Program бағдарламасына қатысуға байланысты. Жоба АҚШ Мемлекеттік департаментінің қолдауымен және Джорджтаун университетімен серіктестікте жүзеге асырылады. Конкурстық іріктеуден сәтті өткен Жетісу университеті жаңа оқу жылында америкалық маманды қабылдау…

Алматыда газ тартылған аудандардағы үйлер мен моншаларды көмірмен, ағашпен және сұйық отынмен жылытуға тыйым салынады. Атмосфералық ауаны қорғауға арналған жаңа талаптар 2026 жылғы 30 желтоқсанда күшіне енеді, – деп жазады Ertenmedia.kz. Қала әкімдігінің Krisha.kz редакциясына берген жауабына қарағанда, шектеу бүкіл Алматыға бірден енгізілмейді. Жаңа ереже алдымен пилоттық аймақта сынақтан өтеді. Кейін оның аумағы кезең-кезеңімен кеңейтіледі. Алғашқы аймақ төрт ірі көшемен шектелген. Оның оңтүстік шекарасы Бөгенбай батыр көшесімен, шығысы Желтоқсан көшесімен белгіленеді. Солтүстіктен Абай даңғылы, батыстан Достық даңғылы қамтылады. Ереже газға қосылуға мүмкіндік бар аумақта орналасқан тұрғын үйлер мен моншаларға қатысты. Мұндай нысандарды жылыту үшін көмір, отын және сұйық отын қолдануға…

Астанада «Таза Қазақстан» акциясы аясында кәсіпкерлерді қаланы абаттандыру мен көгалдандыруға тарту жұмысы жалғасты. Елордалық кәсіпкер өз нысанының маңына ағаш отырғызып, айналасын таза ұстауға жауапты екенін көрсетті, – деп жазады Ertenmedia.kz. Кезекті шара Жеңіс көшесінде орналасқан грузин мейрамханасының жанында өтті. Кәсіпкер Исадин Азаматов мейрамханаға іргелес аумаққа бірнеше ағаш көшетін отырғызды. Ол алдағы уақытта жасыл желекті күтіп-баптап, аумақтың тазалығы мен көркіне жауапкершілікпен қарайтынын айтты. Акция кезінде кәсіпкерге нысанның айналасын күтіп ұстауға арналған маусымдық түбіртек-парақ табысталды. Құжатта аумақты уақытында тазалау, ағашты күту және тәртіпті сақтау жөніндегі негізгі ұсынымдар жазылған. Мұндай тәсіл кәсіпкердің жауапкершілігін бір күндік сенбілікпен шектемей, тұрақты міндетке айналдыруды көздейді. «Мейрамханамыздың айналасын…

Самар ауданындағы медициналық ұйымдар алдағы екі жылда кезең-кезеңімен жаңартылып, ауыл тұрғындарына көрсетілетін көмектің сапасы артады. Мемлекеттік қолдау мен бизнестің әлеуметтік инвестициясы аудан медицинасын жаңа деңгейге көтеруге бағытталып отыр, – деп жазады Ertenmedia.kz. Шығыс Қазақстанда ауыл тұрғындарына сапалы медициналық қызметті қолжетімді ету бағытындағы жұмыс жалғасып келеді. Президент Қасым-Жомарт Тоқаевтың тапсырмасына сәйкес, елді мекендердегі әлеуметтік инфрақұрылымды жаңғыртып, халыққа қаладағыдай жағдай жасауға басымдық берілген. Осы міндет Самар ауданында мемлекет пен бизнестің бірлескен жобалары арқылы жүзеге асырыла бастады. Алдағы екі жыл ішінде аудандық орталық аурухана толық қайта жаңғыртылады. Фельдшерлік-акушерлік және медициналық пункттер де кезекпен жөндеуден өтеді. Ғимараттармен бірге инженерлік инфрақұрылым жаңартылып, медициналық бөлімшелер заманауи…

Сот шешімімен белгіленген қарызын ұзақ уақыт төлемей жүру банктегі ақшадан да, мүліктен де айырылуға әкелуі мүмкін. Кей жағдайда борышкер әкімшілік немесе қылмыстық жауапқа тартылады, – деп жазады Ertenmedia.kz. Атқарушылық құжаттағы талап орындалмаса, сот орындаушысы борышкердің банк шотындағы ақшаға тыйым салуға құқылы. Оның атына тіркелген үйге, көлікке немесе басқа мүлікке ауыртпалық қойылуы ықтимал. Қарызды өтейтін қаражат табылмаса, заңда көзделген мүлік тәркіленіп, аукцион арқылы сатылуы мүмкін. Түскен ақша берешекті жабуға жұмсалады. Дегенмен қарыздың болуы адам бірден қылмыстық жауапқа тартылады деген сөз емес. Мұндай шара сот актісін әдейі және ұзақ уақыт орындамағаны дәлелденген жағдайда қолданылады. Алимент төлемейтіндерге талап қатаңырақ. Берешек екі айдан асса,…

Семейде ескі автогуж көпірінің жанынан салынып жатқан жаңа көлік өткелінің құрылысы 85 пайызға аяқталды. Құны 47,3 млрд теңге болатын төрт жолақты көпір арқылы қозғалысты биыл іске қосу жоспарланып отыр, – деп жазады Ertenmedia.kz. Абай облысының әкімі Берік Уәли құрылыс алаңына барып, жұмыс барысын тексерді. Аймақ басшысына нысанның қазіргі жағдайы мен алдағы міндеттер жөнінде есеп берілді. Көпір Мемлекет басшысының тапсырмасымен салынып жатыр. Жаңа өткелдің ұзындығы 810 метрді, ені 23 метрді құрайды. Көпір төрт жолақты көлік қозғалысына есептелген. Нысан іске қосылғанда Ертістің екі жағалауы арасындағы қатынас жақсарып, қала көшелеріндегі жүктеме азаюға тиіс. Жоба аясында тоғыз негізгі тірек орнату көзделген. Қазіргі уақытта соның…

Жетісу облысында Талдықорған мен Үштөбе қалаларын байланыстыратын 42 шақырымдық автожолды жөндеу жұмысы жоспардан екі ай бұрын аяқталды. Жаңарған бағыт облыс орталығы мен Қаратал ауданы арасындағы қатынасты жеңілдетіп, өңірдің негізгі күрежолдар желісін толықтырды, – деп жазады Ertenmedia.kz. «Талдықорған — Үштөбе» жолы облыстық маңызы бар бағыттардың қатарына кіреді. Оны орташа жөндеуден өткізу жөніндегі тапсырманы облыс әкімі Бейбіт Исабаев өткен жылы Қаратал ауданы тұрғындарымен кездесуде берген. Жобаны іске асыруға облыстық бюджеттен қаражат бөлінді. Жөндеу жұмысы биыл мамыр айында басталған. Сараптама қорытындысы бойынша құрылыс 14 айға жоспарланып, қарашада аяқталуға тиіс еді. Жұмыс қарқынының нәтижесінде негізгі кезең қыркүйектің басында мәресіне жетті. Жолдың 27 шақырымы Жаңаталап…

Қазақстанның мұнай-газ саласында ширек ғасырдан астам уақыт бойы күшінде тұрған халықаралық келісімдердің мәресі біртіндеп жақындап келеді. Энергетика министрлігі ірі кен орындарын басқаратын шетелдік операторлар кеткен немесе келісім талаптары түбегейлі өзгерген жағдайда туындауы мүмкін кадр тапшылығының алдын алуға арналған жаңа тұжырымдаманы бекітті, – деп жазады Ertenmedia.kz. Тәуелсіздіктің алғашқы жылдарында Қазақстан өнімді бөлу және концессиялық келісімдер арқылы шетелдік инвесторларды мұнай-газ саласына кіргізді. Ол кезеңде елге капитал, технология және әлемдік нарыққа шығатын арна қажет еді. Енді кезінде экономиканы аяғынан тұрғызуға көмектескен шарттардың аяқталатын мерзімі күн тәртібіне шығып отыр. «Теңізшевройлмен» жасалған 40 жылдық келісім 2033 жылы мәресіне жетеді. Қарашығанақ жобасына қатысты келісімнің мерзімі 2038…

НАТО-ның Брюнсюмдегі біріккен күштер қолбасшылығы Түркияда жасалған ANKA III жауынгерлік дронын Альянстың қорғаныс әлеуетін күшейтетін технологиялардың қатарына қосты. Түрік қорғаныс өнеркәсібінің жаңа өнімі «NATO 3.0 іс жүзінде» деген бағамен таныстырылды, – деп жазады Ertenmedia.kz. Біріккен қолбасшылық ANKA III туралы жазбасын X әлеуметтік желісіндегі ресми парақшасында жариялады. Мәлімдемеде еуропалық одақтастар мен Канаданың ортақ қауіпсіздік жолындағы жауапкершілікті арттырып жатқаны айтылған. Түркияның жаңа буындағы әскери дроны сол өзгерістің нақты мысалы ретінде көрсетілді. ANKA III ұшу аппаратының радар экранында байқалуын барынша азайтатын технологиямен жасалған. Оны Түркияның TUSAŞ аэроғарыш компаниясы әзірледі. Ұшатын қанат үлгісіндегі құрылым қарсыластың әуе қорғанысы күшейтілген аймақта тапсырма орындауға бейімделген. Дрон жер…